聽日就燒咗佢間鋪 2020-4-3 18:11:27 可能D會幫佢再進化或者自己進化

:^(

墨說 2020-4-3 18:28:55 yes

:^(

墨說 2020-4-3 18:29:21 已經見番

:^(

墨說 2020-4-3 18:29:44 未派

:^(

稍等幾日

墨說 2020-4-3 18:37:59

０４

在眾目睽睽下，艾匡眨一眨眼，焦點便從昏暗的天花移開。

「唔該......」艾匡捉住那人伸出的手站起。她掃視六人一眼，都是三、四十餘歲的男人，但好像......不包括剛才單挑舌女的高手。

「你睇落好後生。」、「你嚟自邊區？」、「你啲同伴呢？」

他們問題多多，艾匡都不知先答哪一位才好。

「我唔係嚟自夕鯨國。」艾匡說。

他們頓一頓，續問：「咁係嚟自外鄉？」

「係嚟自艾寶琳。」

「艾寶琳......？」他們都一臉詫異。

「喺將軍澳嗰邊。」艾匡加以解釋。

「哈哈哈哈哈！！！！」他們聽完之後，都一陣大笑。

「小姑娘，你咁樣同答自己係嚟自火星無分別，哈哈。」頭戴探險帽、臉呈方型的男士自我介紹：「未介紹自己，我叫金國森，其餘嗰五個都係我探險隊嘅成員。」

「......所以呢？」艾匡問。

「呃，你話你係港島以外嘅地方嚟？」

「係。」艾匡點頭。

「咁你係點過嚟？」金國森炯炯有神的眼睛，直視著艾匡：「因為有趣嘅係，我哋探險隊一直做嘅，就係搵離開港島區嘅方法。」

「喺個天到......」艾匡欲言又止，把說到一半的話吞回入肚內。

沒理由把鳥嘴先生的事告訴他們。

「我無嘢講。」艾匡搖一搖頭。

「好，咁我哋唔阻你，艾......寶琳？嚟嘅少女。」

「你哋唔係夕鯨國嘅邊境職員？」

「唔係，佢哋應該朝早六點先返工，祝你好運。」說畢，金國森意味深長的微笑後，帶同隊員離開。

鰂魚涌站內除了他們一行人外，還有些人隨地休息，就像個冒險者的休息站。

地鐵站內不像以前用燈管照明，反而設吊火燈作唯一的照明，令本來昏暗的地鐵站裡添多一份古墓洞穴的氣氛。

艾匡在站內轉折幾周，發現除了休息的人外，更有地攤擺賣的人。其中一檔，就設於某間荒廢了的站內店鋪中，從殘舊的招牌可以看出，這裡七年前是一間便利店。

如今變成了某個中年男子的小攤位，販賣一些稀奇古怪的雜貨。

「小姐你好，隨便睇下～」中年商販對艾匡打招呼。

他賣的有馬克杯、螺絲、原子筆、水瓶、叉子、碎布、獎杯，總之什麼鬼東西都有，但沒什麼價值的。

艾匡聽剛才那位金國森說，地鐵站早上六時才開門，就決定向他交流一下情報，打探一下這個地方用什麼交易方式也好。

「你哋係點樣交易？」艾匡問。

「點樣交易？」中年商人邪淫一笑，說：「你想我點樣交易啊？靚女，我出兩塊鯨幣，你嚟陪我一晚。」

「你係、係咪會錯意思......」艾匡退後幾步。

「唔洗驚喎，叔叔我好好人......」中年商人嘴角不懷好意的勾起，嘴唇的胡子跟著上揚。

艾匡沒想太多，立馬就跑走。

「唔好走喇！叔叔係好人嚟嫁！」那中年商人跟追其後。

墨說 2020-4-3 18:38:23 有時候，艾匡多渴望自己是個男生。

艾匡從站內的一邊，跑到去另一邊，都好像沒人理會她的情況。

終於，走到了死路，艾匡只得拔出了佩劍。

「唔好埋嚟......」艾匡嚴正地對他說。

「叔叔真係好人嚟！幫你實現你心中嘅諗法。」中年商人笑一笑，說：「你呢啲女仔，一個人過嚟邊境呢啲危險區域，除咗想幫我哋呢啲成日外出探險，而好緊火嘅男人解決慾火，賺幾個快錢之外，仲會有咩企圖？大家不過互惠互利。」

