[校園純愛][又係重製] 我成為了一個女孩的守護靈
上一頁
第 12 頁
下一頁
玖蒼
2020-2-24 00:02:14
回到雁婷家中,她拿著電話在床上輾轉反側。
「你頭先講得好大聲架喎?」我嘗試刺激她。
「咩喎,我諗緊電話講定係當面講之嘛!」
「梗係電話約佢出嚟,當面講啦!」我說。
「…我唔係好知點開口…早排我先大聲咁喝完佢…叫佢唔好煩我…」
「同佢解釋清楚囉!」我說。
語音剛落,雁婷便連忙拿起電話按下一連串號碼。
就在這時,窗邊傳來第三把聲音…
「嗨,我係導領。」不知道什麼時候開始,窗邊倚著了一個少年。
我吃了一驚,連忙看過去,一臉茫然。
「你係…?」我開口問。
「我係導領。」
仔細一看眼前這個少年的身體,和我一樣呈半透明狀態,只是透明程度沒我那麼高,比較像是一個實實在在的人。
「你係嚟…做咩?」我問。
「帶你走。」他說。
「帶我走?」
隨即他便舉起手,用戴在手上的戒指指向我和雁婷纏繞著的那條麻花狀的「尾巴」,然後麻花狀逐漸鬆開,我找回了自己的雙腳。
我和雁婷的連繫解除了。
「無錯,走喇。」他說,並再次舉起手來。
「咪,咪住先,做咩咁突然?無啦啦好地地做咩走?走去邊?」我一頭霧水。
「唔準走!唔準帶走佢!」雁婷也在旁邊阻止。
「咦?你見到我地?」導領似乎有點意外。
「係,佢係我嘅守護靈,唔準你帶走佢!」雁婷大聲說道。
「奇怪喇,唔通你有陰陽眼?但如果有陰陽眼,應該會有埋能力…如果有能力,應該就會一早解除靈體同自己嘅連繫…奇怪…」導領一連串地自言自語。
「你快啲走啦!唔好帶走佢,你快啲走!」
「唔通,你試過死過返生?」導領像是想通了什麼一樣地說。
「係又點呀?關唔關你事?你再唔走我報警!」雁婷說。
「冷靜啲先,我係導領,係負責帶走滯留人間嘅靈體,所以,佢係一定要跟我走…」
「我滯留咗三年幾喇喎?你而家先嚟?」我問。
「三年幾咁多?我係今日先收到訊號…」他說。
「訊號?」我疑惑。
「隻戒指會話俾我地聽邊度有滯留嘅靈體,你嘅訊號一直斷斷續續,一開始出現嘅時候係喺塔門,仲搞到我過咗去一轉但搵你唔到…」
「即係話要搵到我需要滿足一啲條件?」我問。
「聰明,以我估計就係情緒波動。」他說。
「但我返到嚟之後,都已經平靜返好多喇喎…」
「仲有一種叫共嗚波動。」他說。
「即係有人因為我產生劇烈情緒波動而令我俾你個雷達感應到?」我問。
「類似,又唔完全一樣,解釋起上嚟有啲複雜…因為一定要係心意互通嘅兩個人先做到共嗚波動,至於點解三年幾嚟我都收唔到你嘅訊號,呢點我都唔知…」他說。
而我則晃然大悟。
「既然我都滯留咗三年幾,即係我對呢個世界無影響啦,我想繼續留低…」我說。
「唔得…如果我唔帶走你…我會灰飛煙滅。」他說。
「即係話你有絕對嘅能力帶走我?」我看著他的戒指問。
「無錯。」
「有無寬限期?」我問。
「三日。」他說。
「好,一言為定。」我說。
Ads
S.Vettel(又Spin)
2020-2-24 00:56:58
Live
係咪就嚟去到結局啦
:^(
:^(
我feel到淅淅會唔走然後留低
飛𨋢(歐陸)
2020-2-24 01:19:42
