(穿越、娛圈、政治)回到1998奮進篇(23)
上一頁
第 28 頁
下一頁
..............
2020-2-16 23:02:13
不過老實講 元朗嗰到最多叫唔啱口味 呢到感覺有d格硬黎
:^(
硬係怪怪地咁
Ads
春泥
2020-2-16 23:12:03
真正的銀行劫匪凌素飛在電視看見成皇志的報導不禁失笑，道：「神棍，上次屎忽撞棍開口中，今次現形喇！喺銀行打劫嗰個係我，不過都係多得你，啲差佬暫時唔會查到我。」
凌素飛聯絡李自鴻，李自鴻原本打算近期進行一項大買賣，不知何故取消，凌素飛打劫銀行得到數十萬現金，於是將他向對方買下這批軍火。李自鴻除了是一名大賊外，還有一項技能，他擁有一雙巧手和相關的專業知識，可以製作出多國護照，他自己本人就擁有多本別國護照，凌素飛拜託李自鴻為自己製作護照。
凌素飛到達了葵涌貨櫃碼頭，外號忍者的李自鴻長相普通，很難讓人留下深刻印象，現在的打扮儼如一般貨車司機一樣，只是多戴了一頂太陽帽。
凌素飛與三大賊王都見過面，三人各有特點，葉炳強狂、嚴喫灰悍、李自鴻穩，前兩者鋒芒太露，不是死了，便身陷囹圄，只有李自鴻仍然逍遙自在。
李自鴻打量四周發現並沒有什麼可疑之處，於是與凌素飛寒暄起來，道：「阿飛，叫你嚟幫我手，你請我食檸檬，依排去邊度發財啊？」
「鴻哥，你都知道我大佬就係我唯一嘅親人，有人隊冧佢，我實會為佢報仇架！」
「阿飛，有無野幫手啊？有就開聲同我講。」
凌素飛揚了揚手上的三本護照，道：「鴻哥，你已經幫咗我喇！你最近有咩大茶飯啊？」
「等你搞掂你大佬單野再搵我，到時我地再慢慢傾。」
凌素飛將帶來的錢交給李自鴻，然後便開著輕型貨車把他要的東西運走。
凌素飛看著擱在一旁的報紙，報紙上刊登出一張照片，照片是一名叫做徐匡道的裁判官，內文是關於他最近審理一宗休班警員危險駕駛，把一家三口撞成重傷的案件，只是輕判警員入獄半年，這個判決惹起社會廣泛爭議，這名法官之前亦有很多具爭議性的審判，往往被告人是警員，便輕判對方。凌素飛很恨此人，因為他讓凌素飛失去了五年光陰，除了房侍農外，他還要殺死此人。
春泥
2020-2-16 23:12:26
成皇志言之鑿鑿，在記者們面前指控秦漢滔就是銀行劫匪，房侍農再次請秦漢滔回去接受調查。
房侍農向秦漢滔供取口供：
「今日早上１１：００點至下午１點嘅時分，你去咗邊？」
「我１１：５０分已經返到警署，直至１２：３０收到通知麗城花園嘅身痕銀行有持械劫案，之後我就出車載啲同事去到案發現場。」
「有人可以證明？」
「有。」
「依方面我啲同事會去查，咁１１：００到１１：５０依段時間你喺邊？」
「喺太子加洲紅唱Ｋ。」
「唱Ｋ？又係自己一個？」
「係。」
「你好鍾意一個人唱Ｋ？」
「係。」
「好，我會搵人去查，你當時唱緊咩歌？」
一直表現沉穩的秦漢滔，突然有些激動，瞪著房侍農道：「誓要去入刀山。」
房侍農亦感覺到秦漢滔的情緒變化，他將口供簿蓋起，哼道：「誓要去 入刀山 浩氣壯 過千關～」
秦漢滔亦哼道：「豪情無限 男兒傲氣 地獄也獨來獨往返～」
