《監獄•喪屍•反擊戰》
上一頁
第 18 頁
下一頁
bedGeroge
2020-4-13 00:57:54
血漿、炮火、慘叫同時迸發，昔日滿載歡樂嘅主題樂園頃刻變成慘烈嘅戰場。
無論人數上還是速度上，喪屍都完全壓制住警察。
就算警察有槍有炮，但好多都未嚟切瞄準就已經被咬死，有啲警察就索性唔瞄準，亂射亂開炮，好多樂園設施就咁被炸爛曬。
指揮中心內嘅警務處處長見到自己嘅手下逐個訓低，立即叫其他警員去支援：「各單位聽住，依家喺海洋公園，有三百個伙記正被接近一千隻喪屍圍攻，形勢十分不妙，你地同我全部過去支援，快！」
港島其他執勤嘅警察收到指令，紛紛前往樂園。
南區執勤嘅警察有三千人，佢地最先去增援，但同一時間，原本就喺樂園內嘅喪屍被槍火炮聲吸引，聯群結隊咁出現，加入左戰團。
喪屍瘋狂噬咬，警察竭力奮戰：「仆街喪屍，受死啦，BOOM！」「啊！！！救命！唔好咬我！」「我隻手呀！仆街，要死就一齊死！BOOM！...」
處長派埋直升機過去幫手，機上嘅警察向住下面嘅喪屍發射子彈大炮。
原本佔上風嘅喪屍又反過嚟被警察圍攻。
成個港島大約萬幾，接近兩萬個警察，陸陸續續開住裝甲車同警車趕去支援。
儘管人數上已經完全佔優，但警察都花左唔少彈藥同時間，先徹底解決曬嗰千幾二千隻發狂嘅喪屍。
園內喇叭仍然播放住hip hop樂曲。
正當嗰班警察殺死曬全部喪屍，以為可以鬆一口氣嘅時候，大門外又有一批新嘅喪屍湧現。數量比之前嘅仲要多，至少比啱先嘅多二三十倍。
即係有差唔多三萬隻湧緊入嚟，估計呢個數字比以往海洋公園每日嘅入場人數仲要多。
呢一刻，喇叭大聲播放緊 Fuck the Police：
「For police, I'm sayin, "Fuck you, punk!"
Readin' my rights and shit, it's all junk
Pullin' out a silly club, so you stand
With a fake-ass badge and a gun in your hand
But take off the gun so you can see what's up...」
上萬隻喪屍一聽到高昂嘅hip hop音樂，就用閃電般嘅速度排山倒海咁衝入園內。
面對住咁嘅場面，唔單止係現場嘅警察，就連指揮中心內嘅處長你同一眾操作員都嚇到呆左。
然後就係一場血腥嘅廝殺。
一開始班警察都勉強抵擋得住，但當彈藥用盡之後，佢地再無力反擊，最終淪為喪屍嘅早餐。
畫面殘忍血腥，來自警察嘅慘叫聲絡繹不絕。當中有被幾隻喪屍一齊咬爆頭，血漿飛曬出嚟而死嘅，有被咬完變成喪屍後俾火箭炮射死嘅，亦有逃走時不慎俾自己友拋出嘅手榴彈所炸死嘅。
廝殺何其壯烈，哀嚎聲何其悲壯，配襯節奏強勁嘅hip hop音樂，外加海洋公園作背景，形成一道血腥得嚟又帶點「chill」嘅景致。
「Sir，依家點呀？我地洗唔洗再派人去增援呀？」一名警隊高層問處長。
處長望住一幕幕警員慘死嘅畫面，突然恍然大悟，發現呢一切仿佛係一個陷阱，係有人故意設局引警察去海洋公園，再吸引一大班喪屍入嚟殺死警察。
