相比起老竇「智者」查理五世，查理六世可以話係個弱智，準確嚟講係有精神病，所以人哋叫佢做瘋子查理（Charles the Mad）。正因為佢精神有問題，政事由同宗嘅四大公爵所控制，分別係奧爾良（Orléans）公爵、 安茹公爵兼拿玻里（Naples）國王、巴里（Berry）公爵、同埋最大牌最有錢嘅勃艮第（Burgundy）公爵，當中奧爾良派嘅同勃艮第派因為爭做大佬而明爭暗鬥。
英軍一行千五艘船登陸諾曼第，一直北上去到英格蘭控制嘅加萊，藉以宣示主權。英軍一直急速行軍，令到將士非常疲累，加上發生瘟疫，病死者達軍隊三分之一。另一方面法軍完成集結，同樣向加萊方向前進。人數係對方四倍嘅法軍成功喺加萊附近攔截英軍，亨利五世心諗中伏，於是向法軍求和。法軍嗰邊完全無視，堅持開波，著名嘅亞甘閣戰役（Battle of Agincourt）就此打響。
毛豆腐
2017-5-4 00:55:19
勃艮第伯爵無懼者約翰（John the Fearless）死好命，咁啱趕唔切參與依場戰役，佢眼見英軍控制成個法國北部，於是喺1419年趁亂攻入巴黎，諗住控制受奧爾良派控制嘅王太子（又係）查理。點知佢喺同王太子嘅一次茶聚入面，被王太子嘅人一個斧頭斬死。事件令到勃艮第同法國王室正式決裂，新任公爵正斗菲臘（Phillp the Good）同亨利五世結盟。 王太子喺約翰嘅頭骨上，開咗嗰窿俾英格蘭攻入法國，皆因勃艮第嘅取態對戰局嘅影響尤其重要。
:^(
無懼者約翰之死
勃艮第嘅實力喺各大諸侯之中首屈一指，談體形，佢面積第一，雄踞法國東部，有玩過歐陸風雲嘅，都知道佢仲控制埋低地國家，領土分分鐘大過法王領地；論地位，勃艮第曾經係神聖羅馬帝國下嘅三大王國之一（其他為德意志王國及意大利王國），當時同法國前身西法蘭克王國平起平坐，勃艮第公爵嘅家族亦屬法國王室華盧華家族（House of Valois），講嘢都可以大聲啲；講經濟，勃艮第本土係紅酒大區，紅酒貿易不亞於英格蘭嘅加斯科尼，另一樣名產就係首府第戎嘅第戎芥末（Dijon Mustard）。而低地國嘅羊毛貿易同埋發達嘅商業網絡，更加令勃艮第公爵富可敵國。
:^(
十五世紀勃艮第公國領土
:^(
曾經的勃艮第王國
正斗菲臘同亨利五世共同向逃離巴黎嘅查理六世施壓，簽訂特魯爾條約（Treaty of Troyes），亨利五世娶咗查理六世個女，法國王太子查理被褫奪繼承權，法國王位將由亨利嘅王儲繼承，到時就真係英法同為一家，今鋪hihi啦。