石田佐吉三成 2017-6-20 18:35:08

:^(

:^(

信長都未得閒玩

等你得閒再更新

:^(

預左架啦 2017-6-20 21:19:29

:^(

:^(

信長都未得閒玩

等你得閒再更新

:^(

仲想掉西瓜添

:^(

石田佐吉三成 2017-6-20 21:48:56 進入最後一幕前，我地先短暫回顧上杉家在1588-1589年期間既事跡，雖然豐臣秀吉頒佈《惣無事令》，但東北大名包括伊達、蘆名、最上等勢力並未完全遵從，1588年2月伊達政宗趁大崎家內亂，介入紛爭，而最上義光就派兵襲擊伊達。

最上、大崎聯手壓制伊達政宗，義光妹妹、政宗生母 - 最上義姬在5月出面求情，希望放過伊達家，於是義光主持伊達、大崎和議，中止呢場紛爭。最上義光因為此戰，將焦點集中奧州，忽略庄內地區既變局。

機不可失，上杉景勝在8月下令本庄繁長入侵庄內地區，以收復大內寺氏領地，幾千名上杉軍殺入庄內，上杉軍以破竹之勢攻陷多座城池，直迫尾浦城、大寶寺城，最上家臣 - 東禪寺義長決定出外迎戰，雙方響一個叫「十五里原」既地方對峙。

十五里原鄰近三條河川，最上軍沿河佈防，並向最上義光求救，本庄繁長向最上軍突擊，揭開戰幕，雖然初期最上軍憑地利佔優，但係呢個地區本屬大寶寺氏，上杉高舉協助大寶寺氏既旗號，內應群起協助扭轉形勢，東禪寺義長在混戰中陣亡，其弟 - 東禪寺勝正聞報，放棄理智向上杉軍突擊，與兄弟雙雙陣亡。上杉軍乘勝攻陷尾浦、大寶寺城，最上軍並未放棄庄內，死守朝日山城，但最終都係被本庄繁長攻陷，安排大寶寺義勝回歸庄內，成為上杉家轄下勢力。



十五里原之戰 古戰場介紹

呢場戰事觸犯《惣無事令》，最上義光當然向秀吉抗議，於是上杉景勝、大寶寺義勝親自上京解釋，豐臣秀吉聽完整個過程後，就裁決庄內地區、大寶寺氏都由上杉家管轄。大勢已定，最上義光唯有向德川家康訴苦，亦對秀吉感到不滿。過去四國、九州時，豐臣秀吉都係針對先出手既勢力，但點解放過上杉呢？其中一個原因，就係石田三成、增田長盛等奉行幫口，令裁決傾向上杉。

到左1589年5月，豐臣秀吉准許上杉平定佐渡島，佐渡由本間氏控制，其中羽茂、河原田兩個家系分裂，掀起南北內戰。出戰前，直江兼續聯繫佐渡各城主，得到澤根城協助，於是上杉軍響6月12日率領千艘戰船出征，在澤根上岸，先收拾河間田分家。

6月16日，上杉軍進而擊破羽茂氏，家督羽茂高貞、羽茂高賴坐船逃亡，家族其他成員盡被生擒，本來諗住走得甩啦，點知海風將佢地吹到上杉家領地內，一埋岸就被生擒，兄弟齊齊被處刑歸天，當地土豪被遷到越後，改由上杉直轄，由直江兼續主理。有講法指上杉在此得到佐渡金山，但實際上金山係關原之戰後先被發掘，即係話上杉雖得佐渡，卻不知呢個係一座寶島。隨著佐渡、出羽事件結束，「關東四傑」上杉家既篇幅就此結束，。



佐渡征伐路線

石田佐吉三成 2017-6-20 21:49:33 輪到北條家既回合，1589年北條家雖然向秀吉示好，但依然對下野國落手，透過壬生、皆川、那須氏等幫忙，負隅頑抗既宇都宮家亦獨力難支。此時，由於伊達政宗在摺上原擊敗佐竹、蘆名聯軍，控制會津地區，北條、伊達兩家就結為同盟，建立關東－奧州既共同戰線，佐竹義重獨力難支，北條即將制服整個關東。

