化鬼龍 2017-4-11 17:49:33 升左上中三,阿禧唔知咩原因退左學,阿敏亦因為阿禧退學而變得放縱左,更加聽講佢地因為某啲原因分左手 《依個亦係佢兩另一個故事》

而阿權亦係阿彤悉心教導之下升左上中三既精英班,阿彤當然一樣。

而我就升上左平庸既一班,同中二個班相比

依一班實在平靜好多,每個人都只係想讀好書,等自己升上中四簡到鍾意既選修科。

我都比依種風氣帶動左,開始認真讀書。

今年同我坐既係個散發住文青味既女仔,佢叫做阿靜。

前兩年都未試過同班,我覺得佢個樣幾清純,如果汁下個樣分分鍾可以做第二位女神。

我個心依然有第一位係到,係一個唔可以抺走既事實。


「依條數我唔係好識」阿靜怕怕羞羞咁問我

「哦依條好簡單姐,將個x調過去抵消左就得。喂妳有無聽架?」我好用心咁教佢,但佢呆左咁望住我

「哦,有呀有呀,唔該哂你」佢講完就拎番張工作紙,繼續做

「都一齊坐左四個月啦,點解仲咁怕羞架妳。」我彷彿見左小學時期既自己

佢無理我,繼續做數。

無左阿禧係我身邊吵吵鬧鬧,我覺得個世界靜左好多,我無搵佢,佢無搵我，大家變到好似陌生人咁。

有啲掛住之前四個人有講有笑咁出去食lunch

依家lunch既時候我都自己係小食部求其食啲野就算,唯一無變既就係餐蛋麵。

好多時候我都見到阿權搭住阿彤膊頭出去食lunch。

其實佢兩個都幾襯,起碼阿權高大令仔又打得,依家連學業都叻埋。

妳已經搵到真心鍾意妳既男仔啦！希望你地可以長長久久。我係心裏面祝福佢地。

祝褔聲想你都聽到,可記得當年,是我們沒毅力,漸漸行漸漸遠 《最後祝福》


【但好多時事實既真相,你都唔會知】

【仲鍾意人就追番人啦,唔好等自己有遺憾】

化鬼龍 2017-4-11 17:50:48 我睇番有好多錯字既地方,如果各位巴絲打睇得唔順眼,就去紙言到睇,我係個到改番。 唔好意思,文筆唔係幾好

:^(

:^(

:^(

日日上高登 2017-4-11 18:16:36 加油呀，其實唔駛出咁快既，可以慢慢執下先

:^(

化鬼龍 2017-4-11 20:24:27

加油呀，其實唔駛出咁快既，可以慢慢執下先

:^(

係既

:^(

:^(

化鬼龍 2017-4-11 20:24:57 今年係我第一年任教中學,之前一直都係教小學。

但係學校竟然比左班主任依家咁重要既職務我,我真係驚擔當唔起,做得唔好。

中學生心智比較成熟,比起小學生實在難教好多。

第一日入到課室,見到一個又一個陌生既面孔,依班既男女非常平均,唔會有小圈子既出現。

雖然都教左書五年,但對住依班中學生我都唔知講咩開場白好。

「大家好,我叫陳老師,我負責教你地音樂同科中文,今年第一年入黎依間學校教書,如果有咩教錯既地方,請多多包容。」

我隱約聽到有位男同學話我句開場白老套。

咁又係既,我講完都覺得對住中學生講的確老套左啲。

我見大家都無咩反應就開始下一個行動。

為左方便我認識大家,不如你地每個輪流出黎自我介紹。

「唔係阿咁鬼老套阿!」坐係最後排看似比較成熟既同學講

其他同學係佢講完之後乘機起哄。

一時之間我都唔知點樣處理依個情況。

突然有個學生好快咁係個位到出左黎,其他同學突然靜哂,我就乘機話

「咦?同學睇黎你好想比其他同學認識下喎,你可以開始架啦」

佢一路介紹自己,班上面既同學就一路笑。

原來佢無拉到褲鏈,我留意到既時候已經太遲,頭先個位後排男仔講。

唔洗五秒,成班學生就大笑。

我見夏至東咁尷尬就叫佢返埋位先。

佢返到埋位,我就見到斜後面個位女同學同佢講左句野。

夏至東個樣由尷尬變左會心一笑。

望住佢兩個就好似見到自己以前中學時期，簡單一句說話,就可以入侵男同學既心。


【好好珍惜你地中學時期,單純無雜念既友情同愛情】


有一次坐夏至東斜後面既女同學阿彤係小息時候黎左教員室問我功課。

當我解答完功課上既問題之後

阿彤問我點樣可以吸引比較怕羞既男仔注意。

我估唔到阿彤會問身為老師既我,不過我已經知道佢所講既男仔係邊個。

妳可以嘗試主動一啲同佢傾計,留意下佢鍾意做咩,咁樣就可以打動到一個怕羞既男仔。

阿彤唔該完我之後就好快咁返左去課室

睇黎我都要係背後推動下夏至東

免得好似我中學時期咁錯過一個男仔。


【一段愛情既發生,在乎雙方夠唔夠主動】

化鬼龍 2017-4-12 00:11:43 為左簡自己鍾意既科目,我好認真咁聽書,唔明就明,係最後一次考試既時候。

成功考到全班頭十名,正係到煩緊簡咩科好

「係呢......你會選修咩科呀?」阿靜望住張簡科紙問我

「應該都遍向文科,我對理科無咩興趣,妳呢?」我好奇咁問

「我.....應該都簡文科掛,但係之前有阿sir話最好簡一科理科比較易入大學喎。」阿靜話

「我就覺得無所謂喎,緊係自己既興趣行先,就算入唔到大學都有好多出路。」我以自己既見解講比阿靜聽

「咁又係」我見阿靜已經tick好左張選科紙

其實我心裏面一早已經有答案,tick完我就交左出去

唔知佢簡左咩科呢?

中三既時間過得好快,眨下眼就過左。

可能我太認真讀書既關係,時間過得真係好快。

係暑假既期間,我周不時見到阿彤同阿權放相上facebook

依張相更加寫住,多謝你係我唔開心既時候陪住我。

見到佢兩個既合照,我亦都係櫃筒拎左我同阿彤既合照出黎。

望左陣已經眼濕濕,我收番埋佢繼續打機。

[如果可以重新黎過一次,我仲會唔會咁傻?]