房侍農問道：「你好鍾意依首歌？」
「只要係大好男兒都鍾意依首歌。」
單吊西3喇
2020-2-16 23:56:12
睇故就咪撚博故啦，意見可以提出，但就咪撚咬住唔放啦好唔好呀
春泥
2020-2-17 00:10:00
我都貼埋圖同事例
用客觀嘅事嚟反駁
我盡咗責任去解說
仲有人死撐
咁都無計
初時有啲嬲，依家覺得好笑
有人鍾意、有人唔鍾意
我都無謂再糾纏依方面
隨別人喜歡
:^(
好嘈呀
2020-2-17 02:01:54
春巴，加油
我完全明白現實世界中嘅不公義，我地普通市民根本有怨無路訴，所以只能透過自己支筆去尋找屬於香港人嘅正義，我估你再唔發洩出黎，真係會有心理病，所以想點寫就點寫啦。
我地永遠無可能迎合到全世界，所以做人都係做返自己係最好！
Jhon_lok
2020-2-17 02:12:50
春巴忠於自己就得
不過第一章講陳博個度我真係以為暴走
:^(
:^(
反而第二季我只係覺得進度好快，其他都冇問題，因為我一直覺得就算返咗以前都唔代表唔會做錯抉擇，所以更加唔會駁故，上面巴打講得啱，可以比意見，不過我覺得大家可以尊重下作者，當然大家都可以講，討論區就係比人討論架啦，不過哩個故都一段日子，都係個班巴打，係咪嘗試用詞可以放輕少少 ，有時一個囉字都好易比人錯覺，始終唔係面對面交談 （我善意嘅講法）
最後
:^(
我仲估大鳩志會走火入魔添
新手初心者
2020-2-17 09:13:13
一直表現沉穩的秦漢滔，突然有些激動，瞪著房侍農道：「誓要去入刀山。」
房侍農亦感覺到秦漢滔的情緒變化，他將口供簿蓋起，哼道：「誓要去 入刀山 浩氣壯 過千關～」
忽然來段唱歌，笑左一笑。
阿志突然爆句凶手係邊個，會否玩大左？
有點擔心房SIR 會否去領便當……
春巴！繼續努力！
梅拿湯馬士
2020-2-17 11:59:18
有d暴走feel
SonyQ
2020-2-17 12:22:19
經過左元朗篇 大家應該清楚樓主性格吧,睇故唔好駁胡又岩 無必要執著
春泥
2020-2-17 12:43:37
睇故當然可以駁故啦
理性討論
理性批評
由高登開始到依家一直相安無事
但只係得情緒嘅罵
咁好難叫人忍
大家平等相交
無分高低
將心比己
人地口出惡言
你可以唔反駁？
而且我都好客氣
用事例同圖表反駁
依啲係客觀證據
其實我有時好唔明咩叫一人少句
有啲人好怕嘈
但往往仲小氣過女人擺係心入面
男人嘅就有咩講咩
唔擺係個心入面
Ads
SonyQ
2020-2-17 13:05:14
睇故 何必咁高要求 寫故無必要對所有事物咁清楚 例如買樓 唔係人人都鐘意最平先買 有人唔想搶貨 sars唔想出街都得掛？唔可以用自己心態下下代人其他人
有人鐘意排口罩
有人鐘意30蚊買一個輕鬆拎走
水刮隊長
2020-2-17 14:39:37
好耐冇見過大家咁熱烈討論
:^(
醉曖薩莉亞
2020-2-17 18:09:14
此回覆已被刪除
快樂的SA
2020-2-17 19:39:47
