［選項］廢青大廚之路

每日起身就眼瞓 2020-3-29 20:26:46 C

維他命v 2020-3-29 20:52:48 A

JimmyTheREV 2020-3-29 21:42:07 呀強第二日返居酒屋就問大廚「點樣先可以觀察到客人嘅狀態去決定煮咩食物比佢？」
大廚就話「呢樣嘢要靠經驗去拿捏，你幫我手準備好啲材料開好個檔先。」
呀強見到大廚每日都準備咗好多種唔同嘅食材，有啲更加係呀強未接觸過嘅嘢，但係份量唔多。
呀強見到一隻未見過嘅菇，佢問大廚「呢隻係咩菇嚟㗎師傅。」
大廚就話「呢個係日本嚟嘅松茸，佢有一種好獨特嘅香味，亦都好貴，我遲少少示範一次比你睇點樣煮松茸。」
呀強唔止接觸到日式嘅食材，仲有中式同西式嘅食材都見到，呢個大廚真係唔簡單。
搞咗一輪之後終於都開好檔，呀強同大廚企係吧枱度等今日第一個客嘅來臨。
過咗一陣，終於有幾個人入咗嚟，大廚同呀強講「你留意吓佢地嘅對話同埋動作，嘗試去判斷吓佢地狀態先。」
呀強望向幾個客人，佢留意到佢地額頭好多汗，手亦都喺度撥緊涼，應該係好熱。呀強就同大廚講「佢地應該好熱，可以煮凍食嘅食物比佢地食？」
大廚就話「等等先，佢哋其中一個應該係大肚婆嚟，咁就要煮啲開胃嘅熱食比佢」
呀強被大廚驚人嘅觀察力嚇到。呢個時候嗰幾位客人就問「點解冇menu嘅，比本menu嚟吖」
呀強正想開口解釋，大廚就話「我地呢度冇menu嘅，你哋食嘅嘢都係由我發辦，幾位有冇問題？」
港女A就話「好啦咁，比杯水我地吖」
大廚示意呀強倒幾杯水比佢哋，之後跟佢入廚房準備煮嘢。
大廚同呀強講「除咗嗰大肚婆之外嗰兩個都可以食凍嘅嘢，你會打算煮咩佢哋食？」
呀強應該煮咩？
A.冷麵
B.沙律
C.雞絲粉皮

維他命v 2020-3-29 21:48:05 B

姦盜夫 2020-3-29 21:59:51 C!

進退之間 2020-3-29 22:12:51 C

位位打賞百二蚊 2020-3-29 22:25:53 c

閒人老師 2020-3-29 23:08:52 A

雙系魔法師 2020-3-30 00:01:39 A

紫青雙筷 2020-3-30 00:48:59 A

一筒子 2020-3-30 00:53:48 c

七夜一次郎 2020-3-30 00:54:48 c

孔仲尼 2020-3-30 00:57:45 B

滄海肥豬 2020-3-30 00:58:56 A

講感情傷感情 2020-3-30 01:37:28 A

似有還無 2020-3-30 02:41:55 A

搭車企入啲 2020-3-30 02:54:01 A

每日起身就眼瞓 2020-3-30 03:46:45 C

:^(

柒點柒 2020-3-30 04:41:57 C

紅燈就要衝 2020-3-30 04:53:33 C

JimmyTheREV 2020-3-30 07:19:48 呀強諗起細個嗰陣同屋企人出街食飯食過一個雞絲粉皮好好食，所以就打算煮比客人食。
呀強過去乾貨架攞咗一包粉皮依照包裝指示煮咗先，之後就拎咗幾條雞柳撕成雞絲，但係重點係個醬汁，呀強記憶中個雞絲粉皮嘅醬汁係有濃厚嘅花生同芝麻味，所以佢去調味架搵咗樽芝麻醬同花生醬，不斷調較兩種醬嘅比例。
大廚喺旁邊一直望住呀強，冇比任何意見或者指導。
呀強諗起個醬汁帶少許酸味，所以佢又加咗少少白醋落去再試味，呀強覺得滿意之後就將煮好嘅粉皮過冰水降溫，再將雞絲鋪上面，之後又切咗啲青瓜絲放上去，呀強感覺可以拎比客人食。但係諗起之前同呀晴嚟食嘢，大廚係一次過將所有食物同時上比客人食，佢先發現自己做錯咗。
呀強打算即刻諗應該煮咩比其他兩個客食嘅時候。大廚終於開口「你都幾醒目，記得我係一次過出曬啲嘢比客人。」
講完之後大廚終於郁手煮嘢，呀強企係喺旁邊打算睇大廚點樣做嘅時候，大廚就話「企喺度食花生呀？嗱嗱臨諗多個冷盤煮比客食啦。」
呀強情急之下就搵材料整佢最拿手嘅柚子汁沙律。
唔使幾耐，兩個人就煮好三個唔同嘅餸比客人食。
呀強見到客人食完之後滿意嘅樣感到如釋重負。
呀強留意到大廚煮比大肚婆食嘅係菠蘿咕嚕肉配飯，所以佢即刻喺未洗嘅鑊點咗少少醬汁試吓，呀強發現呢個汁同佢平時喺街食嘅咕嚕肉完全唔同，酸得嚟唔會搶喉，甜得嚟又唔會太霸道。所以佢打算學呢個汁點做。
正當呀強搵緊大廚用咩去煮醬汁嘅時候，大廚又叫呀強「快快手洗好啲架生，我嘅廚房最緊要係乾淨整潔。」
呀強聽到即刻去洗乾淨啲工具同器皿。
好唔容易先頂到收檔，佢諗起好耐冇搵過呀晴。
呀強應唔應該去搵呀晴呢？
A.搵
B.唔搵

月水竹戈口弓土人 2020-3-30 08:04:18 A

雙系魔法師 2020-3-30 08:27:15 A

JimmyTheREV 2020-3-30 08:58:34 估唔到呢個故有咁多人追，多謝咁多位嘅支持，有你地嘅支持呀強先可以喺呢條大廚之路繼續落去

:^(

JimmyTheREV 2020-3-30 09:00:39 我相信呢個故喺爆po之前都唔會完㗎，再次多謝大家忍受小弟咁差嘅文筆。

:^(