香城首富 2020-5-27 01:28:22 推

妖一 2020-5-27 01:49:01 （八十）

「你唔早講。。。」今次到我哀怨，極度哀怨。
「M到有咩好講喎。。。sorry囉。。。」哎呀，居然扁嘴撤我嬌？！不過我受，咁m到冇人想嘅，我唔好彩啦。
「沖涼先啦，好熱啊，又成身味」
「嗯」
「一齊！」
唔知會唔會好多血水呢？


「你專心洗嗰度啦，我幫你洗頭沖身」
「嗯」
話說應該係第一次幫Nicole洗頭，上次喺李城同佢沖涼沖一半都已經變扑嘢，冇真係正式咁沖。我手心倒滿洗髮乳後溫柔咁塗滿眼前一把秀髮，然後用指尖輕力按摩，
「戴小姐，請問力度適中嗎？仲有冇邊度痕？」
「大力啲，左邊少少有啲痕」
「清楚明白」
「OH～係呢度，大力啲R」
再一次頭部按摩後，我用水沖乾淨洗髮乳，然後手心塗沐浴露，開始喺Nicole身上遊走。從上到下每一寸肌膚都塗得好仔細，呢種滑滑嘅感覺令佢不期然深呼吸，尤其當沐浴露慢慢流到屁股溝時候，佢不由自主扭動身體。背部塗勻，我雙手慢慢從後面滑向佢雙乳，我輕柔撫摸，手指輕柔慢慢滑過乳頭，「嗯。。。喂呀好痕呀」
「你嗰度洗完未架？」
「洗完啦」
於是我雙手慢慢向下滑到美臀，睇嚟呢段時間Nicole鍛鍊充足，屁股充滿肌肉而又有彈性。不過些微嘅血腥味令我頭腦變得清醒，唔再有非分之想，當沐浴露塗勻雙腳後，就開始用水沖乾淨。


其實好想佢幫我沖，不過我知道m到唔可以沖太耐，所以當我幫Nicole沖乾淨後就叫佢著返衫，廢時冷親。可能我經驗不足，聞一聞經血之後理智變得非常清醒，唔想做令Nicole身心都唔舒服嘅事。 今晚大家都瞓得好好，惟獨我第二朝起身時一柱擎天，睇嚟夜要自己打飛機搞掂佢。


第二日我地決定圍繞市區行算，因為見Nicole唔係咁舒服，唔想佢行太多。我地先去好出名嘅費蓮達火車站，聖保羅大教堂同聯邦廣場影相，之後沿住亞拉河畔散步。喺南岸South Bank Park呢一段路，兩邊非常多藝術品，將條路裝飾到精品大街咁，而且種滿樹木，行起上嚟非常舒服自在，就連Nicole個情況都好似好咗。喺河畔餐廳嘆杯咖啡，食埋lunch，就去坐遊覽船欣賞墨爾本風光，感覺浪漫又寫意。最後坐電車到St. Kilda Beach. 海灘附近一條Acland大街上充滿各式嘅餐廳同特色小店，足夠成為我地dinner。其中有間Monarch Cakes係猶太糕餅店，成列琳琅滿目嘅蛋糕非常吸引，只可惜Nicole唔可以食。趁未入夜，我地去岸邊睇企鵝，好好彩咁見到一種非常細隻嘅企鵝成群歸巢，Nicole當然唔放過任何影相機會，望到佢成個細路女咁好鬼死得意。喺海濱夜市醫埋肚後就返酒店休息。