可惜嘅係，佢依家先諗到呢一點，已經為時已晚。
二萬警察已成為砧板上嘅肥豬肉，仍由喪屍魚肉。
「Sir，點呀？洗唔洗派人增援呀？」另一名警察高層亦好心急咁問處長。
呢刻處長左右為難，一方面佢想派人去拯救，但一方面佢知道呢個係一個陷阱，擔心如果派人過去，跟住會再多一大批喪屍出現，咁恐怕到時會損失更多伙記。
佢苦苦思考左十幾分鐘，最後決定唔派出增援，壯士斷臂，眼白白睇住手下逐一俾喪屍分屍。
一個上晝過去。海洋公園滿目瘡痍，血流成河。
二萬個警察全部喪生，無一生還。
然而，處長仲未嚟得切為死去嘅伙記哀悼，喺下晝時分，又收到一個令人震驚嘅消息——
有班人突破左封鎖線，經地鐵路軌嚟到左九龍。
Ads
野比大熊貓
2020-4-13 01:09:41
今晚係咪冇喇
:^(
:^(
bedGeroge
2020-4-13 01:11:14
仲有一篇
:^(
野比大熊貓
2020-4-13 01:11:50
殺唔哂popo要繼續寫
:^(
bedGeroge
2020-4-13 02:11:24
※ ※ ※
時間係下午兩點半。
北角地鐵站內聚集左一班人。
一班準備反擊過對面海嘅人。
施政傑、豹哥、柔柔、Simon同另外二百五十名生還者，即將帶住三百幾隻喪屍從地鐵軌道殺過去對面海。
之前四人連日嚟殺左三千個警察，呢班生還者就係喺過程中所結識嘅。
而今朝早嗰場引狼入室，引警察去入海洋公園嘅戲碼，亦都係得到呢班生還者嘅幫手，先得以順利完成。
還記得當時喺熊貓館，嗰班警察射左兩粒火箭炮，第一粒射唔中，原因係俾兩隻原本以為死左嘅喪屍突然撲去警察度，導致瞄準失敗，而嗰兩隻喪屍當然係佢地所控制，之後第二粒炮彈射中去喪屍堆，但四人早就偷偷地逃離左出去。
佢地走到去廣播室，施政傑就將預備好嘅歌單放入電腦播放，而其他生還者就負責用吹氣公仔引啲喪屍去海洋公園。
跟住施政傑等人趁喪屍同警察互相廝殺時，就從其他路徑離開海洋公園，與其他生還者匯合。
全靠佢地分工合作，先能夠令成個計劃成功。
不過，對於佢地嚟講，海洋公園呢一part只係前菜，主菜係反攻對面海，搵出喺背後策劃整個屠城計劃嘅嗰班高官算賬。
由於三條隧道都封鎖曬，喺無飛機無船嘅情況下，從地鐵路軌通過對面海似乎係唯一方法。
依家地鐵站內呢度三百幾隻喪屍亦都係大家一齊努力所收服嘅，將分別由十人控制，包括施政傑、豹哥、柔柔同Simon。
其他人就配給各樣槍械同武器，大部分都係取自警察。
時間，下午兩點四十五分。
施政傑同眾人講：「大家留意，踏正三點我地就會出發，過到海我地就按啱先分組，一批人去對付警察，另一批就去搵班仆街高官出嚟，我地捉佢地出嚟問下，點解要屠殺我地呢批無辜嘅生還者！」
「好！捉嗰班見死不救嘅狗官出嚟問個清楚！」
「屌，其實唔洗問都知啦，班狗官根本就同當年禽流感一樣，以為殺曬啲人就當解決左問題。」
「如果係咁，咁一定唔可以放過嗰班狗官！」
「無錯！一定唔可以放過佢地！」
「嗰班賤人一早就應該落地獄啦…」
各個生還者戰意高昂。
不過施政傑點解揀下午三點後先出發，原因係佢知道三點後，對面海會實施宵禁令，除左警察或者解放軍之外，普通市民完全禁止出街。