雖然如此，但長據沼田城既真田家，一直令北條心存芥蒂，於是派外交僧人 - 板部岡江雪齋上京，請秀吉裁決歸屬，並引用天正壬午之亂既盟約，以及筆伐真田家既背叛行為。豐臣秀吉響7月作出裁決：「沼田城，以及上野東北由北條家管轄，但上野西北既名胡桃城，係真田家既祖墳，所以依然維持原狀。」

呢次分封，將真田家在上野三分之二既土地割讓俾北條，真田昌幸亦只好答應，德川家康奉命分左信濃佐久、小諸縣部份領地作為補償。當然，天下無免費午餐，舊年被放飛機，豐臣秀吉再要求北條氏政、氏直父子上京，以答謝裁決結果，但係氏政又藉故推託，想來年春天才上京，被秀吉拒絕。

1589年11月，本以為一切大團圓結局，點知沼田城代 - 豬俁邦憲收買名胡桃城代 - 鈴木重則家臣中山九郎兵衛，偽造書信引鈴木重則離開，趁機奪取名胡桃城，鈴木重則復奪不果，深感羞愧下自殺，真田昌幸立即向秀吉投訴事件，表示對方違反《惣無事令》。

北條氏直接報後，即係質問負責上野戰區既北條氏邦，對方表示：「一切都係豬俁邦憲獨斷！」並且透過德川家康幫手，向秀吉澄清事件，豐臣秀吉因為北條遲遲不上京，一直想搵藉口問罪，而家出師有名，已經冇必要再聽佢解釋，豐臣秀吉向全國大名下達出征關東既命令，時間就係來年春天。



名胡桃城遺址

戰爭無法避免，北條家響小田原城商議對策，北條氏政、氏照、氏邦、松田憲秀、大道寺政繁都係主戰派，佢地認為西部有箱根山天險，北部有關東平原互為連結，而家仲有沼田城可作防守，即使突破防備，依然有昔日氏綱、氏康時代既武藏－相模防衛線，以及堅城小田原城、韮山城、足柄城等地，豐臣軍面對眾多天險，簡直自討苦吃。

甚至，北條家認為豐臣軍雖然人數眾多，但組成上應該與當年關東聯軍一樣，只係烏合之眾，被征服既大名都唔會全力出擊，只要深構高壘，消耗對方士氣，就可以瓦解大軍攻勢。聽到呢度，主戰派非常振奮；北條氏直、氏規等主和派並不樂觀，但係兵臨城下，只好應戰。

於是北條家以箱根山、韮山城、沼田城、厩橋城等上野、伊豆半島城池為核心外圍，山中城、松井田城、八王子城、岩槻城、鉢形城及忍城等相模、武藏主城為核心內圍，再將資源集中到小田原城，準備與豐臣秀吉打持久戰。



北條家核心內圍

1590年2月，豐臣軍在京都集結，號召全國大名包括德川、毛利、宇喜多、前田、上杉、島津、長宗我部、九鬼、真田、蒲生、黑田等大名，以及「關東本土戰線」，宣佈：「我秀吉宣佈，北條討伐戰開始！」

另一方面，北條家矢志抗爭到底，北條氏政望住宗室靈位，說：「我既曾祖父早雲公，以數百人奪伊豆、取相模；祖父氏綱公，面對關東聯軍壓境依然從容應對；父親氏康公，憑河越一戰名震天下，更抵禦上杉謙信、武田信玄侵擾，成為關東最強；我氏政，以及兒子氏直，將北條版圖擴展至歷代最大，小田原城已成關東中心。」

「今日，即使豐臣二十萬大軍壓境，我仍相信先祖們，以及北條既武家威光會保佑我等父子，走出難關。關東名門北條家，誓不低頭！」北條氏政高舉長槍，揮耍幾套槍法，道：「豐臣秀吉，接下我既『獅子天雷閃迅槍 - 絕牙』（槍衾二）吧！」(註：出處為信長之野望　天道教學模式）