妖一 2020-5-27 01:52:26 陣間仲有，然後聽日停更一日

:^(

賜個offer俾豬 2020-5-27 02:09:08 一日好啦

:^(

:^(

香城首富 2020-5-27 03:32:46 推

妖一 2020-5-27 03:45:14 （八十）（續）

返酒店路途中，喺頭先市集見到一檔花店，決定買枝玫瑰送俾Nicole。屈指一算，原來今日係一齊第600日，雖然600日唔係咩特別日子，不過考慮到之後週年紀念未必一齊慶祝到，就唯有買份禮物仔。我唔想俾佢知，於是行前再轉埋彎先同佢講話去廁所，「你喺度等我，我去一去廁所，好快返」
「咁我坐呢度等啦」
我買咗3朵紅色玫瑰，收埋喺身後面。Nicole見我姿勢有啲唔自然，已經開始懷疑，「做咩呀你？奇奇怪怪咁？」
「冇嘢冇嘢，你行啦」
去到馬路一排椰子樹下，我覺得呢度有啲feel，「Nicole，你合眼先啦」
「做咩呀？」佢又真係乖乖合埋眼
「打開眼啦」 同一時間我將花拎到佢眼前，「600日快樂」
「。。。？！？！？！」Nicole驚訝到兩手掩住嘴，眼淚瞬間喺眼眶打轉。
「我愛你，願我地有10個600日，100個600日」
本來準備喊嘅佢聽到都笑出聲，「噗，60000日我地死咗啦」
「咁下一世繼續囉」
「衰人，你特登俾位我入等你可以講呢句，多謝，我都愛你」講完Nicole行前一步送上香吻，不過我地拎住一抽二抽唔係咁方便，所以都係蜻蜓點水式親吻。
「I love you！！！」我攤大手大嗌
「I love you！！！」Nicole亦有樣學樣，呢刻應該亦都係佢人生暫時笑得最燦爛一刻。


第三日我地比較hea，喺酒店碌床單，其實都冇得碌，純粹自然醒加懶床，去到中午先捨得起身，食埋lunch就出發去Phillip Island. Phillip Island有非常豐富嘅動物生態，南海岸係海鳥、海豹、小企鵝嘅棲息地而且仲有樹熊、袋鼠等等，對於喜歡大自然嘅Nicole係人間樂土，最主要係佢未嚟過，所以有新鮮感。


沿著海岸線木棧道可以親近動物，除咗近距離接觸海鳥，更加有機會睇到鯨魚，觀浪聽濤，一片無盡嘅大海令我地煩惱散去。不過冇機會見到企鵝，不過我地行木棧道，聽到腳下有異動，我即刻趴低伸出頭向下望，居然見到小企鵝喺度挖窿。我叫Nicole過嚟睇，「嘩！！！好得意呀！！！」佢想伸手摸，不過我制止佢，然後就望住小企鵝一彈一彈咁行返去附近佢間人造木屋，忽然Nicole拍我屎忽，「哈哈，你睇，佢行路屎忽左搖右擺，好似你」
「我鬼有？」不過，佢話有就有啦。
一路行，一路喺木棧罅隙發現更多小企鵝，Nicole不顧形象痞低影相，不過當其他路人知道原因後都跟住做，就顯得佢好正常。木棧兩邊間唔時仲會有小袋鼠同野兔出現，聽到Nicole尖叫就知佢又發現新大陸。


我地周圍hea到入黑，因為會有最令人期待嘅企鵝遊行。成大群企鵝喺日落返上岸。當聽到唔可以影相之後，Nicole非常失望，不過佢都理解驚會嚇親班小企鵝。日落嘅海邊真係好凍，Nicole都要依偎住我，手伸入我長褸，將我隻手當暖蛋取暖。冇幾耐，忽然見到兩三隻小黑影，我地所有觀眾都為之一震，小企鵝被海浪衝上沙灘後開始匍匐前進。有一隻唔小心被撲岸浪花捲入海中，其餘成功上岸嘅繼續努力往前，慢慢爬上斜坡鑽入草叢，場面非常搞笑可愛。離開時，我地抬頭發現滿天星斗，於是坐低一陣觀星。


返到酒店，我地依然回味頭先旅程，Nicole太攰瞓先，我就執一執手信同衫褲唔好咁亂。其實幸福好簡單，彼此相愛，彼此有同一目標。某程序上都算係對的時間遇上對的人，大家互相支撐一齊撐住，先嚟到今日，可以一齊睇企鵝觀星。望住身邊睡美人，我輕輕錫佢額頭之後就進入夢鄉尋找佢。

力盡達人 2020-5-27 12:09:42 咁快就600日，唔係啱啱先升班咩

妖一 2020-5-27 12:31:40 屌.......300先真....