咁樣嘅話，佢地過到海之後，所控制嘅喪屍或者就唔會傷害到無辜市民。
「傑仔，仆街啦今次，我突然間眼皮跳，係咪預示將會…有唔好嘅嘢…發生…？」豹哥掩住右邊眼行過嚟同施政傑佢地講，內心感到不安。
「下？我諗唔會掛？」施政傑話。
「係囉，唔好自己嚇自己。」柔柔同豹哥講。
「咪係囉，眼皮跳咪眼皮跳，有乜大驚小怪？」Simon話。
「哇，頂你，你唔記得左啦？上次我眼皮跳，結果就我地俾陳sir送入去水飯房，之後仲出現埋喪屍，今次我睇怕都…」
「右邊跳代表會有好嘢發生，左眼跳先係不祥之兆，你左眼跳定右眼跳呀？」Simon問。
「右邊，但係我記得你上次明明話左吉右兇，今次點解倒轉左嚟講？」
「邊係呀，明明右邊先係吉祥之兆，咁即係我地會順利過到海，仲搵到班狗官算賬。」Simon斷言。
「係唔係架？」
「係啦，信我啦…」
下午三點正。
眾人擸起曬「架撐」，行出路軌，正式出發。
三百幾隻喪屍帶頭，生還者則殿後。
柔柔望見深不見底嘅隧道，不禁回想起之前佢嗰八個師弟師妹入左呢條隧道之後，完全失去聯絡、失去蹤影。
到依家佢都唔知八人入到嚟隧道之後發生左咩事。
「哇我頂，做咩有條『鹹魚』喺度！」Simon行行下，踢到一具屍體，嚇左佢一跳。
屍體全身腐爛，面目模糊，手上拎住一個對講機。
柔柔認得出個對講機，正正就係當時佢八個師弟妹所用嘅對講機，佢再繼續行前，見到地下仲有另外嘅屍體。
幾秒之後，前面突然亮起白光燈。
只見前面五百米處，有一大班警察揸住長槍一字排開。
呢一刻，柔柔終於知道，原來佢八個師弟妹唔係被喪屍咬死，而係被警察射死。
「砰砰砰砰砰——」嗰班警察瘋狂開火。
好彩有喪屍擋喺前面，否則施政傑佢地恐怕已經被射死。
而呢種情況佢地早就預計到，並決定以其人之道還治其人之身。
佢地用不死嘅喪屍做擋箭牌，之後拎槍械嘅生還者就喺後面同對方駁火。
警察逐個倒下，其他嘅見勢色不對，打算撤退並且炸冧條路軌。
施政傑佢地當然無俾機會對方咁做。
Simon、豹哥同身邊一個踩住滑板嘅生還者啟動喪屍攻擊模式，施政傑就用手提式CD播放器播歌。
Eminem嘅歌聲喺路軌中大聲迴響。幾十隻喪屍一支箭咁衝上前，一次過咬死曬嗰班警察。
就係咁，佢地輕鬆突破左警察嘅封鎖線。
行左好一段路，終於嚟到油塘站，但又有另一班警察擋路。
今次佢地無殺曬全部警察，留左一個活口。
係特登留嚟帶路去搵出班政府高官嘅藏身處。
野比大熊貓
2020-4-13 03:20:48
雙方互射，中間有堆屍，點解得黑警死
:^(
華明邨賣瑜勝
2020-4-13 03:45:35
生還者有槍槍
:^(
:^(
:^(
:^(
你件死辣殺
2020-4-13 05:02:02
好想比張火石強姦
bedGeroge
2020-4-13 07:28:36
有喪屍做盾，加上佢哋mark哥上身
:^(
bedGeroge
2020-4-13 07:33:05
:^(
:^(
:^(
雙餸飯
2020-4-13 15:04:47
今晚仲有無
:^(
Ads
bedGeroge
2020-4-13 16:03:53
