亨利三世時代嘅英格蘭相對平靜,佢喺1259年同法國嘅和約之中,宣佈放棄諾曼第及安茹等地嘅宣稱,結束自亨利二世開始,歷時百年嘅金雀花王朝同法國卡佩王朝(House of Capet)嘅敵對關係。同時期嘅法王路易九世同亨利一樣,都係在位四五十年,英法兩國處於一段和平時期。至於歐洲其他地方,西班牙葡萄牙繼續進行收復失地運動(Reconquista),將穆斯林勢力趕出伊比利亞,十字軍東征迎嚟最後嘅歲月,而拜占庭帝國就俾十字軍同突厥人圍毆。至於東歐中歐就冚家鏟啦,蒙古大軍席捲東歐平原,東至俄羅斯,西至匈牙利嘅廣大地區被洗劫屠殺一空。不過英格蘭一於wfc,即使佢地打到去法國,都係過唔到海峽。
第二件事就係愛德華成功征服威爾斯,同埋擴大對蘇格蘭嘅影響力。佢一上台就雄心壯志,計劃統一不列顛,而第一個目標就係弱小嘅威爾斯。自從仆街約翰失去對威爾斯嘅控制權之後,威爾斯嘅羅夫林大帝逐漸統一當地,去到約翰個孫愛德華一世時期,威爾斯就由羅夫林個孫小羅夫林統治,又名最後的羅夫林(Llywelyn the Last)。早喺亨利三世時代,小羅夫林就同英格蘭衝突不斷,仲娶埋叛臣西門嗰女。愛德華以此為藉口,大舉進攻威爾斯,殺死對方。1283年,英軍完全控制當地,愛德華直接吞併成個威爾斯,自此威爾斯就屬於英國嘅統治下。佢受啟發於當年喺聖地見識到嘅城堡體系,喺威爾斯興建一大堆堡壘,用以防禦叛亂,依堆分佈密集嘅堡壘就為威爾斯帶嚟城堡之都(Capital of Castles)嘅美譽。
正當班貴族高唱今天我,自認取得階段性勝利嗰陣,愛德華就將啱啱喺威爾斯出世嘅仔立為王儲(後來嘅愛德華二世),跟住再封佢為威爾斯親王(Prince of Wales),宣佈佢個喺威爾斯出世,一句英文同法文都唔識,又pure又true嘅寶貝仔為威爾斯繼承人,技術性擊倒對面。班貴族啱啱先簽完協定,只能夠眼白白睇住英格蘭食咗威爾斯。自此之後,威爾斯名義上就由威爾斯領主,即係英格蘭國王嗰仔統治,直至1536年被英格蘭完全吞併為止。依個亦係點解英國王儲一般都會被封為威爾斯親王嘅原因。
:^(
愛德華向威爾斯貴族展示自己的bb仔
幽默感勉強唔黎
2017-4-2 00:34:18
愛德華呢招真係好仆街
:^(
Edelweiss
2017-4-2 01:16:26
一講Edward I 就諗起 Braveheart, William Wallace