:^(

:^(

:^(

:^(

SORRY

:^(

:^(

:^(

妖一 2020-5-27 12:34:47 放錯咗未改版本添.....

:^(

:^(

愛知病 2020-5-27 22:26:29 樓主將自己去澳洲行程寫返出尼？

:^(

:^(

唔講以為睇緊旅遊 唔係講故

痙攣髮菜 2020-5-28 08:50:58 屌 睇企鵝真係好撚凍
著埋虧佬褲都頂唔緊

:^(

妖一 2020-5-28 15:12:52 （八十一）

跟住落嚟呢兩三日都只係到景點打個卡，旅程最後我去Nicole屋企住一晚。Nicole室友兩男兩女，其中一對係情侶，另外嗰個有女朋友，不過我依然唔放心，一來如果佢想溝Nicole，情敵只有我一個，仲要日對夜對佔盡主場之利，二來佢仲要係香港人，唔會有溝通障礙，所以我成日叫佢盡量避免獨處。「知道啦，你對我咁冇信心咁，咁你呢，都咪洗示意去蒲呀」Nicole都不甘示弱反擊我。
「咁你可以定，我日夜練波都冇時間蒲，仲要我本身都唔想去蒲，我對鬼妹冇興趣。我roommate仲要係黑人，我唔會食大肉腸你放心。」
「哼，算你啦」Nicole把口係咁講，但從佢講完之後嘅甜笑就知佢好相信我，當然我唔會利用佢嘅信任去做令佢失望嘅事。


簡單咁介紹我俾佢啲roommate認識之後，我地就返入房hea。佢啲roommate都好識做咁話去同學屋企玩，咁我地就有私人時間，於是我地今晚決定煮飯仔。Hea完就一齊去超市買餸，由於超市喺附近，我地只係街坊look出去，夠暖就得，所以特別有新婚夫婦feel。「聽日你就要走啦。。。」
「做咩無端端講嘅？」
「咁我唔捨得你嘛。。。」
「今晚先慢慢唔捨得啦」
「唔知幾時再見啦」
「聖誕囉？澳洲聖誕放假架嘛？」
「你諗住過嚟？西乙雖然歇冬，不過你都未必過到嚟澳洲啦」
「咁你嚟西班牙囉」
「再講啦。。。」自從上次倫敦返墨爾本，Nicole已經話嗰程機坐到好辛苦，更何況再轉多程機入西班牙，仲要計埋回程呢，所以佢猶豫我係可以理解。。。唉，一係我努力啲，搏轉會去大城市球會等佢坐飛機冇咁辛苦。


今次煮飯仔比之前好，因為係自己屋企，廚具比較齊全，而且調味料都會啱自己口味。而我嘅職責除咗煲飯，就係任由女大廚吩咐。「你抹檯啦，抹完喺後面櫃拎檯布呀」 「拎嗰隻花碟俾我」「行開啦，啲油彈到你呀」只要佢吩咐，我都會照做。
唔怪得Nicole話roommate鍾意佢煮嘅餸，賣相唔差，味道仲相當唔錯，對一個後生女嚟講係上等水準。「你過嚟呢到開始就一直煮？」
「唔係呀，一開始食外賣，之後慢慢睇食譜學，我拎得出手嘅其實得呢幾碟餸架喳，你唔好嫌」
「唔嫌，一啲都唔嫌」作為專業男友，我決定食晒啲餸，唔想浪費佢心血。