有
:^(
吾好搞我後面牙
2020-4-13 17:54:18
加速please
野比大熊貓
2020-4-14 00:03:39
:^(
我係暖男
2020-4-14 00:07:02
幾時有文
椒鹽蝦米
2020-4-14 00:27:24
:^(
bedGeroge
2020-4-14 01:17:47
sorry，部腦hang左，開到機但連唔到network，今日出唔到文
:^(
:^(
吾好搞我後面牙
2020-4-14 01:23:41
:^(
野比大熊貓
2020-4-14 01:37:21
影相貼上嚟
:^(
:^(
雙餸飯
2020-4-14 23:29:10
我仲等緊架
:^(
bedGeroge
2020-4-15 02:08:21
※ ※ ※
尖沙咀酒店會議廳。
警務處處長一收到有人從港島帶喪屍過海嘅消息，立即開會通報俾其他高官。
「做咩call得我地咁急，我追緊Walking Dead第十三季架嘛。」保安局局長問。
「大獲嘢呀！」。
「咩事咁大獲？」特首問處長。
「乜中聯辦大佬仲未到？算啦，我講住先。」警務處處長同一眾官員交代，「半個鐘之前，我收到前線消息，有一批人突破左封鎖線，帶住一班喪屍過左九龍。」
「下！咁大獲！」各個官員聽到，個個都O曬嘴。
「係咩人嚟？有幾多喪屍？仲有佢地依家喺九龍邊度？」特首一輪嘴咁問。
「呢方面嘅資料我仲未掌握到，但我已經派左人去現場了解。」
「點會咁架？你唔係已經加強左人手封鎖曬海陸空三路啦咩？點解會俾對面海班人有機會過到海？」特首質問。
「呢層我都唔知...」
「怎麼了？你們在聊什麼聊得這麼興致勃勃？」中聯辦領導擔住雪茄，傍住兩個保鏢，施施然行入嚟會議廳。
「領導你終於來了，我們有重要事跟你報道。」處長話。
「什麼重要事呀？」領導坐上大班椅，吐出煙圈。
「這個…我收到前線消息…有一班人帶著喪屍突破了我們封鎖線…目前來到了九龍…」
「操！他媽的你說什麼？」領導一聽到消息，激動到即刻企返起身，「有人帶著喪屍過了海？」
處長點點頭：「是的。」
「媽的！這到底是什麼回事？他媽的你還不派人去把那些生還者和喪屍捉起來？」
「領導，我已經派了人去了...」
「報告Sir！」一名警員無敲門就衝左入嚟會議廳。
「點？依家咩情況呀？」處長問。
「Sir，你睇下，呢度喺前線影到嘅現場情況。」個警員拎部iPad俾其他人睇，「生還者人數超過二百人，個個身上都有槍有炮，而喪屍數目超過三百。」
處長望一望啲相，認出當中施政傑佢地四個：「仆街，呢四條友點解出現喺呢度架？佢地唔係應該同班喪屍喺熊貓館一齊炸死左啦架咩！」
「Sir，聽講佢地要帶住喪屍向住呢間酒店過緊嚟呀，好似話要搵班官員算賬咁話呀。」個警員話。
「咩話？佢地點知道我地喺度架？」特首一臉驚慌。
「據說佢地威脅一個警員嚟幫佢地帶路。」
「屌，你即刻同我命令所有警員，唔理用咩方法都要全力制止佢地。」
「Sir，九龍同新界大部分前線警員都已經出動左架啦。」
「嗰班人死唔去家下搵我地嚟算賬啦！」運輸及房屋局局長驚到騰騰震。
「領導，我們現在該怎麼辦？」特首問領導。
