Chandenie一家極力挽留我留多幾日,但我一嚟怕唔好意思,二嚟之後喺比利時同法國都約好晒host,唔想麻煩人哋就我,只好忍痛拒絕。不過畀佢哋留一留,我要接近中午先走到,但講緊由Zoetermeer去比利時首都Brussels要成一百七十幾公里,唔知哪兒來的自信,我竟然一啲都唔擔心。 :^( 跟住咪出事囉。 :^( 單車之國名不虛傳 比利時同荷蘭有條好出名嘅邊界,成日上網睇到張圖,就話間café踩住條邊界,咁當然我冇特登去搵呢個位,亦冇咁啱畀我撞正佢,但想講嘅係,荷比邊界又同之前嗰啲唔同,之前邊界都叫喺啲偏僻啲嘅地方,我經過嗰度係踩踩吓無啦啦喺個鎮度有個牌話我喺比利時囉,完。 :^( 比較想知住呢度嘅人填地址係點填 :^( 反而喺西歐成日見到有人養馬 而最令我知道自己喺比利時嘅係,呢度嘅單車徑明顯比荷蘭遜色,比較上冇咁完善,就算同樣係單車徑,路面質地有時都麻麻哋好踩。咁其實都可以理解做最令我知道自己離開咗荷蘭嘅…… :^( 明顯地有比較 :^( Chandenie畀我路上補充體力 要喺短時間內趕咁長嘅路,托賴冇乜風同埋都係平路,我竟然喺六點鐘就踩剩四十公里,睇嚟要喺天黑前到係mission possible。但太過忘形,喺馬路上錯過咗駁上單車徑嘅路口,情急之下,我做咗樣好蠢嘅嘢──我戇鳩到想直接剷上個石膊上行人路去返單車徑。 然後響過爆炸嘅「卜」一聲,前呔爆撚咗。 嗱嗱聲補完,瞬間又漏氣,當堂棟撚咗喺度,深深明白咩叫「欲速則不達」,睇嚟我今日係到唔到Brussels。 正當我想截車想搵人車我去最近嘅單車舖補給,最多之後返嚟原地再開始時,大馬路對面有個男人行出嚟,嗌過嚟問:「有咩幫到你呀?」 :^( David 佢叫David,睇樣我估三十歲四十,但佢兩個仔睇落都係細我幾年,可能鬼仔早熟啩。咁啱David係一個單車發燒友,就係喺屋入面望到我呢條單車友需要幫忙先衝出嚟,咁一定好撚firm啦,佢就私人醒咗條新嘅內呔畀我,仲落手落腳幫我換埋。 :^( 仲要唔使問我都畀埋可樂我!搭埋比利時窩夫 幾時都話,係單車友最明白我。 David仲特登叫佢個仔拎部iPad出嚟,show畀我睇應該點樣去Brussels最好。喺佢提點之下,縱然爆呔花咗我粒幾鐘,但我都能夠喺天黑齊前進入Brussels範圍,有街燈照耀我孤單嘅身影。 呢粒幾鐘都冇浪費到嘅,起碼畀我知道原來比利時人咁好人,咁helpful。 :^( :^( 單車徑只係喺馬路邊上劃線分出嚟 :^( 麻麻哋好踩㗎咋 Host住嘅地方要先穿過市中心,即係偏向西邊,而Brussels係一個有山嘅城市,要穿過市中心,就要翻山。咁當然啦,個城市跨越山嘅話,個山高極有限嘅,之不過喺一日嘅最後先嚟上斜會冇乜開心囉。 :^( 攰 幾經辛苦上晒兩公里,搵到host Riccardo講嘅古宅屋企門口,吖屌十鳩幾個門鐘,冇一個係佢個名嘅。走過對面中東人開嘅士多想借電話打畀佢,呢個時候……
Ads
同你吹水吹多個post啦,好唔捨得你家嘛
同你吹水吹多個post啦,好唔捨得你家嘛 唔啦小貓三四隻
喂屌之前唔係話寫到返香港架咩
唉你班撚樣,幫我推爆個post啦:^(
唉你班撚樣,幫我推爆個post啦:^( :^( 咁先乖仔架嘛
唉你班撚樣,幫我推爆個post啦:^( :^( 咁先乖仔架嘛 我會打完出喺新post,再喺度畀link:^( 唔好唔推呢個
明天請早