NATO表態之後中俄包圍圈已經形成
第 1 頁
下一頁
跪低求助賜酒
2019-12-14 18:49:41
前言
因爲平面世界地圖既關係，好多人對於一D比較冷門既地緣政治好似北歐，加拿大同俄國其實唔太了解。今日其實想抛磚講下NATO宣佈中國已經超越俄國成爲最大威脅既影響，好簡單講就係戰略上中俄包圍圈已經成形。我要強調北約係一個軍事同盟，任何成員受到攻擊，只要美國四星上將指揮官同意就可以調動其他成員既軍力反擊。
:^(
北約冷戰背景
NATO既成立目的其實就係為左對抗蘇聯，所以你見到D成員國其實都係圍繞住北極點既北歐，西歐，中歐，北美洲國家。因爲地緣上全部同蘇聯好近，好大機會爆發戰爭。
但係當年其實歐亞大陸黎講，共產主義國家係非常多，個共產主義國家包圍網其實都唔係好嚴密，兩個軍事集團就不停係各個戰綫交鋒。後來中共都加入埋包圍網既時候，應該全世界都睇得出蘇聯敗勢已定。
當蘇聯解體之後，北約作爲勝利者，勢力擴充去到東歐，中東等地，例如最反共既波羅的海三國(聲援同有行動支持香港)，烏克蘭(曾經將加入北約寫入憲法)。扶植以色列，沙地等等。咁當然中東都唔係太穩定，但係1991年海灣戰爭(蘇聯解體當年，俄羅斯無參戰)大大加強北約係中東影響力。
近代與俄羅斯關係
同俄羅斯都曾經有過合作期，俄羅斯曾經都加入西方D組織 ，例如以前既G8等等。但係係睇得出面和心不和，成個北約軍事組織仲存在，個潛在目標好明顯就係俄羅斯。所以俄羅斯都做好多野想突破，例如2014成功占領烏克蘭克里米亞，挑撥土耳其，中東支持伊朗等等。後果就係即刻被剔除出G8(變而家G7), 連鎖反應就係當時北歐芬蘭瑞典開始加強對北約合作，討論要加入北約。而家歐洲個關係仲係好緊張，未和解架。
所以點解美國同北約近年會重整軍備，歐洲屌完侵侵最後都係俾返2%GDP軍費都係咁解。但係歐洲頭號敵人應該係俄國，點解會無端端變中國？咁的確中共無論意識形態上定經濟軍事上都係最大威脅
中共成爲自由國家最大威脅
中國同中亞中東北極國家既爭端:
北歐黎講，戰狼外交官左屌右屌，新聞你自己揾下瑞典，下下都辱華下下都外交官出黎屌，北歐四國會點睇你中共? 最爆係近期法羅群島俾中共外交官威脅唔用華爲5G就取消其他貿易協議(法羅群島係丹麥領地，丹麥係北約成員) 北約會唔知你中共係度搞搞震，而家咪開始做野。
中東扶植伊朗，擴散核技術。今年9月打沙地油井，搞到全球產油量跌20%就係伊朗。1991年海灣戰爭爆發都係因爲伊拉克走去搞科威特，影響全球石油供應。。。
中亞一帶一路，不停用金錢滲透扶植親中政權。塞爾維亞已經淪陷，中國公安竟然可以係塞爾維亞執法。。。
之前仲無端端宣佈自己係近北極國家要同俄羅斯合作開發北極。
呢D露出表面既野都已經咁，點會令北約唔提防你。
北約(美國)既應對策略
北歐:
其實北歐國家本身都已經係北約成員或者同北約有軍事合作，近年黎咪吹風叫D未係正式成員既國家加入北約(瑞典，芬蘭)。今年侵侵仲想買格陵蘭，其實有經濟軍事雙重考慮，由上面既地圖睇，買左格陵蘭個北極包圍圈又收緊左。
中東:
支持沙地，以色列等傳統盟友對抗中俄。你留意返彭斯9月沙地俾人炸油井之後既回應。如果沙地決定出兵報復，美國係會跟。雖然最後無打仗，但係北約同中俄對抗既影子若隱若現。
中亞:
打維吾爾族同Muslim牌，中共玩集中營完全係on99。你睇返中亞民族分佈，維吾爾族散佈中亞各國，唔少人係新疆有親戚入集中營；維吾爾人同其他中亞民族仲係近親。呢D中亞國家係唔出聲，唔代表鍾意你中國。美國而家救維吾爾人係企係道德高地批評中共，黎拉攏呢D中亞國家，包括土耳其。