「我操你媽的！那些人帶著喪屍過來，他媽的你還叫我過來開會？媽的！我不管，我現在要離開這裡，你們自己看著辦！」
領導一講完就即刻帶兩個保鏢離開會議室，仲打電話call解放軍過嚟護送佢離開。
特首、處長同其他官員嘗試諗辦法處理呢壇嘢，但左諗右諗，度左幾分鐘，最後都係決定三十六計走為上計。
「別走領導，帶上我！」「領導等一等，帶我一起走。」「對，別丟下我…」
眾人好似跟尾夠咁跟上去。
Ads
bedGeroge
2020-4-15 02:29:32
※ ※ ※
被困喺港島多日，施政傑佢地終於成功過海。
一上返地面，接踵而來嚟迎接佢地嘅當然就著住制服、陀住槍嘅警察。
佢地按照原定計劃分兩批人行事，施政傑、Simon、柔柔同豹哥四人負責搵高官算賬，其他人就對付警察。
警察有槍有炮，但生還者亦都有槍有炮，仲有喪屍。
冷清嘅街道上雙方喺度駁火，喪屍就向住警察張牙舞爪，擾亂對方。
面對住人同喪屍同時夾攻，班警察唔知用槍定係冰霧好，混亂之下隨手丟幾粒手榴彈同射幾下砲彈還擊。
聽到外面有槍聲和爆炸聲，唔少街坊都探頭出窗望下樓下發生咩事。
濃濃硝煙瀰漫街道，籠罩四周，刺鼻嘅硫磺味洋溢在空氣之中。
警察聽見四周無左動靜，以為已經解決曬對手，就喺下一秒，喺白茫茫煙霧之中，響起音樂，半秒之後，喪屍從四面八方朝住佢地撲過來。
當硝煙散去，街上只剩一堆斷手斷腳。生還者拍拍身上嘅灰塵，帶住喪屍繼續前進。
而喺另一邊廂，施政傑佢地帶住幾十隻喪屍同帶路嘅警察，開住架裝甲車前往尖沙咀酒店。
一到埗就見到特首同處長連同其他官員從酒店行出黎。
施政傑等一行人帶住喪屍擋住對方去路：「咁急諗住去邊呀？」
「喂！你地班人想點呀？」特首語氣十分不客氣。
「我嚟問你地，係咪你地落令屠殺港島嘅人？」施政傑問。
官員只顧退後，無人回應。警務處處長就用對講機召喚附近嘅警察前來支援。
「傑仔，唔洗同佢地講耶穌，捉起佢地之後慢慢審啦。」講完，Simon就對住電話命令喪屍將對面嘅官員捉起嚟。
班官見到血淋淋嘅喪屍行緊過嚟，想逃跑但驚到腳仔軟，想跑都跑唔郁。
「砰砰砰砰砰——」
處長掹槍發射，可惜只係射中身射唔中頭，所以對喪屍幾乎零作用。
數十隻喪屍慢慢包圍過去。
「轟隆！」
忽然旱天一聲雷。
幾秒之後風雲色變，天空竟然落起冰雹。
冰凍又堅硬嘅冰雹不斷從天而降，擊中全部人包括喪屍。
最大嘅冰雹有雞蛋咁大，細嘅都有提子咁大粒。
怕凍嘅喪屍被冰雹打中，身體變得僵硬，嘴裡發出嘶啞痛苦嘅低嚎聲。
嗰班高官就趁呢天賜嘅機會，冒死逃跑，佢地跑返入酒店，從另一邊出口逃走。
處長一邊開槍，一邊掩護其他人離開。
豹哥一個人追上前，趁處長射曬子彈嗰陣，一下衝埋去撲跌對方。
二人同時倒地。
豹哥捉實對方一隻手臂：「爛仔強，好耐無見啦，仲認唔認得我呀？」
「你點知呢個名架？」處長用另一隻手揮拳攻擊，打中左豹哥個鼻。
豹哥即刻還以顏色，一鎚打落處長塊面：「爛仔強，當年你跪曬地求我收你𡃁，只係過左二十年啫，咁快就唔記得我啦？」
處長再望真啲眼前嘅男人，終於想起了：「哦~仲以為係邊個，原來係和勝堂通天豹豹哥。」
