《甲賀奇俠》
上一頁
第 14 頁
下一頁
松井玲奈
2020-3-11 07:02:44
負責埋單
Ads
娜
2020-3-11 09:10:52
樓主=祐介
西野七瀨
2020-3-11 09:34:56
係就好囉有得飲頭啖湯
娜
2020-3-11 09:55:17
你影男人相
西野七瀨
2020-3-12 00:02:33
27.訓練
「老師講啦!到底克哉老師果日去完由紀老師屋企之後發生左咩事姐?!我想知呀!」
好管閒事的美波繼續扯著克哉追問
守口如瓶的克哉當然不會如此輕易就被美波套出話來
「咪問啦,我應承左結城老師唔會講架...」
「嘻嘻...唔通」
美波笑得古惑:「你地兩個已經發生左...禁斷既關係!?嗚呀估唔到咁快就已經...!!!」
克哉一聽到,馬上否認
「...痴...痴線啦!我都係盡一盡...同事既責任姐,幫左佢少少忙姐」
「何況,結城老師都只係話...我可以叫佢...由紀...」
「嘩!比你叫得全名,老師你今次真係加左好多分啦」
「咩...咩呀...」
「老師,睇黎你真係無乜戀愛經驗喎.」
美波擺出一副戀愛專家的模樣
「女仔肯比你叫名,係一種身份既肯定黎架,等同於老師你都唔會叫我美波啦,係咪先?」
西野七瀨
2020-3-12 00:02:52
「又...好似真係有啲道理,不過...」
克哉馬上回過神來:「山內同學,你可唔可以專心啲」
「嘻嘻,休息一陣姐,順便關心下克哉老師你丫嘛!」
美波伸伸小舌頭:「不過,真係好難呀,要做到好似老師你果種咁快既高速移動」
接著,美波繼續在克哉家中的花園作跳飛機訓練
「山內同學有田徑隊訓練既根基...速度同反應唔算太差」
克哉再旁盤算:「但..要同我地呢種從小訓練既忍者去比,始終有段距離」
「要訓練佢既反應...唯有衰少少啦..」
克哉從後拎起一個便利店膠袋大小的布袋
「山內!」
克哉大聲一叫,隨手取出布袋內的的彈珠,由手中射出!
「....嘩!!!」
當美波察覺之時,彈珠已經擊中自己身上
力度不大,但足以令美波停下
「老師,點解...」
「颯!颯!颯!」
克哉未等美波將問題說完,繼續放出彈珠
美波見狀,當然馬上迴避
「嘩!!!」
西野七瀨
2020-3-12 00:03:09
「老師佢做咩要用彈珠射我呀...?」
美波不知不覺間加快速度,十顆彈珠中也有一二粒能勉強避過
「山內同學,要加快你既速度,就只能用呢種方法」
克哉無間斷地射出彈珠:「山內,你一定要控制自己,盡量響短範圍內迴避」
美波盡量在剛才跳飛機的範圍內不停跳動
「彈珠既射擊位置,無頭先咁分散」
「咁想做既目的,就係要逼山內響短時間內作較細既移動,練出更精密的動作」
不消一分鐘,克哉就將彈珠全數射出
「呼...啊.....」
美波就如將所有體力耗盡般,倒在草地上
「嗄..嗄...老師...我唔得啦...」
克哉將樽裝水遞到美波面前
「飲啖水先啦,山內同學你都已經好努力架啦..」
「唔該老師...」
美波緩緩站起身上,大口地將水飲下
「老師...我...點呀...」
「唔...算唔錯架啦,以呢一兩日先開始訓練既人黎講」
克哉道:「因為你爆發力夠好,而且身體較柔軟,所以頭先既266粒彈珠裏面都可以避到23粒,成績可以接受」