中四分班係根據同學簡既科目而劃分,簡文科既同學係A同B班,而理科同其他既就係C,D班

開學個日好多今年升中四既同學堆左係門口睇自己分配到咩班,我都唔例外

我被分配到A班,高中唔同初中,三年都唔會再分班,如無意外我就由4A升5A再升6A。

我見到班上面有大約19位都係男同學,而女同學只有10位。

我仲留意到我同阿靜一班,除此之外阿彤亦都係同我同班,連選修既科目亦都一樣,中史同地理。

而阿權就選擇左做一個理科生,所以分左去C班。阿敏都係一樣。

意味住我有三年要對住阿彤,一諗到禁我就唔知點樣面對佢好。

「喂阿東好耐無過你一班啦」佢係我小學同學阿結

老實講我對佢既印象幾模糊,比較深刻既係佢份人好熱衷。

「hello依三年都同班,要多多指教啦」我同番佢講。

上到課室我見阿彤同朋友坐左最前排,我就簡左後排既位坐,免得佢見到我面阻阻。

阿靜見我自己一個坐就坐左係我隔離位。

「妳唔係話簡理科咩,做咩入左黎依班。」我問阿靜

「咁我興趣係文科,無理由走去簡理科。」

「咁咪岩囉,行自己想行既路,唔好聽哂人地講」我對阿靜講

今年既班主任係一位四十幾歲既女老師,又係性陳

佢好親切咁叫我地稱呼佢做文老師

處理完班務之後,我地第一堂係選修科堂,我要去另一個課室上堂。

我同阿靜講左句比心機就行去另一個課室。

我第一個到課室所以一個人都無,我簡左個單丁位就坐係到等老師到

其他同學陸陸續續咁到課室,仲有幾個女仔係同我同班。

基本上全部同學都係都有一個朋友一齊坐,而只有我自己一個坐。

老師好匆忙咁入黎,正當佢想關門既時候。

阿彤就入左黎,佢都隨便搵左個位就坐低。

「最後排既同學,不如你坐埋上黎,依位女同學隔離仲有個位,方便我認識你地」老師同我講

無錯,個位女同學就係阿彤,我迫於無耐咁坐左係佢隔離。

佢見我坐低左就另左去另一面，我無理到佢。

但我聽到佢細細聲講,死蠢到依家仲未明。



【兜兜轉轉回到最初】

《加長版呀依篇一寫就停唔到手》

巴辣仔 2017-4-12 01:40:59

:^(

Crazymaple 2017-4-12 03:32:27 推

:^(

:^(

繼續加油

淫審處男職員 2017-4-12 03:47:52 留名

:^(

遙雨彤 2017-4-12 03:47:56

:^(

化鬼龍 2017-4-12 06:13:58 「你岩岩講咩話?」我問番阿彤

佢無理到我繼續專心聽老師自我介紹,我亦都無追問佢,依種感覺就好似一對情侶係到鬥氣,可惜我地已經唔再係個種關係。

聽講依位何老師好惡同好嚴架,前面兩個女仔係到講。我聽完之後都有啲不安,話哂都要對住何老師三年。

唯一覺得好彩既係可以見番阿彤,仲可以同佢坐。

原來我從來都放唔低妳。

上堂既時候我同阿彤一句野都無講過,唔知佢依家對我係咩感覺呢?