「停手。」不久前遇到的那位金國森，帶同隊員出來站在艾匡身前：「麥德老闆。」

「哈～唔好扮英雄啦國森。」名為麥德的中年商販，點起一根煙：「成日扮可靠，喺到呃啲初初嚟到境邊嘅外鄉人，男嘅就俾你呃出去送死，女嘅就拉入嚟姦。」

「你講緊咩......」艾匡真的開始感受到，因為害怕而汗流浹背。

「你入嚟之前應該見到出面有條屍，得返上半身？嗰個男人，就係俾呢班友假惺惺咁呃入嚟，偷哂所有身上面嘅財物，再拎入口嗰對好重嘅捲門夾手夾腳一嘢壓斷佢條腰，再拋屍喺出面，哈哈哈哈，真係好殘忍。」麥德老闆向艾匡說明。

那個男人，不是給舌女殺害的嗎！？

「啊，麥德老闆，你太早講出嚟仲邊好玩。」金國森與其五名隊員，不約而同地向艾匡回首猙笑：「距離夕鯨國開門仲有一段時間，我哋就好好咁玩下先......」

艾匡咬緊牙關，準備就要殺出重圍。

雖然，艾匡沒有很大的信心......

但在她要出劍，他們要靠近之際，一個男生從他們之間經過。

他那矮小的身影，有點眼熟。

是......

