(甜)大學五件事:住hall、拍拖、上莊、扑嘢、隊草
上一頁
第 11 頁
下一頁
屁屁蛋攻擊
2020-4-17 10:35:59
:^(
Ads
屁屁蛋攻擊
2020-4-17 10:39:26
:^(
聚蚊成雷
2020-4-17 10:48:04
:^(
講感情傷感情
2020-4-17 17:54:16
Sorry巴打,我笑咗
:^(
聚蚊成雷
2020-4-17 18:18:45
唔緊要,俾人笑慣咗,邊個叫我係毒撚
:^(
講感情傷感情
2020-4-17 18:21:48
I know that feel bro,我都只係一個拍過半年拖嘅a1,老老豆豆,我都其實同毒撚無咩分別
:^(
聚蚊成雷
2020-4-17 18:31:55
我見到隔嚟感情台有巴打開po問點先可以變得浪漫,我都好想知,點先可以做到一個浪漫、用把口溝死哂啲女嘅男人
:^(
因為無論點努力都得唔到鍾意嘅人嘅歡心嗰種感覺真係灰到爆
:^(
零缺蜜腩
2020-4-17 19:10:40
:^(
陌生過路到此一遊
2020-4-18 00:56:48
以為有好多文,原來得一篇
:^(
陌生過路到此一遊
2020-4-18 00:57:59
溝死女唔係溝死你想溝死嘅女咁解
:^(
無論你條件手段幾好,都只可以提升你有女嘅機率,而唔可以令特定嘅人鍾意你
:^(
陌生過路到此一遊
2020-4-18 00:59:27
咪住,樓主話會寫翻阿寶同阿簡段嘢,但未寫就同Leo發展中....係咪代表會無好結果繼續沉淪
:^(
Ads
蛋白質代表
2020-4-18 02:17:40
:^(
拾柒碎的香港人
2020-4-18 13:09:06
Sad味好濃
:^(
:^(
:^(
屁屁蛋攻擊
2020-4-19 00:45:38
香港嘅海唔會黑沉沉,因為總會有萬家燈火包圍住佢,
而海就會投影佢地最靚嘅樣,
唔同顏色嘅光係海中扭動,永遠唔會停息。
我同Leo沿住海傍散步,耳邊只有海浪聲同風聲。
海風吹散咗我嘅酒意,只係望住我身邊嘅人,又似乎醉了幾分。
呢個人彷彿黑洞咁,將我吸入,佢外表好平凡,但佢對眼總係帶有閃閃光茫。
外表平凡卻有內涵,同我恰恰相反,
或者人真係會俾同自己相反嘅人吸引,
就好似磁石咁,正負極會相吸,一拍即合。
我鐘意呢個男人,佢溫柔細膩,佢冇貪戀我嘅身體,
更重要係佢嘅氣場令我安心,好想就咁靜靜留係佢身邊。
原來靜落嚟嘅感覺都唔差,冇咗震耳嘅音樂聲同骰盅聲,我聽到佢嘅呼吸聲。
好單調卻又足以填補我嘅寂寞,
原來,十指緊扣就可以令心頭都暖起來,睇嚟十指連心係真既。
街燈將人嘅影子拉得長長的,一高一矮,中間嘅手聯繫住兩人,
我望住地上嘅影子,望向那重疊嘅手,
如果呢一隻係拉我上深淵嘅手就好啦,
我願意被佢拉起,我願意全力配合努力爬出,只因是你。
但呢啲說話我當然唔會講出口,
因為有啲嘢你講咗出口,就注定會處於呢段感情嘅低位。
所以就算我十分鍾意佢,我都只會表現出五分。
其實人真係好奇怪,拍拖前你鍾意一個人七分,你會假裝自己只對佢有三分。
但拍咗拖只係你即使只鍾意佢三分,你老閪都會話愛佢十分。
有幾多人愛着卻假裝不愛,不愛卻全力扮演很愛。
我懂得愛情世界嘅玩法,跌跌撞撞咁多次,總會有啲得着。
所以我只係望住佢,冇出聲,深深咁注視佢對眼。
係佢瞳孔入面我見到我自己,一種佢眼中只有我嘅感覺。
我地就咁樣聽住海浪拍打岸邊嘅聲音,對望。
有人講過兩個人對視三分鐘,佢地嘅心跳就會同步,
心跳相連嘅話,你又會唔聽到我嘅心聲呢?
:我鍾意你
佢輕擁住我,「我唔捨得你受傷害。」
我知道呢句係咩意思,我相信佢就係個個機遇,所以呢次我會好好把握。
-
果然上天唔會考驗我咁耐,折磨咗我咁耐終於俾返一個好男仔我。
情侶住hall嘅生活真係好美滿,每朝起身第一眼就可以見到對方,
而我正式係夜場消失,每個曾經寂寞嘅夜晚,都交咗俾佢填滿。
係遇見佢之後,我先知原來相擁而眠就已經可以好幸福。
只係,每晚嘅movie time過後,我地冇咗一般情侶會有嘅環節-扑野。
我起初有諗過佢係咪企唔起,但我撩佢佢又會扯旗喎,
只係佢唔俾我,我想幫佢打佢都唔俾。
直至我迫問佢,佢先話
「依家嘅我只係鍾意你,我唔想同其他男人一樣傷害到你,所以到我愛你嘅時候我地再繼續啦好冇?」
佢真係好特別,佢當我係公主一般保護,唔俾任何人有機會傷害我,包括佢自己。
雖然有時候我都會想要,但諗到佢咁sweet嘅答覆,我都唔會迫佢,選擇自己解決。
同埋我相信,佢好快就會愛上我,因為依家嘅我,係一個完美女友!