西野七瀨
2020-3-12 00:03:29
「咁...」美波聽到克哉的讚許,心中不禁欣喜
「我係咪即係夠資格做你拍檔啦」
「...有排...」
克哉搖搖頭:「一個合格既忍者,頭先應該要避到...」
「全數266粒」
「全...全部?!」
美波感到難以置信:「頭先我好專心先避到23粒咋喎...」
克哉苦笑著,道:
「如果一個由細訓練到大既人連呢啲程度既速度都去唔到既話,佢已經無資格做忍者,因為佢連最基本既一關都過唔到...」
「...」
美波察覺到自己和忍者既距離後,一時無言以對
「咁講法,好似...傷到山內同學既自尊心...」
苦惱的克哉摸摸頭:「不過...如果連速度都冇既話,戰鬥時必死無疑」
「老師...」
美波低聲道:「我...有可能,追到嗎?忍者既速度...」
「要追既話...或者難啲」
克哉回答:「但...如果係一個主用忍具既忍者,或者...唔需要避哂,都可以合格既...」
西野七瀨
2020-3-12 00:04:01
「...老師」
美波眼神裏充滿堅定的意志
「我想...繼續試...」
「山內同學,你確定?」
「唔努力既話,任何事物都守護唔到」
美波擺出一副準備就緒既模樣:「老師,再黎啦!」
「嗯...不過...」
克哉收起笑容:「我地要執返啲彈珠先」
「吓!!!!」
「三太夫,今次既行動雖然成功引出甲賀奇俠,但同時都引黎警視廳既注意...」
「今次,的確係同計劃預期有少少出入...」
三太夫雙腳屈曲,席地而坐,向住布簾後的黑影匯報
該黑影笑了一聲
「連殺三個百鬼眾,而且仲可以傷到你,睇黎...甲賀奇俠都唔係省油既燈...」
「三太夫,今次你就休息下先...小次郎,今次輪到你啦」
「嗯?」被要求休息的三太夫自感不悦,眉頭一皺
同時,一名身影已經並坐到自己身旁
「係,知道啦大人,今次我一定會完成任務,搶返卷軸返黎」
此人外表陰濕,皮膚蒼白
散發出令人心寒的氣場
「同時,小次郎你要記住,今次任務既目標並唔係甲賀奇俠,而係卷軸,我唔容許再有任何閃失」
黑影竟然笑道
「今次,你唔會繼續就手旁觀啦掛...伊賀大小姐」
西野七瀨
2020-3-12 00:04:15
美波=強化版瞳瞳
松岡菜摘
2020-3-12 09:36:40
依排好忙
入嚟推一推先
:^(
Ads
黃絹
2020-3-12 10:00:35
此回覆已被刪除
娜
2020-3-12 10:01:05
:^(
:^(
西野七瀨
2020-3-12 18:14:09
返工?
西野七瀨
2020-3-12 18:14:24
多謝支持!
:^(
西野七瀨
2020-3-12 18:14:59
以後仲會見到瞳瞳
松岡菜摘
2020-3-12 18:36:21
啱呀
:^(
松岡菜摘
2020-3-13 00:20:06
Push
:^(
西野七瀨
2020-3-13 00:20:39
:^(
西野七瀨
2020-3-13 00:22:19
28.神秘的轉校生
「山內.,再快啲!」
克哉毫不留情地將彈珠射向美波
美波揮灑汗水,於跳飛機圖陣上擺動身子
「踏踏踏踏踏踏」
經過一周苦行級的訓練,美波的速度已經提升至之前的一倍!
