Outliers 2019-9-26 17:53:13 唔知大家有冇留意到，維基百科有好詳盡咁記錄整個反送中運動。

但其實維基百科戰線的人手嚴重不足，有好多重要的內容未更新，同時以前反國民教育、2014年佔中的條目仍然有好多不足之處。

所以我想招募、訓練更多人成為維基百科撰寫師，一齊去記錄有關香港的歷史。

好多人都會抱怨喺維基百科寫完嘢，轉頭就比大陸人刪除。但係你有冇諗過有時唔係五毛針對你，而係你寫嘅嘢的質素真係唔夠好呢？

維基百科有一套的方針與指引，對收錄內容、寫作風格都有一定要求。如果你達唔到要求，就算我的立場同你一致，我都一樣會刪除你寫嘅內容。

因此成為維基百科撰寫師最基本的要求就係肯花少少時間去閱讀維基百科的方針、指引。如果你係新手，最起碼你要有睇完依篇文的耐性。

以下我會憑自己的經驗，分享一下常見被刪除的原因。

Outliers 2019-9-26 17:53:47 常見刪除原因1：原創研究
「非原創研究」係維基百科對內容的基本方針。原創研究指「未發表的事實、爭論、觀點、推論和想法」。

簡單嚟講，維基百科並非收錄一手資料的地方，而係總結二手資料的地方。就算你親眼目擊林鄭心臟病發入院，甚至你自己就係林鄭本人，都唔代表你可以將依件事寫落維基百科，因為有關內容沒有可靠的第三方來源支持。如果你要寫落維基百科就要等可靠的傳媒報導，然後再引用傳媒的報導去撰寫維基百科。留意連登、Facebook page、YouTube頻道唔可以當作可靠來源。

✘ 親眼目擊林鄭月娥暴斃，立即寫入維基百科。
✘ 你自己就係林鄭月娥本人，將未曾公開的內幕寫入維基百科。
✘ 喺連登見到有人號召到機場示威，然後寫入維基百科。
✘ 你認識某個知名人物，將佢不為人知的事蹟寫入維基百科。
✘ YouTube見到一段影片清楚顯示黑警打人，立即寫入維基百科。
✘ Facebook見到KOL踢爆不為人知的內幕、陰謀，立即寫入維基百科。
✔ 待可靠的傳媒報導林鄭月娥暴斃，然後引用報導寫入維基百科。
✔ 待可靠的傳媒報導有人號召到機場示威，然後引用報導寫入維基百科。

延伸閱讀：維基百科:非原創研究
https://zh.wikipedia.org/wiki/WP:NOR
反面例子：https://lihkg.com/thread/1592991/page/1

Outliers 2019-9-26 17:54:17 常見刪除原因2：沒有可靠來源
睇完上面你應該知道寫任何嘢都需要來源。一件事係事實，唔代表維基百科就要收錄。你提供唔到可靠的來源，其他人就可能刪除你所寫嘅嘢。

雖然以上例子我經常提到傳媒，但傳媒並不是唯一的可靠來源。下一步我們就要懂得分辨甚麼來源可靠、甚麼來源不可靠。

一般嚟講連登、Facebook、YouTube、個人網站、網誌、廣告、content farm都唔係可靠來源。一些經同行評審期刊與書籍、著名出版社出版的雜誌、期刊、書籍就會比較可靠。

✘ 某位極度知名度的人（例如沈旭暉）在Facebook、網誌發表了一些內容，立即寫入維基百科。
✔ 待傳媒或其他可靠來源報導此人的言論，在喺維基百科寫「沈旭暉認為XXXXXXXXXXXXXX」。

延伸閱讀：可供查證
https://zh.wikipedia.org/wiki/WP:V

常見刪除原因3：非中立觀點
每個人都有自己的立場，好多人上維基百科寫嘢就係想宣揚自己的觀點。但係你必須要用一個中立的語調去撰寫，才不會輕易被刪除。

✘ 披頭四樂隊是有史以來最偉大的樂隊。
✔ 《滾石》雜誌認為，披頭四樂隊是有史以來最偉大的樂隊。
✔ 披頭四樂隊的許多音樂都登上了英國單曲排行榜。
✘ XXX是一名奸商，他貪得無厭地運用各種卑鄙手法從市民口袋裡榨取金錢。
✔ XXX是一名富有的商人，但他的營商手法具有爭議。例如某某傳媒曾經報導......

