《甲賀奇俠》
上一頁
第 11 頁
下一頁
松岡菜摘
2020-3-2 23:11:48
Push
:^(
Ads
西野七瀨
2020-3-3 08:50:06
:^(
娜
2020-3-3 09:44:02
劉煮刀系死mk
西野七瀨
2020-3-3 23:10:09
20.百鬼眾高手
「甲賀...奇俠！！！」
千呼萬喚始出來，克哉的出現，使整個局勢扭轉
在一旁的團藏發現文太的屍首後，也不敢相信
「文...文太！」
無法接受的，並不是文太被殺
而是一個甲賀奇俠，可以於閃光彈爆發的三秒內，既能忍殺同為忍者的文太，又能將人質由紀救到自己手上
「甲...賀...奇俠？」
就連被救出的由紀，也無法相信自己的雙目
聽到槍擊聲後，自己的位置已經不再一樣
克哉將由紀放到自己身後，直立身子對住下面的師生
以及三太夫和團藏
「甲賀奇俠...真係聞名不如見面啦」
面對強敵，強忍情緒的三太夫依然未敢先下殺手
「先係解決千鳥，再用停電、閃光彈等招數就將文太暗殺...就算佢並唔係單獨行動，都肯定...唔係泛泛之輩」
三太夫和團藏拎起苦無，準備和克哉正面交鋒
西野七瀨
2020-3-3 23:10:37
「先殺一人，再救出結城老師，今次既計劃都算係成功...但戰況再拖，對班師生不利」
克哉拔出脇差，握緊自己的左手
「唯有...速戰速決啦」
「颯！」
克哉率先出手，踏出上層講台，飛鳥之勢襲向兩人
「哼，黎啦」
三太夫當然也不會坐以待斃，擺出一手前一手後的架式
「團藏，準備支援」
「噹！！！」
雙方武器相撞，發出駭人的響叫
第一下格招當然分不到勝負，三太夫隨即收招，飛出數發苦無
未有收招的克哉馬上以脇差打飛苦無
「仲未完呀甲賀奇俠！」
終於拔出長刀的三太夫，主動出擊
「噹！噹！噹！」
三太夫的氣力明顯較大，數次都將克哉壓到
「識趣既就交卷軸出黎！」
西野七瀨
2020-3-3 23:10:59
「果然...佢地係為左卷軸而黎！」
與此同次，一部猶如機械狗的裝置，在克哉的腳邊現身！
「咩話...！？佢...係突然出現既...」
「呢個就係我地百鬼眾既機械忍犬啦，死啦！」團藏大叫
「刷刷刷」
機械忍犬向克哉放出多枚針刺
情況混亂下，克哉只好退後
但三太夫又豈會放棄這好機會，舉起右臂繼續進攻
「吱！！！」
忍籠手竟能伸長，直逼克哉身前
「佢既籠手..係機械既？！」
克哉不敢殆慢，向前方發射爆炸粉，希望先爭取少許距離
「嘭呀！！」
爆炸粉將忍籠手炸開，同時讓克哉可以先退後
「依家既情況對我不利，呢個帶頭既有忍籠手，攻擊範圍廣，依家已經唔容易埋身」
「另外果個就有會隱形既機械忍犬，一唔小心就會比佢地夾擊而死...」
雖然肉眼看不到，但後面的由紀也知道，救出自己的甲賀奇俠正身陷險境，只好為他默默打氣
「甲賀奇俠...加油呀...」
西野七瀨
2020-3-3 23:11:23
「雖然都仲係睇唔到啲動作，但係...克哉老師依家應該好危險呀...」
美波的手汗，已經沾濕掌中的吹箭
「今次...要引開班衰人既注意力」
美波對住禮堂的天花板，胡亂發射
「吱吱！！！！」
此舉當然吸引了三太夫的目光
「甲賀奇俠既拍檔...或者只係一個普通人，否則頭先既情況佢冇可能唔出手...」
「山內同學...」
對美波感意外的克哉也馬上行動，踏出第一步發動攻勢
「踏！」
「嘿仲敢黎咩！」
以免克哉接近自己，三太夫再次放出一對忍籠手
「可惡...佢既攻擊太密啦」
三太夫熟練的操作，使克哉未能埋身，甚至吃下多記刀傷
「格！」
忍籠手如大蛇般綁住克哉的左手
同一時間，團藏的機械忍犬也向克哉射出多發苦無及針刺！
「死啦！甲賀奇俠！！！」
西野七瀨
2020-3-3 23:12:11
「你中計啦」
「吱吱───！！！！！」
一陣強大的電擊從克哉左臂發出，勁度猶如閃電！