挨過左六堂終於放lunch啦,當我諗住自己一個留小食部食午餐既時候。

「阿東,可唔可以同我食lunch」阿靜問我

「無問題呀,妳有野問我?」其實阿靜係上年既時候完全無約過我食飯。

「都算係既.....」阿靜答番我

講完之後我就帶左佢去以前食開個間茶餐廳到食午餐。

行緊既途中咁岩撞到阿敏同阿彤,佢地又係出去食lunch。

當阿彤見到我同阿靜一齊,佢就嬲嬲地咁同阿敏行左去第二邊。

洗唔洗見到我就走阿,我心諗

「妳識佢阿彤架?聽講佢同權行得好埋喎。」阿靜問我

「曾經好熟囉,不過依家少左溝通」我答番阿靜

傾下閒計好快就到茶餐廳

「喂令仔,好耐無見過妳黎啦喎！唔見其他三個人既?」餐廳個阿姐同我講

「係呀,依排多功課就成日留係學校食囉,其他三個人都係呀」當然我係講大話

「咁照舊啦,餐蛋麵配凍檸茶,依位妹妹仔要咩阿」阿姐仲記得我鍾意食咩

「一樣呀唔該」阿靜講

放低張單之後阿姐就去幫其他人落單

「係喎,妳又話有野問我既?」我問阿靜

「我想問下點樣可以吸引男仔注意多啲」阿靜怕羞咁問我

「哇,妳終於有目標啦,我幾驚妳搞基呀」我笑住講

「認真呀,可唔可以教下我」阿靜好認真咁問我

「咁你要睇下個男仔既品味係點喎,如果係我既話我覺得妳可以汁下個樣,除左副老套眼鏡帶con,剪短啲頭髮,咁樣就唔錯架啦........」我用我既角度答阿靜

阿靜好注心咁聽我講

「就係咁多啦,妳可以跟住我教妳既野改變下囉」我提出左好多意見比阿靜

「係呢妳都未話我知妳鍾意邊個,睇下我幫唔幫到妳?」我問阿靜

當阿靜準備講出口既時候,兩豌餐蛋麵同兩杯凍OT到

「邊個呀?妳講多次」咁岩阿姐拎野黎聽唔切

「無野啦,快啲食完番去教我做數啦。」阿靜無回應我既問題

不過唔緊要啦,妳有鍾意既人就好啦,仲擔心妳無對象添,汁下個樣就可以溝死仔架啦。我心裏面咁樣諗。


食完野返到學校經過籃球場個時,阿結走過黎叫我話有野同我講。我叫阿靜番上課室先

聽完依個消息,我呆左係到。

【睇黎原來都係我一直誤會左】

化鬼龍 2017-4-12 06:14:29

:^(

總有一日

:^(

A0仔 2017-4-12 09:29:46 up

:^(

化鬼龍 2017-4-12 14:44:13 外傳:阿彤二

升左上中一之後,新既環境新既同學的確會唔慣

好彩阿敏同我升左上同一間中學,起碼有朋友可以易啲適應。

「估唔到妳升到上中學都係咁受歡迎,連高from既師兄都專登落黎望下妳」阿敏羨慕我咁講

啲師兄唔知邊到收到風話今年中一有個幾令既女仔入左黎學校,差唔多大部份師兄都落左黎低from既樓層觀賞下。

「其實我都好厭倦啲男仔成日剩係睇表面,識都唔識就話我好完美」我嬲嬲地同阿敏講

「係啦係啦知妳高要求啦」阿敏都我講

話咁快就讀完中一,有人話中一係比妳適應中學生活,好快就會過去,果然無錯

第一日升上中二,集完隊上課室我同阿敏就簡左個中間位坐。

而坐我地前面係兩個男同學。

