bedGeroge 2020-3-19 00:40:35 歡迎歡迎

:^(

椒鹽蝦米 2020-3-19 01:07:25 出多篇好喎

:^(

bedGeroge 2020-3-19 01:16:07 今日無貨，聽日再出

:^(

椒鹽蝦米 2020-3-19 01:17:47 OK，等你嘅好文

抗戰義士 2020-3-19 06:53:08 推

日日上高登 2020-3-19 07:51:41

:^(

Karl_Franz 2020-3-19 13:32:19 推

Karl_Franz 2020-3-19 13:32:34

:^(

:^(

:^(

:^(

Karl_Franz 2020-3-19 13:32:45

:^(

:^(

:^(

:^(

:^(

:^(

:^(

:^(

:^(

:^(

:^(

:^(

bedGeroge 2020-3-19 13:47:46

:^(

:^(

:^(

:^(

:^(

[張繼聰] 2020-3-19 13:54:46 終於追到live

:^(

bedGeroge 2020-3-19 14:04:31 多謝支持

:^(

:^(

:^(

[張繼聰] 2020-3-19 16:45:57 喪屍題材我好鐘意睇

:^(

bedGeroge 2020-3-19 23:53:34 today無文

:^(

聽日補返數

椒鹽蝦米 2020-3-20 00:02:02 Pish 尋日故事已經冇乜進展過路喎，聽日應該唔會失望掛

bedGeroge 2020-3-20 00:13:25 後面劇情會有推進

:^(

紅式金邊粉 2020-3-20 01:22:02 本身追緊你呢個故 仲要睇極都睇唔完咁
咁啱見到呢度有另一篇又入咗去睇 睇到停唔到..
痴線點解你啲故可以咁正咁吸引 真係睇到唔想停

