《我的MK妹同桌》（3）

趕故書生 2020-3-17 10:16:11 嚟到第三個Post啦

:^(

照咁樣嘅進度應該喱個Post會完故

:^(

最多都係去到第四個Post

:^(

多謝一路支持嘅巴絲打們，衷心的

:^(

照舊
每50正評追加一更
每100正評追加兩更

我知好多P牌巴無得正皮，留言我都好開心㗎啦

:^(

至於CD rom，歡迎你哋去我ig講下感受，當係留個言都可以

:^(

紙言唔一定同步，通常連登會快啲
紙言：https://www.shikoto.com/i/ZDW
Facebook Page：趕故書生
https://www.facebook.com/scholar.story/
鍾意我文字嘅可以去我IG睇下我間唔時寫嘅小散文

:^(

支持下啦衰鬼

:^(

雖然出得唔多

:^(

Instagram : __book.s0n
https://instagram.com/__book.s0n?r=nametag

有冇人打波 2020-3-17 10:16:54 Hi

趕故書生 2020-3-17 10:18:01 之後過咗一陣，我同呀詩都係決定返上去，覺得無乜事嘅，陣間就會返嚟啦㗎啦佢哋。

入面嘅人擔心地問我哋：「點樣啊？」

我同呀詩一致回答：唔知啊。

大約過咗半個鐘左右，蕃薯仔返咗嚟。

我哋成班個個都關心問佢點樣啊，但我哋都估到一半了，因為子晴無跟住返嚟⋯⋯

蕃薯仔坐係一邊，除咗對鞋，環抱住自己，瑟縮一角。

我哋頓時唔知點算好，亦唔知應該點安慰佢，因為個個都係格硬講啲嘢，好行嘅安慰說話囉，除咗喱啲仲識啲咩姐？

「女死女還在！下個更可愛！」
「哎呀！唔開心咪唱歌囉！」
「係囉⋯⋯係囉⋯唱出嚟舒服啲㗎！」
「仲有我哋陪你㗎嘛⋯⋯」

就算有成班好朋友係度氹下佢，蕃薯仔都係一聲不響，一言不發咁坐係度，電視機一路播住歌，無人唱。

咁啱切到首歌，係容祖兒嘅心淡，仆你個街，邊個點㗎？

個氣氛即刻轉曬，有啲人開始笑緊：咁應景嘅喂？

「邊撚個點埋啲咁嘅歌啊？」健三大喊。

「係我啊！係我點㗎。」係個女仔點啊，而喱個女仔平時講嘢粗聲粗氣，瘋瘋傻傻咁，但出奇地同班男仔玩得幾埋。

「Cut!!!」

「喂啊⋯⋯我要唱啊！」個女仔不滿道，死都要搶住唱。

「好心你識做啲啦。」雖然聽落好似好惡咁，但其實佢哋都係打打鬧鬧。

「咁失戀係要唱下啲失戀情歌㗎啦，仆你個街唔通唱紅日啊？」

「好喎！high下都好喎。」呀Ken真係走去插播咗首李克勤嘅紅日。

然後聽到一半嘅心淡就俾佢cut咗落嚟。

仆你個街，真係唱紅日嘅喂？我哋成班人high曬咁，仲笑到hihi咁款。

一開始係度鳩叫，啊⋯啊⋯啊⋯⋯

命運就算顛沛流離
命運就算曲折離奇
命運就算恐嚇著你做人沒趣味
別流淚心酸更不應捨棄
我願能一生永遠陪伴你

一生之中兜兜轉轉那會看清楚
徬徨時我也試過獨坐一角像是沒協助
在某年那幼小的我
跌倒過幾多幾多落淚在雨夜滂沱

一生之中彎彎曲曲我也要走過
從何時有你有你伴我給我熱烈地拍和
像紅日之火燃點真的我
結伴行千山也定能踏過

讓晚風輕輕吹過
伴送著清幽花香像是在祝福你我
讓晚星輕輕閃過
閃出你每個希冀如浪花快要沾濕我

唔係講笑，唱到成個人都好正氣，班友真係傻能咗，一個二個企埋上沙發度唱，又跳曬舞。