電擊所產生的反作用力將克哉飛開，順便避開機械忍犬的攻擊
「佢既忍籠手係金屬製成，係最佳既導電體」
強大的電流也令團藏機械忍犬失靈，無法動彈
「機械忍犬，完全操控唔到！」
三太夫再快，也快不過光速！
「刺！！！！」
電擊使三太夫馬上停下動作
「嘿...果然有返兩道呀，甲賀奇俠！」
三太夫被強電電至倒在地上
「不過...！」
「勒！！！」
忍籠手鎖得更實，使克哉無法掙脫
「弊啦，估唔到佢仲有氣力操控忍籠手...」
想不到對方有此一著的克哉，想著如何解決困局
「暫時唔知甲賀奇俠果個助手響邊...」
同時三太夫也做好戒備，以防美波再次發放吹箭
西野七瀨
2020-3-3 23:12:21
克哉先放出多枚閃光彈，拖延時間
「吱！吱！」
「再係咁只會同歸於盡，要化解困局既話...」
克哉拔出兩顆球體物，各向三太夫左右方拋出
「砰呀！」
球體物瞬間爆炸，使三太夫本能地以左手擋下
但三太夫隨即發現
另一枚爆炸彈，已經來到耳邊
「嘭呀！！！」
松井玲奈
2020-3-4 01:24:27
兩粒球體物
:^(
西野七瀨
2020-3-4 23:27:00
波黎
:^(
Ads
西野七瀨
2020-3-4 23:34:17
21.未完的戰鬥
「嘭呀！！！！」
是次爆炸，比剛才爆炸粉造成的更為強大
即使是周遭的師生及由紀，都感受到強烈爆風
「哇......」
甚至是身處禮堂外的美波，也要抓緊牆身才沒有飛開
「三太夫大人！」
團藏大喊，但煙霧中未有回應
「我仲感受到佢既殺意...佢仲未死」
克哉繼續戒備，以防三太夫偷襲
「颯！！」
殺意，從克哉正後方襲來！
克哉二話不說，正想回身還擊！
「噹！」
「咩...咩話！？」
克哉擋下的，竟只是一個籠手！
「我響度呀！甲賀奇俠！！！」
真正的三太夫，在克哉的頭頂上！！！
西野七瀨
2020-3-4 23:34:46
「以超高速將手上既武器放開，再閃到另一個方向...呢招係...金蟬之術！」
「颯颯颯颯颯颯颯！！！！！！」
正如自由落體落下的三太夫，在腰間一抽，百多枚手裏劍從中飛出，襲向克哉！
克哉縱有一手好本領，但面對如此密集的攻擊，也只能盡自己最大能力防守
「噹噹噹噹噹噹！！！！！」
不過即使如何揮刀擋格，總無法毫髮無傷
克哉身上已經留上多處傷痕
「仲未完呀！！！」
三太夫停至克哉後面，兩手各伸出一把袖劍
「刷刷！！！」
克哉雖已轉身，但一不留神，已被三太夫斬中右胸！
「嗚...傷口斬得唔淺」
感覺到血已經從傷口中湧出，克哉就知道
再拖，自己將有生命危險！
克哉按下黃掣，左手頓時放出電流
「你唔係以為少少電可以嚇得到我下話！甲賀奇俠！！」
三太夫完全無視，繼續揮刀
「呢啲電的確唔係嚇你，因為...」
克哉二話不說，竟將左手的電流擊向自己！！
西野七瀨
2020-3-4 23:35:10
「佢...竟然打落自己度！？」
三太夫即使身經百戰，也被此自殘行為嚇倒
「唔係...佢係利用電流刺激自己，等自己既反應時間變快！！！」
可惜，團藏的解說未有傳入三太夫的耳邊
「颯！！！」
此時的克哉，速度已經勝過三太夫
不但避過三太夫的雙劍，還蹺到三太夫的身後
三太夫來得切反應之前，右臂已經被克哉斬中一刀！
「好快！但係...」
「噹！噹！噹噹！！」
劍來劍往下，三太夫只能硬硬擋下克哉的脇差
不過，速度的差野，再加上剛才電擊所造成的內傷，三太夫已經被克哉壓下去了！
「刷！！！！」
克哉狠狠地於三太夫腹中砍下一刀
三太夫身為受嚴格訓練的忍者，當然未因此倒下
「嗚！！唔可以再同佢硬碰..」
三太夫飛出另一隻籠手，再次使出金蟬之術
「想走？！」
得勢不饒人的克哉當然將籠手打飛，繼續追擊
西野七瀨
2020-3-4 23:35:48
「！！！」
與此同時，兩人同時感應到....
