登連瘋烏 2020-2-12 00:52:08 https://lihkg.com/thread/978028
上年出左個無咩人睇既遊記, 為左自己響網上留下腳毛
今年想再出一次, 目的都係一啲少人去既地方

想去福島同仙台用自己既眼認真睇一次,
到底海潚係點既一回事, 當年響HKCC 12樓? 電腦室到用一部電腦睇直播, 一部就響到做日文JAP2 project, 愈睇愈心噏,
之後有時會響空虛寂寞凍既時候
會開FNN311 youtube channel / 其他地震發生時既片睇當時既情況,
有時都會覺得自己有病, 有試過想讀完書就去果邊, 但之後未讀哂書就搵到工, 沉左好耐.
上年又去完北海道, 今年就搵地方去既時候揀左呢度.


20.12.2019
香港via台北to 東京再直入仙台,
之後發現唔係平好多同埋, 不過為左30kg (之後先發現間間都30kg..)

換pass果到用左我45分鐘, 真係好撚多人..仲好撚怕有人偷我行李, 因為行李講明唔比入店內, 咁我就提心吊膽咁等左好撚先有搞掂好
今次將pass係JR東日本pass 14日揀5日用 (其實我去南東北, 仲有7日響東京)
第一日就用左響NEX+新幹線到, 直衝仙台


個袋7kg, 行李7+7 (本體都7kg...)




由朝早0500起身出門口到仙台駅果陣已經係2147......
住東横INN仙台駅西口中央, 離車站其實都有5-10分鐘路(帶行李既話), 我就拖我個爛喼過我第一晚

btw, 去睇海潚野多過電廠, 想睇電廠既應該幫唔到你

登連瘋烏 2020-2-12 01:05:33

登連瘋烏 2020-2-12 01:48:47 21.12.2019 松島+石巻 Part1

行李無帶埋一齊, 留左響酒店, 本身22號晚會返黎住, 所以我今次就輕裝上陣,


大約係咁, 本身去旅行去到會帶車仔同摺凳既人應該得我一個

當初搵景點果陣係無打算去仙台而係響福島会津若松果邊,
不過之後睇返宮城啲野多好多,



去左松島海岸先, book左松島島巡り観光船, JR仙石線開始見到海邊既地方


(唔小心出左圖…)

呢架就係果日坐既船,
圍繞著海岸附近好多唔同既島行左一個30分鐘左右既圈, 二樓係VIP黎, 比多幾百yen就上到,

好彩我係坐第一班船時間1000, 之後果班見到勁多日本老人團排隊坐下一班….





落船之後就過左隔離個五大堂到睇左一陣, 本身對睇寺無咩興趣, 無野睇先會去行,

午餐諗著搵間牛舌食果陣開始睇到啲傷心野..




係啊, 津波(海嘯)去到1.4m高啊, 海嘯50cm其實已經可以令你完全被沖走, 1.4m既話好大機會會死, 要記著既係海嘯唔係浪黎..

松島海岸駅
2019年（令和元年）冬：リニューアルによる仮駅舎に切り替え。

本來以為係海嘯令到個車站要再起過, 原來只係renew..

-------------------------------------------------
入左鐵膠谷之後開始睇多左火車,
JR東日本HB-E210系気動車

係得佢先會又氣動又可以係電動
-------------------------------------------------

坐到終點站石巻駅, 呢到先係今次旅程既開始




本身響石巻得2日1夜, 放哂啲野響酒店之後就快快腳行去石ノ森萬画館



其實個館好似鳥取柯南館咁, 不過2011年多左呢啲野比人睇,
棟野3樓係漫畫圖書館黎,
入門口有幅牆show左啲相比我地睇,
當時館入面啲人係點應對震度6強同埋海嘯,
當時員工+其他人都係得廿幾人,
地震之後聽到大海嘯警報就即刻去左避難,
無人有事(物理上, 心靈上未知),
而原畫就響之後因為供電有事影響濕度調節就將所有原畫拎去工作室到保管





我睇哂呢本先走, 講佢地震頭果幾日係點樣過..