:^(

:^(

bedGeroge 2020-3-20 09:57:55 攣直故係幾好睇，可惜我寫衰左個結尾

:^(

:^(

:^(

Karl_Franz 2020-3-20 16:58:42 gay 不了

:^(

:^(

:^(

Karl_Franz 2020-3-20 16:59:07 BTW 留名

:^(

:^(

:^(

椒鹽蝦米 2020-3-21 00:42:25 尾已爛？

bedGeroge 2020-3-21 00:49:51 寫緊，夜小小出

:^(

bedGeroge 2020-3-21 02:06:44 佢地暫時嘅目標係先「收服」五十隻喪屍，先睇下效果係點，之後再按情況慢慢增加數量。

佢地都試過問過林伯借舖頭兩隻喪屍嚟用，對方一口拒絕，話同警察對抗呢啲咁危險嘅野，一定唔會俾佢老婆同個女參與其中。

然而，今次佢地唔選擇喺凌晨行動，反而揀左喺朝頭早，原因係夜晚環境昏暗，不利於對付喪屍。

受傷嘅柔柔繼續留喺傢私鋪休息，雖然佢身上嘅傷未完全痊愈，但都好返六七成，已經行得走得，所以唔洗搵多個人留喺度照顧。

早上八點。

施政傑、豹哥、Simon同張火石四個食完早餐，拎齊裝備同所需要嘅物品，就啟程出發。

佢地幾個驚揸車太招搖，怕會吸引到警察，於是就用腳行，喺北角附近搵喪屍。

對比起之前，喪屍嘅數量的確減少左，路面上只有零星喪屍，而且大部分喪屍都「甩皮甩骨」、 「岩岩巉巉」。

「條街啲喪屍好唔掂喎，個個都損手爛腳咁，揀唔落手喎。」豹哥一邊行一邊飲住朱古力奶，佢身上帶住iPhone同保鮮紙。

「都正常嘅，咁多生還者同喪屍日日搏鬥，淨係之前我地同喪屍開戰，都斬左唔少喪屍啲手腳落嚟。」施政傑手上拎住大麻同電鋸。

「求其啦，快啲搵齊五十隻走人啦，我驚陣間遇到差佬呀。」Simon拎住斧頭左右張望，佢負責攜帶藍牙接收器。

「點可以求其架，如果手腳唔齊全嘅話，點拎嚟對付啲死差佬呀？」豹哥話。

「一係我地試下去啲室內地方搵，例如係酒店、商廈咁，嗰啲地方可能會多啲喪屍，會有多啲選擇。」張火石提議。

「好主意喎，我地就去啲酒店搵下啦。」施政傑和議。

「酒店？如果一旦困住左，咁好難走得甩，好危險。」Simon擔心。

「成個港島都危險架啦，隨時都會遇到死差佬，家陣我地都係兵行險著，都係搏一搏架渣。」豹哥同Simon講。

結果，呢頭豹哥講完「遇到死差佬。」，嗰頭佢地真係撞到警察。

佢地喺路中心，見到遠處有約莫五六個警察揸住槍行緊過嚟。

趁對方未發現，佢地拿拿臨想調頭走，點知後面有架警車駛緊過嚟。

「仆街啦！前後都有差佬，點算呀？」Simon騰曬雞咁。

「頂，真係黑仔，一出嚟無幾耐就遇到差佬，仲要打孖嚟。」豹哥丟走手上嘅朱古力奶盒。

「點算呀？大家快啲諗辦法啦！」Simon心急如焚。

前面嘅警察漸行漸近，後面嘅警察亦逐漸逼近，四人無處可逃。

「既然無路走，咁唯有同佢地打過。」張火石手上揸住嘅係鐵錘。

「班仆街有槍，單靠我地手上呢啲武器，無可能打得贏、」豹哥話。

「咁點呀？班友好似發現我地啦。」Simon驚到腳軟。

施政傑望一望周圍零星嘅喪屍，提議話：「不如我地扮喪屍？班警察對住喪屍用冰霧架嘛，我地就扮喪屍，博佢地唔用真槍，之後趁佢地噴啲白煙，我地就趁機逃走。」

「呢個主意好似ok喎。」豹哥讚成施政傑呢個方法。

「萬一班差佬用錯槍，唔小心用左真槍，咁我地咪仆街？」Simon問。

「頂，依家咩方法都要試下架啦。」豹哥拎起地下一隻血淋淋嘅斷肢，用啲乾左嘅血，塗喺塊面同個身度。

喺別無他法之下，佢地唯有搵地下啲斷手斷腳，塗啲血上身扮喪屍。

警車同幾個揸槍嘅警察喺路中心相遇，雙方先互相打一打招呼。

警車上嘅警察係講普通話，佢地同幾個持槍警察敬禮：「同志辛苦了！」

「同志好，你們也辛苦了，這幾隻喪屍交給我們吧。」其中一個持槍警用唔鹹唔淡嘅普通話講。

「好，辛苦了你們！」

「不辛苦，同志請慢走。」幾名持槍警讓路俾警車離開。

而呢個時候，施政傑佢地伸出血淋淋雙手，每人手執一隻斷肢，雙眼反白，用好慢嘅速度喺路中心左右徘徊。

「Er……Er……」Simon嘗試模仿喪屍嗰種低沉嘅喉音，但點聽都覺得似係屙屎唔出嘅聲。

「砰！」突然一個持槍警唔小心走火，射左去路邊石壆。

如果啱先施政傑再行前少少，粒子彈就會射中佢個頭。

啱先嗰個走火嘅持槍警同隔籬身邊個同袍講：「呢班喪屍睇落好似好鈍，不如試下head shot佢地囉。」

聽到個警察咁講，四人心頭一驚。

「頂你，唔好曬子彈啦，拿拿臨凍q死班喪屍，跟住就交更收工啦！」

「你啱，早啲搞掂早啲收工。」

講完，該名持槍警就同另外幾個警察，開恆支冰霧槍，狂噴啲凍冰冰嘅白煙出嚟。

四周圍一下子變得煙霧瀰漫，施政傑佢地立刻趁呢個機會搵位「捐」、搵路走。

當煙霧散去，五隻「喪屍」已經消失不見。