一個二個對住蕃薯仔唱，然後仲要俾支咪佢，最後條友仔俾人捉到佢係度偷偷地笑。

黑色的底褲 2020-3-17 10:19:12 Hi

趕故書生 2020-3-17 10:19:24 唱完紅日，下一首又係心淡，條女又走去插播返首心淡。

但首歌真係好入肉，就算聽都覺得痛。

蕃薯仔同子晴講咗啲咩，無人知。而嗰日返去，我想搵呀詩傾下電話，佢無聽到，反倒係MSN同我講話同緊子晴傾緊電話，咁我就去陪蕃薯仔打機。

打機係解放自己心靈嘅一個方式。

我哋問極蕃薯仔發生咩事，佢都唔肯講，第二日返學問子晴，佢都係隻字不提。

咁我問呀詩啦，佢話：「我應承過子晴喱件事得我同佢知，連你都唔講得啊⋯⋯」

蕃薯仔同子晴中間好尷尬，彼此無乜點接觸，而蕃薯仔成個人謝曬咁，本來薯下薯下嘅佢，更加陰沈了。

後來我哋都無再過問啲咩了，最後都係要靠佢自己。

而接住落嚟，我哋即將要面臨選科嘅嘢，今次係我人生中第一次面臨名為「路」嘅嘢。

我根本唔知自己要揀咩好，我哋頭幾屆DSE嘅，成日都俾人話我哋係白老鼠，嚟做實驗嘅。

嗰陣時已經知改咗制度，但對於自己前境一片茫然，個個都有曬目標，想揀咩料咁，男仔通常都係理科，而女仔就多數文科。

班上好多女仔想揀文科加econ，男仔好多想揀phy chem bio，我自己對喱啲無乜興趣。

當所有人都好似諗好揀咩嘅時候，自己仲未諗好嘅時候，就好煩惱，格外徬徨。

我問呀詩想揀咩科嘅時候，佢好快就回答：「想揀Econ加Geog囉。」

呀詩無乜迷惘，嗯⋯⋯係好多人都猶疑不決嘅時候，佢能夠果斷咁講自己想讀咩。

「點解嘅？」我不解地問。

「因為喱兩科係我幾有興趣，而且有把握嘅科囉。」呀詩一步步向前行，由一個MK妹變到發奮向上嘅學生妹。

其實由識佢開始，已經好勤力讀書，依家好似我襯佢唔起咁，係佢隔離我就好似一塊無光澤，暗淡嘅石頭。

反而我依家諗嘅，好唔好為咗同呀詩同班，而揀同佢一樣嘅科。

趕故書生 2020-3-17 10:20:12 Hi

:^(

鳩噏王 2020-3-17 10:21:46 手機響鈴來留名

死黑警又吾做野 2020-3-17 10:25:22 新po正皮

:^(

趕故書生 2020-3-17 10:26:09 新post出文齊正皮

:^(

吾好搞我後面牙 2020-3-17 10:28:42 正一正

香川真司 2020-3-17 10:38:51 新post留名

:^(

維園周柏豪 2020-3-17 10:45:58 又留名啦

:^(

趕故書生 2020-3-17 10:56:38 係喱個難關，我有去問下子晴點算，距離交志願表越嚟越近，我好似熱鍋上嘅螞蟻，心急如焚。

「你諗住揀同呀詩一樣嘅科？」子晴有啲吃驚地問道。

「係啊。」

「唉⋯⋯」一聲嘆氣，子晴接住講：「你諗下自己真係想要咩，想讀咩好過啦，影響緊你將來㗎。」

「但揀唔同科，都影響緊我同呀詩嘅將來喎。」我老實講，我驚分咗班我同呀詩就會玩完，我點知隔離班有啲咩人啊？

我唔想無咗呀詩，當其時嘅我，呀詩就係我一切。

「你諗咗你自己先啦。」子晴無我咁好氣，但都循循善誘咁問我自己最叻邊科。

「數學都ok嘅。」

「我係問你啲選修啊，文科、商科、定理科啊！」子晴整咗個俾我激死嘅表情。

「嗯⋯⋯商掛？」我都唔肯定。

「咁BAFS？」子晴問道。

