【末日】《末日下的那些人：方舟爭奪戰》世界面臨終結，我們要奪取方舟
上一頁
第 37 頁
下一頁
黑椒牛丸河
2020-2-18 01:00:19
:^(
Ads
VantaBlack
2020-2-18 01:13:30
《末日下的那些人：方舟爭奪戰》
花絮一：
於佈局同初期構想之際，我設定過方舟計劃既核心會唔會都可以係香港？方舟上既可唔可以香港人發明既系統，發明既方舟，發明既救世級ＡＩ？
我問自己，喂，香港人有冇咁勁呀？
睇過資料爬過文，呀屌香港人原來又真係咁勁。
以本篇為例，文中提過既「金王」係我地既現實宇宙係胡漢輝先生，香港金銀業貿易場係的確存在，地址係香港上環孖沙街12-18號金銀商業大廈三樓，而全球二十四小時黃金買賣就係佢提倡，文中既「利昌護衛集團」自然係佢既「利昌金鋪」
大飛姐既一句：「香港好撚勁架記住！」正係我借佢口講。
———————————————————————————
花絮二：司徒子珊 （青龍）
一開始寫既時候佢只係一個真係接主角群進入南區聯合既路人角色，但非常恐怖地呢個角色馬上就活左過黎，然後騎劫左我。首先佢令自己有名，然後佢營造出「南區聯合」中無人可以同逃獄者獨處，以免劫走佢換取登艦權既環境。
三個年輕人就這樣一邊的自我說服地說著「岩呀岩呀」的一邊結成了臨時小隊伍。女生自我介紹說可以叫她為阿珊，感覺是很南區的人，有一份書卷氣氛卻不見那種高貴的舉手投足，算是文青少女的感覺吧？
無錯，係我原始設定中，佢只係一個有少少文青既女仔，係呢度佢只係有名。
「好慘…」貝兒道，「連名都冇埋，咁樣…連最後存在過既證明都冇埋…」
佢甚至用逃獄者無名黎突顯自己作為角色有名係幾咁勁 （本身逃獄者係有名，被阿珊抹去左）
那麼，原計劃中運送途中不就只有阿珊一人嗎？果然鐵籠車才一出門開始向會議地點移動，後方手執槍械的的二人馬上跟上，果然任何人單獨與逃獄者相處也可能劫走他去換取方舟登艦權吧。
黎到呢度，係我既設定中阿珊係定位只係「無辦法劫走逃獄者，於是利用舜兒一行人劫出逃獄者，然後食佢夾棍再叛變搶逃獄者去換登艦權既雙重間諜」
然後就一發不可收拾，阿珊係我腦海中叫「我唔滿足，我唔滿足，只有名，只有自己既故事，只有自己既目的同手段我唔滿足！咩雙面間諜，利用舜兒我都唔夠，我要更多，我要高地位——我，要做天使！！！」
於是阿珊尋日係我腦中既構想就正式成為天使。
並唔係出席天使儀式既七位天使之一，而係騎劫父親資格既天使。
等等，我都係佢「父親」啊？！
當然，我咁樣邊諗邊作好似好危，但我寫落又通順…會唔會我早已經被角色影響？但點解我當初又設定為文青少女？
我係第一日寫故起，角色係我腦中「甦醒」唔係咩新鮮事，作為作者我算係寫佢地同我講既故事，暴走既想像力令我自己都唔知個故之後會點，阿珊已經同我交代左佢既設定，暫時進度良好。
今年情人節我係同溫可柔過，我無痴線，你就痴線
黑椒牛丸河
2020-2-18 01:28:46
妹控你好
:^(
VantaBlack
2020-2-18 01:35:18
回錯POST?
