(重啟/同人)如果蜘蛛俠係香港人…
上一頁
第 8 頁
下一頁
食屎龍力蓮
2019-12-11 09:46:33
係… 有咁嘅反應係因為知道呢篇唔係純粹係小說, 而係好可能真係發生過喺有血有肉嘅手足身上
:^(
Ads
葉開葉開
2019-12-11 14:13:30
唉
:^(
幾時班仆街黑警先受到制裁
十蚊兩件脆香雞翼
2019-12-11 17:12:19
加速
:^(
葉開葉開
2019-12-11 21:27:49
多謝雞翼巴
:^(
葉開葉開
2019-12-11 21:28:02
二十
我換上件蜘蛛衣。
蜘蛛俠又出動了。
我貼住廢物垃圾回收工場既外牆慢慢咁爬上去通風口。
既然CCTV入面有出現過劉澤基既身影,呢個地方係唯一既線索。
再加上之前我就係響呢個地方比隻變種蜘蛛咬親,我直覺話比我知呢個地方好古怪,可能真係隱藏左一啲秘密。
通風口是個好地方,除非你要去既目的地係一個密封既地方,如果唔係九成時間總係會連接到通風口。
個垃圾回收工場佔地好大,仲有分室內同室外,我打算先由室內搵起。因為憑上次黎參觀時既記憶,室外好多都係處理垃圾既大型機械同堆填區,唔似會有啲秘密可以隱藏到。
除非係…埋屍。
屌。
亂講野。
*
的確,響一個咁大既建築物入面搵一件唔知存唔存在既秘係一件好困難既事。
而且即使我跟學校黎過參觀,但佢比得我地睇既,都一定係啲好正常既地方,唔係話對搜索冇幫助,但幫助非常有限囉。
好彩既係爬通風口同冷氣槽我唔係第一次。
而且呢個時候我個微電腦就幫到我小小手。
我設計件蜘蛛衣既時候,我有將微型溫度計整埋落去,再接駁落部微電腦度。
呢個時候拜個溫度計所賜,我發覺到有小小唔尋常既地方。
呢個係一個垃圾回收工場,有核廢料處理區同焚化爐等等高溫既設備,溫度係會偏高,呢樣野即使響通風口冷氣槽都感覺到。
但係當我響冷氣槽入面穿梭左一陣,我發覺到幾個唔同既地方都指向一個方向,而果個方向係溫度偏低既,於是我就向果個方向爬過去。
我越爬,就感覺到個溫度越黎越低。
終於,我停左響其中一個通風口上面,向下望去。
唔同其他區域,呢個地方有一幢睇落好厚既白色牆,上面有一扇好大好似升降機門既鋼門。而大門既前面有兩個守衛似的人守住門口,而呢兩條友手上面竟然係拎住把機關槍。
唔尋常…一個垃圾回收工場點解會有人陀槍守住?
要收拾呢兩條友,應該唔難,但問題係我做乜要正面突入?再加上我收拾咗呢兩條友之後都唔見得搵到方法開門,同埋我見個冷氣槽係接駁住鋼門封住果間房既,根本唔需要冒險落去正面衝突。
正當我想冷氣槽繼續向前爬既時候,我既蜘蛛感應突然感覺到危機!
我停低,望住前面既冷氣槽…
危機感黎自果度。
我向住果忽地方射左一撻蜘蛛絲。
啪噠!
燒焦了。
係…高壓電網?
知道咗就簡單了。
我向入小小既冷氣槽瞄準,再射出蜘蛛絲。
啪。
蜘蛛絲只係正常咁痴咗響通風槽入面。
呼,好彩既係入小小既冷氣槽並冇通電。
於是我舉起雙腕上既蛛網發射器射,向入面既冷氣槽射出兩條蜘蛛絲,再將自己凌空扯入去。
呼,冇事。
我由通風口望落去下面,呢間房好大,好似一間實驗室、研究室,而響呢個深夜時份,入面已經冇人做野,只係著左幾盞昏暗既燈,照住成間房。
我輕輕拉起通風口既鐵欄,再將佢放好,唔好發出任何聲響。
然後,我開著眼罩入面既夜視鏡,再慢慢爬出去,痴住呢間「實驗室」既天花板,好輕力咁移動。
我好快就搵到幾個CCTV鏡頭,確認全部都比我搵左出黎之後,我同一時間瞄準,射出蜘蛛絲將啲CCTV鏡頭遮住晒。
然後翻身落地。
我估計呢度既守衛一發現CCTV個鏡頭一被遮,佢地應該好快會派人黎望望,所以我剩低既時間其實唔多。
除左啲研究室枱、實驗枱之外,仲有啲充滿液體,高過一個人既容器,同埋又有啲動物昆蟲既疑似實驗體。
我以我電腦專家既直覺,走到去一部電腦前面,開始hack入去。
我主要係想睇下呢度有冇班叔叔既資料,於是我主力hack入電腦伺服器睇有冇啲關於「柏班」既資料。
…
…
…
竟然…比我搵到!?
