預左架啦 2017-6-7 18:12:06

今晚恢復更新

:^(

上個星期多事務，以致稿件延宕，實在萬分抱歉

:^(

:^(

:^(

:^(

:^(

:^(

Hog_Rider 2017-6-7 18:12:23

今晚恢復更新

:^(

上個星期多事務，以致稿件延宕，實在萬分抱歉

:^(

:^(

:^(

:^(

:^(

一日有文都會睇落去

:^(

飛膠鑊 2017-6-7 19:35:34

今晚恢復更新

:^(

上個星期多事務，以致稿件延宕，實在萬分抱歉

:^(

:^(

QQLAM 2017-6-7 20:57:03

:^(

石田佐吉三成 2017-6-7 23:01:27 開始之前，請容我修正一點，天正壬午之亂後既1583年，真田昌幸依然係德川牽制上杉既頭馬，只係對和議內容不滿，信繁去上杉家係之後既事，所以上野只有北條高廣回投上杉，正題開始。

1582年，京都快報響織田信長死後，向羽柴秀吉申請准照獲批，相隔十二年，佢地又可以交代京都局勢。話說6月明智光秀謀反，被羽柴秀吉在山崎擊敗，命喪小栗坂後，羽柴秀吉、柴田勝家、池田恆興、丹羽長秀於6月底在清洲召開會議，決定後繼人，最終羽柴、池田、丹羽三票通過由信長之孫 - 織田秀信繼任，但支持信長三子 - 織田信孝既柴田勝家並不服氣，身為織田三代老臣，豈容你隻農民出身既死馬騮主導？

11月，柴田勝家指責秀吉違反協議，要求與秀吉議定條件，但因為北陸正值暴雪，就唯有派前田利家、金森長近、不破勝光做代表；自己又聯絡毛利、長宗我部、雜賀眾等周邊勢力，以包圍秀吉。當然，秀吉派人留意四國、紀州、西國動態，並且反過來離間三位代表，又得到周邊地區勢力人質，鞏固近畿地區。

12月，羽柴秀吉奪取近江長濱城，策反勝家養子 - 柴田勝豐，再出兵歧阜城收服織田信孝；伊勢既瀧川一益響應柴田勝家，響北伊勢地區四處征伐，意圖與柴田南北夾擊。自此，織田家分裂成羽柴秀吉、柴田勝家兩派開始內訌。

返到越後國回合，織田家內訌關上杉家咩事？當然有事，半年前才遭逢滅亡危機，又經歷過「天正壬午之亂」，周邊勢力各有不穩舉動，南部有德川、北條家結盟，形成「駿相同盟威力加強版」；東部有新發田重家叛亂，仲要獲得蘆名、最上家等支持，東邊國土被逐步蠶食；西部有北陸軍團攔路，北部呢？你自己徒手游出日本海啦，所以你以為信長一死，上杉家就安享太平？實在太天真了。



駿相同盟威力加強版

前面提到柴田勝家巴結外部勢力，羽柴秀吉亦需要盟友，但係毛利、德川家食花生，可以搵咩人？就係上杉景勝了，1582年12月秀吉透過越中既上杉家臣 - 須田滿親，聯絡上杉景勝，以圖夾擊柴田勝家，就響1583年1月達成同盟，秀吉亦與北條絕交，表示：「朋友既敵人就係敵人」。然而，即使達成同盟，上杉依然四面受敵，有心無力。

稍為提及關東局勢，仲記得古河足利家嗎？北條家既傀儡公方 - 足利義氏呀，呢位公方響1583年1月病逝，古河足利家無後繼男丁，只有女兒 - 足利氏姬被家臣擁立繼位。從鬥爭到被合併，擁有百年歷史既古河公方，形同絕跡。

2月，下野國北部大名 - 那須資胤病逝，由長子資晴繼任，由於係親北條勢力，加上1578年起多場舊恨，鄰近既佐竹義重聯合宇都宮國綱，意圖趁火打劫，不過被那須家擊退。

返到上杉既回合，1583年3月中旬，柴田勝家率領北陸軍團南下，正式向秀吉宣戰，安排佐佐成政留守越中，織田信孝在歧阜城響應。為此，羽柴秀吉聯絡上杉景勝夾擊，但偏偏呢個時候真田昌幸急襲北信濃小縣郡，並且響尼淵修築上田城，同時佐佐成政聯絡新發田重家，上杉景勝響腹背受敵下，愛莫能助。

