可惜,事與願違,如果英文堂係lunch之後,我一定做得切。。。今日唯有落D啦,都係悶一個鐘姐。
「Sorry Miss Wong, I left my homework at home」Charmaine左搵右搵,結果咁樣舉手同Miss Wong講。咦?佢冇帶即係交唔到,咪要同我落D?哈哈,有人陪我,仲要係佢。
「喂,估唔到你都落D,一陣見,哈哈」我督一督前面Charmaine
「有乜所謂啫,換個地方溫書做功課喳嘛」
咁又係,對於佢呢種人,落D就好似去自修室咁,都係可以溫書做功課,不過對於我嚟講,話就話會同佢打波,但真係單獨相處冇乜幾可試過,亦都唔係好了解佢,睇嚟一陣要搵佢一齊坐好好了解佢。
(一)
「補時嚟到最後一分鐘啦,智社同仁社依然0比0打和,仁社中場馬天佑帶住個波,突然一下直線,劏穿智社條後防線,遠處李偉健上嚟接應,哎呀比人拉跌,犯規!有冇12碼呢?球證指住禁區界外,哎呀冇12碼啊,仁社喺最後關頭拎到個罰球,龍門都上埋嚟頂頭錘。」旁述講到好激動,好似自己踢緊咁。
「阿佑,好攰啊,跑唔郁啦,上半場我有力一定爆得贏佢」
「唔緊要阿健,呢球我一定會入」
我擺定粒波,向後行5步,右手撐腰,學C朗凌厲眼神。
「呼」瞄住死角,為咗粒波弧線大啲,重心腳最後一步落地時,向外拗將個人壓落地下,然後右腳拉弓cur出去,粒波由下而上c字形咁彎去死角,龍門飛到盡都掂唔到。
「掂啊!」波未入網阿健已經舉定手,由細同佢踢到大,佢知我罰球射入過港超龍門,所以對我好有信心。
「砰」我瞪大對眼,中楣?!
粒波中楣底彈落地,龍門落地時向後望,可惜反應唔切,粒波彈到佢身後入網。
「Yeah!!!!!」看台上仁社位置歡呼聲振耳欲聾,相反智社個個臉如死灰。
「屌你嚇撚死,係咪特登架」
「當然啦,,特登製造高潮嘛,下年最後一年啦」
「係阿佑,贏埋就社際三連冠,學界都要贏,連續兩年四強出局啦,仲有精英賽呢,屌,全部都要贏啊」
頒獎時候,我拎住MVP獎望向看台,希望見到女神為我歡呼,我同佢眼神對上,我舉起獎盃向佢揮手,佢瞇眼揮手,報以一個微笑。我目光唔係佢笑容,而係佢著白色體育服,揹著𠝹波袋,揮手所造成嘅郁動令佢C cup胸少少抖動,平時佢PE堂跑步已經上下晃動動L動L咁,加上十六歲嘅少女味,真係諗起都扯扯地。