後知
2020-2-18 10:03:22
即刻聯想起不死子珊
:^(
:^(
:^(
VantaBlack
2020-2-18 22:54:28
唔講唔記得
:^(
VantaBlack
2020-2-19 00:35:14
儲文完成
黑椒牛丸河
2020-2-19 00:39:07
:^(
吾好搞我後面牙
2020-2-19 01:02:08
又係我
VantaBlack
2020-2-19 01:14:18
ＨＩＩＩＩ
VantaBlack
2020-2-20 03:06:36
「鈴鈴——鈴鈴鈴鈴——鈴鈴——鈴鈴鈴鈴———」
震耳欲聾的特殊警鈴響遍了大館，宣佈了緊急出擊後整個反抗軍基地都沸騰了一樣，人們取起自己的武器，防具，與自己的小隊會合，並準備集結成兵團出擊。
「緊急出擊？！傑少，等陣！」楊芷欣追著出去，「你地冇計劃，冇流程，就咁出擊？！」
「邊個同你講我冇計劃？」許少傑一直前行，一直回話，「我咪一早制定左緊急出擊計劃囉！」
的確，反抗軍據點中在鈴聲與一傳十，十傳百下人人都在跑動，但卻不是在亂跑，人人都有著自己的分工，自己的崗位，正是傑少的緊急出擊計劃。
「傑少！第一波既人２０分鐘內就可以出擊！」從數碼港一戰就加入了反抗軍的康仔前來報告。
「好！」
看著康仔跑來又跑走，楊芷欣氣急敗壞：「你連佢地係邊都唔知啦？！萬一真係出左事，佢地可能已經唔係南區聯合既基地，咁樣你點搵佢地？！爆…爆爆哥，你黎得岩，你應該仲有Ｄ理智，咪俾佢地去送死呀！」
爆爆哥也紮起了一頭長捲髮，梳了個類似日本武士的那種短辮，他先是無視楊芷欣：「無線電中既追蹤信號已經追蹤到，雖然好弱，但大概係深水灣既方向，愈近佢信號就會愈強，到時再調整方向。」
「做得好，俱樂部小隊呢？」
俱樂部小隊是不同的存在。
「隨時出發。」
比第一波出擊的人還要早２０分鐘？！
「我地需要係識睇地圖，識追蹤，熟南區既人，我地需要既係哨兵。」爆爆哥建議。
「我知道，我有人選。」許少傑倒是胸有成竹。
「喂呀！！聽我講呀！！」
被哥哥過度溺愛的楊芷欣明明是個天之驕女，這時卻像小孩子一樣踩地尖叫，總算喚起了兩個大男人的注意，如果大飛姐在這兒的話也許更好說話吧。二人看看眼前的Ｙ小姐，卻露出這個瘋女人在幹甚麼的眼神。
「追蹤器？！你地由一開始就知道係陷阱？！」
「我唔係一開始啦，但都…」
「你應該係第三個，大飛姐第二個知。」
「多謝呀？我咁早知？」爆爆哥笑道。
「你地明知係陷阱都由佢地去？！」
「…如果唔係咁樣，我地點引到青龍出黎？由第一日聽到消息我就知道：根本無可能有人由赤柱監獄走出黎，一定係陷阱，不過遇到天使的確係我意料不及，反正打青龍又係打，打天使又係打，打飛機都係打，仲好啦！！」
「你…」楊芷欣發現面對許少傑，連從那兒反駁也不知道。
「爆爆哥，Ｄ車準備好未。」
「理論上係準備好啦，但係我地完全無測試過，係完全無，一次都冇，直接上陣？」
「係，直接上陣，唔使測試，冇測試真實過實戰！」
「咁你等我，唔好死咁快呀！」
爆爆哥拍拍許少傑臂膊。
「嘿，無咁易！」
許少傑拍拍爆爆哥臂膊，相比起據點的緊張氣氛，爆爆哥始終從容，他從褲子中掏出對講機說了幾句話便離開。
傻眼，徹底傻眼，楊芷欣看著兩個眼中的笨蛋突然覺得不想留在這星球上。