「係呀，二五仔！」豹哥一個勾拳攻擊，處長一腳用力伸開佢，然後立刻起返身。
「咁耐無見，你啲身手差左喎，點呀？赤柱好唔好踎？」
「好，梗係好啦，風涼水冷，冬暖夏涼，但都唔夠你好，做一哥咁架勢。」豹哥亦都迅速起返身，對住對方講。
「都係全靠我當年拉左你，我先升得快渣，諗諗下我係咪欠你一句多謝？」
豹哥不屑咁笑左一聲，當年佢之所以坐監，原因就係俾個臥底督曬佢啲衰嘢出嚟。
而呢個臥底正是眼前呢個警務處處長。
呢個時候，施政傑同柔柔扶住昏迷不醒嘅Simon行過嚟：「豹哥，你無事呀嘛？」
「無事，Simon咩料呀，點解暈左嘅？」
「佢俾舊好似手掌咁大嘅冰雹砸中個頭，搞到暈左。」柔柔話。
「咁依家出面啲雹停左未？」
「停左啦。」施政傑回答。
「仲等咩？你地快帶班喪屍去追嗰班狗官，唔好俾佢地走甩呀。」
「咁你呢？」施政傑問。
「我呢度有筆舊賬要清。」豹哥睥住處長講。
bedGeroge
2020-4-15 03:08:53
喺同一時間嘅呢一刻，特首佢地已經開車駛離現場。
施政傑同柔柔扶住暈倒嘅Simon，開車帶住喪屍追上去。
酒店大堂內，警務處處長同豹哥二人對峙。
「今日新仇舊賬我要同你一次過算清楚。」豹哥指住處長講。
處長冷笑一聲：「哈，想隊冧我呀？我睇你應該就無機會啦。」
佢笑係因為從附近前來支援嘅警察終於趕到，
「有咩搞錯，咁遲架！」
「Sorry，Sir！」二十名警察異口同聲。
處長再對住豹哥冷笑一聲：「做咩唔出聲呀？啱先唔係聲大大話要同我算賬架咩？」
「有本事就隻抽呀，我記得你以前好鐘意同人隻抽架。」
「傻架咩，仲隻抽，有槍就用槍架啦。」處長問身旁警員拎過一支手槍。
「唔敢呀？如果係淆底嘅，咪一槍『啡』低我囉，爛仔強。」
「唔好諗住用激將法，無用架。」處長行過去用槍指住豹哥個頭。
「咁你開槍囉。」豹哥慢慢舉起雙手。
「砰！」
一聲槍響。
然而，訓低嘅唔係豹哥，而係「一哥」。
「你...二五…竟然…開槍…」處長後頸中槍，向後一望，見到開槍嘅一個著制服嘅警員。
正確嚟講，唔係警員，而係假扮警員嘅喪屍。
「爛仔強」倒下，斷氣身亡。
豹哥從衫袖裡抽出手機：「嚇死我拉屌，好彩射得中渣。」
喪屍識得拉手指「掹雞」，但唔識無法瞄準，啱先豹哥都係博一搏，好彩俾佢博到隻喪屍射中。
跟住喺豹哥命令下，其他喪屍紛紛衝入酒店大堂，解決埋剩低嘅警員。
另一邊廂。
施政傑同柔柔正喺高速公路上，開車追住落跑嘅高官。
對方全速前進，佢地被拋離得頗遠。
「班人開到好快呀，不如我地放班喪屍落去追，咁樣會唔會好啲？」柔柔提議。
「好提議！」施政傑扭開車頂大喇叭，較到超大聲播歌。
柔柔打開車門，放曬裝甲車車尾為數四十隻喪屍出去。
喪屍一出車門，就立刻一支箭咁標前。
「仆街啦仆街啦，班喪屍發曬癲追緊嚟！」眼見後面有喪屍追緊上嚟，坐喺司機位嘅保安局局長踩盡油門加速，「我仲有Walking Dead未追完，我唔想咁快變喪屍呀！」
駛到分岔路口，佢地遇到五架解放軍軍車。
其中一架正正就係載住啱先第一時間走人嘅中聯辦領導。
「我操！他媽的這是什麼狀況？都跑這麼遠了，怎麼還能看到喪屍！」