獅子天雷閃迅槍 - 絕牙

次回
最終回
最後抵抗 - 關東爭霸落幕

石田佐吉三成 2017-6-21 00:26:14 惡搞不怕嗎？

:^(

金庸財盡 2017-6-21 00:48:35

惡搞不怕嗎？

:^(

惡攪d咩？

飛膠鑊 2017-6-21 01:04:03

惡搞不怕嗎？

:^(

點搞？

石田佐吉三成 2017-6-21 07:37:50

惡搞不怕嗎？

:^(

點搞？

我指加左呢段信長之野望教學情節

:^(

伊夫．聖羅蘭 2017-6-21 11:40:24

惡搞不怕嗎？

:^(

係到睇,緊係睇D搞下笑既野，唔係都睇wiki la

:^(

Hog_Rider 2017-6-21 12:27:31 後北條都敢叫係名門

:^(

伊夫．聖羅蘭 2017-6-21 12:28:05 其實三成都幾䟔街，唔單止用把口令秀吉支持上杉，仲係文祿之伇，用讒言將加滕清正禁㧽

:^(

基斯普抱司機 2017-6-21 14:30:25 福島正則係大板之戰之後個處境係點？佢見住豐臣家咁樣比人滅應該都幾傷心

:^(

飛膠鑊 2017-6-21 14:41:11

福島正則係大板之戰之後個處境係點？佢見住豐臣家咁樣比人滅應該都幾傷心

:^(

都係兩邊落注；之後因為維修廣島城畀幕府話違反武家諸法度，畀人沒收領地，再轉封左去信濃，之後讓位畀個仔就出家；到佢死左之後連剩低既石高都沒收埋

:^(

似係幕府有心搞佢

:^(

石田佐吉三成 2017-6-21 15:21:59

福島正則係大板之戰之後個處境係點？佢見住豐臣家咁樣比人滅應該都幾傷心

:^(

都係兩邊落注；之後因為維修廣島城畀幕府話違反武家諸法度，畀人沒收領地，再轉封左去信濃，之後讓位畀個仔就出家；到佢死左之後連剩低既石高都沒收埋

:^(

似係幕府有心搞佢

:^(

其實個仔死左後，正則已經被沒收領地廢藩
另一個仔到江戶做旗本，但無子而絕後
後來先有個曾孫復興，歷代在擔任將軍親衛隊
只係江戶之後就冇人知了

:^(

石田佐吉三成 2017-6-21 15:29:02 再睇返，我記錯加藤清正後代下落不明，卻估唔到日本最初既女科學家之一，係加藤清正後代

:^(

金庸財盡 2017-6-21 20:17:38

福島正則係大板之戰之後個處境係點？佢見住豐臣家咁樣比人滅應該都幾傷心

:^(

都係兩邊落注；之後因為維修廣島城畀幕府話違反武家諸法度，畀人沒收領地，再轉封左去信濃，之後讓位畀個仔就出家；到佢死左之後連剩低既石高都沒收埋

:^(

似係幕府有心搞佢

:^(

其實個仔死左後，正則已經被沒收領地廢藩
另一個仔到江戶做旗本，但無子而絕後
後來先有個曾孫復興，歷代在擔任將軍親衛隊
只係江戶之後就冇人知了

:^(

德川對黎班秀吉契仔心存介蒂

飛膠鑊 2017-6-21 20:28:07

福島正則係大板之戰之後個處境係點？佢見住豐臣家咁樣比人滅應該都幾傷心

:^(

都係兩邊落注；之後因為維修廣島城畀幕府話違反武家諸法度，畀人沒收領地，再轉封左去信濃，之後讓位畀個仔就出家；到佢死左之後連剩低既石高都沒收埋

:^(

似係幕府有心搞佢

:^(

其實個仔死左後，正則已經被沒收領地廢藩