是那個單手拉起鐵捲門的高手。

雖然他身穿黑袍，看不到腳，但這樣近看一眼後，比正常男生矮。

可他就像視而不見一樣，單單只是掠過艾匡和惡徒。

沒打算救艾匡，也不打算參與他們。

艾匡把他叫住：「救我啊！唔該你！」

他卻步，稍稍回眸：「弱肉強食，係依個世界嘅規則。」

「哈，呢位哥仔講得無錯，世界就係弱肉強食，你鐘意嘅可以旁觀或者加入埋一份。」金國森開始鬆鬆手腳筋，準備對艾匡動手。

「我係對你哋講。」他轉瞧金國森等人。

「吓？你個死矮仔......米六都唔知有冇學咩人講弱肉強食。」金國森不把他放在眼內。

「你叫咩名？」矮子他又問艾匡。

「艾匡......」艾匡答。

「艾匡，合埋對眼。」他喻艾匡。

「吓，但係......」

「如果，想我拯救你嘅話。」

「喔......」艾匡懷住不安的情緒，合上了眼睛。

艾匡不知道，為什麼會相信了他。

但當下一秒他所在的位置，發出了長刀清脆揮霍的聲音及迅速般的步伐後，艾匡莫名地安心下來。

血液混雜住痛苦的叫聲一一溢出，大約十多秒後，一切平靜下來。

「多謝你......」艾匡依然閉住眼睛。

沒有任何回應。

「可以點叫你？」艾匡慢慢打開眼睛，麥德和金國森等惡意倖存者都經已被刀刃封喉，躺在地上。

矮子的身影，仍然站立在艾匡面前。

他回眸艾匡一眼，說出自己的名字：

「破佛。」

墨說 2020-4-3 18:38:44 他特意將衣領拉高，將嘴部掩蓋住，更特顯出其那漫不經心的眼神和懶洋洋的倦容。

「好特別。」艾匡把佩劍收回，環視一地的死傷者：「你係點樣咁快搞掂哂佢哋......」

「唔記得咗。」破佛摸一摸商販麥德的口袋，拿出了兩塊鯨幣。

「我無嘢可以報答你，呢個送俾你。」艾匡把大本營得來的小說，送給了破佛。

「書？」破佛拿上手，看了看：「你確定？喺夕鯨國，書可以賣到好貴。」

「唔緊要啊，反正係你救咗我。」艾匡說。

「你點解會自己一個嚟，你係外鄉人？正常住開呢到嘅女仔，都唔會貿易咁嚟「鰂魚門」依個邊境區域，宜到無嘢多，多嘅就只有罪犯、逃犯、懸賞犯、潛在犯，仲有病獵。」破佛問。