真
一陣搞到棄故大家無撚謂
好多故都俾呢啲撚樣搞到一拍兩散
春泥
2020-2-17 19:51:32
咁樣棄故
對唔住自己同鍾意依個故事嘅人
我唔係啲咁小器嘅人
依啲事無咁大影響
我份人講完就算
為依啲事擺喺心入面好無謂
快樂的SA
2020-2-17 20:03:40
繼續支持春巴
:^(
即是咁
2020-2-17 21:22:51
錫晒春巴
:^(
:^(
大比中比細比
2020-2-17 22:49:16
今日聽到新聞有講水佳麗法官
:^(
春泥
2020-2-17 23:49:51
房侍農曾經對秦漢滔的背景做過一番調查，秦漢滔在９３年投入警隊工作，畢業時獲得銀雞獎，射擊技術相當優秀，左右手均可以靈活射擊，在多項射擊訓練都獲得滿分。
曾與秦漢滔共事的其中一名上司對秦漢滔有很高的評價：處事冷靜、具獨立處理案件的優秀能力、積極進取、具正義感和同情心，可是為何秦漢滔這麼優秀，入職警隊那麼多年仍然只是一名警車車長？房侍農其後又調查所得，秦漢滔曾經參與多次升級試都失敗，評核官給予的原因是性格自我、不接納他人意見、累積嘉許次數不足。房侍農對這些原因嗤之以鼻，他心知警隊的山頭文化嚴重，秦漢滔並非能力不足，只是不懂去奉承上司。
房侍農經一番調查後，對秦漢滔是否就是殺死唐聖仁的真兇存疑，不過仍然覺得秦漢滔與唐聖仁被殺一案有著關係，直至身痕銀行劫案發生，成皇志當著傳媒直指秦漢滔就是兇手，又加深他對秦漢滔的懷疑，秦漢滔在唐聖仁被殺案和剛才的持械行劫案，都是在卡啦ＯＫ中心消遣，這是一個很可疑的地方。
這時一名便衣探員走進來，在他耳邊輕聲道：「房ＳＩＲ，化驗報告出咗喇！證實咗頭先鎗殺保安員嘅手鎗同鎗殺阿仁嘅都係同一把鎗。」
春泥
2020-2-17 23:50:05
房侍農聞言身體不禁一顫，這兩宗案件都是同一名兇手，眼前的秦漢滔就是兩宗鎗殺案的嫌疑犯。
房侍農曾花過時間對秦漢滔進行研究，自問對他有一定程度的了解，秦漢滔有同情心、正義感，於是他打算利用這兩點，他叫其他警員離開房間，再把房間內的閉路電視關掉。
秦漢滔見狀感到好奇，問道：「你想行私刑？」
房侍農搖頭道：「其他夥計我唔知，但係我唔會，而且講打我一定唔夠你打，依家唔係錄口供，當係夥計傾計。」
秦漢滔臉現訝異的神情，房侍農道：「做我地啲細嘅真係唔易做，唔係有本事，上頭就睇你，好似你咁吖！又銀雞獎，又射擊訓練冠軍，仲識得手語同讀唇，喺警隊做咗咁多年都未升，睇你都係啲倔擂槌嘅人，聽講你試過一日派咗三十幾張牛肉乾，破晒紀錄，上頭緊係唔鍾意啦！」
秦漢滔眼神閃過一絲不屑之色，道：「當差就係有人犯法就有人執法，１７８你應該仲記得啩？」
房侍農道：「當然記得啦！一個抱負、七項目標、八個價值觀，我有個同事阿仁，即係三月嗰陣俾人鎗殺嗰個唐聖仁，佢同你好似，成日將１７８掛係口中，對依份工作抱有熱誠，視依份工作係終身使命，但係估唔到年紀輕輕，仲未一展抱負，就畀人殺死咗，我同佢大佬係朋友，佢結婚無幾耐，個老婆又後生，個仔都未出世，真係好慘。」
Ads
春泥