班叔叔當日真係被送左黎呢度,而唔係醫院!?
「蜥蜴人計劃…?」我搵到份咁既文件,上面全部係殘體字。
呢份文件,係由一個叫康納斯博士既人同佢既研究團隊所寫既。
入面記載左一個用活生生既人體做既實驗。
當日,黨鐵站入面有六位比黑警襲擊而傷勢極嚴重既傷者,當場被判斷為冇得救,特區政府於是應某國政府駐香港機構既要求,將呢六個傷者轉送去一個以垃圾回收工場做掩飾既生物兵器研究所。
即係呢度!?
而且根據檔案上面既記載,呢度應該唔止第一次用活人黎做實驗!
仲有…「犀牛人計劃」、「電魔計劃」、「禿鷹計劃」、「蜘蛛人計劃」…
五年幾前果場社會運動,傳聞有好多人失踪,竟然有好多人係被運左黎呢個研究所做人體實驗!
(待續)
可憐男小職員
2019-12-11 21:47:46
Sinister six
:^(
:^(
咁軟點入姐?
2019-12-11 21:52:42
:^(
:^(
請重新載入
2019-12-11 22:17:10
支持巴打
:^(
期待更新!
:^(
:^(
:^(
LHC@月華街陳瀅
2019-12-11 22:53:28
唔知會唔會加埋蜘蛛女Silk
:^(
葉開葉開
2019-12-12 09:12:38
冇錯
:^(
葉開葉開
2019-12-12 09:13:04
:^(
:^(
:^(
Ads
葉開葉開
2019-12-12 09:13:27
多謝載入巴
:^(
葉開葉開
2019-12-12 09:13:56
呢個暫時未有打算,不過將來既野冇人知既
:^(
咁軟點入姐?
2019-12-12 16:27:19
[行動] 一人一信馬鞍山德信中學,要求罷免侮辱學生的陳姓老師
https://lih.kg/1779659
- 分享自 LIHKG 討論區
葉開葉開
2019-12-12 22:30:45
幫推
葉開葉開
2019-12-12 22:31:03
二十一
班叔叔被逼參與既係「蜥蜴人計劃」。
我一邊留意住四周既情況,一邊繼續瀏覽蜥蜴人計劃既檔案。
雖然我已經響我既微電腦入面備左份,但我呢一刻真係急不及待想細閱入面既內容。
…
當日果六個重傷垂危既傷者,全部都響無意識既情況之下被逼參呢個「蜥蜴人計劃」。
包括班叔叔在內。
根據康博士既記載,呢六個傷者被送到研究所既時候已經重傷垂危,經評估之後,確定佢地即使即刻接受治療,生還機會都好渺茫,於是佢地就「皇恩浩蕩」咁批准呢六個傷者接受「蜥蜴人計劃」既人體實驗,如果成功既話,佢地就可以以另一個形式生存落去。
以「蜥蜴人」既形式。
…
唔好講佢地最後接受治療既話救唔救得返,而家咁做根本係剝奪左佢地接受治療既權利…
…
我繼續睇落去。
…
響呢六個接受實驗既傷者入面,有五個接受注射激素後死亡。
…
乜話!
我即刻睇落去,睇下班叔叔到底係唔係果五個死者之一!
…
…
…
有喇。
份檔案記載住唯一既成功實驗體,係一個叫做柏班既老年男性。
…
即係…
班叔叔真係未死!?
呢個原本應該係一個好令人興奮既消息,但係當班叔叔接受左實驗之後,佢既身體狀況又會係點呢…?
…
我繼續睇落去。
…
…
…
一陣毛骨悚然既感覺傳遍我全身。
份研究檔案入面紀錄實驗既部份有好多幅相去說明實驗既進展,頭幾幅我都仲認得到係班叔叔既樣,佢就被放左響實驗室既圓柱形容器入面…
但係…
但係…
之後果幾張相,班叔叔既輪廓逐漸模糊,然後慢慢咁比一種爬蟲類既頭取而代之…
冇錯,係蜥蜴既頭。
唔止頭,仲有連原本既手手腳腳都變左蜥蜴既四肢…
最後,連尾都有埋。
變左一隻真正既「蜥蜴人」。
…
屌,有冇搞錯,係咪痴撚線架!?