「咁你呢？你又係咩身份？」

破佛猶豫了一會，答：「我係特別例子，等陣，你好似未答我。」

「我係將軍澳區嚟，一個叫艾寶琳嘅倖存區。」

「港島......以外嘅地方？」破佛聽到這個答案後也頓一頓。

「係啊。」

「建議你一陣填入執表嘅時候，同被人問話嘅時候，唔好答依個地方。」破佛提醒。

「點解啊？」艾匡皺眉。

「因為對佢哋嚟講，嗰到唔係外鄉，係外星。」

破佛跟艾匡說話時，需要抬高頭。

哈哈，有點可愛。

「外星？」

「即係到達唔到嘅地方。東區海底隧道嗰到正常一年三百六十五日都有大鼻散發緊大量有毒嘅瓦斯氣體，海面又有病鯨阻攔，正常人幾乎無方法可以跨區。」破佛冗長地解釋。

「咁我應該講自己喺邊到嚟？」

「你喜歡～」他不太在乎。

「喔......」

一到六點，本來封閉住的月台就解封。

沒人在意過，這站內死了七個人。

艾匡跟破佛分別排列在兩邊的隊伍，當接受過檢驗確認沒有受到病者感染，就可以落到月台下面。

一落到去就見到有些手握長矛的人看守住，他們明顯就是士兵之類的人物。相比艾寶琳的士兵，他們沒有穿著統一的制服，看上去比較隨意。

在入境紙上，艾匡初步填了自己的基本個人資料，並在提交後被叫入到月台站的辦公室之中。

辦公室內，只坐住一位穿著西裝的官員級人物。

「艾匡小姐？」對方說。

「嗯。」

「我見你上面填，居住喺艾寶琳......」入境官托一托眼鏡，說：「老實講，我未聽過附近有呢個倖存區。」

「嗰到係......」

未等艾匡解釋，入境官又繼續說：「仲有你話自己以前職業係「公主」，又係咩意思？」

「咁因為......」

入境官又不給艾匡說下去：「加上你係第一次嚟夕鯨國？呢個世界都運作咗七年，點會有人未嚟過呢到......」

突然，一名守衛進來辦公室，在入境官耳邊說了些什麼就離開。

「雖然從你申報嘅個人資料睇嚟，你極之有可疑，但基於某啲原因，我決定批准你入境。」入境官上前，邀請我握手：「恭喜你，成功入境。」

莫名其妙完成了一個不用回答問題的入境程序後，他們把艾匡帶到月台的路軌下，一直沿住鐵路走就可以。

正當艾匡行不到幾步時，剛好望見到破佛，就跑到他旁邊。

「大成功！」艾匡跳起、大叫。

「艾匡，可唔可以講下關於將軍澳區嘅事我聽？」破佛很好奇。

「可以啊。」

就這樣，艾匡沿路上跟破佛說了不少那裡的事情。

更結識了，第一位在夕鯨國的朋友。

一顆友誼的種子，慢慢萌生

──艾匡篇完──

椒鹽蝦米 2020-4-3 18:41:34 Lm

願榮光歸香港獨立 2020-4-3 18:45:07 此回覆已被刪除

我大碌撚 2020-4-3 18:45:11 用人物黎分篇數

:^(

絕影 2020-4-3 18:51:27 病鯨係咪魚嚟

:^(

傻豬黎既 2020-4-3 19:04:34 鯨大生病變後變病鯨

:^(

絕影 2020-4-3 19:07:41 病鯨

:^(

:^(

:^(

會好的 2020-4-3 19:11:37

:^(

圓緣玄 2020-4-3 19:46:32 職業係公主

:^(

張麗紗 2020-4-3 19:52:22 沒人在意過，這站內死了七個人。

:^(

FridayBeginAgain 2020-4-3 20:04:15 破佛

:^(

諗起兵長 一樣咁矮

DavidBeckham7 2020-4-3 20:38:43 more more

Grigori 2020-4-3 20:45:37 Lm

多言 2020-4-3 20:47:37 好睇

墨說 2020-4-3 20:53:02 之後是 五百正評的加更

:^(

墨說 2020-4-3 20:53:44

０５

將軍澳區。

艾寶琳，寶康路。

四十餘人正攜著狗，回到艾寶琳倖存區內。

那份顫抖，仍徘徊在我手。

即使可以毫髮無損的回去倖存區，我仍然忘不掉剛才那塊面具背後的人。

或者，可以稱之為「怪物」？

「首領。」快到艾寶琳入口前，副手榮格將我從迷茫中叫醒：「差唔多到步，我哋外出任務遇到艾匡公主嘅事，應該唔洗回報俾皇室知吧？」

「失敗嘅任務唔需要回報。」我說。

「明白。」榮格嘴帶笑意。

站在隊列最後的人，總能夠看到全部成員員的背影。

我由犬學派最初的五個背影，待到現在五十多個背影，整整三年長的時間。

環望身邊的副手、補給官和大部隊要員，他們每一個都是嘔心瀝血訓練出的重要成員，經過了嚴格的考驗。

而在剛才那瞬間，他們都差點毀於一旦。

那個戴住鳥嘴面具的怪物，感覺上......

真的能在彈指之間，就將我們全部人殺死。

我叫葉青茶，今年二十三歲左右？記不清也沒所謂，反正這年頭一個不小心，就隨時沒命。

「出入證唔該！」守在邊境的新兵，向我們喊道。

榮格替我開腔，反問對方：「哈哈，你係新調過嚟？」

一名士官長聽見榮格的聲音後，立馬跑到圍牆上：「唔好意思！唔好意思，佢真係新調派過嚟，我哋依家即刻開門。」

士官長連忙道歉，訓斥新兵：「佢哋係「犬學派」嘅人，出入唔需要證明，兵營受訓嗰陣無教過你咩！」

「咔──呯──」圍牆的大鐵門打開，我們徐徐地進去。

走在艾寶琳的大街上，過往夜市的景況早已不在，只餘下冷清清的街道和孤獨地發亮的霓虹燈。

「唉，個新任國王艾康一上咗任就清拆哂所有攤檔，又立例宵禁，搞到我夜晚返嚟都無得搵下好嘢食。」榮格抱住雙手，搖頭嘆氣。

「首領，我哋返去犬學院？」領頭的犬學派成員，問。

「嗯，你哋返去先。」我指示犬學派成員。

我們的基地「犬學院」，位於貴族區的疊翠軒會所。

由於我們直接奉命為皇室成員進行區外的工作，而有比較好的待遇。

墨說 2020-4-3 20:54:23 當然，入選條件困難，成員全屬菁英。

從病獵學院那邊畢業只是其中一項，最基本的首要條件。

見成員逐一離開，我獨個在站在街邊舉望，地鐵站外牆上掛住的前任艾氏國王遺照。

約一個星期左右前，他病逝了。

遺下整個倖存區與他的子女。

野心勃勃的艾康以長子身份立即繼位，並對親妹艾匡下達全城追殺令。

身為小角色的我，無資格分辨兩者的對錯。

但在我用袖箭殺死莫風之後，從艾匡悲痛的神態來看......