又要準備走喇
:^(
屯馬線一期
2020-2-24 03:52:49
此回覆已被刪除
記住係菠蘿油呀
2020-2-24 09:58:41
咁快
:^(
S.Vettel(又Spin)
2020-2-24 11:26:37
應該係
因為個世界觀係淅淅會係青梅竹馬個邊做咗帶領者帶領水水 咁就好有機會係佢會繼續留喺度
マリーゴールド
2020-2-24 14:31:49
:^(
Patone
2020-2-25 01:09:57
回憶返嚟,再追返青梅竹馬兼炮友,只好講句珍惜眼前哂人,時機過左就冇,唔好以為以後大把機會,我都有個青梅竹馬嫁左去外國,諗返我真係好鍾意佢:
:^(
玖蒼
2020-2-25 16:26:26
三日嗎…
「唔好走…你唔係話過你唔會走嘅咩…應承過我嘅嘢點可以做唔到…」雁婷紅著眼睛說。
「…我都唔想走…但係…佢似乎係有能力帶我走。」我指一指從麻花狀變回正常形態的雙腳。
「而家算點喎!謬謬然出現,失驚無神就話要走!又話屋企人?又話陪住我?你講大話!你講大話!」
我無言以對…
為什麼那麼多說過的事,到最後都是做不到呢…
無論生前…死後…
當知道自己只剩三日限期,又回復自由身的時候,腦海中閃過想要去看看心渝的想法。
然而眼前的雁婷卻是這般模樣,實在使我不能放下心來。
「你走呀!你走呀!我唔想見到你!你快啲走!」
和她相處了四個多月的時間,又怎會不知道她是口是心非。
「我唔走…呢三日我都會陪住你…」
想不到那位自稱導領的少年出現的時機那麼不適合,偏偏要在雁婷致電家樂的時候出現。
「我唔使你陪呀…你想去邊就去邊啦!我唔要見到你!」她埋首於被窩之中。
…
看來雁婷也察覺到當我的雙腳回復正常的時候,我便和她失去了聯繫,我的靈體已經不受她的拘束,可以自由移動。
我沒有回話,仍然站在她那若大的房間。
燈光透過了我的身體,灑滿地上,灑滿房間的每一個角落。
我卻未能化作光,填滿她心靈的黑洞。
「你仲喺唔喺度…」過了良久,雁婷開口說話。
她的面一直埋著,沒有看我一眼。
「喺度…」我說。
「你仲喺唔喺度…」又過了良久,她又再問一次…
「喺度…」我答。
她緩緩坐立起來,掃視了房間一眼。
「我知…如果係你…一定仲喺度…」雁婷說。
我如同晴天霹靂,難道…?
「你一定喺度諗,我係唔係已經見你唔到…係呀…我已經見你唔到喇…當你對腳變返正常,你就越嚟越透明…越嚟越透明…我已經見唔到你…已經聽唔到你講嘢…」她邊啜泣邊說。
「我知你仲喺度架,係咪…」她再掃視了房間一眼。
「窗邊?」
「衣櫃隔離?」
「電腦檯上面?」
「我知你仲喺度架…」
「係呀…我仲喺度呀…」我無奈地說…
原來鬼魂,也會分泌出眼淚。
一滴一滴,滴落在虛空之中消失不見。
「如果你仲喺度…你走啦…唔使擔心我…用剩低嘅三日時間,好好陪住心渝,佢先係你最重要嘅人…我唔想你死咗都後悔…」
…
我再一次無言以對。
為什麼這個世界,那麼多事未能如願,又有那麼多事,要折磨人心…
我不過是死了而已…
死了後好好往生不行嗎,偏偏要再闖進別人的生命…
都算了…為什麼我連留下來的資格都沒有?