澳洲加拿大德國等等傳統盟友:
堅定呢班盟友，令呢班盟友同中共反面，抵制華爲係第一步。
南美後花園:
無咩點研究，只係知道近期貿易戰強硬要求中共買超多農產品。要知道自從貿易戰開始，中共D農產品轉由南美巴西阿根廷入口(亞馬遜大火有指係巴西為中國需求過度開發亞馬遜導致)，為拉攏南美簽唔少貿易協議承諾買幾多幾多。所以貿易戰其實中國曾經堅持要按需求采購農產品。但係美國企硬。而家黎講一係中國走南美數，一係中國硬食，所以南美國家而家應該會開始緊張，會要求中共履行承諾。美國既手腕高明，就咁借貿易戰敲打左南美國家一下。
中俄應對:
首先應該想抄當年古巴，用委内瑞拉同玻利維亞(美洲玻利瓦爾聯盟) 令美國後院起火，同不停拉攏南美國家。但係美國已經搞緊，近期玻利維亞已經搞掂，委内瑞拉未得，不過美國好似話會再繼續做野。而且上面都有講美國敲打緊南美巴西阿根廷之類。
非洲亦都係個包圍網既後方，中共一向最鍾意扶植第三世界國家既獨裁政權。美國意識到，但係我無咩點留意非洲新聞，除左批評一帶一路令唔少非洲國家陷入債務危機之外，我唔知有咩實際措施，但係一定做緊野。
包圍網内咪抱團取暖: 中國，俄羅斯，阿爾蓋達，伊朗，土耳其，其實你大概睇下1月支持馬杜羅同反對馬杜羅就係當時兩邊既忠實盟友，之後大家開始拉攏唔同國家入隊
https://upload.wikimedia.org/wikipedia/commons/4/4e/Venezuela_president_recognition_map_2019.svg
未入隊同埋雙方前綫就係黎緊角力既地方
總結
首先美國爲首既五眼聯盟同北約集團戰略上已經團結一齊反共，個包圍網都大致上形成，包圍網後面有零星威脅。接下來國際關係應該就同冷戰一樣雙方不停拉攏未表態既國家做盟友，同埋係唔同戰綫打落去。
目前睇美國大勝: 係華爲為代表既科技戰，成功用中國做威脅拉攏到印度，貿易協議拉攏到墨西哥。
黎緊南美會搞掂曬以委内瑞拉為首既親共政權，唔會再俾古巴導彈危機重演。中東同非洲都應該會開始發力黎鞏固個包圍網，將俄羅斯，中國，伊朗三國鎖死。
前景
中共係人種上同埋意識形態上一定係美國最大敵人。俄羅斯事實上都開始玩緊選舉，國内有反對派，雖然普京打壓不停升級玩DQ玩濫捕，但係俄羅斯係有機會妥協，同中共當年一樣，如果明知輸緊，點解要繼續對抗落去呢，最後加入包圍網。
我對自由世界贏好有信心，但係美國必需遏止中共滲透同埋打消其他國家對於中共改革既幻想，香港既遭遇其實對於整醒其他自由國家好大幫助。不過香港個地理位置係前綫之餘，仲要係敵人既前綫。。。
大家真係要減少不必要既犧牲，希望大家都可以活到勝利既一天，我地既目標目前都係繼續成爲自由世界警惕，覺醒既人辦。
而打敗中俄之後，全世界每個人應該真係可以基本實現1948世界人權宣言，享有應得既自由同民主。
Ads
跪低求助賜酒
2019-12-14 18:58:33
戰略上一調整反共
就唔係少少讓步可以解決
我覺得個最終目標一定係制度上改變中國
但係美國唔會再犯當年支持中共既錯誤
美國係中共上面已經誤判左兩次
第一次係國共内戰，第二次係中國入世為代表既engagement policy
想象唔到中共要點做戲先可以老點到美國多一次
出師未捷
2019-12-14 19:00:44