和之前相比,美波現已能避過過半的彈珠
「噠!」
「哎呀」
一不留神,美波就被一彈珠擊中
金身被破的美波速度稍有下降,馬上再中多珠
「山內,重新掌握節奏!」
「節奏...」
美波不再想著之前的失誤,專注避著眼前的彈珠
雖然之後再有失手,但美波均能集中避過接下來的彈珠
「嗄...老師,成績係點呀...」
克哉總算將布袋中的彈珠全部射出
「我放出左273粒,你避到...」
克哉微笑道:「247粒」
西野七瀨
2020-3-13 00:23:09
「247...273減返247,即係...」
美波數完手指後,又驚又喜:「26粒...我...過左9成呀!好野!!!!」
「呢啲,正正就係你努力既成果...」
克哉再指出:「但,咁樣唔代表你已經足以同忍者戰鬥,你仲有好多野需要練習架...」
「嘻嘻我知啦!」
美波嘟嘴笑道:「不過呢,呢一個禮拜既訓練之後,我好似睇野都越黎越慢咁啦,唔知關唔關事呢?」
克哉點頭
「無錯,你既五官同反應神經都開始適應緊咁快既速度,所以有呢個情況係好正常...話事話」
「你欠我果份物理功課交到未?」
一聽到「功課」,美波臉色馬上變青
「克哉老師呀,咁我呢幾日放學都黎你屋企避彈珠,邊有時間做功課喎!」
「你已經欠左好多日啦,總之聽日要收到」
「一係你教我做丫老師...」
翌日
「五十嵐老師,早晨呀!」
「嗯...早晨呀結城老師」
自百鬼眾襲擊一日後,由紀總算休息完畢,重新返到校園
對比起一星期之前遭遇不幸的一日,情緒穩定下來的由紀明顯精神不少
兩人一同踏上返校的路程
「五十嵐老師,我第一日返返學就要你黎接我,真係唔好意思...」由紀苦笑道
「冇...冇所謂既,反正我行去車站點都會經過呢度既...」
能與由紀相處多一會,克哉當然不會介意
Ads
西野七瀨
2020-3-13 00:23:47
由紀問
「咦,五十嵐老師你好似...好大個黑眼圈咁喎...」
「...哈哈係咩,可能呢排轉天氣,訓得唔好掛」
只輕輕帶過的克哉心裏卻想著
「掛住同山內同學練習,搞到晚晚改功課改到二點...唉」
「係呢五十嵐老師,我唔響度既呢幾日,學校有冇發生咩事呀?」
「等我諗下先...丫有啦」
克哉稍作思想下,終於憶起:「校長有講過,今日我地班會有一個轉校生黎到」
「轉校生...?但呢個時間...」由紀不惑,畢竟新學期也開始了一兩個星期
「其實我都唔係好明既,不過既然校長都比佢入學,就冇所謂啦」
克哉不禁回想起...
「五十嵐老師,下星期會有一個轉校生去你同結城老師果班...」副校長對克哉道
「轉校生...呢個時間?」
克哉當時的反應和由紀一樣
「嗯,佢好似係...校長個朋友...個大女黎既...」
「哦...」
克哉心想「總覺得...呢個『轉校生』有啲唔妥...」
「美波早晨呀!」
而美波,也在通學途中遇上日奈
日奈也似乎已從陰霾下走出來,和平日一樣笑得燦爛
「啊...日奈早晨」
但相反,美波卻馬上打了呵欠
「美波...你好似好眼訓咁喎...無野丫嘛?」
為免日奈擔心,美波擠出笑容
「嘻無事呀,只係尋晚睇小說睇夜左姐...」
「美波睇咩小說呀?我又睇!」
看著日奈似乎再無不妥,美波也放下心來
「睇黎...日奈都冇事啦」
西野七瀨
2020-3-13 00:25:52
=========
克哉和由紀一返到校園,就被副校長搭話
「五十嵐老師,結城老師,我帶你地見一見果位轉校生先...」
副校長示意兩人跟上
「哦...」
兩人放下隨身公事包後,就跟著副校長到會議室
「咔!」
一開門,坐在裏面的正是一名少女
皮膚白晢,頭髮柔順,面容清楚,雙目晶瑩
更有一股仙氣,從她的身上散發
:^(
:^(
「呢位就係從今日起會就讀2年A班既轉校生,藤堂紗理依」
「藤堂同學,呢兩個就係你既班主任,五十嵐克哉老師同結城由紀老師」
「五十嵐老師,結城老師,以後多多指教」
紗理依有禮地向兩人鞠躬
「藤堂同學多多指教」
克哉和由紀也馬上回禮
克哉心想:「呢個藤堂,總係覺得...有啲奇怪...」
「希望...係我多心啦」
粗人敵卡
2020-3-13 08:13:26
伊賀大小姐
:^(
:^(
如果係個校長為個卷軸攞全校學生條命較飛
:^(
娜
2020-3-13 09:15:17
不撚是吧
上一頁
第 14 頁
下一頁