寫住咁多先

琪巴 2020-2-12 15:45:19 留名
我都想去睇海嘯好耐

:^(

竹篙灣朋友 2020-2-12 16:07:34

:^(

Lokk 2020-2-12 17:51:02 點解要轉機

:^(

好似好幾間都多行李重量
btw轉一次機張機票幾錢

登連瘋烏 2020-2-12 22:11:04 22.2.2019石巻+仙台 (石巻部份)

石巻既兩日一夜, 第二日,
琴日check in果陣個櫃台職員同我講, 你聽日早餐響對面果間酒店到食!?
我聽到要去對家酒店到食果陣我吓左一下, 我仲以為我聽錯

琴日舟車勞動,
今日朝早無車, 唯有用腳, 行左上日和山公園, 好撚高(其實得61.3m), 係因為好高既關係, 就成為左海邊市民唯一用黎避難既地方
本來係石巻城跡黎, 宜家係日和山公園+鹿島神社


https://www.youtube.com/watch?v=eBs7yfl8Se0
上面條片係東日本大震災果陣
下面係當時啲人點爬上黎既



上到去之後其實好撚想喊, 因為望落去真係咩都無哂, 果個區宜家見到既建築物, 都係新起且用黎做試驗用

行落去果條路, 其實話長唔長, 話短唔短,
由一開始仲係響鋪好既路到行, 行到落泥路先去到


東日本大震災メモリアル 南浜つなぐ館,
呢個館係一個無車要幾長時間先去到既地方, 因為就響山與海之間既中間位黎..


上面係山, 下面係海, 由右上角到現在地 南浜つなぐ館, 行左20分鐘左右, 中間果個係門脇小学校, 佢今年都會改為震災遺構, 但係我去果陣仲整緊, 左右太爛既拆去, 只係保留中間果part



個館最好既地方係有識國語, 英文, 日文既人響到, 同埋收集左當時啲人聽到有大海嘯警報之後既逃生時間同埋用咩路徑逃生, 用影片講明啲人係點唔愛惜自己生命, 就好似有人聽到警報之後係翻屋企執野呢啲on9日本人.

呢個館同埋之後気仙沼果個係最值得去睇(自己去過既黎講)

個館隔離係 がんばろう!石巻 看板


每年3月11日同一啲特別日子都會有紀念活動.
呢個牌係第二代, 第一代果個係好似搬走左去寄存

https://gannbarouishinomaki.jimdofree.com/%E6%96%B0%E8%81%9E%E6%8E%B2%E8%BC%89%E8%A8%98%E4%BA%8B/

有興趣既入去睇下

走之前同響到開雜貨糧油既老闆娘傾左半個鐘, 當初係入去諗著食下野, 點知人地係附近唯一既店舖黎, 不過都有雪糕賣www,
一講就講左半個鐘, 由東日本大震災講到香港6月9日開始再埋警暴同理工大學

之後為左趕火車返仙台就好急咁走左,
中間去過下いしのまき元気いちば(元氣市場)


咁就走啦, 寫作萬畫, 讀作漫畫既萬畫之國, 石巻市




ps, 我自己作文可能會有上文唔接下句既語病, 會考作文u

登連瘋烏 2020-2-12 22:16:27 #3之後copy漏左段...之後先#7

21.12.2019 松島+石巻 Part2

到左收館時間, 睇完本書食埋個tea就走
本身返酒店條路同石ノ森萬画館中間有兩三個震災傳承館
第一個係石巻市復興まちづくり情報交流館「中央館」
https://www.city.ishinomaki.lg.jp/cont/10151000/9200/20150302212702.html

入面有識日文同英文既人響到講解, 不過我自己都唔想搞人地, 我就自己睇, 同埋好多館入面都唔係好想人地影相, 始終啲相係生還既人影出黎既野.
間野主要係講石巻市同埋周邊被害情況, 之後呢9年政府同人民做左啲咩, 為石巻呢個地方由0開始復興..

第二個係石巻ニューゼ
係講當時海嘯之後, 石巻日日新聞呢間報館響海嘯之後機器爛哂印唔到報紙,
咁老闆就親自用手寫災後既報紙貼響報館門口比人睇, 石巻日日新聞六張手寫報紙係之後拎左美國既新聞獎



(不過呢間地方新聞報館好有show off既味道)

第三間係震災伝承スペースつなぐ館
https://311support.com/spot/learning_space
不過咁唔好彩佢無人響到, 間野close左..

返酒店, 佢比間咁既房我, 我今次去, 唔係得呢間酒店係咁..


同香港唔同, 屋企係天黑之後就會食, 大約七點左右啦, 但係呢到5點就會黑哂,
我自己食晚餐個時間就亂哂,

左下角果個佢寫係話蝦燒賣...