羽柴秀吉對呢位豬隊友感到無奈，就獨自迎擊，最終響4月下旬憑誘敵戰術，乘著柴田大將 - 佐久間盛政孤軍深入，於賤岳擊敗柴田軍，隨後秀吉乘勝攻陷越前地區，柴田勝家在北庄城切腹自殺、織田信孝亦被信雄強迫切腹、瀧川一益投降並流放到越前隱居，前田利家、佐佐成政歸降，自此近畿再無人可以動搖羽柴秀吉了。

戰後，羽柴秀吉指責上杉景勝消極，意圖銷毀盟約，並去信佐佐成政，計劃進攻越後，因此佐佐成政催促新發田重家盡快獻媚。根據《上杉家御年譜》記載，上杉景勝響各方壓力下，5月向秀吉遣使，更獻上名刀名馬，表示意圖重拾關係，最終盟約維持，化解一場外交危機。

得到強援後，上杉景勝可以應付新發田重家了，但係今次進攻再次失利，仲令到揚北眾 - 鮎川氏、築地氏叛投新發田。到左8月，上杉景勝捲土重來，但新發田城實在難攻，所以今次又係放火走人，點知天降暴雨，洪水將必經之路 - 放生橋毀壞，上杉軍身陷泥沼，新發田重家乘機追擊，令對方損失慘重，部份近臣戰死，此次敗走令助長叛軍士氣，上杉景勝又要頭痕一輪了。



放生橋之戰 經過

鏡頭轉到上野，國人 - 由良國繁攻打北條高廣，9月將厩橋城攻陷，北條高廣黯然回到越後，隱居不出，由良氏正為北條家效命，所以北條勢力再次延伸到上野國北部，「關東本土戰線」深感威脅而再次聚集，佐野宗綱更於11月策反由良國繁、長尾顯長，下野、常陸勢力幾乎參與戰線，包括佐竹、宇都宮、佐野、結城、皆川、由良、長尾、多賀谷等勢力，親北條既那須家亦基於壓力參與，以上陣容可以話係上杉謙信離去以後，最大規模既一戰。

石田佐吉三成 2017-6-7 23:01:41 京都快報來了，我地睇睇：「1584年正月，羽柴秀吉與織田信雄決裂，後者得到德川家康支持，開始反抗秀吉！紀州雜賀眾、長宗我部家、佐佐成政、北條氏政都支持德川，呢場內訌規模比柴田勝家更大，腥風血雨即將開始！」



沼尻合戰前哨

為左打通由良、佐野兩家既聯繫，關東軍攻打攔路既小泉城，北條氏直接報就派人救援，而家北條外務多數由氏直負責，佢帶領北條氏照率領七萬大軍，向由良本據 - 金山城、利根川進軍，北條軍來勢洶湧！由良國繁、長尾顯長兄弟親抵北條本陣，希望回投，但兩兄弟根本自投羅網，北條將佢地軟禁到小田原城，並要脅交出金山城、館林城兩座要地，交換兩位俘虜。

家督被俘，由良氏家臣陣腳大亂，呢個時候一把雖然衰老，卻氣勢十足既聲音大喝道：「堂堂男子漢，家督不在就自亂陣腳起來？」一眾家臣慌忙回應：「主母 - 妙印尼大人，由良大人兄弟被俘，北條又大軍壓境，不覺驚惶失措，只怕必須獻出金山城、館林城。」

「年輕人真係靠唔住！金山城係由良氏根基，輕易放手，只會無面目見由良氏祖宗，亦令我地既新田氏血統蒙羞！」妙印尼以堅強既形象，企響家臣面前，手執一把大薙刀，雖然頭髮鬢白，略顯老態，卻展露出巾幗英雌既氣勢，不比周邊武士勢弱。

妙印尼，又名由良輝子，由良成繁之妻，迄今已年過七十，眼見國難將至，妙印尼去信佐竹義重，表示與北條抗爭到底，然後整頓士氣，堅守金山城。1584年2月，北條軍強攻金山城，本來諗住對方群龍無首、士氣低落，不料妙印尼令由良軍起死回生，反而瓦解北條攻勢，於是北條就包圍金山城，主力轉向北邊既足利城，再南下利根川，關東軍亦響利根川東岸守候，此時正係3至4月左右。