但回想起在數碼港中以單人匹馬力敵整個末日法庭，降下以洪水淹沒萬物，包括自身的他—面對天使，靠這種人…嗎？
「好，萬事俱備，只欠東風。」傑少繼續進前。
「最先出發既俱樂部小隊有咩人？」楊芷欣問道，只希望能盡發洞悉敵人的破綻和為反抗軍補上未知的破綻。
「嗯，有我，大舊，傻釘，飛，同埋——佢。」
這時，楊芷欣才發現自己跟著許少傑回到了熟悉的地方：自己的房間。
為甚麼？！馬上她就沿著許少傑指向的方向找到了答案，正是剛剛他提過的哨兵——不，這種情況不再是戒備，提供預警的哨兵，而是主動前往刺探敵情的「斥候」吧。
「詠琳？！」
剛剛不見了的大飛姐也在，正跪在詠珊身邊和她說話，倒是一號只是抱胸站在遠方看著眼前的情況。
「你做得到，係咪？」
「嗯，我，我可以！」
「你願意去係咪？」
「…係，如果我幫到手，交…交俾我！」詠琳握拳。
判若兩人。
「你唔好住先，Ｙ小姐，你望下你個朋友，幾耐無展露過呢種表情？」許少傑拉住想發爛，下令一號分開二人的楊芷欣。
定眼一看，詠琳自從易哥哥慘死在她眼前便再無展現過這種表情：熱誠，活力，如想衝開枷鎖一樣的眼神。
「點解…會咁？」
「人由傷痛中康復，多數都係要咁樣慢慢黎，你咁樣日哦夜哦佢想佢突然一瞬間大徹大悟，其實不切實際。」學歷不夠她高，但許少傑做人處世比Ｙ小姐利害得多，「我地只係加左最後少少既推動力：利用呢個緊急情況，重燃佢既使命感，唔理呢份使命出至佢死去既朋友，定係佢自己。」
「但…」
「佢一直都暗地裡咁樣努力，你又知唔知？由其猛灌所謂心靈雞湯，不如好好了解下佢。」
許少傑亮出一本記事本，似乎是從不知那人的記事本中影印出來，但楊芷欣一看就知道是詠琳的字。除了那些對易哥哥的思念句子，歌詞，詩句外，還有不少東西：有在練習如何把地圖極限簡化的塗鴉，有在練習速記符號的句子，有對不同型號方舟護衛隊車子辦別的注意點…詠琳一直困在自己的世界中，卻在自己世界中不斷努力著。
「詠琳…」
「你想佢安全咁樣屈係度到末日，定係努力為自己生存權而戰？被困係自己心房既係佢，定係你？」
許少傑扔出了一個無解的問題。
楊芷欣沉默。
遠方，大飛姐向許少傑舉起姆指。
「下定決心？好，出發！」
「一號…」
「…佢係自己下決定，詠琳已經決定好，我係唔會拉住佢。」一號望向楊芷欣，「但係，如果你下令既話，我就會阻止。」
「…我地都無權阻止。」楊芷欣道。
除了大飛姐外，傑少，詠琳外，大舊，傻釘也來到了房間門口，人人都等侯著。許少傑點燃雪茄放到口中：「聽住，絕對要搶到逃獄者，逃獄者或者係陷阱誘餌，但我地唔只要逃出陷阱！我地更加要破壞陷阱，再殺埋設陷阱既所謂天使！」
出發宣言中，卻沒有提過舜兒，貝兒，錘妹等人。
「你唔會同佢一齊去架可？」一號問道，「你去既，我都唔可以俾你自己去。」
「放心，我係留係度。」楊芷欣掏出手機，「但我都會同佢地一齊抗爭，雖說時間可能太早，但係——喂，Kitty.」
「叮咚~」
由楊芷欣開發的人工智能Kitty跳出操出介面，她手指一點，屏幕上躍出「開始解密」四個字。
「正如我講過，傑少，你想搞革命既話，今次預埋我！」
警鈴聲停下，而且反抗者的步伐並沒有，屏幕上的代碼與命令飛速閃過，接著傳出的聲音是——
Ads