另一個仔到江戶做旗本，但無子而絕後
後來先有個曾孫復興，歷代在擔任將軍親衛隊
只係江戶之後就冇人知了

:^(

德川對黎班秀吉契仔心存介蒂

始終怕佢地唔知幾時會舉住豐臣旗號反佢
老烏龜算到好盡既

:^(

遊日無料案內所 2017-6-21 20:28:32

福島正則係大板之戰之後個處境係點？佢見住豐臣家咁樣比人滅應該都幾傷心

:^(

都係兩邊落注；之後因為維修廣島城畀幕府話違反武家諸法度，畀人沒收領地，再轉封左去信濃，之後讓位畀個仔就出家；到佢死左之後連剩低既石高都沒收埋

:^(

似係幕府有心搞佢

:^(

其實個仔死左後，正則已經被沒收領地廢藩
另一個仔到江戶做旗本，但無子而絕後
後來先有個曾孫復興，歷代在擔任將軍親衛隊
只係江戶之後就冇人知了

:^(

德川對黎班秀吉契仔心存介蒂

秀吉托兒室

:^(

:^(

遊日無料案內所 2017-6-21 20:28:47

福島正則係大板之戰之後個處境係點？佢見住豐臣家咁樣比人滅應該都幾傷心

:^(

都係兩邊落注；之後因為維修廣島城畀幕府話違反武家諸法度，畀人沒收領地，再轉封左去信濃，之後讓位畀個仔就出家；到佢死左之後連剩低既石高都沒收埋

:^(

似係幕府有心搞佢

:^(

其實個仔死左後，正則已經被沒收領地廢藩
另一個仔到江戶做旗本，但無子而絕後
後來先有個曾孫復興，歷代在擔任將軍親衛隊
只係江戶之後就冇人知了

:^(

德川對黎班秀吉契仔心存介蒂

秀吉托兒所

:^(

:^(

石田佐吉三成 2017-6-21 22:56:21 關於豐臣軍既陣容，響主線已經有提過，在此略過。1590年3月，豐臣軍兵分三路，沿東海道、東山道及海岸線進發，北條軍將戰力分佈在各個防衛網，下野、下總既親北條勢力都有參戰，陣容如下：

相模
小田原城 - 北條氏政、北條氏直、北條氏照、北條氏忠、千葉直重、松田憲秀、成田氏長、皆川廣照、壬生義雄、由良國繁、長尾顯長

伊豆
韮山城 - 北條氏規
山中城 - 松田康長、松田康鄉、北條氏勝
下田城 - 清水康英

上野
松井田城 - 大道寺政繁

武藏
岩槻城 - 北條氏房
鉢形城 - 北條氏邦
忍城 - 成田泰季、成田長親
八王子城 - 北條氏照部下

北條軍總人數約為52000人，主力集中在小田原城，其他防衛重鎮分出既兵力大約係三至五千左右，北條家既戰略就係重視本據，其他城池僅留適量兵力防備，希望利用天險及死守，消磨豐臣軍士氣，即使防衛線瓦解，天下堅城 - 小田原城依然會保北條無虞。

3月初，下路豐臣水軍率先出擊，攻打伊豆半島西部 - 長濱城，梶原景宗率領北條看家既伊豆水軍出擊，振奮士兵道：「讓豐臣見識我地北條水軍既厲害！」話音剛落，幾艘安宅大船就被擊沉，豐臣水軍包圍北條軍，為首武將大喝道：「關東鄉下佬，未知海賊大名既實力？」

原來，對手係由織田時代開始，就已經稱霸伊勢灣、大阪灣既海上大名 - 九鬼嘉隆；然後，另一個旗號既船隊亦參與戰局，擊沉多艘北條軍戰船，指揮既武將亦道：「小弟們，等佢地見識長宗我部既實力！」原來係幾乎統一四國既大名 - 長宗我部元親，雖然不復當年勇，但仍然係一大戰力，響豐臣水軍輾壓下，北條水軍就沒有然後了，長濱城陷落，梶原景宗撤退，豐臣軍就沿海岸進軍，攻打下田城。