唔係每個人都有勇氣選擇異地戀，亦唔係每個人都可以喺異地戀中堅持到最後。異地戀嘅我地，每日只可以whatsapp傳達思念之情，每當失落，煩惱時，我地唔可以似其他情侶咁擁抱，因為我地相隔地球另一邊。其他情侶嘅再見喺屋企或者地鐵站，我地嘅再見喺機場，佢地面帶笑容，期待聽日，或者下星期再見，我地充滿悲傷，期待唔知幾時嘅再見。多情自古傷離別，更那堪冷落清秋節。窗外嘅寒冷，為悲傷嘅房間更添悲傷。Nicole瞓喺我大脾上，神情依依不捨，「阿佑。。。」
「你攰就瞓啦，唔洗特登唔瞓」
「唔要，瞓醒你就走，唱歌俾我聽」
「你想聽咩？」
「盧廣仲首我愛你」
「嘩好難唱啵」
「。。。」Nicole扁嘴加哀怨嘅眼神令我屈服
「唱得唔好聽唔好話我」
「太陽公公出來了 他對我呀笑呀笑
我愛你 你知不知道

曾經在我眼前 卻又消失不見
這是今天的第六遍
電影裡的配樂 好像你的雙眼
我愛你 快回到 我身邊」


唱到第二次副歌時Nicole已經瞓咗，我廢時嘈到佢所以決定第二朝先執行李，我去關燈後亦上床攬住佢一齊進入睡夢中。

大船上的人 2020-5-28 19:17:09

:^(

愛知病 2020-5-29 22:35:06 等文

:^(

:^(

扮工閒人 2020-5-30 00:21:52 差唔多

妖一 2020-5-30 02:14:03 （八十二）

再一次喺機場難離難捨分別，每次都要抱住好快會再見呢種信念去支撐。我地溝通嘅方式係電話，我地見面嘅交通工具係飛機，到底幾時先可以習慣呢種每次分開都唔知道下次幾時見面嘅不確定性？最唔想聽到嘅電話鬧鐘響起，急促嘅聲音好似催我入閘，終於兩人都喺對方視線消失。從墨爾本飛去巴塞，連埋轉機等候時間，出入市區，足足用咗超過26個鐘先返到宿舍，認真攞命。。。除咗要適應時差，亦都要收執心情準備新球季，返到去嘅頭一個星期肯定因為唔習慣而非常辛苦。


球隊為咗適應西乙聯賽殘酷性，約咗其他國家乙組聯賽球隊同我地打熱身賽，每星期打一場，總共3場，完咗之後下星期已經聯賽開鑼，所以而家可以話暑假已經放完。教練睇得出我狀態未十足，第一場我只係80分鐘落場踢10分鐘就收工，不過呢短短10分鐘已經出現兩次傳波俾對面截到，睇嚟要加把勁操返起，唔係就冇我嘅立足之地。比賽完後依舊同roberto加操，有時真係慶幸路途上有好伙伴，如果要形容我地關係，會係似曼聯嘅艾拉同朴智星，又係一黑一白配搭，來自唔同洲份，但都擁有共同目標，就係喺球隊立足，甚至爭取獎項。


第2場我復任正選，我發現有個最大缺點係我入局好慢，結果我20分鐘喺後場傳失波，直接俾對面截到打反擊入波而落後。去到30分鐘先如夢初醒，斬個靚角球助攻追成平手。對方係德乙中下游球隊，但我依然出現入局慢，或者係我求勝心唔夠，返到去當然要請教軍師，睇吓佢有冇辦法。第3場我聽從Nicole建議，可能我一直都習慣觀察對面踢法從而作出針對性行動，所以會比較被動。呢種踢法踢學界就可以，因為節奏唔快，對抗性又唔強，可以妹住踢都得。但嚟到職業，強度差天共地，我思考得嚟都已經俾人搶波，況且呢啲工作係教練事前職責。於是比賽一開始我採取主動，好早段已經企得前，向前傳球多過橫傳，發現非常清風送爽，冇乜失誤，亦做到關鍵傳送，奈何對手級數比我地高，最後只係打和0:0，但今場發揮係3場入面最好。除咗我信心增加，roberto同教練亦好樂意見到咁樣嘅我，一來roberto唔會比賽早段啞火，二來球隊戰術會更多元化，尤其當我知道原來我地係上季聯賽頭30分鐘入球第3少嘅球隊。。。


