《甲賀奇俠》
上一頁
第 15 頁
下一頁
西野七瀨
2020-3-13 13:08:36
yes
唔關校長事,上幾集先中槍
Ads
西野七瀨
2020-3-13 13:08:47
系列女主角
朝如青絲暮成雪
2020-3-13 14:06:10
想睇曈曈
:^(
娜
2020-3-13 14:53:16
罷睇了
西野七瀨
2020-3-13 18:28:24
下個故你只會同情瞳瞳
松岡菜摘
2020-3-13 22:01:19
:^(
瞳瞳真係好兩極化
一係好like, 一係就
:^(
娜
2020-3-13 22:34:12
抵撚死
:^(
松岡菜摘
2020-3-13 23:30:14
文呢?
西野七瀨
2020-3-14 01:11:31
依家出
:^(
:^(
西野七瀨
2020-3-14 01:12:01
憎佢嬲鳩石仔、累死友美
西野七瀨
2020-3-14 01:12:14
:^(
Ads
西野七瀨
2020-3-14 01:12:40
29.伊賀的首領
「藤堂紗理依」
紗理依一筆一筆將自己的姓名寫到黑板上
「大家好呀,我叫藤堂紗理依,今個月啱啱從仙台搬到黎東京」
紗理依笑得非常斯文:「各位,以後多多指教」
「嘩好靚女呀..」
紗理依清秀的容貌,馬上俘虜男生們的心
「哼..又係呢啲自以為好靚既女人!」
妒忌心重的日奈馬上怒得咬牙切齒
「可能你識落之後會係好人呢?嘻嘻...之前結城老師啱啱黎果陣你都咁話人架喎..」
美波笑道
美波一說,日奈回想起綁架一事中,由紀替自己被要脅一事
一時說不出說話
「講起上黎,我仲差結城老師一句...」
西野七瀨
2020-3-14 01:13:15
「好啦好啦,大家唔好嘈先啦..」
克哉打斷同學間的私語,指住班房內靠左的一個座位:「藤堂同學,你..就坐果度啦」
「嗯..」
紗理依回頭,對克哉報以微笑
兩人四目交投的一刻
克哉竟感到眩暈
一種,令他視覺迷糊顛倒的眩暈!
「啊..好頭痛....」
已經發現不尋常的克哉
「五十嵐老師呀~」
克哉回頭一望,卻令他大為驚訝
由紀,正慢慢解開自己的衫紐
「咩..咩話?結...結城老師?」
「你唔係..好鐘意由紀既咩...」
恤衫的紐子一粒一粒被解開,一雙豐滿的雙乳也從中露出
看著由紀雪白的軀體,克哉也不禁產生生理反應
由紀一邊走近,一邊將整套套裝脫下
「五十嵐老師..你..想唔想摸下呀...由紀既身體...」
西野七瀨
2020-3-14 01:13:36
「五十嵐老師?五十嵐老師!」
「呃...!」
當克哉回過神來,才發現
依然身穿套裝的由紀,正叫著自己
「五十嵐老師,你無事丫嘛?」
「無..無事...」
克哉張合雙目,清醒頭腦
「頭先既...唔通係...」
再度望向剛才跟自己有眼神接觸的紗理依,她也馬上向自己報以微笑
一種有含意既微笑
「呢個女仔...唔通...」
「克哉老師,好似怪怪地咁既...」
這一幕,都收入美波的眼簾中
「鈴鈴鈴鈴鈴」
「所以,呢條只要將呢兩組電阻以平行方式並列計算就會得到答案」
小休鐘聲響起,克哉也順勢完結課堂:「好啦今日課堂黎到呢度,山內,記得補交功課」
「起立,敬禮」
「嘻嘻,今日有啦!」
美波拎起課業,跑到克哉處,卻發現
紗理依在同學們都不發現下,將一紙條放到克哉褲袋中
然後就跟隨人群離開課室,臉上還帶著微笑
西野七瀨
2020-3-14 01:14:12
「克哉老師,佢...」