上、中兩路於3月下旬進入上野、伊豆，分別攻打松井田城、山中城、韮山城等地。3月29日，由豐臣秀次、德川家康等率領既七萬大軍抵達山中城，豐臣軍旌旗遍野，將城池圍個水泄不通，城內僅有四千人，北條軍初次明白何謂壓倒性既差異，守將松田康長激勵守軍道：「雖然豐臣人多，但我地有箱根山天險保護，只要扼守要道，未嘗不可一戰！」

「倘若以為憑箱根山天險，就可以抵擋我等，未免太睇小我德川家康了。唔好以為有盟約在身，我就會手下留情，天下大勢已定，妄圖逆流而上既傢伙，就只有被時代洪流沖洗了。」然後，豐臣軍以怒濤般既氣勢，向山中城發動總攻擊，松田康長指揮部隊死戰，雖然擊殺多名豐臣軍部隊，但係七萬對四千，平均一個打十七個，你估北條係葉問咩？響壓倒性既人數差距下，豐臣軍半日就攻陷城池，守將松田康長、間宮康俊戰死。德川家康乘勝進擊，兩日內先後攻破鷹巢城、足柄城，引以為傲既箱根山天險，僅三日就被突破。

鄰近既韮山城被四萬大軍包圍，如果大家仲有印象，伊勢盛時（北條早雲）畢生致力發展此城，至今依然係北條家重要據點，豐臣軍雖然強攻多時，但係北條氏規多次阻擋成功，死守至少一星期後，豐臣軍留低部份兵力包圍，主力就去小田原城進發。

4月4日，豐臣軍主力包圍小田原城，十萬大軍城下一聚，那一天，已有一定年紀既北條子民，終於回憶起關東聯軍既恐懼，而此次更甚。雖然如此，北條軍相信小田原城既堅固，可以阻擋豐臣軍進迫，對方亦避免傷亡，只係在城外招搖造勢，順便威嚇一下關東、東北既其他勢力。而呢條計策非常成功，4月9日參與防守既皆川廣照逃出城外，叛投豐臣。



小田原城佈陣圖

4月20日，德川家康就奉命轉戰東部，攻陷玉繩城，再向江戶城出發。同時，「關東本土戰線」既宇都宮、佐竹、結城三家亦攻打壬生、皆川、小山氏領地，下野勢力就剩低那須沒有參戰。

同時，由前田、上杉、真田率領既北方部隊都攻陷松井田城，主戰派既大道寺政繁竟然倒戈，主動為豐臣軍帶路，三日內攻陷厩橋城、箕輪城，向金山城推進。期間，雖然由良國繁留守小田原城，但妙印尼輝子再展現英雌本色，帶住孫仔 - 由良貞繁加入北方部隊，並向秀吉請求放過兩位兒子一命。

「關東本土戰線」在5月初旬至中旬攻陷皆川、壬生、小山氏領地，被北條入侵既佐野家亦乘機反抗，由佐野房綱、山上道及等人驅逐親北條勢力，至此下野國既北條勢力被徹底驅逐，佢地響五月底抵達小田原城，向秀吉投誠。

同時，德川家康攻破江戶城，淺野長政率領分隊與德川會合，侵略武藏、下總各地，河越城、小金城、臼井城先後失陷，長年盟友 - 千葉氏領地盡失，當豐臣攻破東部戰線後，就殺向鉢形城、忍城等地，會合北方部隊。

5月19日，武藏重鎮 - 岩槻城下，一個身穿黑鹿甲、掛上佛珠既大將，手執名槍蜻蛉切，以殺氣迫人既眼神盯著城池，戰慄既感覺在守軍間傳播，然後那人指揮部隊進攻，大喝道：「那座就是岩槻城，同我上！平八所至，寸草不生！」然後，岩槻城僅三日就被攻陷。