2020-2-17 23:50:19
秦漢滔點頭道：「嗯，我知道依個消息都好難過，嗰陣都有夾錢做帛金，佢係一個好警察，咁後生就離開咗，連個仔都未見過，希望你地可以儘快破案。」
房侍農一直觀察秦漢滔的神情，對方並沒有一絲愧疚和不安，不禁有些疑惑，他又道：「今日畀人打死嘅保安，屋企有五隻化骨龍，對上仲要養埋外父外母，依家失去咗家庭之柱都唔知點算？」
秦漢滔道：「嗯，真係好慘，希望相關嘅社福機構可以幫到佢地一家，我地警察可以做就係將依啲歹徒繩之以法，還受害者一個公道。」
房侍農依舊未能從秦漢滔的表情找到什麼異樣，究竟是他演技精湛？人格分裂？抑或他真的與這兩樁案件沒有任何關係？
房侍農語帶相關道：「啱啊！正所謂天網恢恢，疏而不漏，個天有眼架！犯法嘅壞人終有一日會被警察拉嘅！」
秦漢滔問道：「真係可以做到疏而不漏咩？房ＳＩＲ，你當咗咁多年差，有無遇過啲冤案、無頭公案啊？又或者明明嗰個人就犯咗事，但係法律都制裁唔到佢？」
房侍農聞言一時間為之語塞，他當差那麼多年，秦漢滔說的例子不是少數，他遲疑道：「的確有依啲咁嘅情況出現，但係天理循環，報應不爽，舉頭三尺有神明，嗰啲人僥倖避開法網，都逃唔過個上天嘅制裁。」
春泥
2020-2-17 23:50:32
秦漢滔笑了笑，道：「睇嚟房ＳＩＲ好信啲鬼神之說，最近有個叫成皇志嘅歌手，佢好紅，紅嘅原因係因為佢預言咗美國恐襲發生嘅時間同地點，聽講房ＳＩＲ，你同佢好熟。」
房侍農瞧了瞧秦漢滔，問道：「我同佢熟又點，唔熟又點？」
「無，我想問佢係咪真係遇到過咩睡仙陳搏，我個人對鬼神之說唔係好信。」
「天佑善人，神仙只會保佑啲好人，好人有仙緣唔係好出奇啫！」
「房ＳＩＲ，你破咁多大案，係咪都係神仙保佑啊？」
「可能都係，上天保佑我拉晒啲做壞事嘅仆街。」
秦漢滔一瞬不瞬盯著房侍農，道：「咁之前成皇志喺記者面前，話我係今日銀行劫案嘅兇手，房ＳＩＲ，你又信唔信呢？」
房侍農初時想在對話裡摸清秦漢滔的底蘊，可是對方亦同樣在試探自己的虛實，這個秦漢滔絕不簡單。
「差人做野係講證據嘅。」
這時一名探員走進來，在房侍農的耳邊輕聲道：「房ＳＩＲ，啱啱喺尖東停車場，徐匡道法官攞車嗰陣，架車突然發生爆炸，佢當場證實死亡，而且有軍裝夥計喺事發前十分鐘發現一名戴住頭套嘅可疑男子，想上前截查嘅時候，對方開咗一鎗無打中人，彈殼經初步檢驗喺同今日銀行劫殺案，歹徒用嘅同一款子彈。」
房侍農聞言不禁愣住了，相同的子彈，亦即是說這樁汽車炸彈案與之前的兩樁案件是同一個兇手，而且秦漢滔一直在他面前，自己居然成了他的不在場的時間證人，秦漢滔是殺死唐聖仁兇手的可能性變得更加小了，
儘管那名探員說話的聲音很少，可是懂得讀唇的秦漢滔已完全掌握到對方的說話內容，他的表情不禁出現異樣。
那位徐匡道法官亦在他刺殺名單上，現在居然給其他人捷足先登，對方究竟是何方神聖？
春泥
2020-2-18 00:02:10
依個係咪紅官
唔係好識分
春泥
2020-2-18 00:02:58
多謝
上一頁
第 28 頁
下一頁