好文 但幫唔到你推
:^(
跪低求助賜酒
2019-12-14 19:02:49
多謝
我自己推
:^(
白羽帝
2019-12-14 19:06:07
:^(
:^(
跪低求助賜酒
2019-12-14 19:06:24
其實尋日Ozil個表態好重要
因爲Ozil係土耳其人，而土耳其目前黎講同中俄關係好密切，係(潛在)盟友
所以Ozil既表態其實係代表緊美國打Muslim維吾爾族人權牌好成功
煲大D希望可以幫助到土耳其同中共反面
破壞中俄下面既盟友關係
朴足玖千夏
2019-12-14 19:07:17
此回覆已被刪除
EEthan
2019-12-14 19:07:38
自831普選議案被否決後 至今仍未有一個能得到廣泛共識認同的行政長官普選產生提議 本人亦深知明瞭除了831框架方案以內 人大絕對唔會接受港人提倡的一人一票和廣泛認受性之特首選舉。
對於2020年實行普選行政CEO 我有以下有三點講解。
普選行政CEO嘅長遠 目標”係嘜？
普選行政CEO又有何 動機”？
如何”實行普選行政CEO？
1.目標 虛擬銀行落成嘅長遠目標有兩樣
一.為擁有香港銀行卡之捐獻港人 表示自己以真心愛惜香港的香港人 作出一個身分認同。
二. 為一眾擁有香港銀行卡之香港人提供一個銀行純利後的70%當然利息收益 其餘30%用作規模擴充或者慈善捐贈等等。
2.動機 藉由普選行政CEO 能夠有效對現界政府製造無形壓力 以表示民意方向及香港人民對民主精神的追求。
3.如何 成立香港虛擬銀行之前如何取得資金同信託人。
籌集資金方面我估計要20億 就以165萬黃色選民為基礎 每位成年人最小捐出1千蚊 至於對未成年的黃色朋友就不定限額 以上所有捐款人必須留有單據用作日後申請第一批香港人銀行戶口用 對於成立一間虛擬銀行需要幾多資金 呢方面要由專業人士計過先知。
行出第一步唔難 祇要你地肯畀啲衝動嘅勇氣 投選幾位誠信可靠而又願意以非牟利人士身分 擔任香港銀行基金信託人 為香港人監督基金運作。
如果你亦認同此方向 請幫手推or分享出去。
想了解知道更多記得留名待續。。。
這不是一個突發奇想 祇係覺得呢個係其中一個較為正當xxx方法
:^(
連尼往
2019-12-14 19:09:06
臺灣就係支那個古巴
我地就係柏林
:^(
馬田健
2019-12-14 19:09:33
冇時間啦25號截止，極度要人幫手!
https://lih.kg/1782422
- 分享自 LIHKG 討論區
跪低求助賜酒
2019-12-14 19:11:41
我地個地理好7 一定差過柏林
:^(
柏林後面係北約支援 仲可以撤退
我地後面係海 最近係幾百公里外既台灣
我地係歐亞大陸上面一條釘
係中美對抗前綫入面 企係中共前綫反中共
:^(
Ads
咩咩咩咩事
2019-12-14 19:14:11
衰過柏林
我地簡直係反共敢死隊
精子圍牆
2019-12-14 19:14:57
想知點解歐洲仲好似唔嗲唔吊咁？
鞍狗毛蒻伊
2019-12-14 19:15:57
:^(
推
桂小太郎
2019-12-14 19:17:09
揾著數
跪低求助賜酒
2019-12-14 19:17:41
done
同歐盟會立條人權法有咩分別
精子圍牆
2019-12-14 19:18:06
但望到呢個局勢仲以為痴住支那有著數咩？
跪低求助賜酒
2019-12-14 19:18:45
點唔嗲唔吊?