石田佐吉三成 2017-6-21 22:56:45 淺野長政進攻鉢形城，雖然豐臣軍有二萬人，守軍僅有四千，但與山中城既時候不同，鉢形城守將北條氏邦，主理北條家後期在上野、武藏既戰事，有豐富作戰經驗，而且鉢形城話曬係昔日山內上杉家既居城，具備防守本錢。響氏邦帶領下，豐臣軍圍攻一周毫無進展，豐臣秀吉嬲到寫信催促淺野長政落力，但佢點催都冇用，就係強攻不下，所以淺野長政留低圍城部隊，與北方部隊會合。



豐臣軍進軍路線，以及落城日期

6月5日，各地淪陷消息傳到小田原城，北條氏直知道大勢已去，道：「父親，豐臣勢不可擋，投降仲有一線生機，收手啦。」

但北條氏政駁斥道：「小田原城健在，豐臣只係虛張聲勢，我地在外仲有伊達政宗呢位盟友，只要佢出兵襄助，我地就可以夾擊豐臣，勝負尚未分曉！」

北條氏直搖頭嘆氣，望住外面飲泣道：「唉，佢痴Q左線啊。」
一位家臣驚惶失措地闖入天守，話中帶點口吃地說：「奧.....奧州大名....伊達政宗...投...投靠豐.....豐臣秀吉了！！！！！」話音方落，在場所有人異口同聲地大喊：「我頂你個肺啊？」

戰爭開始前，伊達政宗依然向北條示好，但佢同時向德川家康、淺野長政等送禮，請佢地美言幾句，做足兩手準備。當佢聽到豐臣在4月底已經包圍小田原城，以及突破北條「核心外圍」後，就決定捨棄盟友。

「盟友？我伊達政宗最出名是什麼，你應該很清楚吧？」好的，我閉嘴。反正伊達政宗投誠後，豐臣秀吉雖然接受，但亦責難佢私吞會津既行為，所以沒收，不管怎樣，北條失去最後盟友，所謂「大東方戰略」已成畫餅。

五日後，石田三成抵達忍城附近，豐臣秀吉睇完地形圖，就指示用水攻，北方部隊亦與淺野長政會合，圍攻鉢形城，北條氏邦開城投降，淺野長政、真田昌幸轉戰忍城。其實忍城之戰響主線已經提過，但可以講多少少細節，話說城代 - 成田泰季陣中病逝，由成田長親臨危受命，當時攻守比例約為10:1，驟眼睇北條軍毫無勝算。

一個女性挺身而出，道：「成田氏係傳統名門，雖然我只係十九歲，但毫不畏懼，各位長輩們又點可以就此氣餒？」呢個女性就係成田氏長之女 - 成田甲斐，有關甲斐既記載，主要來自後世杜撰既軍記物，普遍記載佢後來成為豐臣秀吉側室，但實際上佢無太多一級史料記載，真偽成疑。

「講得好，破釜沉舟，夜襲敵方堤壩！」於是，忍城守軍趁夜破壞豐臣軍堤壩，河水逆流令豐臣軍陣腳大亂，等到修復完畢已經錯過天雨，忍城周邊既泥沼地形反而令豐臣進攻不易，除非你想玩泥漿格鬥，如此忍城死守到北條投降為止。



成田甲斐　示意圖(信長之野望)

至於前田、上杉於6月23日殺向八王子城，此為北條氏照居城，由於氏照不在，就由家臣率領軍民三千死守，豐臣軍當日發動總攻，響正門爆發激戰。點知大道寺政繁從背後偷襲得手，裏應外合下當日攻破。城內男人悉數戰死，民眾慘被屠殺，婦女為左保存貞節，投身八王子川自殺，鮮血染紅川流，不忍直視。

隔日，北條氏規開韮山城投降，伊豆半島全境陷落。之前投降既北條氏邦奉命勸說小田原城投降，北條家暫未決定，但係兩日後(6月26日)，豐臣秀吉在城西完成石桓山城後，北條家看清現實，終於響7月5日宣告投降。

