二零五零年 – 我女神係暴徒
上一頁
第 12 頁
下一頁
比勒斯
2019-12-15 01:40:03
意識模模糊糊之間, 我隱約聽到老豆把聲, 佢好似同人講緊野…咦?! 想打開眼都無反應既…
「熊SIR…點解你用棍打熊仔呀…兩仔爺有乜唔岩傾到岩丫! 果單野無事嫁喎…! 我會按你講既方法拆惦佢…!」係李叔叔把聲啵…點解佢同老豆一齊既…?!
「阿李…你唔明嫁啦…頭先係電光火石之間…我要係一剎那間做出判斷, 難免會重手左少少! 你見佢都無乜事, 我輕手左嫁啦!」
「無乜事…? 熊仔個頭包到成隻糉咁啵…! 你頭先打比我果陣…明明都話阿熊仔爆晒缸止唔到血嫁啵…我先即刻幫你叫上總部, 重將原本係隔離街急救緊心臟病既救護隊派左比你先呀!」
「唔係咁都同師傅計呱! 心臟病咁小事, 都唔急得去邊啦!」
「…熊SIR…最後心臟病發果個人…等唔切下一部救護車黎, 走左啦…! 我聽日重要番去寫報告交代嫁。」
「車! 即係反正都救唔番! 你係份報告度寫低…結論而言讓架車比我先係正確判斷, 之後求其了隻龜咪得囉! 你又學到野啦!」
唔係呱! 我咁樣咪即係間接害死左個人,老豆你聽到有人因為你死左…你少少內疚感都無嫁咩? 你雙手染紅既鮮血…已經慢慢流到我隻手上面啦…
「嗱…阿李, 總之果單野…你就拎果隻曱甴女個細佬去祭旗啦! 乜都瀨晒落隻曱甴女度…個劇本就一於話佢意圖迷惑高級警務人員個仔…經查明屬實原來係由佢細佬指使既…! 之後…我地…就…………」
「得啦…! 熊SIR…我…知…點….做…」
意識又開始模糊…老豆同李叔叔把聲愈來愈細…老豆講乜野曱甴女個細佬呀…? 你想對迪輝點呀…? 唔…好…呀……
一直感覺唔到時間流轉左幾耐…慢慢又漸漸聽到D聲…
「啊…哦…啊…哦…好舒服……不要停嘛...」點解…會好似聽到D呻吟聲既喂…! 我係咪上左天堂呀…?
「啊…哦…啊…哦…」阿熊呀! 快D打開眼呀!!! 有女呀!!!
光線慢慢浸入我雙眼, 一開始所有事物都好模糊, 隱約見到有個人坐係我隔離。影像慢慢開始對焦, 坐係我隔離果個係一個男人…係…係老豆! 佢好似聚精會神睇住手上果部…電話!…而部電話上既畫面…根據我三十年單身既修煉, 我好肯定畫面中既影像...係播緊咸片!
老豆唔係呱…你個仔訓左係度…你咁識嘆坐係佢隔離睇咸片…?!
Ads
!!!!!!!
2019-12-15 01:42:45
終於追到live 好驚香港真係會變成咁
:^(
:^(
比勒斯
2019-12-15 01:57:39
所以一定要贏
:^(
:^(
:^(
愉悅大師
2019-12-15 02:50:10
如果樓主真係燈神,故事結局一定要寫bad end
:^(
動物橫町(想jump)
2019-12-15 03:21:29
係燈既話 希望樓主寫到今次輸到陸沉
比勒斯
2019-12-15 08:31:08
想要 bad ending咁要諗諗點搞
:^(
:^(
:^(
絕影
2019-12-15 09:01:17
阿熊就嚟光復香港嘅時候俾人陰,最後功虧一簣
佢啲手足覺得佢係內鬼,俾人嫌棄,鄙視
光復香港失敗,香港完全被解放軍同中共控制
新一代全部被洗腦,變晒紅衛兵批鬥所有人
革命完之前星火受到外面通知所有國家奶共,無晒外國支援
最後個總部甚至直接俾導彈轟炸
迪儀就俾武警捉咗之後輪姦,救返佢之後佢就自殺,之後阿熊被內鬼屈係佢殺迪儀,埋低後尾革命失敗嘅伏線
暫時我諗到咁多,已經好sad
:^(
比勒斯
2019-12-15 09:26:59
巴打你重悲過我
:^(
:^(
:^(
頂住呀
絕影
2019-12-15 09:44:07
最後阿熊俾人軟禁,鬱鬱寡歡咁樣坐係屋企。。。全故完
:^(
紅豬
2019-12-15 10:45:11
此回覆已被刪除
比勒斯
2019-12-15 13:14:11
即係其實已經結局左
:^(
:^(
:^(
時間過得真係快
Ads
絕影
2019-12-15 13:34:04
呢個ending夠唔夠sad
:^(
!!!!!!!
