《甲賀奇俠》

西野七瀨 2020-3-6 00:45:13 「我之前明明仲好下巴輕輕咁要做老師既拍檔，原來...做忍者..真係唔係講玩....」

親眼目睹克哉和百鬼眾的戰鬥後，美波終於明白

這，並不是一個遊戲

「你講得無錯，呢個『工作』的確好危險，所以你...要考慮清楚」

克哉苦笑:「不過...頭先山內同學的確係幫左我好多，多謝你.....」

「呃...係咩...」

得到老師的讚賞，美波不自覺的難為情，剛才的苦惱一掃而空:「哈哈..頭先我都係亂咁射架咋」

「不過...山內咁快上手，的確係出乎我所料...」

精神恢復不少的克哉站起身子

「咁我地返先去啦，再唔返去既話實會比人懷疑」

「嗯！」

美波跟住克哉，返到校舍

「美波！！！！！！」

甫一返到校舍內，剛才已經嚇到魂魄盡散的日奈馬上衝到日奈懷裏

「你頭先去左邊呀...我..我..頭先比人用槍指住..好驚...我好驚呀！！！！！」

日奈失控地哭著，美波唯一可以做的事就只有安慰

「無事架啦...日奈」

克哉望住一眾仍左恐懼當中的師生，一種惡疚感不知不覺間油然而生

雖然的確是克哉拯救大家，但這是在大家不知情的情況下發生

在他們的眼中，克哉或者只是個不及格的班主任

西野七瀨 2020-3-6 00:46:18 「係..係喎..結城老師呢？」

「咦，你搵結城老師呀？」

其中一名老師見到克哉，道:「佢...好似返左去呀」

「返左去呀...」

經過被槍指住的恐怖經歷後，實在難以短時間內平靜

「唉，希望結城老師...無事啦...」

經過一連串事件後，松榮高等學校決定全校停課三日

「...估唔到百鬼眾...會殺到黎學校度」

回家路途上，克哉一路想著

「依家件事曝光左，佢地已經確定甲賀奇俠會響港區呢度..但如果我依家辭職既話，佢地又有可能查到我就係甲賀奇俠...」

「究竟...應該點做好呢...不過...」

「點解你又要跟住我呀，山內同學？」

美波在克哉的身旁，緊握拳頭

「老師，我諗通左啦」

「我，要做你既拍檔...」

松井玲奈 2020-3-6 09:40:32 突然諗到轉做日文嘅話，
結城由紀咪姐係: yuuki yuki

:^(

娜 2020-3-6 10:54:52 佢睇刀劍睇上腦唔洗理

西野七瀨 2020-3-6 12:03:27

:^(

娜 2020-3-6 12:31:00 又冇講錯

:^(

西野七瀨 2020-3-7 00:38:56 23.鬼的根源

「踏」

克哉停下腳步

「山內同學...你，真係考慮清楚？」

看著美波堅定的眼神，就如已經覺醒一樣

「我想有能力...保護大家」

「...好啦」

「真係既？好野！我可以做甲賀奇俠搭檔啦！」

一聽到克哉終於承認自己，態度馬上一百八十度轉變

克哉見狀馬上掩住美波的嘴巴

「喂你細聲啲啦！」

「哈哈..唔好意思呀..」

自知興奮過頭的美波馬上以口

克哉再道:「不過..我地黎緊要面對既，就唔再係一般既壞人」

「佢地，係伊賀流百鬼眾」

西野七瀨 2020-3-7 00:39:22 「百鬼眾..?」

「佢地係一班來自伊賀既叛忍...」

克哉四周張望，生怕之後的內容會被人偷聽

「老師，你怕比人聽到呀？」

美波主動要求：「咁不如，我去你屋企慢慢傾丫」

「吓？！又...」

作為一個老師，帶著學生回家乃一大忌

但美波完全沒有顧慮

「怕咩喎，呢度離學校咁遠，而且我都黎過你屋企啦」

「更重要既係，我做左你拍檔之後大把機會黎啦，嘻嘻」

「唉...咁都得」

「老師，到底...甲賀、伊賀、百鬼眾係咩一回事呀？」