妙印尼 - 由良輝子

同時，羽柴秀吉、德川家康響小牧、長久手一帶交手，羽柴軍偷襲三河失敗，池田恆興、森長可戰死，由於短兵失利，羽柴秀吉為保留實力，就深構高壘與德川對峙，戰況陷入僵局。期間，秀吉去信「關東本土戰線」，請佢地積極進攻，等北條無暇支援德川，減輕自己壓力，又請上杉景勝支援。

但係，德川既小笠原貞慶在北信濃搗亂，海津城守將屋代秀正響4月背叛上杉，迫使上杉景勝到北信濃應付德川，關東只有北條、關東聯軍對立了。到左5月，兩軍抵達小泉城東部既沼尻，但只係隔江對峙，互相曬冷，冇任何動作，戰線更向北伸延到岩船山，於是東邊有關東既沼尻對陣，西邊有小牧長久手對陣，同樣維持僵局。



沼尻合戰、小牧長久手之戰期間勢力關係

雖然話雙方對陣，但北條軍積極擾亂關東軍團結，首先響6月策反梶原政景，封鎖佐竹家既退路，然後北條氏規響7月攻陷岩船山，將皆川廣照部隊擊退，變相令關東軍失去退路。因此，關東聯軍為明哲保身，響7月22日與北條達成協議，北條軍就返轉頭對付由良氏，關東聯軍解散後，佐竹義重就去收拾梶原政景。

一場牽涉整個北關東勢力既大戰，就在雷聲大雨點小，出奇不意之下結束，呢場沼尻對陣雖然牽涉勢力眾多，但在筆者看來，也不過是小牧長久手既延伸戰線，而且與前者一樣，都係以和談結束，不過戰略上北條已佔優勢，逐漸蠶食下野。



破解僵局 - 岩船山陷落

次回
下野國侵略戰 - 北條家擴張
大勢所趨 - 上杉歸順豐臣

石田佐吉三成 2017-6-7 23:02:31 過完呢度之後，可能會跳住跳住過
因為沼尻之後關東幾乎無咩大事
即將進入尾聲了

:^(

石田佐吉三成 2017-6-8 11:34:12

:^(

原來我skip左風魔小太郎，唔緊要我第時戰國點將錄再介紹

:^(

金庸財盡 2017-6-8 16:54:37

:^(

原來我skip左風魔小太郎，唔緊要我第時戰國點將錄再介紹

:^(

會唔會拉埋服部半藏黎講

石田佐吉三成 2017-6-8 17:47:20

:^(

原來我skip左風魔小太郎，唔緊要我第時戰國點將錄再介紹

:^(

會唔會拉埋服部半藏黎講

分開講，史實佢地交集不多

morata_bb 2017-6-8 19:04:28 好撚憎德川

:^(

:^(

:^(

Lakerol 2017-6-9 23:11:05 off topic問題
佐竹家點解關原個時唔出兵表態？
據我認知義宣係三成老友，而且佐竹家都受三成恩惠，係咪因為幕後大佬義重使橫手？

石田佐吉三成 2017-6-10 08:45:23

off topic問題
佐竹家點解關原個時唔出兵表態？
據我認知義宣係三成老友，而且佐竹家都受三成恩惠，係咪因為幕後大佬義重使橫手？

非也，佐竹家係義宣投西軍、義重寫信向家康求情，走兩面路線，佐竹義重雖然退隱，但依然掌握家中實權，佐竹家內部本身亦意見不一，以致態度曖昧。

義宣與上杉有秘密通訊，只不過對方困守會津應付伊達、最上。同時德川家康早有防範，留低結城秀康、蒲生秀行監視佐竹動向，事後德川都係因為佐竹態度曖昧，加上義重求情先減封二十萬石，而且之後待遇不比伊達、最上差，算係好畀面喇。