VantaBlack
2020-2-20 03:06:52
點幾先收工，好在儲左文，痴撚線
:^(
黑椒牛丸河
2020-2-20 09:26:52
kitty
:^(
:^(
:^(
:^(
:^(
返工的冠軍
2020-2-20 13:51:33
_ _ _
:^(
:^(
:^(
VantaBlack
2020-2-20 22:29:01
開始儲文
黑椒牛丸河
2020-2-20 22:29:34
:^(
:^(
VantaBlack
2020-2-21 01:18:01
儲文完成
吾好搞我後面牙
2020-2-21 01:57:34
jeng
VantaBlack
2020-2-21 01:58:05
聽晚應該都係一兩點先放工
:^(
膠動戰士
2020-2-21 08:38:46
:^(
:^(
:^(
看了一下手錶
2020-2-21 09:46:12
好慘
:^(
Ads
VantaBlack
2020-2-22 01:49:22
:^(
VantaBlack
2020-2-22 02:06:35
在鐵錘轟出的一瞬間，即使早已經叫舜兒伏下，但還是千鈞一髮的在他後腦掃過！舜兒按住貝兒的後腦勺伏下，錘妹揮出重錘，卻被青龍輕輕一閃避過！巨錘「噹」一下打在車窗的窗框上，把鐵架打凹，但青龍倒是毫髮未傷！
「你地最後既戰力，就係得咁多料？」青龍斜眼看看凹掉的車窗窗框，「俾多次機會你，揮多錘試試？」
是傑少，一號那種高手嗎？！
但—舜兒掃視眼前的女生，大約廿多歲，打扮得相當斯文，肌肉量甚至連能揮舞巨錘的錘妹都不如，應該不是甚麼高手！而且即使是甚麼高手，只要拔出那時在跑馬地馬場，從方舟護衛隊隊員屍首上搜來的散彈槍，在這距離下沒有殺不死的可能！
「砰！」
舜兒拔出散彈槍，他一直使用弓箭除了是自己最擅長的武器外，還因為可以無聲攻擊，加上能換上不同的特製箭頭，他才以弓箭為自己的主武器——他不代表他不會用其他武器！可是青龍卻如讀心一樣，早打開了車門往後使出後滾翻避開！阿凱尖叫，貝兒還在喘氣，錘妹收起鐵錘，打開車門下車追擊！
在雨中的青龍舉起手槍：「你既係散彈，我既係手槍，咁既距離下你覺得邊個易中Ｄ？而且你望下你身邊，仲有…你既屋企人同朋友係度，你係咪想對槍？」
「…」
「嘿哈———！」
但卻有一名少女無畏死亡的準星，揮舞鐵錘殺向青龍！雖說手執槍械的青龍在火力上絕對佔優，可是錘妹看準了她與舜兒對峙的瞬間撲上去！巨錘的揮舞震飛雨水，青龍礙於反射動作也向後仰身閃避，於是那一瞬間的動作被舜兒鎖定了！
「啵！」
箭矢貫穿雨幕，直刺向青龍手上的槍！青龍手上的槍與箭頭相擊，馬上嘩啦一聲被擊飛，消失在雨與夜之後。
在這種天氣與視野也能命中嗎？！— 即使是青龍也為之讚嘆！
錘妹緊接揮舞鐵錘殺向青龍，青龍看來的確沒甚麼戰鬥力，但倒是挺靈活，只見她左一靠右一挪，退後接滑步的避過錘妹重重殺著，卻沒有出手還擊。
「家姐，阿凱，逃獄者，你地留係車上面！」舜兒說完這句話後便下車，拉上車門，接著重新張弓！冷靜，仔細觀察，學習她的動作，推理她的下一個位置，計算出她的迴避方向！一箭放出封住她去路，錘妹進擊揮錘，卻又被她避過，箭與錘合作已經是無間，取她性命只是是時間問題！只要預判出她的一下，就能…看到了！！