與其用大量的形容詞去指控某人如何卑鄙無恥，你不如用平實的口吻去描述該人的行為，然後讀者自然會判斷到該人是否卑鄙無恥。
依樣嘢比較難解釋，好難三言兩語講清楚。你可以去睇下一些現有的條目，睇下人地點寫，你就會明白多啲。

延伸閱讀：非中立觀點
https://zh.wikipedia.org/wiki/WP:NPOV

Outliers 2019-9-26 17:54:45 常見刪除原因4：缺乏關注度
唔係所有嘢都值得喺維基百科擁有一個獨立的條目。我理解大家想盡量記載反送中運動的歷史，但唔代表每一件小事、每一個人都要有一個獨立的頁面。

維基百科係以「關注度」去判斷一樣嘢值唔值得有一個獨立的頁面。關注度主要係睇有冇多個獨立、可靠的來源去介紹依樣嘢。

舉個例，一場示威活動入面可能會爆發好多衝突，同一日入面可能有黃埔花園衝突、德福花園衝突、屯門市廣場衝突等等，如果你每件事都要開一個獨立頁面，整個反送中運動結束後就可能會有過千個獨立頁面。到時日後啲人想喺維基百科睇返成件事的來龍去脈都好困難。況且有獨立條目唔代表係一件好事，如果人地click唔到入嚟睇都係無用。反而你將內容併入其他條目，反而可以增加曝光。

如果你將內容拆得太細，每一頁的內容就自然會較貧乏，有時見到啲條目得一兩句，唔怪得其他人想刪除／合併到其他頁面。與其建立100個低質、缺乏內容的條目，不如集中建立一個高質、內容豐富的條目。

✘ 某公司不斷於各大傳媒賣廣告，然後你根據廣告將公司的資料寫入維基百科。
✘ 幫每一隻寵物小精靈、劇集愛回家每一個人物都開一個獨立的新條目。

判斷一樣嘢有冇關注度唔係一件容易的事。如果你的維基寫作等級夠高，一件雞毛蒜皮的事你都可以寫到有獨立條目。撰寫維基百科之前，你需要考慮將內容應該寫入現有條目定係開新條目。如果你唔肯定，我建議你動手寫咗先，然後其他人就會幫跟進。

延伸閱讀：關注度
https://zh.wikipedia.org/wiki/WP:NOTE
反面例子：https://lihkg.com/thread/1586319/page/1

常見刪除原因5：侵犯版權
喺連登開post一般都無版權的限制，你可以直接轉貼整篇新聞到連登而無人會阻止你。
但係維基百科唔同，直接copy and paste報章、官方聲明一般都是不容許的。

✘ 直接copy and paste報章內容、官方聲明
✔ 閱讀資料後以自己的文字重新撰寫

延伸閱讀：侵犯版權
https://zh.wikipedia.org/wiki/WP:COPYVIO

常見刪除原因6：維基百科不是什麼
維基百科不是遊戲攻略書、教科書、詞典。依樣嘢比較簡單，大家自己click入下面條link睇下就會明。

順帶一提，維基百科都唔係民主試驗場，投票唔可以取代討論。有時會見到有人號召去投票避免某條目被刪除。
但係維基百科唔係鬥票數多，而係依討論的共識去做決策。與其號召大家去投票，不如大家一齊去改善條目，或者一齊諗下有咩論點。

延伸閱讀：維基百科不是什麼
https://zh.wikipedia.org/wiki/WP:NOT
反面例子：https://lihkg.com/thread/1590794/page/1