當然，減封另一個原因係德川想整個關東都係自己族人，以策安全。

最後分享，佐竹義重轉封秋田時，為左延續水戶既優良基因，就將境內所有美女都帶到秋田，亦係日本傳聞「秋田美人」既由來，時至今日，我最認識既就係佐佐木希

:^(

飛膠鑊 2017-6-10 12:15:58

off topic問題
佐竹家點解關原個時唔出兵表態？
據我認知義宣係三成老友，而且佐竹家都受三成恩惠，係咪因為幕後大佬義重使橫手？

非也，佐竹家係義宣投西軍、義重寫信向家康求情，走兩面路線，佐竹義重雖然退隱，但依然掌握家中實權，佐竹家內部本身亦意見不一，以致態度曖昧。

義宣與上杉有秘密通訊，只不過對方困守會津應付伊達、最上。同時德川家康早有防範，留低結城秀康、蒲生秀行監視佐竹動向，事後德川都係因為佐竹態度曖昧，加上義重求情先減封二十萬石，而且之後待遇不比伊達、最上差，算係好畀面喇。

當然，減封另一個原因係德川想整個關東都係自己族人，以策安全。

最後分享，佐竹義重轉封秋田時，為左延續水戶既優良基因，就將境內所有美女都帶到秋田，亦係日本傳聞「秋田美人」既由來，時至今日，我最認識既就係佐佐木希

:^(

上次去秋田又唔覺d女仔特別靚，但望落無咁老土

:^(

金庸財盡 2017-6-10 13:08:38

:^(

請不要搜索秋田美人生駒里奈

預左架啦 2017-6-10 13:09:47 統文字討論

:^(

..

石田佐吉三成 2017-6-10 14:37:01

統文字討論

:^(

..

規矩我懂的

:^(

文隼 2017-6-10 20:44:17

:^(

請不要搜索秋田美人生駒里奈

石田佐吉三成 2017-6-12 22:40:09 1584年7月沼尻之戰結束後，北條家回頭攻打由良氏，佐竹義重則對付梶原政景，兩派停戰後「關東本土戰線」頃刻分裂，宇都宮、那須兩家又再興干戈，前者於8月率先攻擊，卻被那須家臣 – 福原資孝擊退；兩個月後，梶原政景被佐竹義重擊敗，響父親 – 太田資正勸說下投降，雖然挽回一命，但呢次背叛令佢失去太田家既繼承權，改由佢弟弟 – 太田資武做繼位人。

收拾叛徒後，大家諗住佐竹義重可以重整聯盟，但一件意想不到既事發生，令佐竹無暇留意關東局勢，等我地睇睇咩事？我地將鏡頭轉去會津，當地大名 –　蘆名盛隆本姓二階堂，其父 – 二階堂盛氏被會津大名 – 蘆名盛氏擊敗，盛隆就被送去做人質，繼而成為仇家養子，呢部份幾有膠劇既感覺。1580年盛氏死後，盛隆掌握實權，意圖任用多個親信，以復興二階堂氏，但得罪左蘆名派家臣。

蘆名盛隆善用外交，先巴結如日中天既織田信長，又與伊達家結為姻親，再支持新發田重家之亂，干涉越後內政，但因為上杉家臣 – 直江兼續策反家臣新國貞通，令蘆名一時抽身，孤立新發田重家。同時，對內雖有政治手腕，但依然無法平息家臣不滿，1584年6月，蘆名派家臣栗村盛胤、松本行輔趁盛隆外出參訪，舉兵佔據首府 – 黑川城，卻被盛隆立即鎮壓，再於7月平定新國貞通。

蘆名盛隆意氣風發，本應有一番作為，但係佢犯左一個致命既問題 – 縱情男色，當時搞男人並不罕見，但盛隆就係太花心了。1584年10月，寵臣大庭三左衛門登門造訪，突然拔刀狂插蘆名盛隆，邊插邊喊：「花心大蘿蔔，明明你話你鍾意我架，點解你要玩其他男人，點解呀？」席間血濤四方，三左衛門奪門而逃，被另一名家臣 – 種橋大藏斬死。

色字頭上一把刀，呢位年輕既家督就此身亡，終年23歲，僅留低1個月大既兒子繼位，少主年幼，外部勢力有機可乘，伊達政宗就趁機向蘆名家宣戰，並且聯合上杉景勝夾擊，呢項舉措改變其父 – 伊達輝宗既奧羽同盟策略。因此，鄰近既佐竹義重亦關注會津，東北地帶開始風起雲湧。