為什麼我連想陪著一個人的資格都沒有…
「呢四個幾月,好多謝你…我瞓喇…你真係可以走架喇…唔使理我…就算你想理…我都唔知你理緊我…所以…唔好嘥時間喺我度喇…」雁婷說。
我沒有離開,仍然留守她的床邊,靜候她進睡。
現在才晚上八時多,她卻說要進睡…
這個傻瓜…
不過,她也累了吧…
當雁婷傳來深沉的呼吸聲後,我才終於離開。
S.Vettel(又Spin)
2020-2-26 00:00:07
點解咁快會見唔到淅淅
:^(
:^(
樓主再加速
:^(
:^(
マリーゴールド
2020-2-26 03:44:48
ピシャリ
Ads
玖蒼
2020-2-26 03:58:51
點解
:^(
如果還有如果就好
2020-2-26 05:09:37
加速
:^(
:^(
マリーゴールド
2020-2-26 13:38:37
用日文打pish
佢show比我
其實冇意思
:^(
:^(
玖蒼
2020-2-26 22:09:33
事隔三年,終於重獲自由,第一時間當然是回家探望一下兩老。
我是家中獨子,要讓他們白頭人送黑頭人,實屬不孝…
我走了以後,他們一定都很寂寞吧…
拿回雙腳之後,我就和平常人一樣走動,不過卻是一個沒有觸感的世界。
就在我穿過牆壁的一刻,我心中起了一個疑惑。
既然我可以穿牆,為什麼地板不可以?
意念一動,我整個人便透過了原本踏著的地板,直穿到下一層。
我有一個假設,就是鬼魂狀態下能做到的事和自己的認知有關。
當我認為穿透可以應用於地板的時候,便能穿透地板。
所以我從二十三樓一舉穿到地面,然後由寶馬山飛奔回家。
其實,即使回到家又怎樣呢…
如果看見他們死氣沉沉,愁眉苦臉…我又能怎樣呢?
既不能讓他們得知我死了後都安好,更不能讓他們看見我…
算吧,還是先去看看。
鬼魂移動的速度比人快,兩三步便跨出一大段距離。
大約晚上九時多,我回到大廈的大堂。
雖說下來的時候可以穿透,但爬上去就要一步一步…
我家住十九樓,還好死了後不會消耗體力。
回到家門前,我看見不可思議的一個畫面。
心渝正站在我家門前,而兩老正在送別她。
「打搞晒喇世伯伯母…」心渝有禮地道別。
「打咩搞吖!多啲上嚟陪我地食飯!」我媽說。
「係嘅係嘅,咁我下星期再嚟就whatsapp伯母你。」心渝說。
「好好,我煲定靚湯等你!」
「咁下次見,拜拜~」
想不到,一回來就讓我看見這一幕。
我滿腦子疑惑,因為我生前從未介紹心渝給我父母認識,而她亦從來都沒有上過我家。
所以是為什麼呢?
我沒有跟著心渝離開,因為我知道她家住的層數,雖然不知道確實的單位,但只要每個單位都闖進去就可以了。
我回到自己的家中,兩老看上去比記憶中的他們蒼老了不少。
心,莫名地隱隱作痛。
「呢個女真係乖,成三年幾啦,都仲係時不時嚟探我地。」我媽說。
「呢種女仔,而家好難得喇!」我爸說。
對呀,我也這樣覺得…
所以為什麼心渝會這樣自然地來我家和你們吃飯呢?
「仲記得喺靈堂,佢仲喊得勁過我同你,真係陰功…到底阿仔前世積咗幾多陰德,今世先識到個咁樣嘅女仔…」我媽說。
「一直都無話聽阿仔有拖拍,點知要到佢去咗先知佢收埋個咁好嘅女朋友…」我爸說。
女朋友?
