Ads
Ads
如果你問我願唔願意同呢個女仔細水長流,
我會話,我願意,但唔係依家。
我依家先20頭,仲有大把世界未試過,
如果要我呢一刻就封自己盤,我真係唔捨得。
我成日都覺得自己太早遇到阿怡,如果到要結婚嘅時候,
先遇到一個咁適合做人老婆嘅女仔就好。
但我又會諗個陣時嘅阿怡,俾人玩殘曬,我又會唔會鍾意呢?
個陣時嘅我,又玩夠未呢?
好似點樣都冇一個最好最令我滿意嘅時機,因為男人,總係貪心既。
我地會想要一個身材好、有技巧又淫底嘅處女老婆,
以往我點解會同Mavis曖昧就係貪剎那間嘅新鮮,
我清楚陪咗係我身邊我兩年幾嘅呢個人先係我真正要愛錫嘅人,
所以我唔介意為阿怡付出,接佢放工,花時間陪佢,
我愛佢,但對唔住,我更愛我自己。
即使我可以待佢好,卻唔可以待佢專情,
因為有一啲我想要嘅嘢,係佢身上得唔到,
係刺激、係情趣、亦都係新鮮感。
我唔想屈就我自己,唔想往後呢60年就咁樣過去,
所以我要向外尋歡,去尋找一啲呢段感情所缺失既,
咁樣我先唔會厭倦呢段感情,咁樣我同佢先可以長久。
「係我帶俾你嘅壓力,我陪你一齊去承受,我同你一齊去舒解,你有我。」
佢望住我嘅瞳孔,卻好似穿透我嘅肉體,直接同我靈魂對話,
我成個人一顫,眼中突然泛起一層霧,我唔知點樣去形容,
但個一瞬間,我發現有啲嘢,我可能可以試下去放棄。
-
Ads