「我知道」
克哉嘆一口氣,取出字條
「天台見個面啦,甲賀奇俠」
「老師...佢...佢知道你...就係甲賀奇俠」美波瞪著眼道
「呢個紗理依...究竟係何方神聖...」
「咔!」
克哉打開通往天台的唯一門口
不出所料,天台上只有紗理依一人
她叉起雙腿,坐在欄邊上
「嘻,真係黎左喎,五十嵐老師」
紗理依戚起嘴角笑道,彷彿將克哉當成笑話一樣看待
「你究竟係咩人?仲有,頭先...」
克哉憶起剛才的幻覺,尷尬得未能開口
「哦,睇黎你見到啲...幾好玩既野喎」
從欄杆跳下後,紗理依慢慢逼近:「等我估下先,你...應該係見到...結城老師?哈哈都啱既,結城老師樣又靚,身材又好,正常好似五十嵐老...」
「咪講廢話啦,究竟你想點?!」克哉難忍紗理依不斷拉開話題,怒道
「講下笑姐,五十嵐老師真係無情趣」
紗理依扁嘴裝作生氣:「我只係用幻術同你打個招呼姐...」
「幻術...」
克哉心裡也一早有準備,並不驚訝:「你都係忍者...」
「叮噹,全中啦,甲賀奇俠!」
紗理依收起笑容,嚴肅道
「我,就係伊賀眾第二十三代首領,服部紗理依」
西野七瀨
2020-3-14 01:14:33
眼前的女高中生竟是伊賀首領,克哉當然不太相信
「你...係首領?!」
「嘻,唔信呀?」
紗理依得意洋洋笑道:「都係既,好似我咁靚既女高中生,又點會係個忍者呢~」
「定係...你想我再幫你...睇到啲刺激既幻覺先信呢...?」
「...」
克哉心裡盤算:「頭先我只係同佢對望一下就已經中左幻術,呢個人絕對唔係泛泛之輩」
「收到情報,響一星期前百鬼眾襲擊呢一間學校,咁我總無可能坐視不理啦,咪扮女高中生入黎囉」
紗理依講得非常輕鬆:「...我仲知道...甲賀奇俠有拍檔添~」
克哉眉頭一皺
「佢...連呢樣都知?」
紗理依輕輕一笑,道
「叫門後面既『佢』出黎啦,唔駛咁辛苦偷聽啦」
「果然,山內隱藏自己既功夫仲未做得好...」
克哉叫道:「山內...出黎啦」
「咔...」
美波戰戰兢兢地走出梯口
「呼~原來你既拍檔就係山內同學~禮尚往來,我都會帶我既部下出黎現身」
紗理依頭轉向後:「紅龍。」
「颯!」
一記風聲後,一長髮男子馬上出現於紗理依身後
「紗理依小姐」
此男身穿黑色皮褸,單膝跪於地上
「甲賀奇俠,幸會」
「呢個人既氣息非常弱,頭先完全冇察覺佢既存在」
克哉接著再問:「你講咁多野比我地聽,其實你...真正目的係咩?」
西野七瀨
2020-3-14 01:18:57
「我作為伊賀眾既首領,當然...要清理門户啦」
紗理依再度收起笑容:「所以今次黎東京,係特登黎揾你合作」
「...」
克哉吞吞口水再道:「合作?」
「我,知道卷軸既破解方法」
:^(
松岡菜摘
2020-3-14 10:45:42
合合吓作會唔會變咗拍檔
:^(
變埋女主角
:^(
粗人敵卡
2020-3-14 17:43:25
咁快單刀直入
:^(
西野七瀨
2020-3-14 23:12:24
30.合作
「卷軸...」
克哉和美波都心裡有數
「百鬼眾之所以盯上你,都係因為你從遠雷手上搶過卷軸姐,唔係咩?呢一切紅龍都已經匯報左比我聽」
「佢連呢啲都知...」克哉不禁驚嘆紅龍收集情報的能力
紗理依假笑一下,道:「我幾乎肯定,當你再有關乎卷軸既新行動時,佢地先會再對你地落手」
「理由係...?」
「一,佢地今次既魯莽行為,已經引起警察既注意,呢點唔單止忍者,任何罪犯都唔想見到自己被警察盯上」