「啵！」
卻因為太專心觀察青龍的動向，舜兒沒有看到正衝過來的黑影。
「噹！」
一下火花在雨水中爆開，銀影穿過雨幕截向空中的箭矢，刀峰與箭頭爆發出的火花映亮了青龍的臉，還算俏麗的臉上不是即將被箭矢貫穿眉心的恐懼，不是面對反抗者的暴怒，更不是鄙視，而是——泰然自若。
那是一個騎著馬的男人，手上拿著的是一把西洋劍，他騎著一匹馬衝開雨點，手上的劍大約長一米，但殺出的劍氣卻凌厲無比，箭矢被格開噗一下的插在地上，抖動不止！
「嘁嘁嘁，真粗魯…」
同樣因下雨而混身濕透的男人躍下馬背，手上的刀卻一直標準的舉向天，這時舜兒透過車頭燈的照射才看到那把不是西洋劍，而是西洋軍刀。不同於競技用的西洋劍，那是真正可以砍殺的真正軍刀，薄如蟬翼的刀身單邊開了鋒，閃爍著每一點雨水落下的軌跡，恍如連晚風也能斬斷一樣的兵器。
「咁遲啊，阿諾。」青龍站到他背後。
「司徒小姐…係你早左…」
「佢地比我預期中聰明少少，所以提早左…不過，但是係少少咁多。」
又多了一人。
舜兒與錘妹，青龍與阿諾，車頭兩道光柱成為了雨夜中的唯一光源，四人站在光柱的對岸，無形的楚河漢界張開，分隔著被體制認為「有資格活下去」的人與「無資格活下去」的人。雨點在光芒映射下格外顯眼，風兒也恍如受氣氛的肅穆而靜了下來。
「嘁嘁嘁，四個鼠輩，只靠你地就想搶走我地既逃獄者？」阿諾似乎化了妝，而且妝容防水，在雨中也無損其氣質。
「佢地戰力只有呢兩個人。」
「兩個人？司徒小姐，我收到訊息後我召集左成百人黎全副武裝黎增援，目標戰力只有兩個人既話我一個就夠啦？」阿諾手上的軍刀始終向天舉起，標準的站在胸前。
「我地利昌講既就係要萬無一失，做多好過做少。」青龍看著舜兒與錘妹，「佢地係許少傑派出黎，佢唔會派Ｄ二打六黎搵逃獄者，一定係反抗軍既核心人物，唔可以俾佢地有機會。」
全中的推理。
「嘁嘁嘁，既然係司徒小姐指名既目標，的確唔可以有閃失。兩位，容我失禮，竟然咁耐都未自我介紹：我叫阿諾，係司徒小姐既保鏢，雖說我主要責任係保護司徒小姐既安全，但既然佢落左命令要殺死你地全員，對唔住，你地今日一定要死係度。」
把刀舉起到安全的位置，面對陌生人主動介紹武裝起來的自己，說明自己的職責，這傢伙還真是個保鏢？
「憑你一個？」舜兒的弓沒有一秒移開。
「睇黎兩位無槍啊，雖說我都冇，但司徒小姐應該——」
「無左。」
「嘁嘁嘁，咁樣就麻煩啊。」阿諾瞪向舜兒與錘妹，「被我斬死會好痛。」
「錘妹。」舜兒壓下聲線，「等陣一開始，我會牽制佢兩個，你唔好打，即刻上返車渣車走，佢地頭先話有成百人黎圍緊我地，就算打贏都無意思！」
「咁你呢？！」
「我會追返啦，咪玩埋晒Ｄ要走一齊走既老土野。」
剛剛劈落箭矢的速度，舜兒見過—就在數碼港一役中，帶著青蛙面具手執武士刀的軍曹武士便能使出那樣快如閃電的劍技，別說是一箭，就算舜兒同時發射幾箭，也不必能命中呢。
二人不是這人的對手。
「好，舜兒，我明白…」錘妹緊握鐵錘，卻突然高聲宣戰，「阿諾，青龍，死既，係你地！」
她提氣突擊，握錘衝向阿諾！
「錘妹！」
返工的冠軍
2020-2-22 14:41:45
:^(
黑椒牛丸河
2020-2-23 00:31:51
:^(
:^(
:^(
上一頁
第 37 頁
下一頁