她比艾康似乎來得仁慈。

「首領，你企喺到做咩，唔凍？」榮格見我沒跟上隊伍。

「無，只係諗起莫風。」

這些年來，見慣太多生死。

「就算結果係點，佢遲早都係要死吧？畢竟佢之前犯咗天大嘅錯誤，先俾你調派咗出去做卧底。」榮格將牽住的藏獒，紮在一邊的欄杆：「不過佢遇到艾匡公主呢下，真係估唔到。」

「但之後，我更應該殺埋艾匡。」

「嚟咗隻天外怪物就無計。」榮格說。

一想到那隻令人心顫的怪物，我就想轉些別的話題：「你知道聽日艾康要見我？」

「唔知，佢之前未見過你？」榮格問。

「未。」

榮格冷笑一聲：「自己小心，呢條友做事唔似上一任國王咁。」

回到犬學院，我脫下滿身的裝備，去到公共浴間用熱水沖刷一下身子。我把熱水傾盤倒落頭上，血和汗隨水流而去。

我都好像有很多天沒洗過澡，要不是明天需進入皇宮，可能我會多待數天才洗滌。

翌日一早，我穿好黑色的衣物，戴好圍巾和深黑的斗篷，再拉上貼口的面罩就出發去皇宮。由疊翠軒會所這邊的犬學院出發去皇宮，只需要經過一條橋就可以。

在過橋後的分叉路，右面的貴族區花園，四季恆常的盛開住百紫千紅，只要一抹輕風拂過都會體會落英繽紛的情景，是個花紅柳綠的小天地，不少貴族區婦女愛在裡面散步。

向來對花草無感的我，今早特意去了一趟摘朵百合花，並將它掛在胸口前，成為黑中一點白。

每有犬學派成員逝去，我都會摘朵白花掛在身上一整天，去悼念逝去的他。

剛巧，把花掛好準備離開的時候，意外聽到花園兩名貴婦的對話內容。

「我老公呢！咪係前線司令嚟嘅，嗰日皇室追捕艾匡公主嗰陣，佢話見到好恐怖嘅嘢。」貴婦輕輕的為自己撥扇。

「嗯？」另一位貴婦漫不經心的，邊賞花邊聆聽。

「佢話見到隻全黑色嘅怪物，從天而降將艾匡公主帶走！」

「唔好嚇我啊。」負責聆聽的貴婦帶笑地說。

墨說 2020-4-3 20:54:49 「講真嫁，仲話隻怪物係戴住面具......！」

我不知自己是有心還是無意，把她們的對話偷聽完才離開。

在接見時間的早一小時，我就到達了皇宮，在接待處等候。

這是對皇室的基本禮貌。說起來，在病者如細菌般侵佔這個世界之後，香港人居然可以利用皇室制度的方式去維持整個社區繼續運作，倒是神奇。

或者在危難之中，人往往需要一個精神人物去支撐自己。

兩小時後，一名皇室管家手握名單步出皇宮。

「你係葉犬學派嘅葉青茶先生？」皇室管家向我問。

「嗯。」我回答。

「好，請我跟我嚟。」

新都城二期，正是人人都想進入的皇宮。

這座商場早就被改建成金碧輝煌的皇宮，掛住各款名畫、昂貴的擺設、豪華的裝潢，犬學派成立三年之久，但我入來的次數十指可數。

在皇室管家的帶領下，我總算去到艾康的面前。

是間寬闊的接見室，華麗的水晶吊燈掛在正中央。

眼前的艾康臉骨瘦削，眼神孤疑、下鄂留住小鬚，外貌很符合他所做的事情。

居高臨下瞧向我的第一眼，就表達出不信任與疑惑。

「我哋第一次見面。」艾康居高臨下的，瞧了我一眼：「犬學派，就係你帶領。」

「係。」我下半跪。

「未上任之前經已聽講過，專幫皇室做區外事務嘅秘密部隊。」艾康雙手放腰後，踱步問：「我父親，之前都叫你哋做咩任務。」