準備已經充足，以最佳狀態迎接開鑼日。

香城首富 2020-5-30 02:22:11 已正評
推

:^(

妖一 2020-5-30 02:25:34 （八十三）

開季頭3場都係對上季聯賽前列球隊，我地拎到一勝兩負，已經非常滿意，因為本來預咗三負。呢三場亦確定我係球隊首選攻中，除咗數據唔錯之外，更重要係其他隊對我掌握嘅資料唔多，唔太會主力防我。雖然因此得益，不過我當然不止於此，我要嘅係對方意識到我威脅性去主力防我，所以我要表現更好去令更多人知道愛斯賓奴Ｂ隊21號Yau呢個名。之後3場都係對下游份子，亦係我表現嘅好機會。結果球隊3場全勝，我喺呢3場入兩球罰球，3次助攻。呢幾場表現亦令我出現喺馬卡報嘅角落，馬卡報係西班牙體育報章，雖然我嘅報導只有角落一忽，仲要冇我相，不過我都已經要剪落嚟紀念，甚至想錶起佢。


隨後幾輪我狀態有啲下滑，因為第8，9，10輪係一週雙賽，體力有啲跟唔上，我知道休息係為行更遠嘅路，所以我對於教練放我落後備冇意見，因為我相信第11輪抖夠我就可以重返正選。意識到體力依然不足呢個情況，我趁呢段時間勤加操練，亦要學識更好咁分配體力，令我唔會咁快體力見紅，因為我發現之前幾輪嘅早段我都太chur，結果都第70分鐘左右已經氣喘。以前嫌太慢熱，而家嫌太心急，不過我知道係成長必經之路，所以勇於去面對。


喺第13輪對住榜首球隊拉科魯尼亞，我離門30碼射入罰球，雖然係輸波，不過有體育報報導。今次又係馬卡報，唔同嘅係篇幅多咗，而且有我跪地慶祝嘅相。我今季暫時入3球，3球都係罰球，正常都會引起人注意，所以我預先準備一份講稿，等記者訪問時我唔會口窒窒。我將報導俾Nicole睇，「今次係第2份」
「知道啦，懶叻，我諗再係咁會有人訪問你」
「所以我準備咗講稿架啦～」
「哈哈，用唔著就好笑，自作多情」
「係喎，歇冬我去澳洲4日會唔會太短？」我期待歇冬好耐，因為我就有時間去澳洲搵Nicole。
「唔得呀。。。到時我讀完12班要考試呀。。。」
「即係咩？」
「你當DSE啦」
「吓。。。」
「乖啦，我考完得閒嚟搵你～」
「咁好啦。。。」佢講到咁，我亦唔勉強啦，只係遲一個月啫。
可能受到壞消息影響，隨後幾輪我只入1球，係執雞入，冇再入罰球，我冇再出現喺報章上，真係俾佢開口中用唔著份講稿。。。


一路去到歇冬前一輪嘅第18輪，我表現入4球6助攻，全季目標雙雙，球隊成績亦比預期好，22隊入面排緊第11，最大功勞係roberto，已經入咗8球，暫列射手榜第二。冇得去澳洲，我就不斷加操，保持好狀態，希望1月有好表現俾Nicole親眼睇到，我知道佢每場都會睇直播，就算時間唔啱佢都會睇重播，令我感動到真係唔知講乜好，唯有用好表現去報答佢背後默默支持。

妖一 2020-5-30 02:25:49 加速

:^(

:^(

香城首富 2020-5-30 02:36:13 你意思係今晚仲有?
等你啊

:^(

扮工閒人 2020-5-30 02:41:04 等你！為夢想奮鬥 為人生努力 為未來打拼


我好需要哩三樣

妖一 2020-5-30 02:46:32 其實有個地方同現實唔同,不過劇情需要唔好理啦

:^(

:^(

妖一 2020-5-30 02:50:39 今晚冇

:^(

:^(

句加速應該係83章前post，不過我手殘

:^(

:^(

:^(

愛知病 2020-5-30 03:01:13 國王盃呢

:^(

:^(

無人識我 2020-5-30 03:19:25 好好睇
好熱血
加油