轉眼間，美波已跟住克哉返到住所

「唉...要講既話，真係有排解釋」

克哉拎出一張大畫紙，準備向美波講解一切

「忍者，早就響平安年代就出現響我地既國家，日本」

「我地同動漫畫裏面既忍者唔同，完全唔識咩咩豪火球之術，但我地依然可以靠敏捷既身手同各種既忍具，完成任務」

「忍者最大既特色就係蹤跡隱蔽，神出鬼沒，佢地既工作包括暗殺、收集情報同擾亂敵方」

克哉將重點都寫到紙上

「去到大家最熟悉既戰國時代，忍者更加係大放異彩，差唔多每個戰國大名旗下都有聘請一隊忍者團隊，而呢堆忍者...正正就係來自甲賀同伊賀」

西野七瀨 2020-3-7 00:39:57 感覺說到重點，美波也不自覺地坐得更端正

「甲賀同伊賀，為日本兩大最具歷史既忍者流派」

「一個響滋賀、一個響三重，兩個流派從來都係世仇...不過，甲賀同伊賀最大既分別就係，每個甲賀忍者由始至終都只會效忠同一個主人，而伊賀忍者就只會收錢辦事」

「而我，就係來自甲賀既上忍」

「上忍...咁應該係好犀利喎！」

「呃...係掛」

克哉接住再道：「後來德川幕府上台，天下太平，大批忍者失去工作」

「哦！即係失業！」美波大叫

「啱，你可以咁講」

克哉先吞一下口水再道：「失業導致大批忍者開始借犯罪為生，呢個時候...」

「幕府決定，拉一派打一派，向甲賀同伊賀作下『一生享有榮華富貴』之類既承諾，只要消滅到對方，就可以響大平既世代中繼續生存」

「咁樣...就促成左甲賀同伊賀既大戰？」

「冇錯，雙方為左生存，只好打呢一場無意思既戰鬥，但其實，甲賀，定伊賀，都中左幕府既計」

「中計？點解咁講呀？」美波再問

「幕府就係想兩大忍者流派自相殘殺，咁就可以不廢一兵一卒咁解決忍者作亂既問題」

美波一個手手鎚擊到左手手心

「哦！我明啦！根本幕府就冇諗過要安置其中一方！佢只係為左要甲賀同伊賀消失...」

西野七瀨 2020-3-7 00:41:21 「山內同學你講得無錯...呢場大戰之後，兩方既勢力都削弱不少，幕府隨後輕鬆瓦解呢兩個忍者集團」

「不過，當中仲有倖存者，就好似我家族咁...」

一時間接受過多資訊的美波正沉澱中，無言以對

「老師頭先...係解釋左兩大忍者流派既恩怨既...」

「嗯」

「咁尋日同今日既事，仲有百鬼眾，又係咩一回事呀...?」

「果場忍者大戰之後，甲賀同伊賀雖然仲有保持敵對關係，但因為勢力已經大損，一直都冇再有咩實質既戰鬥發生」

「比起甲賀，伊賀起初比較團結，佢地秘密響東北某地重新建立伊賀忍村」

「而響大約...一兩年前，一班伊賀忍者背叛伊賀忍道，成立百鬼眾...但原因..一直無人知，但黎到今日我開始覺得」

「佢地成為叛忍既理由，或者同卷軸有關」

一說到此，美波不禁慌了

「卷...卷...卷軸？」

「相傳，幕府倒台後，有一樣好重要既野，收埋左響江戶城外既某一個地方」

「尋日我殺左既壞人，正正就係百鬼眾既成員」

克哉拎出一筒卷軸：「佢地要既，就係呢樣野」

「果樣野既地圖」

西野七瀨 2020-3-7 00:41:51 克哉將卷軸置於桌上再翻開，只見裏面只有一大堆數字與標點，而且毫無連貫性

「只不過我到依家都仲未解得開，當中既意義」

「佢到底係一個地圖、定還是係信息呢？我到依家都仲未知道...」

「即係話，今日襲擊學校既...又係百鬼眾？！」

克哉點頭

「冇錯，佢地脅持大家既理由，就係為左引我，甲賀奇俠現身」

「今次佢地好成功咁引左我出黎，即係話，佢地已經知道我同學校有關係」

「但係，如果我即刻辭職，咁既話百鬼眾只要稍為調查一下，就好容易揾到我既真正身份」