「踏踏踏踏踏踏！！！！！！」
一大群裝備充足的特種部隊，正衝至被鎖上的禮堂大門前
「似乎...附近有居民係因為頭先既槍聲同爆炸聲而報警...」
在場的三個忍者都已收起架式，似乎無意再戰
「如果呢件事比日本政府知道，絕對唔係好事...」
「而且以我依家既傷勢，絕對唔適合再戰」
受傷不輕的三太夫，再度開口
「甲賀奇俠...今日既恩怨，他日再同你算清楚」
「卷軸...我地伊賀百鬼眾一定會得到手！」
「颯！！！」
一聲風聲，三太夫和團藏都於霎眼間消失於空氣中
「吱吱吱！」
門外同時也傳來電鋸的機械聲
「...卷軸...點解佢地咁想得到呢...」
而在外的美波眼見危機解除也放鬆起來，伏在地上
「呼......終於...完啦」
「砰呀！！！！」
猛烈的撞門聲提醒克哉，特種部隊已經來到！
「弊，係時候要走！」
克哉以超高速逃向剛才的破窗入口，不留聲色地離開現場
「嘩...！」
而且更於瞬間將美波抽起，離開窗邊
西野七瀨
2020-3-4 23:35:58
由紀四周張望，也找不到甲賀奇俠的蹤影
「甲賀...奇俠呢？...咦？」
除了，地上的一張
朱古力包裝紙
唐寧瞓教瞓靈堂
2020-3-5 00:22:46
係咪結城粒朱古力嘅包裝紙
:^(
Btw佢咁豬成日有破綻比身邊人發現點生存到咁耐
花井三日月
2020-3-5 03:30:27
破綻只會俾女發現
:^(
粗人敵卡
2020-3-5 08:17:54
又會留低張包裝紙
:^(
尋覓愛的哪一個人
2020-3-5 12:16:36
推推先
西野七瀨
2020-3-5 15:07:56
未有靚女值得五十嵐留線索
Ads
娜
2020-3-5 17:20:11
唔推
西野七瀨
2020-3-6 00:33:57
22 假裝正常
「咪郁！！！舉高雙手！！！！」
二十多名特種部隊成員衝進禮堂，卻發現
「咦...咪住！！」
裏面，只有一眾仍在驚恐懼當中的師生，以及各種暗器，忍具和爆炸痕跡
「究竟...呢度發生咩事呀？」
「踏」
克哉抱住美波，成功於校宿的暗角落地
「老...老師！」
美波只記得自己被一個身影用力拉起抱到懷中
再下一秒瞪開雙眼時，就發覺自己已經身處此地
被克哉放到地面後，美波再問
「老師..你無事丫嘛？」
「暫時仲可以...」
克哉脫下戰衣，拎出一支噴霧，對四肢上的多個傷口噴上
「我受既都係皮外傷，依家只要止左血，返到去再包紮下就可以啦..反而...」
「老師！」
克哉一下子全身乏力倒下，幸得美波及時支撐
西野七瀨
2020-3-6 00:34:44
「頭先我將儲返黎既電力注入返自己既身體度，以加快自己既反應，所以依家有啲...攰...」
克哉開始標出冷汗:「放心啦...你比我攰一陣就無事..」
此情況下，美波只好將克哉扶到一旁的木椅上休息
「老師...依家..我地應該點做呀...」
對美波而言，最麻煩的，或者是要如何隱瞞兩人合力營救全校的事實
「...」
克哉吸一口氣，再道:「一陣我同你一齊返去，然後再同佢地講，我地響禮堂外面聽到槍聲之後諗住報警，點知收唔到，所以我地走到好遠先打到電話..咁既話佢地應該都會信...」
「嗯...」
眼見美波心事重重，克哉主動開口
「山內同學，做咩呀..？」
「原來...呢啲就係忍者既戰鬥....」
「你...你驚..我殺過人？」
美波搖搖頭
「唔係呀..只係...」
西野七瀨
2020-3-6 00:36:50
「頭先我將儲返黎既電力注入返自己既身體度，以加快自己既反應，所以依家有啲...攰...」
克哉開始標出冷汗:「放心啦...你比我
抖
一陣就無事..」
上一頁
第 11 頁
下一頁