Ads
愛德華越諗越唔係路，跟住依位叔叔遲早冇運行。於是喺1330年，17歲嘅佢突襲情夫個城堡，殺死情夫，再將老母打入冷宮。愛德華完全控制王位，開始咗佢長達50年嘅傳奇時代。
金雀花王朝自從失去法國領土之後，一直屈喺不列顛，同自己貴族以及蘇格蘭威爾斯明爭暗鬥，冇乜點理隔離嘅法國。屈咗一百幾年，愛德華三世覺得係時候要探下佢嘅好鄰居啦。佢望住波雲詭譎嘅英吉列海峽，遠眺遠方嘅法蘭西大陸，拈弓搭箭，向天一射。
依支箭一飛，將會飛足一百年。
本章完
Ads
睇緊本書叫
1000 years of annoying the French
佢話法國人屌9英格蘭人
the only thing they cook properly is Joan
Ads
繼位嘅愛德華二世，亦即係第一任威爾斯親王，一上台除咗面對困擾多年嘅蘇格蘭戰事之外，仲繼承埋老竇窮兵贖武所帶嚟嘅財政赤字。但係小弟相信大家對內政問題無乜興趣，於是講啲吸引啲嘅嘢，講下佢不凡嘅愛情史。之所以不凡，係因為佢係gay嘅，佢在位初期非常「寵幸」一個騎士嘅後代，叫做加維斯頓（Piers Gaveston），連王后都唔多理。加維斯頓自恃得到國王寵信，周圍得罪班貴族，仲叫佢哋做獵狗（hound）。無耐依班獵狗就耍下手段，令坎特伯雷大主教對佢使出絕罰令，然後將佢捉住，就地正法。
題外話，去到現代，加維斯頓俾一班生活萎靡嘅牛津大學學生所用，作為佢哋個地下soc嘅名（Piers Gav）。用得依個名，就代表個soc女人與狗勿進，入面啲活動基情四射，據問迎生嗰陣要俾燒豬含，仲玩埋毒品，不過唔知有冇用下體拍打同學個頭。咁就要問下老鬼之一--首相卡梅倫啦。
加維斯頓被掛拉分
英媒諷刺卡梅倫曾是加維斯頓soc成員
失去摯愛嘅愛德華二世自此同貴族水火不容，佢帶住依份憤怒繼續入侵蘇格蘭，但係喺班諾克本戰役（Battle of Bannockburn）入面被打敗。當時蘇格蘭王布魯斯被敵方一個騎士發現，騎士一馬當先諗住直取敵首，布魯斯氣定神閒，避開騎士嘅衝擊，再用佢訓練多時，經歷數萬次高頻運動嘅左手，一個斧頭斬落去，將對方連盔帶頭劈開兩半，印證咗一句話：個天要你柒，戴埋頭盔都無用。布魯斯嘅霸氣反擊鼓動蘇格蘭軍嘅士氣，將英軍殺到一蹋糊塗。依場戰役徹底摧毀英格蘭吞併蘇格蘭嘅野心，可以話係蘇格蘭歷史上最重要嘅戰役，仲喺蘇格蘭獨立公投期間經常被回帶。
布魯斯（紅袍者)在班諾克本戰役
班諾克本戰役紀念日，蘇格蘭政府於布魯斯銅像前舉行慶典
其實未必係人少咗，可能係d人專心咗追post，少出聲啫。
我等睇串燒聖女的。
送套聖女貞德rap battle比大家啦：
https://youtu.be/1bwr_6dvtY0
我呢邊都係固定讀者數，人數不要緊，重要係有志同道合既肯去睇