2019-12-15 16:08:55
可唔可以唔好sad到咁
:^(
open end啦一係
比勒斯
2019-12-15 18:36:34
其實呢
:^(
:^(
:^(
以一日一千字既進度,有排都未見到ending條尾
若你喜歡拜仁
2019-12-16 00:01:40
4個鐘前開始追故啱啱live咗嘅新讀者留名
個feel有小小似1984,主角喺dystopian future裡面發現祕密繼而改變人生。不過主角柒味好重
:^(
樓主加油!
沒有話說
2019-12-16 00:16:42
:^(
:^(
:^(
:^(
:^(
:^(
:^(
:^(
:^(
比勒斯
2019-12-16 11:36:53
主角已經柒到谷底
黎緊會安排其他主線劇情比佢, 更有演出。
占爺
2019-12-16 12:21:35
佢女神會唔會對佢另眼相看
:^(
比勒斯
2019-12-16 12:55:06
一開始既設定係女神非常歧視佢腦殘
遲D 會有主線去改變
比勒斯
2019-12-16 13:06:34
有關之前大家對結局既睇法
初步決定會係good end, 應該算good既
已經大概有一個想法
會繼續構思
而大家對主角智力既意見都收到晒
後面會改善, 同大家繼續connect。
比勒斯
2019-12-16 13:45:40
曾幾何時…我都間唔中會用呢個角度望住老豆個背影。我訓係床度…而老豆一直坐係我隔離。當年阿媽離開左我地之後, 每次我大病, 老豆都會唔番工全日坐係我張床隔離睇住我, 唯一既分別係…當年佢應該無係我隔離開住聲煲咸片。
我無辦法望到老豆隻左手有冇隨住片中既呻吟聲而郁動, 我亦無辦法留意到老豆既身體有冇突然打左個冷震, 但我好清楚聽到老豆不停係度「哇…」「哇…!」「哇……!」咁叫出黎。
「老…豆…老豆…」後尾枕仍然隱隱作痛…我嘗試開口叫佢, 喉嚨好乾…搞到好似唔太開到聲講野…老豆好似聽唔到, 繼續睇住部電話。
「老豆呀…!」老豆個頭稍微向上郁左一郁…然後終於轉身望向我, 佢既表情…與其話係因為我醒番而開心, 反而係顯得有少少愕然。
「熊…仔呀! 你終於都醒啦…! 你無端端係屋企暈左, 嚇死老豆呀!」唔L係呱, 老豆唔通以為佢扑我一野我就會失晒憶…?
「唔係呱…老豆, 唔好玩野啦…我重記得好清楚發生乜野事嫁, 我只係估唔到你真係連自己個仔都扑得落手…!」老豆又再呆住左, 呢度要備註一下, 我地對話既時候…背景仍然響起「啊…哦…啊…哦…」既呻吟聲。
「熊仔, 我地唔好再提呢件事啦! 你好番我地再番屋企慢慢傾啦! 我…」
「老豆…我唔准你搞迪輝...! 你收手啦…!」你咁人面獸心…我地重有乜野好傾呀…?
「吓…?! 呀仔你…?! 你點解…?」
「我聽到你同李叔叔講既野…你地唔好亂黎!! 我唔准你再搞迪儀同迪輝…! 收手啦! 放過佢地啦…!」我講既時候一時激動想爬起身…個頭即時好痛, 發唔到力。
「你…你係唔係唔要命呀…? 老豆想救你咋! 如果你出左事我點同你老母交代呀?」咁你又打算點同阿媽交代你扑濕左我呀…?