當班主任介紹緊自己既時候,左前方既男同學望左過黎,我地對望左5秒都無就尷尬咁另開左。

當班主任介紹完自己就叫我地出去輪流出去自我介紹。

一開頭無人願意出去,但我見到前面兩個男同學話邊個猜完左就出去,起初我覺得佢地好幼稚。

但我見輸左個男同學肯願賭服輸咁出去,我對佢就有所改觀。

原來佢叫夏至東,個名幾好聽我心諗。

突然有後排有個男仔話夏至東你唔記得扑褲鏈呀。

阿東就好尷尬咁另轉拉返,搞到成班係到大笑。

當佢行返埋位既時候,佢望住我。

我亦望住佢微微一笑,佢一坐低我就拍拍佢膊頭講

「夏至東原來你叫做阿東,乜你咁大頭蝦,我叫做阿彤」我笑住咁講

佢尷尷尬尬咁另番轉面。

我直覺話我知依個男仔好單純,好蠢,但唔知點解會偏偏吸引到我

塵芷long 2017-4-12 15:11:44

:^(

化鬼龍 2017-4-12 15:18:35

:^(

總有一日

:^(

絲打又係叫彤喎,搞到我代入左添。。。

化鬼龍 2017-4-12 15:18:47

:^(

:^(

:^(

:^(

:^(

化鬼龍 2017-4-12 15:28:28 阿結同我講完依個消息之舌,我完全唔敢相信,但無奈上堂鐘聲響起左。

我再追問阿結,但佢話剩係知道小小。

上到課室門口我見到阿彤係走廊同阿權傾緊計,我望左望,之後就入左課室

「有時我地剩係睇表面,而對件事既內幕咩都唔知。」阿結語重心長咁同我講

「係既,我地睇既野太表面。」我答番佢

返左埋位,阿靜問我阿結搵我做咩？

我答佢傾下閒計就算。

lunch過後就係連續三堂選修科地理既時候

我又係要去另一間課室到上,今次去既課室係C班。阿結同我一樣選修地理,我地就一齊過去

本來我又係第一個到,但原來C班有好多人都修地理,一早就坐左係到等上堂。

同阿結坐左係後排中間位之後,而阿彤就同另一位同學坐左係近門個邊，阿結同我講近左邊兩個同學叫阿阿芬同阿蜆,佢地兩個上年開始同阿權玩得好埋。你陣間可以問下佢地。

我忽然覺得人緣好真係好方便,我決定落堂之後證實阿結講既野係唔係真。

教地理既老師叫安迪,本來以為佢係位幾好既老師。

「點解佢教書可以咁悶,跟住教教下又可以講左其他野......」連平時好認真上堂既阿結都話

「打後三年都死得啦.........」我講笑咁講

落堂之後,我見阿彤返左課室就走左過去問阿芬同阿蜆

你地好呀,聽講你兩個同權玩得好埋喎我直接問佢地。

「你就係褲鏈仔啦,第一次就問啲咁既野?」阿芬態度唔係幾好咁答我

「唔好就算囉。」我想想行開既時候

「都算幾熟既,你想問咩?」而阿蜆就好有禮貌問我

「太好啦,我想問阿權有無同阿彤拍拖?」我問

「以我所知係無既,佢地只係一對關係非常好既朋友」阿蜆答我

「唔好同依啲人講咁多啦,權哥唔鐘意呀。」阿芬唔耐煩咁講

「唔該哂你阿蜆」多謝完我就滿面春光咁行番課室

原來佢地從來都無拍過拖,原來一直都係我自己誤會左。

阿彤妳究竟諗緊咩?




【誤會總比困難多】

有少少想收尾啦,有無巴絲想睇多啲?

