【阿白與游智詩】孤獨兄弟twilight
上一頁
第 13 頁
下一頁
西野七瀨
2019-11-4 12:56:15
今晚會講埋黎緊計劃
救國同大學2應該唔會出了
但d角色會再響其他故出
:^(
Ads
玲奈7
2019-11-4 13:47:09
phase2
:^(
西野七瀨
2019-11-4 19:58:03
又要出幾年了!
西野七瀨
2019-11-4 19:58:28
20. 更大的難題
大阪市,某醫院加護病院
坐在床上的,是被傷得最嚴重的石仔,以及剛醒來的拓也
「石仔你都算犀利喎,普通人都打得贏人狼..」彌生道
面對彌生的讚許,石仔平靜回答
「小事姐..如果唔係我學過下氣功,頭先應該真係會比隻人狼隊死」
「你呀..以後唔好咁搏啦!我無左你既話點算呀」
坐在身旁的阿玲故意用力握住石仔的手臂:「頭先你知唔知我幾驚你真係死呀...」
「丫好痛呀!細力少少啦阿玲!」
見住石仔和阿玲總算和好如初,阿南也忍不住笑道
「嗱,依家你地好好咁面對自己既內心咪幾好!」
石仔和阿玲互相對望
「....哼!」
而另一側的小櫻,就只在擔心床上的拓也
「拓也..你..無事丫嘛?」即使小櫻仍輕輕握住拓也包紮好的手掌,但依然感到十分不安
拓也精神有點恍惚
「無..事...」
西野七瀨
2019-11-4 19:58:41
「咔!」
打開房門的,正是發叔
「點呀石仔,無事丫嘛?」
「點會有事丫,有排捱呀!」
聽到發叔的慰問,石仔只能苦笑
智詩單刀直入,直接問
「發叔...其實..今次係咪好大件事?」
「唉...」
發叔嘆一口氣:「自從上次響香港,你地同光晨佢地打迪拉斯之後....」
「光晨!!!???」
阿紫和阿南異口同聲大叫:「你地識佢架?!!!」
「..嗯..算係既..之前同佢一齊打過下迪拉斯果班恐怖份子咁囉...小櫻妹妹都好似係光晨個堂細妹呀?」
彌生點頭道:「乜你地又識佢呀?」
「係呀,我地同光晨係小學同學黎架..我間偵探社都係同佢合作搞既...」
眼見眾人忙著聚舊,發叔只好及時打斷
「要聚舊就一陣先啦,比我講埋啲正經野先啦...」
西野七瀨
2019-11-4 19:59:34
「之後,我地果隊私人軍隊PAZ既基地比迪拉斯發現,依家要重建仲需要一段時間」
「同時一種名叫『金屬古菌』既物質亦落到迪拉斯手中,不過呢個都未係最重要」
「依家最大獲既係..迪拉斯同左人狼結盟」
發叔深呼吸,準備作一段更長的解說
「人狼,係一種擁有超級力量既人類,暫時仲未知道佢地既起源,但我查過下書,大約一世紀就已經有記載過佢地響歐亞地方出現」
「佢地有可以隨意伸長既利爪,亦有堅韌無比既皮膚...」
「更重要既係,佢地響月圓之夜,就真係會化身人身狼頭既食人怪物」
話說至此,大家都不寒而慄
「即係話..我地依家打既,都未係人狼既最佳狀態」
「咁...點解...佢地會同迪拉斯結盟既?」
彌生問:「聽我大佬叢雲講,人狼響幾十年前已經比我地吸血鬼殺到無乜剩架喎」
發叔點一點頭
「你講得無錯,原本都應該係咁..1999年,吸血鬼公會對人狼進行左一場屠殺,但係...」
「人狼...就係為左想對當年肅清佢地既吸血鬼報仇,所以同迪拉斯合作」
「經過多年既人工受孕,依家既人狼數目已經大幅上升」
「...」彌生眉頭一皺,已經知道此事非常麻煩
「人狼再加上戰鬥用納米機械可以有幾強,相信呢兩日你地都見識到啦」
發叔從椅子上站起,嘆氣道:「雖然我地成功瓦解哂迪拉斯響亞洲既艦隊,但係..真正難搞既敵人,就係好似人狼咁,無處不在」
「人狼,金屬古菌,加上戰鬥用納米機械....依家既IID先係劣勢既一方」