走返酒店果陣見到, 同東京既唔同, 東京係會話你宜家個位離水平面有幾高,
東北既海邊係會話海嘯既高度係去到邊到...

半桶水人間 2020-2-13 00:37:52 lm

スーパーはくと 2020-2-13 00:50:37 此回覆已被刪除

登連瘋烏 2020-2-14 01:24:22 #1>#3>#8>#7

坐仙石東北Line 返去仙台,




本來想去仙台市立荒浜小学校同埋せんだい3.11メモリアル交流館, 但係小學1700close左, 係仙台市近海邊既震災遺構黎, 但係之前計錯數, 走得太遲, 結果5點先去到せんだい3.11メモリアル交流館(荒井駅樓上), 要響荒井駅再坐巴士先入到..




不過交流館入面就無影到, 佢入面仲有個展覽,
佢地都係講2011年仙台(仙台係離震央最近既城市之一),
市內好似無事咁, 但係其實連機場都係浸哂,

https://www.youtube.com/watch?v=mk68bZ701s0

去唔到個小學其實好唔開心...
同埋佢地星期一好多都close, 結果留響仙台果陣去唔到.

夜晚無野做去邊?
去とらのあな仙台店 毒撚店,


外加,

日本仔都知點解香港會咁垃圾.

23.12.2019
仙台海洋森林水族館(仙台うみの杜水族館)

去水族館之前去左一個對我黎講都算係一個小小既聖地巡禮 – 最終兵器彼女
上次去小樽既旭展望台, 今次去仙台之前search先知仙台都有

仙台ハリストス正教会 仙台東正教會









由於23號係星期一, 近乎所有公家星期日有打開門做生意既地方都會代替星期日既紅假休息, 結果就要搵地方去, 就去左仙台既民營既新水族館, 2015年先開, 將舊果間啲動物搬哂過黎







比起其他地方, 仙台既避難指示有更加詳細既分類, 咩情況可以響到避, 講得幾清楚


我一開始唔知有shuttle bus, 去左陸前高砂駅到行過去..fkkkkkkk
呢張係走過陣先睇到 佢官網好似都無寫.

大約海洋公園以上既level, 佢有個超好睇既海洋劇場, 同限定既迷你企鵝巡遊






呢晚推著個喼. 由仙台經一ノ関去気仙沼, 有個女仔一個人backpack入, 我見到都呆左, 仲有人多野過我..

左邊呢個金毛

Btw, 走之前留影

IMAX 2020-2-14 14:05:23 有睇過巴打北海道遊記
小樽去朝聖果度印象最深

:^(

小弟. 2020-2-14 19:08:20 我都有睇

:^(

仲學樓主上咗次展望台睇添

:^(

行路上地獄坂行死人
好難想像落雪上去有幾辛苦

飛膠鑊 2020-2-14 21:26:54


跟幾張，之前去過兩次氣仙沼嗰邊，唔知而家點呢....

非理法権天 2020-2-14 21:35:41 以前係仙台讀過書
比係香港生活舒服好多

:^(

登連瘋烏 2020-2-14 23:32:37 23.12.2019 夜晚1915
気仙沼駅



有25000里長征既感覺..
我老啦..

入左酒店先,


對我黎講, 因為幾大間, 我突登影左張房相, 響正駅前面,


24.12.2019 christmas eva
気仙沼市東日本大震災遺構・伝承館, 気仙沼お魚いちば

話就話食左早餐, 本來想去観光案内所租電動輔助單車黎踩, 冬季+路面結冰, 唔比租..我仲諗緊點算既時候, 個職員超好, 同我講哂幾點響邊坐咩車就得, 比哂巴士時間表你, 想點都得,
咁我就跟佢同埋Google 地圖大神既幫助下去行

去之前又要大家睇樣新野, BRT, Bus Rapid Transit
https://zh.wikipedia.org/wiki/巴士快速交通系統



気仙沼線響201年3月11日之後既鐵路服務完全被海嘯摧毀, 之後用接駁巴士頂左一段好長既時間, 之後一年決定用巴士專道既方法, 唔再用電車黎行呢條線.

一開始以為只係有瓦遮頭, 點知走之前先睇到....我企緊等車既果個位本來係月台黎



坐BRT去到陸前階上駅

之後一係行30分鐘, 一係就坐的士..
我揀左後者, 好快就去到..(用錢換時間, 好似要710yen.)