心渝不是我女朋友呀…
我們還未互相確認關係…
「係囉…真係幾生修到…」我媽說。
我雖然仍然一頭霧水,但大概整理出一些思緒。
心渝和我父母相遇大概是在我的喪禮上,心渝哭得死去活來,我父母好奇之下前去搭話,然後便成為了今天的關係。
問題是…中間的過程…
我父母是熱情好客狂熱分子,當看見心渝泣不成聲,即使自己也在傷心,也會因為好奇而走上前慰問心渝和我的關係。
如果心渝只是回應朋友,似乎不至於構成現在的狀況。
所以我猜測,心渝當時應該說了她是我的女朋友。
我暗爽了一下,然後再失落起來…
我真的…很想作為她的男朋友,再作為她的丈夫走完這一生…
「多得佢,我地呢幾年先無咁難過…」我媽說。
「係呀…不過阿女佢似早都會搵男朋友…佢條件咁好,一定好多人追…到時我地都寂寞得多喇…」我爸說。
「咁好嘅女仔,唔可以入門做新抱…真係可惜…」
「喂女人,不如我地…?」
好的好的,到此為止了,我要去看心渝了。
我媽和我爸是青梅竹馬,聽說他們中學時便開始交往,大學畢業後直接結婚,大約在廿三歲之齡便誕下了我。
以現今社會的醫學水平,現在他們仍然有心有力。
所以,我還是不打搞了。
趕緊去找心渝吧。
現職實習社畜
2020-2-26 23:03:48
推
記住係菠蘿油呀
2020-2-26 23:13:03
仲有幾多左右
:^(
玖蒼
2020-2-26 23:37:05
去到心渝所住的大廈,我直奔到她所在的樓層。
隨便選一個單位,怎料一擊即中。
穿牆過後,心渝已經映入我眼簾。
「我沖涼先喇!」心渝對著伯母叫喊。
聽到她這句話後我頓時手足無措,當然是很想偷看,但還是安分守己待著吧…
我走到她的房間,佈置十分簡約。
牆上面掛滿一張又一張相片,出現得最多的,當然是我…
一個又一個往事片段在腦中湧現,原來由相識那天起,我們經歷了這麼多…這麼多…
還有就是…原來她有偷拍我…
那個年代,手提電話的拍照功能爛得要命,很多同學在中五以來便會帶著一部傻瓜相機上學,閒時便拍下一兩幅照片。
我知道心渝都有這個習慣,卻不怎麼為意她的鏡頭有那麼多次向著我…
當然了,我知道的話就不叫偷拍…
那張是我們在體育課自由活動時間打籃球時,我上籃的樣子…
那張是體能測驗,我們圍著操場跑時我的樣子…
那張是我在地理堂和同組同學作匯報時的樣子…
那張是中五last day我們的合照…
那張是中七last day我們的合照…
那張是在塔門,她依偎著我時看日出的照片…
…
相中的我們背對鏡頭,換言之,拿相機的人是靜宜…
原來她那天都醒了,只是沒有來打擾我們…
一張又一張照片,記載著我的青春…記載著,我全心全意愛著她的青春…
可惜…
青春還未逝去,我們已經天人永隔…
這時候心渝回到房間,肩上搭著毛巾,刷乾著頭髮。
她走到電腦檯前的座位坐下,拿出一本簿子。
那本簿子和送我的那本一模一樣。
她拿起筆,打開本子,開始書寫。
二零一五年一月一日,元旦。
天氣是晴朗的,如果不算上內心的話。
今天是約定的日子,我和靜宜晉傑,去到塔門拆開時間囊。
原本四個人的約定,只有三個人實踐。
黎淅言你這個大傻瓜…
為什麼表白都要用時間囊來做…
你終於和我表白了…
過了這麼多年,我終於收到你對我的表白了…
我也愛你,我也愛你,我也愛你…
你知道我三年多來,過得有多辛苦嗎…
每一天每一天,彷彿只要我一回頭,你就會蹦出來對我說,這只是惡作劇呀…
你知道嗎…你知道嗎…
晉傑也向我表白了…
我卻因為你而不得不傷害他…
明明你都已經死了…已經死去三年多…為什麼我的心卻仍然像當初一樣…
為什麼我仍然會夢見你…
為什麼夢要醒…
你知道那種痛嗎…
你為什麼要丟下我…
為什麼…
心渝寫到這裡,已經有一滴又一滴的眼珠溝在日記簿上,化開,擴散…
而一直在看她寫什麼的我,眼淚亦止不住地飆出來。
只是,鬼魂的眼淚會在虛空中消失不見…
原本應該是這樣的。
只是當我的眼淚滴在心渝的日記上時,我卻能看見那滴淚珠化開。
起初我以為是錯覺,但當我的淚越來越不受控制時,逐漸有二、三、四滴淚珠清晰地在日記上化開。
難道是…靈異現象?