「咦，好似都唔錯喎。」因為我對文科都麻麻，自己寫嘢啊，歷史都唔好。

聽講文科記性要好好，咁唔啱我囉。

「而且你想讀都要睇你啲成績入唔入到㗎，你想跟呀詩同班，你都要成績入到先得㗎。」

「自己出路自己諗啦，無人會為你負責，唔通你想呀詩為你條路揹飛啊？」

因為咁，我返去攝高枕頭諗咗幾晚。

我都應該要變好啲，自己嘅人生確實需要自己去揀點樣行。

就係咁，我揀咗BAFS班，呀詩入咗Econ班，蕃薯仔同埋呀Ken同我入咗同一班，而子晴出奇地入咗Bio班。

係發放志願表當日，我忍唔住問佢：「乜你唔係文科成績好啲咩？」

子晴笑笑口咁話我傻仔，「文科成績好就實要揀文科㗎啦？我真係對Bio有興趣啊嘛，讀起上嚟都無咁辛苦啊嘛。」

————————————————————————————————

新Post要出下文旺一旺個場

:^(

得啦我改名啦 2020-3-17 10:57:00 留名

:^(

單吊西3喇 2020-3-17 11:03:17

:^(

咪搞啦大佬 2020-3-17 11:08:24 lm

趕故書生 2020-3-17 11:18:54 喺學期嘅最後，我哋都要影班相，傳統嚟。

我同呀詩被分開咗，一個左一個右，個攝影師唔知係咪收咗蕃薯仔，將蕃薯仔同埋子晴揍埋一齊企，我諗佢實買曬所有版本嘅班相留念。

咩有分搞笑版同埋正經版㗎嘛，仲有過膠同唔過膠。

真係俾我估撚中，條友真係買曬，哈哈！

不知不覺間，我同呀詩就行咗大半年，到咗暑假，我哋成日出去玩，因為我哋知道大家遲下分班無咁多時間，唔似得好似之前咁。

之但係，去到暑假後期，開始有些微嘅轉變。

慢慢覺得出去拍拖好悶，出去嘅地方嚟嚟去去都差唔多，唔係旺角就係銅鑼灣，唔係睇戲就係行街。

我哋唔再好似一開頭糖痴豆咁，一齊耐咗，對呀詩慢慢開始懶。

我覺得自己似乎慢慢變咗第二個呀彥，對呀詩愛理不理咁。

「你喱排做咩啊？係咪因為遲下開學唔開心啊？」同呀詩出嚟食個飯，百無聊賴地拖住佢行太古城。

「唔係啊，只係覺得有啲悶姐。」我老實講出自己心底話。

呀詩臉上瞬間閃出一丁點不悅，然後提議不如出去行下海旁？

我欣然同意。

係海旁邊，望住慢慢轉變，然後成功脫MK嘅呀詩，身上熟悉嘅味道又少咗幾分。

「遲下開學分班我哋就無得咁樣成日一齊啦⋯⋯」呀詩扁扁嘴，然後係太古城對出嘅高枱上度望海。

喱度嘅風景真係好靚，個高度望住海浪一波一波咁飄，好是療癒。

我哋企係最前面，呀詩抱住我，攬到我好實，搞到我抖唔到氣咁制，喱種感覺，好似係石澳海灘嗰陣，佢抱住我嘅感覺。

黑色的底褲 2020-3-17 11:30:27 大家，準備好sad未？

假道學 2020-3-17 11:47:21 推

飛𨋢(歐陸) 2020-3-17 11:49:23 又要扣定安全帶

:^(

單吊西3喇 2020-3-17 11:51:37 正仆街仔黎，有個咁好嘅喺格離仲要嚴悶

:^(

趕故書生 2020-3-17 11:56:01 人係犯賤嘅

:^(

咁易識得珍惜青春就無人有遺憾啦

:^(

20歲(洗廁所) 2020-3-17 12:18:19 新po留名

如果還有如果就好 2020-3-17 12:24:04 lm

幸運星下的預言 2020-3-17 12:40:03 扣左

:^(