「咁老師你...咪算陷入左兩難局面？！既唔可以辭職引起懷疑，又要隨時對付百鬼眾」

「嗯...」

克哉只能難為苦笑：「仲要加上...學校再有機會比佢地襲擊」

「咁既話...我做你拍檔咪啱哂囉！」

美波的面容變得非常認真

「我唔想，日奈...同大家再受傷啦...」

「山內同學，你既決心的確值得欣賞，但係...」

克哉似乎有點懷疑：「你...乜都唔識喎...」

聽到後，美波苦笑

「嘻嘻都係既，不過，老師你可以教我架嘛！」

「我唔怕辛苦架，而且以老師你既能力，一定可以教好我既！」

「教你唔係唔得，但係我最怕，係會令你有危險...你屋企人...呃，唔..唔好意思..」

克哉憶起美波家裏的事，慌忙道歉

西野七瀨 2020-3-7 00:42:14 「嘻嘻，唔緊要呀老師，我一早已經習慣左架啦，無問題！」

美波沒有沉澱於悲哀中，很快就回復平日的樂天性格

「總之由聽日開始，我就係你既徒弟啦！老師！」

「嗯...」

克哉心不在焉地回應，因為他在想著另一件事

「總覺得...山內同學...有啲奇怪...」

「係喎，克哉老師...」

美波頓時笑得古惑

「由紀老師佢今日受左咁大驚嚇，你乘機...去探下由紀老師啦」

「...吓...」

克哉對此感到愕然，事關自己跟由紀其實未到如此熟絡

「唔係...唔係幾好既...我又唔係...佢邊個...」

「就係咁先要去！」

美波斷言：「老師，今次係你加分既好機會呀！」

「但係，我邊有結城老師地址...」

「...係喎」

想少一步的美波伸出舌頭裝傻

「嘻嘻唔記得左添！唔好意思呀老師...不過...由紀老師依家最需要既，始終係人地既關心呀」

「我...係咪應該...揾方法探下結城老師呢？」

西野七瀨 2020-3-7 00:42:27 聽日休息

花井三日月 2020-3-7 00:45:21 捉鬼

:^(

西野七瀨 2020-3-9 00:05:43 24.過去的陰影

傍晚7時半，東京，世田谷區

獨居的由紀，正攤在睡床上

「...」

被人脅持的恐懼，在由紀的腦海中揮之不去

「點解...會發生...呢啲事......」

「叮噹」

「係...邊個...?」

由於單位尺寸較小，即使聲線較弱，門外的訪客也應該聽到由紀既叫聲

但對方並沒有回應

「叮噹」「叮噹」「叮噹」

門鈴不停響著

本來心情已經不佳，煩人的門鐘更令由紀不耐煩

由紀只好勉強站起，打開屋門問個究竟

「請問邊位呀...」

身心皆疲的由紀一時忘記先望一下防盜鏡，直接開門

「嘿嘿，估唔到真係住響度喎，由紀！」

西野七瀨 2020-3-9 00:05:59 「祐介...係你...」

眼前一個熟悉的容貌，使由紀不寒而慄

正想關門之際

「砰」

祐介一手捉住門邊

「喂，唔係咁見外下話」

由紀氣力再大，也無法再將門關上

只能看著祐介推開屋門

「估唔到呢度都幾企理喎，呵呵」

祐介鞋也未脫就在屋內四周遊走，甚至隨意拎起桌上的書本

「你真係做埋老師呀...有冇教班學生玩咩花式呀，哈哈哈」

「你...你...想點呀...」

由紀此刻的表情，既憤怒又驚恐

祐介露出陰濕的笑容

「唔駛咁見外喎，話哂我同你...都曾經係炮友丫！借返15萬円黎駛下先啦！」

「十...十五萬...」聽到金額，由紀嚇得差點腳軟

祐介摷著凌亂的金髮，打著呵欠

「都冇辦法架！手頭緊！之後一有錢即刻還」

當然，從祐介小混混的外表已經可看出，此話的可信性有多高

西野七瀨 2020-3-9 00:06:11 「你...你走呀！」