西野七瀨
2019-11-4 20:00:04
石仔托住下巴,問
「咁..boss你諗住點做?」
面對此難關,發叔只能苦笑
「我地依家已經派左人去聯絡吸血鬼公會,希望今次佢地願意合作同我地一齊對抗眼前呢兩大敵人」
「至於迪拉斯真正既目的...我地暫時仲未諗到」
「到底佢地係想建立自己既帝國,定還是有其他目的,我唔知道...」
「不過有樣野可以肯定,就係平時我地見到既迪拉斯..只係好表面,迪拉斯最高決策既人非常神秘,甚至連佢地有幾多人我都唔知...」
「不過大家唔駛灰心既..我地IID已經派左人響唔同既地方搵緊幫手」
「........」講到此處,大家都不知還能說甚麼話來
「咁...boss,瞳瞳呢?」
石仔先開口打破沉默:「我聽燈神講,佢依家係吸血鬼眷屬,係咪真架?」
「...嗯,佢加入左IID之後,有次行動遇到意外,就做左吸血鬼眷屬,不過...」
發叔望一望石仔,心裡暗唸:「如果同石仔佢講既話,佢實會即刻搵瞳瞳...」
「依家佢暫時都係響外面行動,我建議你都係唔好即刻搵佢啦」
「......」於發叔口中得知瞳瞳的消息後,石仔既放心又擔心
放心,因為瞳瞳平安無事
擔心,因為不知瞳瞳將來會遇到甚麼危險
「發叔...咁我...」
拓也辛苦地撐開嘴:「點解..我頭先..會咁....」
西野七瀨
2019-11-4 20:03:27
比起剛才的暢所欲言,發叔此刻竟不知所措
「拓也....你..介唔介意..呢度有其他人...」
拓也搖頭,並且緊握小櫻的手
彌生擅自點起香煙,道
「發叔講啦,拓也哥係我既朋友,有咩困難點都幫佢拆掂」
「..我知啦」
發叔步至窗前,道
「呢件事,拓也你可能已經唔記得左,因為你既記憶曾經比果個人清洗過」
「清...洗..?」
感到不安的小櫻,望向身旁的拓也
「果個人..就係養我果個...」
「無錯...呢件事..唔單止係你既秘密,仲係....日本政府非常之想去掩蓋既秘密」
發叔望住窗外正下雨的天空
「養你果個人叫瑞木康夫,佢...係前任日本內閣危機管理官」
「響人狼屠殺戰後,人狼數量大減,但瑞木康夫認為吸血鬼同人狼都會威脅人類,展開左『恐怖孩子計劃』」
「佢以低價買左一大堆孤兒返黎,為佢地注射收集到既吸血鬼基因同人狼基因,加上晶片,將佢地培育成無感情既殺人工具,而且仲可以不斷用清洗記憶既方法隨便控制佢地」
「不過,計劃中有大量兒童因排斥而死亡,亦有人好似之前既韋德咁,無因為人狼基因而異變」
「而拓也你...」
「就係當中最成功既...『恐怖孩子』」
西野七瀨
2019-11-4 20:04:09
彩蛋1
西野七瀨
2019-11-4 20:04:19
2010年,青森縣
「我食飽啦」
一個中年男子將1000円放到枱後,離開拉麵店
「沙沙沙沙...」
這場暴雨下得非常大,即使有長傘,男子身上的西裝也被濺濕
「嘩...真係大雨,駛駛聲返酒店先...咦?」
一名約十五六歲的少年,正倒在路中心
眼見此情況,中年男二話不說,跑到少年處
「喂細路,你無野丫嘛」
「嗚....嗄...」
聽住少年不停呻吟,中年男已能推測少年身上已有不輕的傷
「嘩你傷得唔輕喎...」
中年男摸到少年臂上,不褪色的號碼
「031」
「...」
中年男仿佛猜到甚麼:「細路,你叫咩名呀?」
「拓...也」
西野七瀨
2019-11-4 20:04:53
彩蛋2
法國,艾菲爾鐵塔下
「嘩..好靚呀...」
阿白望住鐵塔,心裡興奮得如小孩一樣
「差.差唔多係時候啦...」
而身旁的叢雲,此刻卻是萬分緊張
「咩話?叢雲你想求婚!?」