領導往後一看，見到特首佢地嘅車，仲有後面一大班窮追不捨嘅喪屍。
領導命令車上嘅軍人開炮驅散：「你們趕快射幾發炮彈驅趕那些喪屍！別讓他們跟過來！」
「但後面那輛車裡面的好像是那群官？」一名軍人話。
「管他媽的！總之快搞定那群喪屍！別讓他們跟著來！」
於是，每架車派兩個軍人探身出車尾，對住後面嘅喪屍同車輛開炮。
「BOOM！」炮彈炸穿馬路。
「咩事呀？點解班解放軍向住我地開火？」保安局局長好彩及時扭肽，先避過一炮。
「應該係向住後面喪屍開火架啫，不如我地兜路擺脫後面班嘢先啦。」特首同局長講。
「好！」
載住高官嘅車轉去另一邊路口，緊隨嘅喪屍轉唔切方向，繼續向前追，目標由私家車變成五架軍車。
「操！快點炸死那些喪屍呀！」領導心急如焚。
車上嘅軍人連珠彈發，不斷開炮，施政傑見前路形勢兇險，決定調轉頭去追嗰班高官。
佢嚟唔切帶班喪屍掉頭，只好由得班佢地追到幾遠就幾遠。
五架軍車一邊開火一邊前進，好快就駛到去文錦渡關口。
中聯辦領導要返深圳避難。
「喪屍呢？喪屍還有跟來嗎？」領導探身望後。
「報告領導，估計好像是沒跟來了。」
「真的？」
「是的領導。」
軍車過左關口之後，領導第一時間命令「封鎖」關口。
呢度嘅「封鎖」唔係搵幾條友守住咁簡單，而係用真正嘅「銅墻鐵壁」封鎖。
「咚隆！」 一幅巨型鐵墻從地上「破繭而出」，慢慢往上升，一直升去至少五十米咁高。
一幅橫跨數以百千米，高至少五十米高巨型鐵墻呈現眼前。
除左文錦渡之外，喺同一時間，其他嘅關口全部一樣升起九樓咁高級鐵墻，為嘅就係要徹底阻隔喪屍入侵中國大陸領土。
「領導，這樣子封鎖關口，真的好嗎？」個軍人問。
「特殊情況就要用特殊手段，我們國家正在跟台美開戰，如果再讓喪屍侵入國土，那我們內外受敵，那他媽就完蛋了！現在只能等我國打贏勝仗後，再解封關口，到時再集中軍力解決那些喪屍，你說對不對？」
「對，領導說的對，英明！」
「砰…」車底忽然傳出聲音。
「嗯？什麼聲音？」領導問。
「好像有東西卡住了，我下車去看下。」個軍人行落車睇下。
佢彎低身一望，一隻喪屍突然標出嚟，仲咬左佢隻手一啖。
「領導！喪屍呀！！！」
…
※ ※ ※
特首等官員啱先兜左路，導致佢地嚟遲一步。
佢地仰望住眼前呢幅高墻，百般滋味在心頭。
雖則前無去路，但都仲可以搭飛機走人。
佢地返轉頭，打算揸車去機場，只可惜一擰轉頭，就見到施政傑同柔柔攞住槍對住自己。
最後無路可逃，只能束手就擒。
bedGeroge
2020-4-15 03:10:25
聽日埋尾
:^(
Karl_Franz
2020-4-15 03:42:18
:^(
:^(
:^(
上一頁
第 18 頁
下一頁
無論人數上還是速度上，喪屍都完全壓制住警察。
就算警察有槍有炮，但好多都未嚟切瞄準就已經被咬死，有啲警察就索性唔瞄準，亂射亂開炮，好多樂園設施就咁被炸爛曬。
指揮中心內嘅警務處處長見到自己嘅手下逐個訓低，立即叫其他警員去支援：「各單位聽住，依家喺海洋公園，有三百個伙記正被接近一千隻喪屍圍攻，形勢十分不妙，你地同我全部過去支援，快！」
港島其他執勤嘅警察收到指令，紛紛前往樂園。
