Ads
Ads
「叮。」Miss Yu的電話響起。
「IT部同事話搵到來源啦,我地一齊過去睇?」
「好啊。」既然都查不出是我,去一趟也無妨。
到了電腦房,校長,副校和梁Sir亦在場。
「你黎呢到做咩?」梁Sir一臉不滿的跟我說,相信他那班精英同學的英文成績肯定令他目瞪口呆。
「無,關心下同學,想知道邊個咁大膽擾亂考試。」我嚴肅的說。
「係就最好。」梁Sir回答。
「我地查到個I.P.係香港,而且係經我地同事屋企地址發出。」IT部同事說。
「同事?」我手心開始冒汗,難道他們真的查了出來?
「無錯,個地址,就正正係麥Sir你屋企。」
「咩話,無可能!點會係我!」我激動的說。
「麥梓賢!」校長憤怒地喊出我全名。
「You Are Fired!」他大聲喊出這句話。
「唔好啊!唔好啊…」
「麥Sir?你無事啊嘛?」
呼,原來只是發惡夢。
Ads
李曉婷,她父親是政府局長級官員,相信現今局長級的官員也沒太多姓李的。而她,正正遺傳了她父親那種無賴,陰險,自私,刻薄。
「Miss Yu,最後英文卷成績點啊。」我緊張地問她。
「都唔知點算好,精英班班同學跌晒…」幸好,我的計畫沒有失誤。
「反而千雪就最高分,有86分。」果然是資優生。
「死啦,校長會唔會炒我架。」Miss Yu 緊張地捉著我的手說。
「冷靜啲,應該唔會既。IT部個邊話就黎查到邊個hack入去,到時咪真相大白囉。」
「咁,佢哋攞唔到全科70分,咪唔合資格囉。」我跟Miss Yu說。
「係呀,但係梁Sir好似好想佢班學生去咁。」Miss Yu依然擔憂的說。
「不過無辦法啦,唔合資格就唔合資格。」
其實,只是發放了閱讀文章,即使到了現場不是那篇文,聰明的同學應該也能夠及時應變,而非自怨自艾,所以,及格不及格,也不關那篇文事,除非她們的腦子全都是那篇文章,而且翻譯了中文,還背了一遍…