（重啟/同人）如果蜘蛛俠係香港人…
上一頁
第 5 頁
下一頁
葉開葉開
2019-12-4 21:53:05
仲有隊冧黑警
:^(
Ads
奧比旺
2019-12-4 22:46:08
加油啊巴打！
:^(
唐寧瞓教瞓靈堂
2019-12-4 23:29:37
蜘蛛俠故有甜
:^(
正
おチンチン
2019-12-5 01:17:00
:^(
葉開葉開
2019-12-5 08:58:29
多謝奧比巴
:^(
:^(
:^(
葉開葉開
2019-12-5 08:58:48
呢個故應該唔加甜喇
:^(
葉開葉開
2019-12-5 08:59:17
:^(
葉開葉開
2019-12-5 21:53:15
十六
「彼得。」哈利叫我。
「唔？」我應佢。
而家係第二日返學既小息時間，我伏左響枱上面，仲為左啲兒女私情既事而煩惱。
「你今日個樣好似有啲苦惱咁，有冇野可以幫下你呀？」哈利問。
唉。
尋晚同阿關既互動，彷彿令我同佢既關係拉近左一大步咁。
只不過…
係以蜘蛛俠既身份。
一個永遠唔會見得光既身份。
而阿關永遠都唔會知果晚將佢由錘頭幫份子手中救出黎既蜘蛛俠，其實係柏彼得…
「冇野呀。」哈利，你都幫唔到我手架喇。
「唔好愁眉苦臉咁喇。」哈利大力拍下我膊頭，向住某個方向指一指：「你睇下，你女神望緊你呀！耶穌顯靈喇今次！」
聽到「女神」呢兩個字，我猛地一抬頭，望向哈利指住既方向。
毫無預兆下，我同阿關四目交投。
我面一紅。
阿關既眼神唔再係鄙視，反而…有小小複雜？
佢唔會估到尋晚係我救佢架下嘛？
阿關突然向我行過黎。
真係向我行緊過黎！
「咦…唔止耶穌顯靈喎…」哈利都有啲吃驚：「簡直係神蹟…」
終於，阿關響我面前停低。
「哈，我唔阻你先喇，彼得仔~」哈利轉身離開，跑得仲快過保○…
「柏彼得。」阿關開口了。
「係…係！」我緊張到好似個傻仔咁。
「一陣…嗯…一齊Lunch？」吓？我有冇聽錯，女神約我一齊lunch？
「吓…」我望一望附近，確認冇其他人響旁邊：「妳…約我Lunch？」
「係呀！」阿關都冇我咁好氣：「唔係你，呢度仲有邊個呀？」
如果係平時，我應該欣喜若狂。
不過，今日既情況有小小複雜…
「好…好呀！」any肥，我最後都係決定狗衝左先。
「咁一陣放Lunch我黎搵埋你一齊出去食喇。」阿關講完就離開：「一陣見。」
至少…佢既語氣…都算幾好…
我征征咁出神。
「柏彼得！」一把聲音將我拉返現實。
「係…係？」我擰轉頭，係MJ。
「啱啱關黛西過黎搵你做咩？!」MJ好似用緊審犯既語氣問我，搞到我有啲莫名其妙。
「佢搵我食飯…」我仲精神好恍惚咁…
「你幾時同佢咁friend架！」MJ眯埋眼控埋黎。
「係囉…我幾時同佢咁friend既呢…」我繼續喃喃自語…
「你係咪想追佢！」MJ突然指住我質問！
「追佢…追佢？」我好似突然間醒返咁：「痴線，咩追佢？」
「咁唔係你做咩同佢食飯？」MJ得勢不饒人。
「我點知喎！」我真係唔知呀！我都想知點解：「佢約我咋嘛，又唔係我約佢！」
「咁梅嬸嬸煮比你個飯盒點算呀？」MJ語氣真係唔係幾好。
「呀，係喎！」梅嬸嬸幫我準備左飯盒。
咁樣可以慳返筆飯錢。
順帶一提，我啲裝備係用之前幾次機械人比賽既冠軍獎金黎整既。
都用得七七八八…
係時候要諗下搵兼職…
唔…
呢個係後話。
而家講返個飯盒先。
「不如，我幫妳加餸吖！個飯盒就比妳食！」一舉兩得！咁咪可以唔駛浪費個飯盒之餘，MJ又有啖好食囉！
梅嬸嬸煮野好好食架！