「主要係清除鄰近病者，調查區外情況。」

「好，我有一個任務俾你，好簡單，亦都可以好困難。」艾康終於停下踱步，走到我面前道出內容：「搵到我親愛嘅細妹，然後將佢殺死，太重就淨係帶佢個頭返嚟。」

「佢唔係已經......」我當然不會把昨天遇到她的事情訴出。

「有人話佢走甩咗，有話佢俾天上嘅病翼殺咗......又有人話佢，俾一隻不明嘅怪物帶走咗，我唔知，當晚我唔在場。」艾康勾起嘴角，呈出陰森的孤影：「我只係知一件事，就係佢唔死......我訓唔著。」

「明白。」

「你哋犬學派可唔可以繼續做我皇室隻狗，就睇依一次。」艾康轉身，返回皇座：「退下吧。」

我帶住敬意躬身後，就正要離開。

「等陣......」艾康將我叫住，說：「我賦予你殺豬嘅權利，方便你工作。」

「殺豬？」

「咁都唔明？我係人，你哋係我隻狗，啲居民就係豬，如果有居民唔合作，就將佢殺死。」

聽完這番言論後，我點一點頭，然後回到犬學院裡。

在學院中，大部份待命成員一般都會訓練或出外巡邏。

以往外出倖存區，是件極其危險的事情，但隨著病獵學院的開校，人們對於病獵的知識大大提高，就沒有初初那樣害怕。

畢竟，人真正害怕的，是未知。

一般開會，我只會叫其中八名幹部參與，他們都是元老級成員，大家都是從病獵學院認識和畢業。

我一進學院的會議室，在場戴住灰色冷帽的短髮女生，就托托圓框的眼鏡：「青茶，見完佢有咩講？仲會繼續贊助資金俾我哋？」這位我們都叫大眼娘，是特別鐘情於研究大眼病者的幹部。

「佢要我追殺艾匡。」我坦白說出。

「無咩問題，反正都見過佢一次。」肌肉結實的榮格，很愛抱著手說話：「下次見到，就落手殺。」

「我怕嘅係，佢已經離開咗將軍澳區。」我說出自己的擔憂。

而且，那個怪物會不會時常在她身邊保護，也是隱憂之一。

「咁又係，地方咁大，佢咁後生，周圍跑都唔定。」上了年紀的狄納，喝口熱茶：「上次如果唔係有隻怪物阻住，依家應該會輕鬆好多。」

「上次係我嘅錯，我無出手殺到佢，所以今次任務我會自己出動。」我說。

「葉首領唔怪得你嘅，我哋啲狗當時都嚇到跑走哂，就大概估到對方有幾恐怖。」狄納向我投以估任的目光，說：「學你講！動物嘅本能係唔會錯。」

「咁狄納大叔，我嗰三個同伴就暫時交俾你。」狄納是犬學派裡專門的養狗人。

「交俾我啦，但你嗰三隻杜賓叫咩名話？」狄納問。

「Billy01、Billy02、Billy03。」我答。

「咩話！？」狄納愕然。

不知為何，每次我一說出自己三隻杜賓犬的名字，都會引來在座各位一陣訕笑。

「有咩好笑。」而我每一次，都會這般提問。

「無嘢！」大眼娘拳頭掩嘴，笑得最為明顯：「好方便啊，佢哋個名。」

「咁我喺出面追尋艾匡下落嘅時候，Billy01、Billy02、Billy03就交俾狄納大叔你，散會。」

說罷，我就先行離開會議室。

絕影 2020-4-3 20:59:12 其實既然有病鯨嘅存在，咁即係笑毒可以感染其他生物？
定係病鯨都係人類變種出嚟？

如果笑毒真係可以感染其他生物，咁嘅話咪可能有病者狗？

:^(