蛋白質代表
2020-4-19 01:16:09
Leo有hiv
野比大熊貓
2020-4-19 01:16:44
立咗flag,要散了
:^(
拾柒碎的香港人
2020-4-19 17:41:55
越睇越sad
輕輕一推
:^(
:^(
:^(
:^(
半醉人生
2020-4-20 01:50:29
點解睇甜故會睇到sad
如打飛機可j自己
2020-4-20 02:24:20
推呀
:^(
:^(
:^(
你老味咪stalk我
2020-4-20 03:50:10
:^(
喜歡你讓我下沉
2020-4-20 04:15:26
lm
Ads
屁屁蛋攻擊
2020-4-21 00:57:56
每日我都會煮兩人份嘅飯菜等佢,之後再一齊去洗碗。
即使我地之間冇性,我都冇再出去亂搞,
我以前的確係有唔好嘅過去,但因為我有咗佢,我樂意改變。
有咗男朋友,我就絕對唔會再亂嚟,因為係我眼中愛情係神聖既,
有幸得到,就要好好珍惜,
而為咗令佢安心,我願意放棄我嘅交友圈,全心全意投入。
我開始住進佢嘅房間,走進佢嘅生活,我愛住佢,我亦感受到佢對我嘅愛。
我以為呢份平淡嘅幸福可以令我地走到好遠好遠。
但今次我又錯啦,原來有時候,有愛唔代表一切,
愛情係一把利刃,佢可以劃過好多嘢,但總有啲嘢佢斬唔斷,
例如時間,又例如過去。
我今日係佢手機發現咗佢唔同我做嘅真正原因。
-
佢同佢兄弟講,佢好愛我,但一諗起我嘅過去,佢就冇晒慾望。
佢好愛我,好想接受我嘅過去,嘴上講住「唔緊要」,但每次個心都好痛。
拍拖前已經親眼見過我係夜場嘅主動,最差嘅模樣已經見過,佢以為佢接受到。
但原來作為朋友接受到,唔代表作為男朋友接受到。
即使只係過去,依家唔會發生,都會係佢腦海中不斷浮起,不斷纏繞,佢壓得住唔對我表現,卻壓唔住心中嘅不適感。
我壓抑住眼淚,放下佢部手機,跌跌撞撞跑返自己房。
原來做錯過就係做錯過,即使改正咗,都會有一段不堪嘅過往緊隨自己。
呢段過去會纏繞於之後嘅每一段感情上,似一隻怨鬼,
若隱瞞的話,佢會纏係你身上,提醒住你呢段感情係偷返嚟既,只有過去被掀起,就會灰飛煙滅;
若坦白的話,佢會纏係你伴侶身上,提醒住佢你曾有如此醜陋嘅過去,除非佢真係完全不計較,否則呢段感情一樣會雲消霧散。
佢會糾纏你一世,搞垮你嘅愛情。
我曾以為,愛可以克服一切,
但其實只係因為愛,使我地願意包容,願意體諒,
但包容體諒係有限度㗎,冇人可以一直站係別人嘅角度上思考,
Leo嘅愛,總有一日會燭盡光窮。
咁差勁嘅我,確實不配被愛,我不配擁有愛情,只配受傷害,只配瑟縮係陰暗嘅酒吧。
我正式同Leo提咗分手,佢冇挽留,因為佢深知,相愛唔係萬能鑰,總有路係打唔開。
「你一定會搵到個比我更愛你嘅人。」
淚水泛起,我努力擠出笑容回應
「嗯!」
我一定笑得好醜,醜到佢心痛地攬住我。
縮係佢懷抱中,淚水似係決堤般,止都止唔住。
冇咗你嘅我,又點幸福呢?
係深淵嘅我,曾被佢溫暖嘅手拉起,只係佢放手嘅一瞬,我跌落更深嘅深淵,更難再爬出。
「我不配被愛 我只配被傷害
心動一秒 卻不能多愛一秒
唇口之前保留的熱
不再吻合 我們的愛停在副歌」
屁屁蛋攻擊
2020-4-21 01:02:55
阿寶嘅故事就完啦,
如果今篇有15個人回覆,我就即刻出結局啦
:^(
推薦一首歌,等結局嘅時候,大家可以配住睇多次篇文
:^(
https://www.youtube.com/watch?v=5WvncmzTUps
宇宙飛人
2020-4-21 01:06:28
好hurt 啊
:^(
在家千日好
2020-4-21 01:06:36
:^(
:^(
睇到好心痛
上一頁
第 11 頁
下一頁