由紀唯一能做的，只有大聲喝令祐介

祐介的語氣馬上跟隨由紀轉變

「喂...唔好唔記得當年你做果啲衰野喎！」

「放安眠藥落我啲酒度，乘機將我屋企啲電話電腦掉哂，呢啲野全部都係你做架！我唔報警已經好比面你架啦！」

面對漸漸逼近的祐介，由紀只可逼退牆邊

「咁...咁係咪因為你用果啲相要脅我...我先...」

「影果啲相你情我願架！我有冇逼過你呀！？」

祐介握緊拳頭：「你係唔比錢我丫嘛？！咁唔好怪我啦！」

「踏...踏」

「好彩教員室度有份教職員地址既文件姐...我諗，今次偷睇既話...都唔過份掛...」

克哉跟住文件所寫的位置，前往由紀居住的大廈

「結城老師既屋企...應該就係呢度啦...」

「救...！救命呀！！」

一把熟悉的求救聲正從一單位傳出

「呢把聲咪...結城老師！？」

「砰！」

「收聲呀！八婆！」

只聽數秒，克哉已知道由紀正受到襲擊

他二話不說，馬上拔足跑到門前

西野七瀨 2020-3-9 00:06:22 「結城老師！」

情急之下，克哉只好一腳踢開屋門

眼前的由紀，正被祐介壓到床上

即使苦苦掙扎，也沒法敵過對方的氣力

身為忍者的克哉一手將祐介拉開，飛至牆上

「結城老師！你冇事丫嘛？！」

「嗚嗚...嗚...五十嵐老師...」

一日內受到雙重驚嚇的由紀滿面淚水，低聲啜泣

「你邊個呀！阻住本大爺開餐！！？」

祐介的大事被撞破，自然氣得要將克哉五馬分屍

「我...我係佢同事...！」

「去死啦！」

祐介率先揮拳，擊向克哉太陽穴位置

小混混的級數，又豈會比克哉快

輕鬆後退避過後，克哉加速踏前，一記衝拳將祐介打飛至屋外

「啊呀！！」

「以後咪再煩住結城老師，唔係既話我唔會再對你客氣」

「你...你好野！你個八婆犀利丫，咁快揾到條仔！」

借錢不成兼且被教訓，祐介只好敗走，急步逃離現場：「因住黎呀」

「呼...」

克哉轉頭望住由紀：「結城老師...你冇野丫嘛...」

「...嗚...嗚嗚...」

西野七瀨 2020-3-9 00:06:36 「五十嵐老師...飲茶丫」

由紀將熱茶放到克哉面前的桌上

「唔該...」

由紀坐到克哉對面，苦笑着

「真係唔好意思呀...比你見到啲咁羞家既事...仲要你幫手...」

「...唔駛...舉手之勞姐」

感到氣氛尷尬的克哉拎起茶杯，喝了一口

由紀隨口問

「係呢...點解五十嵐老師你會知道我住呢度既？」

「呃...！」

克哉心想，總無可能將自己傍晚偷入學校查看文件告知由紀

「今日知道你遇到啲咁不幸既事，所以想親自黎探下你，咪問教員室...拎左你...地址，唔好意思...」

聽到後，由紀猛烈搖手

「唔...唔駛道歉呀，應該係我要多謝五十嵐老師你先啱」

「唔係你及時趕到既話...我可以已經...」

克哉斗膽張問

「其實，頭先果個係咩人黎...」

話說到此，由紀低住頭

「五十嵐老師...你可唔可以先應承我...唔可以將我之後講既內容講比任何人知？」

「嗯」

「因為...呢件事...係我人生既黑歷史」

松井玲奈 2020-3-9 00:26:16 袥介，𧙗也

:^(

西野七瀨 2020-3-9 00:27:26 返工打無proofread

松井玲奈 2020-3-9 00:28:25 無打錯

:^(

諗起手越姐

:^(

西野七瀨 2020-3-9 00:29:19 特登寫埋

:^(

唐寧瞓教瞓靈堂 2020-3-9 01:13:38 唔通今個故有甜

:^(

粗人敵卡 2020-3-9 07:50:26 由紀嘅黑歷史

:^(