我唔知咁樣分析有冇錯，但我諗左幾日，亦有可能一樣唔適用於香港。 WARNING TLDR，但如果你有時間嘅可以睇一睇。 冇就上一頁由佢沉得啦，thank you你
當然 假如大多數係暗藍嘅，咁大家就知道場運動將會好快完。 抗爭嘅好多時都係靠自律同自發性 但可幸嘅係呢大半年發現好多香港人係真心愛香港。 希望光復香港唔會再俾人話止於口號
我係香港人呀hi:^(:^(:^(:^(.jpg
Ads
我唔知咁樣分析有冇錯，但我諗左幾日，亦有可能一樣唔適用於香港。
WARNING
TLDR，但如果你有時間嘅可以睇一睇。
冇就上一頁由佢沉得啦，thank you你
第一
暗黃定義
唔敢做勇武，平時都唔會點樣大肆同人地講自己點樣黃法，但心底入邊反共反政府。
行徑上，唔做犯法野，每樣公民權利都履行，並且默默地自律地幫手建立黃色經濟圈嘅基石。
第二
暗黃同勇武嘅分別
暗黃因為唔做犯法野，所以唔會被任何人睇上。亦表示港共或黑警都唔知佢地嘅存在。
所謂靜靜地嬴，就係隱身於社會，改變自身行為去推動社會改革，無論係經濟定政制上。
同時，亦都係時候反思下現階段勇武嘅作用，唔否認當初勇武係有成效，撤回條例已經係一個好好嘅例子。但隨住警暴日趨嚴重，警權無限放大，係咪仲應該用同路人嘅悲痛經歷去對抗呢班中哂路西法效應毒嘅惡魔呢? 現階段勇武就好似為左打狗，set RB保護和理非咁，而打狗嘅作用好似得返一個，好多時都係幫大家出返啖氣。你打完啲狗，啲狗未必會驚，下一次拉到個拉埋後巷幫同類出氣打得仲金。我唔反對勇武，只係覺得勇武進化得唔夠惡魔快，慘嘅只係得勇武。
第三
隱藏特性
正正係因為唔會被任何人睇上，呢樣野先係最恐怖。你唔知佢地有會幾大多數，可能你會話「屌，投票得果百幾萬人，計埋你遊行咪最多二百萬人」呢樣野大家都識駁，我唔多講，只提一樣野，果百幾萬人投保皇黨果堆多數都廢老黎，佢地冇未來，我地唔同，仲有一班新世代。怕死嘅人，多包袱嘅人一定佔大多數，所以點解和理非咁難轉化為勇武，勇武永遠少之有少。但只要心入邊係同路人，咁就夠。隱藏嘅特性令政府無法估計，所以點解政府要放咁多錢做廣告，佢就係怕你班喱埋係屋企嘅人都支持佢地。隱藏特性同時都係雙面刃，同路人唔知自己係同路人，唔清楚自己係咪大多數。
第四
暗黃社會上嘅地位
呢一班怕死嘅暗黃，遍佈全港各行各業，有好多仲要高薪厚職，其實只要團結，的確係有可能影響到香港嘅社會同經濟結構，所以公會呢個idea係值得做。叫得自己黃，唔該你俾啲骨氣，唔好怕咩封殺而唔夠膽做，呢啲唔係犯法野，想做就去做。你為嘅係香港嘅未來，實行「利他」主義，係生物最高尚嘅行為。
做個小小嘅個人總結
香港人IQ咁高，諗到嘅抗爭方法真係好多，好實用性。有好多野唔係一朝一夕嘅事。與其等美國出兵，不如自己行多一步。6月果時大家都話行多一步，我相信好多人都行前左多一步。不如試下推身邊嘅人行多一步。我明白好多港豬真係豬，咪多啲帶佢出MK突登去食胡椒豬肚湯囉。諗下喎，我講緊唔係叫你做犯法野，港豬食下野買下野都推薦佢去地黃店買，如果可以拉攏到港豬幫手建立黃色經濟圈，自然港豬變暗黃，暗黃再拉一拉港豬藍絲fd，又幫下啲柒頭豬入下公會咁。
當然
假如大多數係暗藍嘅，咁大家就知道場運動將會好快完。
抗爭嘅好多時都係靠自律同自發性
但可幸嘅係呢大半年發現好多香港人係真心愛香港。
希望光復香港唔會再俾人話止於口號
好多野都係幻想，以上都係我個人嘅幻想。
我明白好多野可能重複左舊post
岩聽咪推下post
唔岩聽就負皮拉下post
利申: 我純粹鳩噏，多謝你睇哂。