「嚮墨西哥城以南一個叫Isla de las Muñecas嘅無人小島上，住咗唯一一個叫Julian Santana Barrera嘅居民。據講有一日，一個年輕女孩喺導遊陪同下搭船，嚮穿梭島嶼之間嘅運河上迷路，神推鬼㧬之下嚟到嗰度，個導遊上島問路，咁啱女孩意外跌咗落河失蹤，之後運河中就發現咗個女孩嘅屍體。自從女孩去世後，Julian開始嚮深夜不斷聽到疑似女孩痛苦嘅叫聲，同埋一種急促嘅腳步聲...........有一日佢喺河邊發現一個被遺棄嘅娃娃公仔，佢深信執到嘅公仔就係女孩擁有嘅物品，於是就開始嚮島上放置依個叫做Augustinita嘅公仔，去陪伴同安撫依個死去小女孩嘅靈魂.............之後，Julian為咗等女孩得到更多慰藉，就決定收集更多被人遺棄嘅公仔，並且將佢哋逐一拆散，然後懸掛嚮樹枝上。就咁樣，佢花咗整整五十年嘅時間，令整個島上都充滿咗公仔。隨住時間流逝，Julian放置嘅娃娃公仔數目越來越多，每當夜闌人靜時，娃娃島上面嗰種詭秘氣氛總會令遊客感到...........惶恐不安。」
「姨姨，件玩具公仔整得好靚好精緻，係咪Monica買返嚟架？」
「係我搵人整嘅，個公仔代表我，另外屋企有一個少女造型嘅公仔代表住Monica，佢哋原本係一對咁擺埋一齊，估唔到依家少女公仔同我個女一齊咁失蹤.........剩番個大人嚮度。」
「係咪Monica鍾意儲公仔同玩佢哋？」