「哼！死人頭柏彼得！」MJ好嬲咁拍落膊頭度：「唔理你！我今晚再話比梅嬸嬸聽你倒左佢個飯盒！」
MJ唔理我就轉身離開。
「我冇呀！」我叫住MJ：「喂！喂！」
真係「阿崩叫狗，越叫越走」…我越叫，MJ真係越走架喎！
都唔知點解MJ好似好嬲咁…
「今日真係大奇蹟日…」哈利響我隔離一本正經咁點點頭：「我已經聽到晒。」
「嘩屌你！」我比哈利既突然出現嚇親：「你唔係行開左架咩？」
「善哉善哉。」哈利擺出一副得道高僧既樣：「老納難得有機會見證到神蹟，又點會行得咁遠？老納只不過企左響附近一個可以聽到你地講野既地方。」
「食屎啦你！」我扮出一副張○友樣。
「不過施主真係唔係好了解女性呢種生物。」哈利望住遠處既MJ續道。
「你講到你好似好了解咁…」
「老納成日約SYK女書院啲女上我屋企玩吖嘛…」哈利道。
「淫僧！」我指住哈利怒罵。
啲女仔都係睇在你係高官個仔咋！睇你啲錢咋！你試下同我一樣係公屋仔吖！
「施主比心機。」哈利拍下我膊頭：「食飯果陣表現得自然小小，第一印象好重要。」
第一乜鬼印象呀…我同阿關識左三年喇…
「有咩唔明問老納喇…例如你想帶佢去邊度食飯…老納有好推介…」哈利雙掌合十：「阿彌陀佛…」
「食屎喇你。」張○友樣again。
仲有，你推介得果啲根本唔係平民餐廳…
（待續）
LHC@月華街陳瀅
2019-12-5 22:54:24
SYK=聖育強
:^(
BTW, 諗到少少鷹眼同制裁者點寫
奧比旺
2019-12-5 22:54:32
蜘蛛仔加油啊！
:^(
奧比旺
2019-12-5 22:56:29
大家都係寫故之人，共勉之
:^(
Ads
おチンチン
2019-12-6 04:34:03
:^(
:^(
:^(
咁軟點入姐？
2019-12-6 07:16:36
文
:^(
:^(
葉開葉開
2019-12-6 09:29:18
咦，真係比陳瀅巴你發現到喎
:^(
加油呀！期待你既作品！
btw我發覺作同人有個好處，就係好多設定可以參考返原著
:^(
葉開葉開
2019-12-6 09:30:38
大家都加油！
寫故其實好有趣，不過真係要有恒心唔好爛尾
:^(
葉開葉開
2019-12-6 09:30:51
:^(
失敗的面
2019-12-6 09:30:58
岩岩紙言睇完ocamp個兩個故
:^(
好鐘意阿冰依個角色
希望之後繼續有依啲愛情故事
:^(
就算走甜都好睇
:^(
葉開葉開
2019-12-6 09:31:11
比小小時間我
:^(
:^(
:^(
葉開葉開
2019-12-6 09:32:52
多謝失敗巴
:^(
本來想作阿熙故，不過因為炸藥故同蜘蛛俠所以一再延期
不過總有機會出返，請期待
:^(
失敗的面
2019-12-6 09:50:23
一齊個個並唔係最愛嗰一個
:^(
陳仲妮都好慘
:^(
葉開葉開
2019-12-6 10:06:36
唔…都未必既
況且威仔都唔係唔鍾意佢，只不過心入面多一個人
都叫做留得住個人，又留得住個心既
Ads
失敗的面
2019-12-6 10:27:06
:^(
期待你話知點解阿熙會收心養性
奧比旺
2019-12-6 12:22:45
放心，今次呢個故一定不爛
:^(
葉開葉開
2019-12-6 13:24:04
多謝！
不過可能要等多一段時間
:^(
葉開葉開
2019-12-6 13:25:25
加油！
我覺得只要第一個故唔爛尾，慢慢就可以吸引到一班讀者
:^(
上一頁
第 5 頁
下一頁