「救我…? 救我需要犠性個心臟病發既市民…救我需要犠性迪輝…到底救我要犠性幾多野呀…?! 你到底想將幾多鮮血潑落我雙手上面先肯收手呀…? 你明明間接殺緊人呀…但我聽你同李叔叔講野既語氣就好似講緊今晚食乜餸咁咋! 睇見自己老豆咁冷血, 真係令我好心寒!」
「啊…哦…啊…哦…」到底片中既男主角, 要搞幾耐先肯射?
「老豆, 我唔同你! 我重分得清乜野係黑…乜野係白! 我…哎呀!!! 你可唔可以熜左你套咸片先呀!」
老豆尷尷尬尬咁熜左部電話...「黑定白…重要咩? 黑白真係重要過自己生定死? 凡事都諗自己先啦阿仔! 自己都顧唔惦重想幫人?!」
我握住床邊既扶手, 努力將自己扯起身…個頭好痛, 個頭一離開左張床就開始覺得暈。我聽到老豆係隔離叫我唔好, 叫我訓番低先, 我暈到唔多聽得清楚佢講乜, 好唔容易…我終於坐得直個人。
老豆握住我兩邊膊頭, 我感覺到佢輕輕力想推我訓番低, 我握實個扶手固定好自己既身體, 老豆似乎感覺到我唔肯, 無強硬推低我。
「我要去見迪輝…你行開!」
Ads
紅豬
2019-12-16 14:09:42
此回覆已被刪除
我無嘢講喎
2019-12-16 15:09:19
連儂牆嘅重要性 大家係唔係真係知道?對家就嚟贏啦
https://lih.kg/1784660
- 分享自 LIHKG 討論區
唔好意思借一借位
:^(
幫手推
:^(
大家推翻啲行動post 好冇 唔好將呢度淪為香討
:^(
:^(
:^(
比勒斯
2019-12-17 14:54:47
沉到咁底
自己推一下先
:^(
:^(
比勒斯
2019-12-17 15:23:55
「我要去見迪輝…你行開! 我唔可以比你亂黎嫁…!」我點都要比個交代迪儀…唔可以比迪輝出事!
「你…你唔好癲啦! 訓番低啦! 無用嫁! 你幫唔到佢嫁! 你想去邊度搵佢呀? 你聽老豆講啦, 顧惦自己先啦!」老豆一路講, 雙手一路稍微比力想推我訓番低。
我不停掙扎, 我想推開佢, 我要離開呢間病房, 我要阻止李叔叔搞迪輝…! 我心底裡面知道, 我唔可以再做扯線公仔, 我唔想成世都做一隻狗, 我唔想每日困係個狗籠入面追住老豆個紅色屎忽係度跑圈…
「冷靜D呀仔! 有冇人呀?? 入黎幫手呀!! 人呢??」 老豆愈來愈大力想制止我, 唔知佢有冇帶到振中棒出黎呢? 會唔會一陣又拎出黎再扑濕我一次?
掙扎既過程中…我同老豆互相拉扯, 最後我突然失左平衡…由床上面碌左落地下, 個額頭陷左落地…超痛。「仔…! 仔…仔…呀! 喂…!」又再模模糊糊聽到老豆把聲…我望向老豆, 佢今次既表情非常肉緊…
雖然唔係後腦落地, 但後尾枕都一樣好痛…我伸手摸向自己既後尾枕, 濕濕地既喂?! 望一望自己隻手…紅色一片, 似乎傷口裂開左。
「仔…你…等…等…陣…我…搵…醫…生……」隱約聽到老豆話去搵醫生…然後就跑左出病房, 我知道今次係…機不可失。
我扶住張床慢慢企番起身, 用床頭櫃既紙巾大力按壓住後尾枕既傷口…然後開始望向病房四周圍, 好彩! 老豆有拎我個斜揹袋黎醫院…打開見到銀包係入面。
快速換走左件醫院衫…著鞋拎袋就衝出病房, 拎起電話果陣…見到有十幾個未讀訊息…暫時唔理住, 走為上計, 我記得有句成語係…走…走乜野…走得快好世界! 打開個百度地圖…嗯, 我果然而家身處係東區近平萬歲武警醫院。
我記得好細個黎睇病果陣, 呢間醫院人來人往…非常多市民求醫, 當年仍然係叫做東區尤德夫人那打素醫院。
印象中唔記得邊年開始, 由於東區住既武警軍官愈來愈多, 東區醫院就被征用為武警專用醫院, 剩係醫武警、武警家人或者高官。為左多謝中央賞賜棟醫院比武警, 就改名叫做東區近平萬歲武警醫院。
後來由於大部分公營醫院都被紀律部隊或政府征用, 諗諗下我都唔知到底普通市民重可以去邊度睇醫生?