「二,佢地當中無人能夠解開卷軸既密碼,就算上次響學校拎到你手上既卷軸,佢地都冇辦法知道點先揾到卷軸上面既寶藏位置...除左我,侍奉德川幕府既忍者,服部半藏既子孫」
西野七瀨
2020-3-14 23:12:34
「點解...百鬼眾咁想得到卷軸既?要錢既話佢地可以做其他既非法事既姐,例如打劫同做殺手...」美波問
「山內同學你講得啱,但係卷軸既『價值』,似乎唔係在於金錢」
紗理依眼神變得銳利:「傳說中,果件寶藏...有推倒一切既威力」
「即係話,寶藏有機會唔係寶藏,而係一啲有破壞力既武器...」
克哉也不太明白
「或者啦,我完全無興趣知道」
紗理依道:「我既目的好簡單,將百鬼眾呢一班叛徒徹底消滅」
「你同我聯手清除百鬼眾既話,就算果筆寶藏係錢,歸你地甲賀都冇所謂,我冇興趣再同你地鬥落去」
「點呀?有冇興趣同我合作呀?」
「老師...點好呀」美波對克哉馬首是瞻,自然會先問他的意見
「上次學校綁架件事單靠我同山內,已經非常吃力,如果再有更強既忍者來襲既話...」
「但呢個紗理依係咪信得過呢...即使佢係伊賀既首領,難保佢有其他我唔知道既目的」
「鈴鈴鈴鈴鈴鈴鈴」
上課鐘聲打斷兩人的談話
「嘿...睇黎你仲係未諗好喎...」
紗理依笑道:「當你有決定既時間就再揾我啦,五十嵐老師~」
「我都係時候去上堂啦,紅龍你返去先啦」
「係」
Ads
西野七瀨
2020-3-14 23:12:47
「係啦,五十嵐老師」
紗理依走到克哉和美波之間時,突然張口
「黎緊既敵人...絕對唔係單靠你地兩個可以解決」
「百鬼眾,冇你想像中咁簡單」
說罷,紗理依就向返回校舍的樓梯前進
而手下紅龍亦隨即消失
「...」
克哉一語不發,細心思量
而美波也不敢打搞,只在站於一旁
「呢個紗理依,真係無任何陰謀...?」
西野七瀨
2020-3-14 23:13:10
「五十嵐老師,我頭先既講課...有冇問題呀...」
吃著自製飯盒的由紀,戰戰兢兢問
「雖然仲係有少少講錯書既甩漏,但比起開頭已經改善左好多啦,至少冇再緊張同講野細聲先...」
克哉道:「你對自己比多啲信心啦,結城老師」
「嗯,嗯!」
由紀露齒笑住點頭
「係啦,五十嵐老師呀...」
「嗯?咩事呀?」
由紀壓低聲線,以防被其他老師聽到
「星期日...你,得唔得閒呀...」
「暫時應該得閒既...做咩呀?」
「...我...我想...想請你...一齊...去...睇戲呀...」
「...呃...呃,睇戲!?」
克哉嚇得險將口裏的午飯吐出
「...嗯,為左多謝你之前幫左我咁多忙..所以,想好好多謝五十嵐老師你呀....」
緊張的,反而是由紀:「五十嵐老師...你會唔會黎呀...」
克哉馬上從中邪一樣的狀態醒過來
「呃......會!黎到呀!」
「嘻嘻,太好啦,我之前仲諗住五十嵐老師你唔會鐘意睇戲添!但係...去邊度睇好呢...」
「一係...我地...下晝四點響目黑中央口等丫...然後再決定行程」
在由紀面前,克哉特意裝作富有主見的樣子
「嗯!好呀!哈哈...明明係我約你點知變左你比提議我添...唔好意思呀」
.
得到克哉答應的由紀笑逐顔開:「咁...星期日約定你啦,五十嵐老師!」
松岡菜摘
2020-3-14 23:56:06
:^(
西野七瀨
2020-3-14 23:57:07
唔會,但會搶鏡
:^(
上一頁
第 15 頁
下一頁
唔關校長事,上幾集先中槍