第一艦長 2017-4-12 15:52:40 磨牙

:^(

嚇鬼佬 2017-4-12 15:52:40 Live左

:^(

遙雨彤 2017-4-12 16:15:21 收尾Happy end

化鬼龍 2017-4-12 21:23:35 放學之後我返到屋企

「做咩鬼咁早番黎又咁開心呀」母親問

「無呀,識左好多新朋友囉」隨便答完我就衝左入房

入左房放低書包,我就係張櫃桶拎番我地阿彤既相出黎。

依家望住既唔係傷心同悲哀,而係有種喜悅感。

我仲有無機會同番阿彤一齊呢?

【男仔就係咁犯賤,明明自己要分手先,到頭來又後悔】


第二日朝早班主任節,我好無奈咁比人推舉左做班長，所以要幫手收二十蚊既班會費

當我收到去阿彤個位,佢拎銀包出黎個時。

我無意中見到銀包裏面仲有我同佢張合照係到。

佢拎完錢就好快手咁收番埋個銀包。

《舊照片　遺留曾一起的笑臉　誰自信日後就算怎樣也不變》

阿彤妳究竟想我點做??


係依一個星期上中史堂既時候,阿彤仍然無同我講過任何一句野。

而地理堂就係hea住咁過,有時比安迪點名答問題,唔識就係成班面前鬧我。

係落堂既時候,阿蜆走過黎同我講阿權想約我食lunch,問我方唔方便。

唔會見我依排同阿彤坐又想打我呀?我心諗

「ok呀,咁你幫我約佢聽日係xx茶餐廳等啦」斷估阿權唔會當住咁多人面前打我掛

阿結聽到阿權話想約我食lunch就問我，

「你係唔係唔小心得罪左阿權呀,竟然約你單對單食飯。」

「除左阿彤既事之外,我諗都無啦,我都未問你,其實你點知我同阿彤之間既事架?」我反問番阿結

「你總會有機會知既,哈哈」阿結答完我就去到廁所

我地之前都好低調咁拍拖無咩人知,究竟邊個同阿結講既啦。


到左聽日既lunch,我照約定去左我食開既茶餐廳到等阿權。

點知我去到之後原來佢仲早過我到。

我坐低左之後,佢話已經落左單幫我叫埋野食。

「 如果無記得你應該食開餐蛋麵,係唔係?」阿權問我

「點解你會知,阿彤同你講既?」我問番佢

「佢同我講既野,唔止咁小」阿權嘆左口氣



【還要多久 我才能夠回到妳身邊?】

淫審處男職員 2017-4-12 23:27:38

:^(

化鬼龍 2017-4-12 23:52:29 「下,點解阿彤要講咁多關於我既野比你知？阿彤唔係同緊你拍拖既咩?」我好疑惑

「第一,我可以睇得出佢仲好掛住你,第二,我都想係但因為你所以........」阿權無再講落去

我地兩個都靜左落黎,直到阿姐送野食黎。我先開口再問

「你今次約我出黎唔止想講野既?」我問

「其實你明唔明阿彤仲嬲緊你咩?」阿權問

「如果我明既話一早同佢起番埋一齊食...」我苦笑住講

「你仲記唔記得我打完你個日?個日之後我就用Whatsapp安慰阿彤,佢同我講你根本唔明白佢。」

「佢第二日返番學既時候,我就用聽唔明書既藉口同佢傾計。」

「一步一步咁去了解佢,但我發現佢總係會提起你。」

「我曾經同佢表過白,但佢好直接咁拒絕左,但我地成為左一對關係非常好既朋友。」我見阿權講到有少少想喊

「夏至東,我唔知點解阿彤會簡妳,無論鬥邊一樣野我都好過你，但係我都想見到佢幸福。」

「阿彤從來都無介意過妳襯唔襯得起佢,佢鐘意既係你內心單純既夏至東。」

「咁講你明唔明?我已經講到好白。」阿權暗示我蠢咁講

「多謝你,估唔到你會同我講咁多。」我講

「快啲追番佢之後對佢好啲呀,唔係你就小心啲。」阿權話

我真係估唔到平時蝦蝦霸霸既阿權對住友情都會有感性既一面。

更加無諗到原來阿彤一直都等緊我明白一個道理。

鐘意一個人唔止睇表面,而係會睇埋內心。

對唔住阿彤我份人太蠢,唔明白妳對我既感情。

我決定要追返妳,重新黎過,令到自己無悔咁讀完中學。

化鬼龍 2017-4-12 23:53:05

收尾Happy end

都係寫到完左中學畢業

:^(

:^(