阿昇和阿德聽到叢雲的計劃,均嚇得大叫
「喂..細聲少少丫,佢地響隔黎架咋」
叢雲尷尬得輕輕點頭:「..嗯,無錯,我諗住...聽日響鐵塔下面..同阿白求婚」
「咁戒指...」
叢雲取出一個紅色小盒子
「戒指我已經買好架啦...」
「吓!叢雲同阿白求婚!?」
正於高級餐廳進餐的新月和misa,聽到此事後也是驚喜萬分
「嗯,叢雲係咁講既,戒指都買埋架啦...」
有少許醉意的misa笑呵呵道
「咁實得啦,阿白平時咁鐘意叢雲!阿德你睇下叢雲幾有心丫!話同我結婚,講左成年都未結!」
「你知唔知結婚有幾多野要準備呀?」
「你唔夠愛我就唔夠愛我啦!哼」
Ads
西野七瀨
2019-11-4 20:05:35
「咪..咪住先!」
新月突然打斷阿德和misa
「新月bb做咩呀?」阿昇見新月臉有難色
「踏...踏踏..」
受過嚴格武術訓練的新月,聽到
一大堆不懷好意的腳步聲,正向著四人逼近
「阿白...」
「嗯?咩事呀叢雲?」
阿白一回頭,看到的,正是一顆
鑽石戒指
「好..好靚呀..」
即使阿白並不是個貪慕虛榮的女人,但見到晶螢剔透的戒指
難免會喜笑顏開
「叢雲..呢隻戒指..」
「雖然..我係個好多缺點既人,但阿白你,一直都容忍我..我好想同你...過埋下半世」
叢雲戰戰兢兢地張口嘴,吐出最想說出的一句
「阿白,嫁....嫁比我!」
「叢雲..我...」
阿白馬上淚線崩堤,流出數行淚光
「我願意呀!」
「啪啪啪啪!!!!」
一班身穿黑服的男女,行到兩人前
「呵呵,真係精彩既求婚呀」
「叢雲,呢班人係...」對於這群不速之客,阿白馬上收起感動情緒
叢雲將阿白推到後面
「阿白,退後」
「呢班人一定不懷好意,但係問題係..佢地咁多人我都感應唔到佢地...」
叢雲眉頭一皺,猜到事件並不簡單:「唔通....」
「鏘!」「鏘!」「鏘!」「鏘!」
利爪同時在這群人的手指上伸出
「哼,全靠迪拉斯,終於比我地搵你啦」
「吸血鬼,望月叢雲!!!!」
西野七瀨
2019-11-4 20:06:11
孤獨兄弟twilight 完
食埋飯講埋黎緊PHASE2安排
娜
2019-11-4 20:42:51
屌你屎忽
西野七瀨
2019-11-4 20:49:37
嬲what
玲奈7
2019-11-4 21:24:09
牙白misa新月
:^(
眼看手密動
2019-11-4 21:32:37
Lm
好耐之前睇過無啦啦有兩條女同左我一齊住
唔知你有其他故,慢慢喺紙言追返先
:^(
娜
2019-11-4 21:43:27
咁樣停
:^(
西野七瀨
2019-11-4 22:01:59
彩蛋先出
:^(
西野七瀨
2019-11-4 22:15:07
多謝你睇到呢個post
希望以後仲會見到你睇我故
:^(
西野七瀨
2019-11-4 22:21:46
後記
孤獨兄弟twilight只係作為過渡,將整個故事帶入phase2
今次帶出左人狼呢個設定,吸血鬼對人狼將會成為黎緊phase2其中一條故事線
phase2將會有孤獨兄弟3,同埋另外5個新故事
各位敬請期待
今年內應該仲可以出到一個長故
如果唔得...就下年一月囉
:^(
Ads
玲奈7
2019-11-4 22:23:25
啲人始終都只係記得你舊故
:^(
娜
2019-11-4 22:32:17
:^(
西野七瀨
2019-11-4 22:38:33
察覺到我呢個post已經夠了
:^(
西野七瀨
2019-11-4 23:02:31
高潮位要吊一吊引了
上一頁
第 13 頁
下一頁
救國同大學2應該唔會出了
但d角色會再響其他故出