気仙沼市東日本大震災遺構・伝承館 (旧気仙沼向洋高校)
http://www.kesennuma-memorial.jp/
其實幾遠下, 因為周圍真係咩都無哂..


影左真係好多相, 我無諗過會咁活生生咁留哂落黎,
3樓有架車係卡左響到, 佢係海嘯沖入黎, 之後就永遠放左響到
但係海嘯最後係高過3樓, 上到4樓地面再多少少,












4樓海嘯既水痕, 呢到係12m高....



https://youtu.be/MvDEV5l6wvw












要講呢棵槐, 呢棵野算奇蹟黎, 海嘯都沖唔走


気仙沼市最可怕既唔單只係地震+海嘯既攻擊, 佢夜晚因為漏電+石油搶火既原故
https://www.youtube.com/watch?v=1sF9DZ-b3og
燒左好耐..

最好彩既係學校放緊大假, 得少量老師同埋裝修工人響入面, 上到天台, 呢棟樓係附近最高既混凝土建築物, 因此可以避過12m高既海嘯


最後走都係要靠職員幫手call的士先返到去車站

打到呢到先
ｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰ
入学おめでとう

ｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰ

飛膠鑊 2020-2-14 23:51:10 而家氣仙沼線同大船渡線嘅BRT其實同一般路線巴士無乜分別，都係會落返一般國道行，無特別路權

:^(

登連瘋烏 2020-2-15 02:22:08 有啲路係之前鐵路黎, 得佢入到, 仲要有自動閉塞

飛膠鑊 2020-2-15 10:32:07 一部份喇

堀北真希2 2020-2-16 00:27:26 巴士點自動閉塞?

登連瘋烏 2020-2-16 00:46:26 有啲路本身係單線雙程

架車去到閘前就會開閘, 之後望到閘對面有一架車等我地過左先行

堀北真希2 2020-2-16 14:39:00 如果其他車入左係咪查到

:^(

巴士車頭有感應？

登連瘋烏 2020-2-16 14:41:11 應該入唔到

登連瘋烏 2020-2-17 23:35:23 24.12.2019 christmas eva Part2
其實之後既trip有啲悶, 所以就寫多啲, 相少啲,

気仙沼市魚市場
由好好人既観光案内所職員比左啲巴士時間表我,
咁我就跟住坐巴士去気仙沼市魚市場
魚市場個level, 同釧路和商市場有得比....

不過得呢樣野係推薦比大家,
気仙沼帆立貝XO醬, 呢個XO醬應該無供應出去, 得気仙沼有得賣(第一次見到係響酒店大堂果度, 價錢一樣), 屋企人買黎用黎放響梳打餅上面食..



魚市場2樓其實係鯊魚博物館, 我真係無咩興趣, 同埋無咩時間, 所以坐左響隔離睇左一陣電視, 有啲相/片係youtube睇唔到, 十幾分鐘睇哂, 會黎既話可以坐一陣休息下.




走之前睇一睇間酒店大台, 其實有好多間房, (唔肯定)有紙代表果日有人住 其實少得幾離譜..

兩日一夜既気仙沼市短trip,


之後就經仙台進入福島既會津地方

東日本真係好撚有錢...佢地啲one man電車真係好撚新..
之前去北海道同埋西日本果啲真係, 唉...
有間睇落好似買左copy東横INN既酒店, 東北INN


呢到係郡山駅, 我見到個牌之後就影底, 呢個係國鐵時代既牌黎,
足以證明到郡山駅既歷史

國鐵時代大約係咁
https://www.youtube.com/watch?v=krQxISxZz9c
只見線, 無車/無相機去影相, 所以影電車算..


今晚落腳店係会津若松駅


由気仙沼駅到会津若松駅, 大約2程電車1程新幹線,
用左4個鐘再多啲, 不過都少過一程釧網本線...

東横INN真係好...第2間311既房..


介紹一下駅弁, 車站便當, 由850円到幾千円都有,
中間平均食到1200-1500円既話已經好滿足



今日去到呢度先,
我啲行李其實大約得咁多, 部電腦啲電其實仲少過我電話, 大約一個鐘就會無哂..
好多時都係處理東京啲野先要帶佢黎


...


ps......我打呢篇野果陣先知自己去錯気仙沼市魚市場同埋気仙沼お魚いちば, fkkkkk

非理法権天 2020-2-18 00:52:06 郡山去會津真係好遠
去到睇完鶴城就走

:^(