我伸個頭出走廊偷望…果然人都唔多個, 成棟醫院咁大…邊有咁多武警同時入院丫! 可能根本都無乜醫生護士當值, 唔怪得老豆咁耐都未番入黎。我估老豆係跑左去護士站果邊既…我就反方向急步衝向後樓梯。
一直落到地下果層…突然行左咁多路, 個頭愈來愈暈…要支持到上到車呀。一路向住醫院大門方向行…頭先係病房照鏡我見到自己頭上面既紗布都染左血紅色既…但醫院大堂既護士見到我都無乜反應。
直至…我見到大堂警崗果個當值武警定左格咁望住我…然後佢即刻對住個通話器講左堆野…佢既視線一直無離開過我。
我知道…老豆黎緊了。
上一頁
第 12 頁
下一頁
「熊SIR…點解你用棍打熊仔呀…兩仔爺有乜唔岩傾到岩丫! 果單野無事嫁喎…! 我會按你講既方法拆惦佢…!」係李叔叔把聲啵…點解佢同老豆一齊既…?!
「阿李…你唔明嫁啦…頭先係電光火石之間…我要係一剎那間做出判斷, 難免會重手左少少! 你見佢都無乜事, 我輕手左嫁啦!」
「無乜事…? 熊仔個頭包到成隻糉咁啵…! 你頭先打比我果陣…明明都話阿熊仔爆晒缸止唔到血嫁啵…我先即刻幫你叫上總部, 重將原本係隔離街急救緊心臟病既救護隊派左比你先呀!」
「唔係咁都同師傅計呱! 心臟病咁小事, 都唔急得去邊啦!」
「…熊SIR…最後心臟病發果個人…等唔切下一部救護車黎, 走左啦…! 我聽日重要番去寫報告交代嫁。」
「車! 即係反正都救唔番! 你係份報告度寫低…結論而言讓架車比我先係正確判斷, 之後求其了隻龜咪得囉! 你又學到野啦!」
唔係呱! 我咁樣咪即係間接害死左個人,老豆你聽到有人因為你死左…你少少內疚感都無嫁咩? 你雙手染紅既鮮血…已經慢慢流到我隻手上面啦…
「嗱…阿李, 總之果單野…你就拎果隻曱甴女個細佬去祭旗啦! 乜都瀨晒落隻曱甴女度…個劇本就一於話佢意圖迷惑高級警務人員個仔…經查明屬實原來係由佢細佬指使既…! 之後…我地…就…………」
「得啦…! 熊SIR…我…知…點….做…」
意識又開始模糊…老豆同李叔叔把聲愈來愈細…老豆講乜野曱甴女個細佬呀…? 你想對迪輝點呀…? 唔…好…呀……
一直感覺唔到時間流轉左幾耐…慢慢又漸漸聽到D聲…
「啊…哦…啊…哦…好舒服……不要停嘛...」點解…會好似聽到D呻吟聲既喂…! 我係咪上左天堂呀…?
「啊…哦…啊…哦…」阿熊呀! 快D打開眼呀!!! 有女呀!!!
光線慢慢浸入我雙眼, 一開始所有事物都好模糊, 隱約見到有個人坐係我隔離。影像慢慢開始對焦, 坐係我隔離果個係一個男人…係…係老豆! 佢好似聚精會神睇住手上果部…電話!…而部電話上既畫面…根據我三十年單身既修煉, 我好肯定畫面中既影像...係播緊咸片!
老豆唔係呱…你個仔訓左係度…你咁識嘆坐係佢隔離睇咸片…?!