上個星期先宣佈中國係最大威脅
森無無∅
2019-12-14 19:20:02
:^(
推
諗唔撚到叫咩名
2019-12-14 19:20:12
此回覆已被刪除
黑警冷血林鄭殺港
2019-12-14 19:20:20
Ww3
:^(
Ads
無定向的風
2019-12-14 19:20:26
推 好文
重治
2019-12-14 19:20:35
香港到底頂唔頂得到war of liberty against dictatorshi嘅一日 真係好難講
連尼往
2019-12-14 19:21:09
柏林都係靠d走廊連住北約
大熱天時
2019-12-14 19:22:32
超高質國際政治文
:^(
第 1 頁
下一頁
因爲平面世界地圖既關係，好多人對於一D比較冷門既地緣政治好似北歐，加拿大同俄國其實唔太了解。今日其實想抛磚講下NATO宣佈中國已經超越俄國成爲最大威脅既影響，好簡單講就係戰略上中俄包圍圈已經成形。我要強調北約係一個軍事同盟，任何成員受到攻擊，只要美國四星上將指揮官同意就可以調動其他成員既軍力反擊。
北約冷戰背景
NATO既成立目的其實就係為左對抗蘇聯，所以你見到D成員國其實都係圍繞住北極點既北歐，西歐，中歐，北美洲國家。因爲地緣上全部同蘇聯好近，好大機會爆發戰爭。
但係當年其實歐亞大陸黎講，共產主義國家係非常多，個共產主義國家包圍網其實都唔係好嚴密，兩個軍事集團就不停係各個戰綫交鋒。後來中共都加入埋包圍網既時候，應該全世界都睇得出蘇聯敗勢已定。
當蘇聯解體之後，北約作爲勝利者，勢力擴充去到東歐，中東等地，例如最反共既波羅的海三國(聲援同有行動支持香港)，烏克蘭(曾經將加入北約寫入憲法)。扶植以色列，沙地等等。咁當然中東都唔係太穩定，但係1991年海灣戰爭(蘇聯解體當年，俄羅斯無參戰)大大加強北約係中東影響力。
近代與俄羅斯關係
同俄羅斯都曾經有過合作期，俄羅斯曾經都加入西方D組織 ，例如以前既G8等等。但係係睇得出面和心不和，成個北約軍事組織仲存在，個潛在目標好明顯就係俄羅斯。所以俄羅斯都做好多野想突破，例如2014成功占領烏克蘭克里米亞，挑撥土耳其，中東支持伊朗等等。後果就係即刻被剔除出G8(變而家G7), 連鎖反應就係當時北歐芬蘭瑞典開始加強對北約合作，討論要加入北約。而家歐洲個關係仲係好緊張，未和解架。
所以點解美國同北約近年會重整軍備，歐洲屌完侵侵最後都係俾返2%GDP軍費都係咁解。但係歐洲頭號敵人應該係俄國，點解會無端端變中國？咁的確中共無論意識形態上定經濟軍事上都係最大威脅
中共成爲自由國家最大威脅
中國同中亞中東北極國家既爭端:
北歐黎講，戰狼外交官左屌右屌，新聞你自己揾下瑞典，下下都辱華下下都外交官出黎屌，北歐四國會點睇你中共? 最爆係近期法羅群島俾中共外交官威脅唔用華爲5G就取消其他貿易協議(法羅群島係丹麥領地，丹麥係北約成員) 北約會唔知你中共係度搞搞震，而家咪開始做野。
中東扶植伊朗，擴散核技術。今年9月打沙地油井，搞到全球產油量跌20%就係伊朗。1991年海灣戰爭爆發都係因爲伊拉克走去搞科威特，影響全球石油供應。。。
中亞一帶一路，不停用金錢滲透扶植親中政權。塞爾維亞已經淪陷，中國公安竟然可以係塞爾維亞執法。。。
之前仲無端端宣佈自己係近北極國家要同俄羅斯合作開發北極。
呢D露出表面既野都已經咁，點會令北約唔提防你。
北約(美國)既應對策略
北歐:
其實北歐國家本身都已經係北約成員或者同北約有軍事合作，近年黎咪吹風叫D未係正式成員既國家加入北約(瑞典，芬蘭)。今年侵侵仲想買格陵蘭，其實有經濟軍事雙重考慮，由上面既地圖睇，買左格陵蘭個北極包圍圈又收緊左。
中東:
支持沙地，以色列等傳統盟友對抗中俄。你留意返彭斯9月沙地俾人炸油井之後既回應。如果沙地決定出兵報復，美國係會跟。雖然最後無打仗，但係北約同中俄對抗既影子若隱若現。
中亞:
打維吾爾族同Muslim牌，中共玩集中營完全係on99。你睇返中亞民族分佈，維吾爾族散佈中亞各國，唔少人係新疆有親戚入集中營；維吾爾人同其他中亞民族仲係近親。呢D中亞國家係唔出聲，唔代表鍾意你中國。美國而家救維吾爾人係企係道德高地批評中共，黎拉攏呢D中亞國家，包括土耳其。
澳洲加拿大德國等等傳統盟友:
堅定呢班盟友，令呢班盟友同中共反面，抵制華爲係第一步。
南美後花園:
無咩點研究，只係知道近期貿易戰強硬要求中共買超多農產品。要知道自從貿易戰開始，中共D農產品轉由南美巴西阿根廷入口(亞馬遜大火有指係巴西為中國需求過度開發亞馬遜導致)，為拉攏南美簽唔少貿易協議承諾買幾多幾多。所以貿易戰其實中國曾經堅持要按需求采購農產品。但係美國企硬。而家黎講一係中國走南美數，一係中國硬食，所以南美國家而家應該會開始緊張，會要求中共履行承諾。美國既手腕高明，就咁借貿易戰敲打左南美國家一下。
中俄應對:
首先應該想抄當年古巴，用委内瑞拉同玻利維亞(美洲玻利瓦爾聯盟) 令美國後院起火，同不停拉攏南美國家。但係美國已經搞緊，近期玻利維亞已經搞掂，委内瑞拉未得，不過美國好似話會再繼續做野。而且上面都有講美國敲打緊南美巴西阿根廷之類。
非洲亦都係個包圍網既後方，中共一向最鍾意扶植第三世界國家既獨裁政權。美國意識到，但係我無咩點留意非洲新聞，除左批評一帶一路令唔少非洲國家陷入債務危機之外，我唔知有咩實際措施，但係一定做緊野。
包圍網内咪抱團取暖: 中國，俄羅斯，阿爾蓋達，伊朗，土耳其，其實你大概睇下1月支持馬杜羅同反對馬杜羅就係當時兩邊既忠實盟友，之後大家開始拉攏唔同國家入隊
https://upload.wikimedia.org/wikipedia/commons/4/4e/Venezuela_president_recognition_map_2019.svg
未入隊同埋雙方前綫就係黎緊角力既地方
總結
首先美國爲首既五眼聯盟同北約集團戰略上已經團結一齊反共，個包圍網都大致上形成，包圍網後面有零星威脅。接下來國際關係應該就同冷戰一樣雙方不停拉攏未表態既國家做盟友，同埋係唔同戰綫打落去。
目前睇美國大勝: 係華爲為代表既科技戰，成功用中國做威脅拉攏到印度，貿易協議拉攏到墨西哥。
黎緊南美會搞掂曬以委内瑞拉為首既親共政權，唔會再俾古巴導彈危機重演。中東同非洲都應該會開始發力黎鞏固個包圍網，將俄羅斯，中國，伊朗三國鎖死。
前景
中共係人種上同埋意識形態上一定係美國最大敵人。俄羅斯事實上都開始玩緊選舉，國内有反對派，雖然普京打壓不停升級玩DQ玩濫捕，但係俄羅斯係有機會妥協，同中共當年一樣，如果明知輸緊，點解要繼續對抗落去呢，最後加入包圍網。
我對自由世界贏好有信心，但係美國必需遏止中共滲透同埋打消其他國家對於中共改革既幻想，香港既遭遇其實對於整醒其他自由國家好大幫助。不過香港個地理位置係前綫之餘，仲要係敵人既前綫。。。
大家真係要減少不必要既犧牲，希望大家都可以活到勝利既一天，我地既目標目前都係繼續成爲自由世界警惕，覺醒既人辦。
而打敗中俄之後，全世界每個人應該真係可以基本實現1948世界人權宣言，享有應得既自由同民主。