似乎心渝也察覺到了有什麼不對勁,緩緩回過頭來…
「淅淅…?」她開口道。
玖蒼
2020-2-26 23:37:46
差不多了
:^(
記住係菠蘿油呀
2020-2-26 23:40:49
感覺太快了
:^(
:^(
:^(
飛𨋢(歐陸)
2020-2-27 00:03:46
之前睇都唔覺個故原來咁快就完
:^(
Ads
幸運星下的預言
2020-2-27 00:25:19
咁短
:^(
記住係菠蘿油呀
2020-2-27 00:27:20
我未睇過舊版,以為啱啱到高潮位
:^(
幸運星下的預言
2020-2-27 00:32:19
真係想長啲,淅淅穿越時空有冇得念
:^(
算啦,尊重樓主意願,我講下姐。
記住係菠蘿油呀
2020-2-27 00:36:04
見到佢哋重遇我以為啱啱先到中段開始
:^(
上一頁
第 12 頁
下一頁
「你頭先講得好大聲架喎?」我嘗試刺激她。
「咩喎,我諗緊電話講定係當面講之嘛!」
「梗係電話約佢出嚟,當面講啦!」我說。
「…我唔係好知點開口…早排我先大聲咁喝完佢…叫佢唔好煩我…」
「同佢解釋清楚囉!」我說。
語音剛落,雁婷便連忙拿起電話按下一連串號碼。
就在這時,窗邊傳來第三把聲音…
「嗨,我係導領。」不知道什麼時候開始,窗邊倚著了一個少年。
我吃了一驚,連忙看過去,一臉茫然。
「你係…?」我開口問。
「我係導領。」
仔細一看眼前這個少年的身體,和我一樣呈半透明狀態,只是透明程度沒我那麼高,比較像是一個實實在在的人。
「你係嚟…做咩?」我問。
「帶你走。」他說。
「帶我走?」
隨即他便舉起手,用戴在手上的戒指指向我和雁婷纏繞著的那條麻花狀的「尾巴」,然後麻花狀逐漸鬆開,我找回了自己的雙腳。
我和雁婷的連繫解除了。
「無錯,走喇。」他說,並再次舉起手來。
「咪,咪住先,做咩咁突然?無啦啦好地地做咩走?走去邊?」我一頭霧水。
「唔準走!唔準帶走佢!」雁婷也在旁邊阻止。
「咦?你見到我地?」導領似乎有點意外。
「係,佢係我嘅守護靈,唔準你帶走佢!」雁婷大聲說道。
「奇怪喇,唔通你有陰陽眼?但如果有陰陽眼,應該會有埋能力…如果有能力,應該就會一早解除靈體同自己嘅連繫…奇怪…」導領一連串地自言自語。
「你快啲走啦!唔好帶走佢,你快啲走!」
「唔通,你試過死過返生?」導領像是想通了什麼一樣地說。
「係又點呀?關唔關你事?你再唔走我報警!」雁婷說。
「冷靜啲先,我係導領,係負責帶走滯留人間嘅靈體,所以,佢係一定要跟我走…」
「我滯留咗三年幾喇喎?你而家先嚟?」我問。
「三年幾咁多?我係今日先收到訊號…」他說。
「訊號?」我疑惑。
「隻戒指會話俾我地聽邊度有滯留嘅靈體,你嘅訊號一直斷斷續續,一開始出現嘅時候係喺塔門,仲搞到我過咗去一轉但搵你唔到…」
「即係話要搵到我需要滿足一啲條件?」我問。
「聰明,以我估計就係情緒波動。」他說。
「但我返到嚟之後,都已經平靜返好多喇喎…」
「仲有一種叫共嗚波動。」他說。
「即係有人因為我產生劇烈情緒波動而令我俾你個雷達感應到?」我問。
「類似,又唔完全一樣,解釋起上嚟有啲複雜…因為一定要係心意互通嘅兩個人先做到共嗚波動,至於點解三年幾嚟我都收唔到你嘅訊號,呢點我都唔知…」他說。
而我則晃然大悟。
「既然我都滯留咗三年幾,即係我對呢個世界無影響啦,我想繼續留低…」我說。
「唔得…如果我唔帶走你…我會灰飛煙滅。」他說。
「即係話你有絕對嘅能力帶走我?」我看著他的戒指問。
「無錯。」
「有無寬限期?」我問。
「三日。」他說。
「好,一言為定。」我說。