我完全唔敢想像呢啲野會發生響我身邊既人身上,仲要係好似我爸爸一樣咁親既班叔叔!
豈有此理!
冇可能會咁架!
而家既情況,咪即係我係搵到班叔叔,但班叔叔已經變左另一個人…唔係,係另一個物種!?
我深呼吸一口氣先,儘量保持冷靜。
我要繼續睇埋落去,睇下有冇多啲資料。
…
…
…
接下來既資料其實主要係測試下蜥蜴人實戰既能力,佔左一大部份。
之後我好快咁繼續睇落去。
呢度寫住…而家蜥蜴人已經初步投入實戰,暫時既主要工作係守衛住呢個以垃圾回收工場做掩飾既研究所。
…
即係班叔叔就響呢度!?
我再睇落去先,會唔會有解救班叔叔既方法呢?
咦…
等等,呢度寫住血清?
血清…即係解藥?
我即刻集中精神繼續睇落去。
原來「蜥蜴人」響成為完全體之後,會保留住某程度既人類既智慧同記憶,但性格同行為會變得極為殘暴,所以有暴走既可能性。
為左應付呢種情況發生,康博士同佢既團隊研發左一種血清,可以抑制入面既蜥蜴人因子,將蜥蜴人變返人類。
…
呼,暫時鬆一口氣先。
非常好。
首先要快啲搵支血清出黎。
檔案入面有講到啲血清放響邊,我好輕易就搵到擺血清個雪櫃。
我不疑有詐,好心急就咁打開個雪櫃…
但連開都未開到個雪櫃之際…
突然!
警報聲大作!
似乎係我開雪櫃既時候觸動到警報機關!
頂!
我既經驗始終真係太淺,呢次真係太心急喇!
唔駛等班守衛睇CCTV發現有唔妥,我自己率先觸動咗警報!
我本來想夾硬打開個雪櫃,拎啲血清出黎,但我既蜘蛛感應已經感應到有起碼十個守衛衝緊入黎,已經唔夠時間去打開個雪櫃…
冇辦法,我雙手既蛛網發射器瞄準返我跳落黎果個通風口,射出兩線蜘蛛絲,將自己扯返入冷氣槽入面。
就響我跳返入冷氣槽既同一時間,果度睇落好重既大門亦都同一時間打開,十個揸住機關槍既守衛衝左入黎!
研究室既燈都同時著晒!
駛乜咁誇張呀!?
而十個守衛後面跟住既…
係一隻可以用雙腳行既人型蜥蜴…
蜥蜴人…班叔叔!
(待續)
おチンチン
2019-12-13 04:29:42
:^(
:^(
:^(
葉開葉開
2019-12-13 13:16:34
各位,樓主要講聲唔好意思先,因為工作關係黎緊一段唔短既時間都暫時出唔到文住。
蜘蛛俠個故事、彼得同阿關、MJ既故事同樣係未完既,進度大約係差唔多去到一半左右,而響我既構思入面蜘蛛俠都只係呢個世界觀入面既其中一個故。
事出突然,希望各位讀者見諒,而我響我工作既果一段時間過左之後,會繼續寫埋蜘蛛俠,之後先再寫其他。
葉開葉開既故,從來唔會爛尾,但今次呢次休刊會係一段唔短既時間,樓主再一次對有追開呢個故既讀者表示歉意,非常非常唔好意思。
請重新載入
2019-12-13 14:34:03
辛苦曬樓主
:^(
:^(
樓主要加油啊
:^(
:^(
個故事咁正
:^(
:^(
,我會繼續等樓主更新
:^(
:^(
唔知到聖誕嘅時候會唔會見到樓主更新呢
:^(
:^(
期待後續!
:^(
即是咁
2019-12-13 16:33:01
巴打加油 等到下年聖誕都會繼續等架
:^(
咁軟點入姐?
2019-12-13 16:33:06
唔緊要 最緊要唔好爛尾就ok
:^(
:^(
Ads
葉開葉開
2019-12-13 18:53:05
好多謝載入巴你既支持呀,我保證一定唔會爛尾!
至於聖誕就一定唔得喇…呢個所謂唔短既時間,起碼都要去到下年中
:^(
葉開葉開
2019-12-13 18:54:10
多謝即是巴
:^(
咁又應該唔駛下年聖誕既
:^(
葉開葉開
2019-12-13 18:55:00
呢樣一定唔會!
但可能要各等耐小小喇
:^(
單翹
2019-12-13 21:55:50
等到2047都繼續等
:^(
上一頁
第 8 頁
下一頁