世外仙棋爛斧柯 2019-9-26 17:58:19 讚成，真係要做
唔好俾中共港共歪曲事實

吾若雞(自由閪) 2019-9-26 18:01:47 push 好似寫論文咁

:^(

職業毒撚 2019-9-26 18:03:03 有用，推

:^(

:^(

:^(

:^(

Outliers 2019-9-26 18:21:55 喺維基百科引用新聞的教學

我要準時放工 2019-9-26 18:27:45 維基百科入面班人討論都係咁

:^(

要好花大量時間付出

Outliers 2019-9-26 18:30:16 上面依個係比較舊的方法，而家可以去setting開啟「視覺化編輯」，有自動工具可以幫你引用。


但係啲參數就可能會亂咗，如果你有手尾就可以按「編輯」再改改佢。
不過依個比較advanced，如果你係新手就直接用依個自動引用幫你先啦。

Outliers 2019-9-26 18:37:28 其他建議：
建議有心寫維基百科的人都可以開一個帳戶，咁樣我見到你寫得唔好的時候，都可以留言同你講返你有咩地方做得唔好。
但係注意用戶名稱唔好咁明顯比人睇得出你的立場，例如你唔好叫「黑警死全家」「BADHKPOLICE」。

維基百科能夠做到咁大，背後一定有一套運作的規則。
得閒真係要認真閱讀下維基百科的方針、指引（雖然我自己都未睇哂）。

小鳥黏人 2019-9-26 18:39:41 唔推唔得
btw英文wiki戰線都非常需要
甚至可能重要過中文wiki

Outliers 2019-9-26 18:39:58 我喺telegram開咗個group，比大家交流編寫維基百科的時候遇到的問題。
大家有心想寫維基百科可以join。

:^(

00000000 2019-9-26 18:44:33 專業人士

:^(

:^(

波特蘭 2019-9-26 18:54:22 文宣 輿論戰 一定要全方位, 支持你幫手一推

茶無恥人 2019-9-26 19:09:29

:^(

送膠員 2019-9-26 19:17:40 英文難玩好多
一來英文唔係香港人母語，維基百科有頗多編者會插你 bad grammar or poor writing

快哉此風 2019-9-26 19:18:58 此回覆已被刪除

Outliers 2019-9-26 19:30:47 其他心得: 引用文匯報都可以係一種手段？

有時候你可能想幫一些示威者建立新條目，但係蘋果日報, 立場新聞, 明報, 香港01等多個傳媒都無報導過依個人。如果依個人從未被報導，那麼你建立的條目很可能會因關注度不足而被刪除。

偏偏依個時候文匯報可能會詳盡報導依位示威者(特別係獨派人物)。依個時候你就要作出決定，到底應該放棄建立條目，定係引用文匯報去證明依位示威者有關注度。

引用文匯報唔代表你要對佢嘅觀點照單全收。如果你真係想建立條目，你可以引用文匯報協助你建立條目。不過決定權始終喺你嗰度，需要你自己衡量值唔值得咁做。

Outliers 2019-9-26 19:36:09 中文都未寫好
我都唔敢奢望英文維基。

反送中還好, 睇返反國教啲條目, 真係唔會睇得出來龍去脈

Outliers 2019-9-26 20:01:06

:^(

Outliers 2019-9-26 20:14:46 關於上面第4點再講多少少。
以今日林鄭嘅社區對話為例。

如果你仍然係新手，寫作能力唔高，最好唔好咁心急開新條目。
你可以去反對逃犯條例修訂草案運動過程 (2019年9月)寫咗啲重點先。
https://zh.wikipedia.org/wiki/%E5%8F%8D%E5%B0%8D%E9%80%83%E7%8A%AF%E6%A2%9D%E4%BE%8B%E4%BF%AE%E8%A8%82%E8%8D%89%E6%A1%88%E9%81%8B%E5%8B%95%E9%81%8E%E7%A8%8B_(2019%E5%B9%B49%E6%9C%88)

等遲啲內容慢慢擴充，到時再開新條目都未遲。
等你開始熟悉維基百科，先直接開新條目啦。

送膠員 2019-9-26 20:19:04 其實最重要的係quote reference

例子
<ref>{{cite news |title=陳太：港落實普選才是管治之計 |url=http://hk.apple.nextmedia.com/template/apple/art_main.php?iss_id=20070621&sec_id=4104&subsec_id=11867&art_id=7237479 |author= |publisher=蘋果日報 |date=2007年6月21日 |accessdate=2010-10-04}}。
</ref>

澤尻英龍華 2019-9-26 20:59:26

:^(

當喪失是得著 2019-9-26 21:33:15 pish