南區執勤嘅警察有三千人，佢地最先去增援，但同一時間，原本就喺樂園內嘅喪屍被槍火炮聲吸引，聯群結隊咁出現，加入左戰團。
喪屍瘋狂噬咬，警察竭力奮戰：「仆街喪屍，受死啦，BOOM！」「啊！！！救命！唔好咬我！」「我隻手呀！仆街，要死就一齊死！BOOM！...」
處長派埋直升機過去幫手，機上嘅警察向住下面嘅喪屍發射子彈大炮。
原本佔上風嘅喪屍又反過嚟被警察圍攻。
成個港島大約萬幾，接近兩萬個警察，陸陸續續開住裝甲車同警車趕去支援。
儘管人數上已經完全佔優，但警察都花左唔少彈藥同時間，先徹底解決曬嗰千幾二千隻發狂嘅喪屍。
園內喇叭仍然播放住hip hop樂曲。
正當嗰班警察殺死曬全部喪屍，以為可以鬆一口氣嘅時候，大門外又有一批新嘅喪屍湧現。數量比之前嘅仲要多，至少比啱先嘅多二三十倍。
即係有差唔多三萬隻湧緊入嚟，估計呢個數字比以往海洋公園每日嘅入場人數仲要多。
呢一刻，喇叭大聲播放緊 Fuck the Police：
「For police, I'm sayin, "Fuck you, punk!"
Readin' my rights and shit, it's all junk
Pullin' out a silly club, so you stand
With a fake-ass badge and a gun in your hand
But take off the gun so you can see what's up...」
上萬隻喪屍一聽到高昂嘅hip hop音樂，就用閃電般嘅速度排山倒海咁衝入園內。
面對住咁嘅場面，唔單止係現場嘅警察，就連指揮中心內嘅處長你同一眾操作員都嚇到呆左。
然後就係一場血腥嘅廝殺。
一開始班警察都勉強抵擋得住，但當彈藥用盡之後，佢地再無力反擊，最終淪為喪屍嘅早餐。
畫面殘忍血腥，來自警察嘅慘叫聲絡繹不絕。當中有被幾隻喪屍一齊咬爆頭，血漿飛曬出嚟而死嘅，有被咬完變成喪屍後俾火箭炮射死嘅，亦有逃走時不慎俾自己友拋出嘅手榴彈所炸死嘅。
廝殺何其壯烈，哀嚎聲何其悲壯，配襯節奏強勁嘅hip hop音樂，外加海洋公園作背景，形成一道血腥得嚟又帶點「chill」嘅景致。
「Sir，依家點呀？我地洗唔洗再派人去增援呀？」一名警隊高層問處長。
處長望住一幕幕警員慘死嘅畫面，突然恍然大悟，發現呢一切仿佛係一個陷阱，係有人故意設局引警察去海洋公園，再吸引一大班喪屍入嚟殺死警察。
可惜嘅係，佢依家先諗到呢一點，已經為時已晚。
二萬警察已成為砧板上嘅肥豬肉，仍由喪屍魚肉。
「Sir，點呀？洗唔洗派人增援呀？」另一名警察高層亦好心急咁問處長。
呢刻處長左右為難，一方面佢想派人去拯救，但一方面佢知道呢個係一個陷阱，擔心如果派人過去，跟住會再多一大批喪屍出現，咁恐怕到時會損失更多伙記。
佢苦苦思考左十幾分鐘，最後決定唔派出增援，壯士斷臂，眼白白睇住手下逐一俾喪屍分屍。
一個上晝過去。海洋公園滿目瘡痍，血流成河。
二萬個警察全部喪生，無一生還。
然而，處長仲未嚟得切為死去嘅伙記哀悼，喺下晝時分，又收到一個令人震驚嘅消息——
有班人突破左封鎖線，經地鐵路軌嚟到左九龍。