咁樣都俾班「喪屍」走甩左，班警察都有啲唔服氣，但佢地都唔理咁多，趕住收工走人。

bedGeroge 2020-3-21 02:28:27 成功逃脫後，施政傑等人嚟到北角海逸酒店。

佢地去啲酒店套房度搜索下喪屍，一行出lift，幾隻喪屍就從走廊撲過嚟。

張火石反應迅速，揮動手上嘅錘仔，對住班喪屍個頭打落去，只係幾下手勢，就解決曬佢地。

豹哥望一望地上四肢健全但腦殼破裂嘅喪屍：「哎呀火石，呢幾隻喪屍個個手腳齊全，做咩打死佢呀？」

「Sorry，自然反應，忍唔住手。」

「唔緊要，你地睇下，前面成條走廊都係喪屍。」Simon指一指前面，酒店走廊上全都係喪屍，數量至少有三十隻，而佢地大部分都有完整嘅四肢。

「咁依家第一步係點？」Simon問。

「第一步我地先減慢喪屍嘅速度。」

施政傑行前少少，拆開一大包大麻，然後用紙包住，再放喺地下直接用打火機火燒著。

大麻燃燒嘅時候產生大量灰色嘅煙霧，施政傑一隻手掩住個鼻，一隻手用風扇仔吹啲煙入走廊。

好快煙霧就瀰漫住整條走廊，原本動作遲緩嘅喪屍，吸左啲煙之後，動作真係再放慢左。

同時，有唔少喪屍喺啲房入面行出嚟，同樣地，佢地吸完啲煙，動作都比之前變得更加遲緩。

「哇！啲喪屍隊完草，行路嘅速度真係立即慢幾倍，依家佢地啲動作好似睇緊慢鏡回放咁。」Simon發出讚歎聲。

「頂，仲咁多嘢講，你快拎啲接收器出嚟啦。」豹哥催促。

Simon從背囊拎出一袋接收器，全部都係喺無人問津嘅遙控車上拆出嚟。。

喪屍動作變得好慢，真係正如Simon講嘅，真係好似睇緊慢鏡回放咁，佢地每一個舉手投足都令人回想起《賭聖》中，周星馳扮慢鏡頭出場時嘅滑稽場面。

四人踩熄地上燃燒嘅大麻後，各自拎住啲接收後，快快手手咁將接收器逐一塞入喪屍個口度。

啲喪屍伸手捕捉佢地，但隻手仲未移動到5cm，就俾人硬塞個接收器入口。

走廊加埋房間入面嘅喪屍，啱啱好就係五十隻。

Simon問豹哥拎iPhone，打開聲控app，對住屏幕講：「停。」

五十隻喪屍用好緩慢嘅速度，慢慢停落嚟。

「舉起左手。」Simon再發出指令。

然之後，五十隻喪屍慢慢，慢慢，慢慢咁往上舉起左手。

「掂喎！班喪屍食左個接收器，真係聽曬我地話！」豹哥十分興奮。

「不過依家啲喪屍吸左大麻，啲動作慢左幾倍，咁樣行出去有排都帶唔到佢地返傢私鋪喎。」施政傑問，「豹哥，你知唔知要幾耐先會回復原狀？」

豹哥數數手指：「大約十五到二十分鐘左右啦，咁我地依家洗唔洗幫佢地封定啲保鮮紙，如果陣間遇到警察，呢班喪屍就可以即場試用一下。」

「好！事不宜遲，趁藥效未過，快啲幫佢地封保鮮紙。」施政傑從豹哥手上拎一筒保鮮紙。

十五分鐘之後，五十隻喪屍除左個口之外，幾乎全身都包左層保鮮紙。

「叮—」

同一時間，電梯口傳出開門聲。

一班著住軍裝，揸住長槍嘅警察搭電梯上到嚟。

Simon見到警察，第一時間調頭走：「屌！有差佬！快走！」

施政傑拉住佢話：「走去邊呀你，依家咪係測試班『喪屍兵』嘅時候，你快啲落指令啦！」

「係囉，快啲叫班喪屍衝上去打柒班差佬啦！」豹哥同Simon講。

Simon深呼吸一口，冷靜一下，對住手機講：「立刻行前五十米，mak個大口盡情咬，目標係前面六個著藍色制服拎槍嘅警察。」

喪屍收到指令，五十隻一齊向前行，但佢地步伐仍然非常緩慢。

「頂你，你又話十五分鐘就會回復原狀嘅？」Simon問豹哥。

「哎呀...唔通我計錯數…」

「砰砰砰—」三名警察開槍周圍亂射。

另外三個就朝住喪屍噴發冰霧，佢地打算人同喪屍一次過一網打盡。

子彈喺濃霧中橫飛，施政傑佢地匿埋喺喪屍背後，用佢地做擋箭牌。

過左大約兩分鐘，白霧慢慢散去。

班警察以為成功解決曬四個人同呢幾隻喪屍，但點知包住保鮮紙嘅喪屍絲毫無損，至於佢地嘅動作亦都回復返正常。

班喪屍用返原本嘅速度，幾個幾個咁衝上前，撲向六個警察，向住佢地飛擒大咬。

「救命！唔好咬我！」「操！不要！好痛！」「放開我！不要咬我.......」

六個警察淹沒喺喪屍堆中，發出痛苦嘅呼救聲。

至於施政傑四人就企定定睇好戲。

「咬！同咬死班差佬！」Simon喺度吶喊助威。

「諗唔到用喪屍對付差佬原來真係掂。」張火石感到有啲意想不到。

「係啦，你地話咬死班差佬好，定係咬到佢地變喪屍就算？」施政傑問。

「咁都仲要問？梗係咬死班差佬，再拎啲肉返去俾林伯餵佢兩隻喪屍啦！」豹哥諗都唔諗就答。

「好呀！一於咬到班仆街死無全屍！」Simon命令班喪屍將六個警察分屍。

呢一刻走廊上，血肉橫飛，肢體分離。

六個警察手手腳腳同埋個頭，統統被班喪屍咬甩曬。

血水、血漿流到一地都係，仲有啲腸呀、心臟呀、肝呀，乃至骨頭嗰啲，全都被挖曬出嚟。

雖然場面血腥，但施政傑佢地睇得十分開心。

巨龍魔法絲 2020-3-21 02:49:39 咬佢老母

:^(