6日後，豐臣秀吉命令北條氏政、氏照，以及大道寺政繁、松田憲秀切腹；北條氏直、氏邦、氏規、氏忠流放到高野山，一年後北條氏規被秀吉任用擔任狹山城主。隨著北條家投降，忍城響7月17日亦開城投降，歷經百年歲月、五代經營既北條家，從此退出歷史舞台。



北條氏政切腹 (真田丸劇照)

至於其他關東勢力既處置，我就略為介紹，有份參戰既宇都宮、佐竹、結城，以及倒戈既皆川、佐野氏都得到豐臣秀吉安堵，結城晴朝更收養秀吉養子，就係後來聞名既結城秀康了；妙印尼輝子既英雌形象深得秀吉讚賞，由良氏轉封常陸國牛久城，得以善終，不過長尾顯長就淪為浪人，投靠佐竹家了。

小田原征伐期間，安房大名 - 里見義康雖有參戰，但係得罪秀吉，被貶至僅餘安房一國；那須、小田、千葉三家分別以不參戰、阻攔盟軍、支持北條既罪名，被沒收領地。

最後，豐臣秀吉將關東各州封賞給德川家康，原來領地由豐臣派大名接管，雖然初時係一塊剛逢戰亂既燙手山芋，但隨著德川家既悉心發展，關東逐漸成為福地，以後更成為日本既政治中心。

石田佐吉三成 2017-6-21 22:56:55 最初由室町－古河對立到公方、管領內亂，一班武家名門爭權奪利，掀起關東百年亂象既序幕，名門內訌不休，令外來既北條家有機可乘，逐步鯨吞關東傳統勢力，雖然名門一度聯合，但各自心懷鬼胎，根本成不了大事。到武田信玄、上杉謙信、北條氏康、今川義元擊敗傳統豪強勢力，各自打出名堂後。關東就走入一段最混亂，卻最精彩既歷史，可惜爭戰多年後，只係令彼此損耗，不利擴張霸業。

結果，來自西方既織田信長、豐臣秀吉卻逐步擴張，拉開與東國大名既差距，今川、武田依次退出舞台，上杉經歷亡國危機、內亂後，亦受大勢所趨而投靠豐臣秀吉。最後，北條家看不清天下大勢，更瞧不起秀吉出身，卻沒憶起自己也是鳩佔鵲巢，虛報家姓，結果家業傾亡，五代經營化為烏有。關東歷史充滿諷刺，百年爭戰過後，收穫既竟不是四傑之一，反而係最初淪為臣下、慘被今川及武田欺壓，到最後釜底抽薪既德川家康。

四位英傑爭戰多年，苦心經營所屬領地，到最後都只為他人作嫁衣裳，實在令人諷刺。



德川家康：還不是我笑到最後？哈哈哈哈　(真田丸劇照)

關東英傑傳　完
感謝各位支持。

Panzer_IV 2017-6-21 23:19:55

福島正則係大板之戰之後個處境係點？佢見住豐臣家咁樣比人滅應該都幾傷心

:^(

都係兩邊落注；之後因為維修廣島城畀幕府話違反武家諸法度，畀人沒收領地，再轉封左去信濃，之後讓位畀個仔就出家；到佢死左之後連剩低既石高都沒收埋

:^(

似係幕府有心搞佢

:^(

其實個仔死左後，正則已經被沒收領地廢藩
另一個仔到江戶做旗本，但無子而絕後
後來先有個曾孫復興，歷代在擔任將軍親衛隊
只係江戶之後就冇人知了

:^(

德川對黎班秀吉契仔心存介蒂

秀吉托兒所

:^(

:^(

其實托兒所果班都抵撚死，好幫唔幫走去幫德川

:^(

小薯薯 2017-6-22 02:03:14 第一個post 開始追到而家

:^(

多謝巴打咁高質咁寫足幾個月

:^(

:^(

四個一桐 2017-6-22 09:09:05

第一個post 開始追到而家

:^(

多謝巴打咁高質咁寫足幾個月

:^(

:^(

x2

:^(

等睇石田巴寫其他戰國史

:^(