蘆名盛隆 概念圖 (信長之野望)

返到黎關東地區，12月北條氏照再度攻打由良氏，雖然妙印尼輝子坐鎮多時，但城內彈盡糧絕，無法再撐落去，妙印尼輝子唯有響1585年1月讓渡金山城、館林城，放棄由良家歷代基地，但走前佢勸勉家臣們：「失去城池不要緊，最重要係由良氏得以延續，我地將來仲有機會返去！」隨著輝子投降，由良國繁、長尾顯長亦回投北條，分別遷移到上野桐生城、下野足利城。

當由良兄弟回投北條後，下野國人 – 佐野宗綱不齒鄰近既長尾顯長，主動攻擊，但呢位25歲既少將自恃勇猛，被長尾顯長挑撥而單騎突擊，咁大個移動標鈀，簡直便宜左對手，一聲鐵砲聲起，佐野宗綱當場落馬陣亡。由於佐野宗綱早逝，又無留子繼承，於是北條家就使慣用絕招，派氏政六弟 – 北條氏忠拜宗綱做養父，以奪取佐野家繼承權，不過佐野宗綱叔父 – 佐野房綱反對，並且聯合重臣山上道及支持納佐竹義重既兒子繼任，佐野家內訌，北條家正逐漸伸手進入下野國。

3月，宇都宮家臣 – 鹽谷義綱攻打那須家，雙方響薄葉原交手，雖然宇都宮軍人數係對方兩倍(2500人)，但係那須重臣 – 大關高增善戰，擊殺鹽谷重臣 – 山田辰業，並順勢攻陷山田城，山田氏一族被那須氏迫死，下野國北部暫告一段落。

至於南部方面，北條家除左介入佐野家繼承權外，又出兵攻打皆川廣照，由北條氏照率領既北關東精銳壓境，皆川廣照就死守支城太平山城，本來諗住借延綿既山路死守，點知北條氏照向山頭發射火矢，燒燬山上多座神社，迫皆川軍退守草倉山。雖然皆川軍初期憑背水一戰佔得先機，但響北條既消耗戰術下，一門眾臣幾乎戰死殆盡，皆川廣照抵抗百日後，向北條投降，上方既壬生義雄見北條勢強，亦望風歸降，隨著長尾顯長、壬生義雄歸順，佐野家失勢，北條家已經奪得下野國半壁江山。



下野國南部深藍色、皆川廣照、壬生義雄部份盡為北條旗下

石田佐吉三成 2017-6-12 22:40:23 京都快報：「1585年7月，羽柴秀吉獲前任關白 – 近衛前久收做養子，以藤原姓就任關白！8月，羽柴秀吉聯合毛利輝元，打敗四國既長宗我部元親，再討伐北陸既佐佐成政，對方削髮投降，四國、北陸都被秀吉征服了！然後到左10月，秀吉更向九州地區發布《惣無事令》，要求所有九州勢力停戰，但係島津家無意理會，睇黎巨猿要準備去九州浸溫泉了！」

1585年12月，北條聯合壬生、皆川聯手攻打宇都宮國綱，包圍首府宇都宮城，將城下既設施、古廟、神社付之一炬，此舉將宇都宮家嚇破膽，國綱認為此城平緩，難以抵禦北條侵略，毅然放棄城池，遷移到較險要既多氣山城。

話說，標題好似提過上杉家，但人呢？呢度就講返少少回憶， 1585年7月由於真田昌幸響德川、北條雙重壓迫下，就發揮「表裏比興」本色，派次子真田信繁做人質，投靠上杉家，本來用黎制御越後既上田城，反成為上杉既前線基地。德川家康怒不可遏，就響8月派兵攻打上田城。

當時上杉景勝應秀吉邀請，參與討伐佐佐成政，只抽出少數兵力幫手，點知真田昌幸設計引誘德川軍進攻，反過來用伏兵、水計擊敗德川軍，令真田家揚名天下。對真田昌幸黎講，呢場可以話係獨力戰勝，睇見羽柴秀吉日漸強盛，而上杉連新發田重家都搞唔店，就響寒冬將真田信繁送到大坂城，改向秀吉歸順，上杉景勝聞訊後大罵對方叛徒，但因為秀吉撐腰，只能無奈作罷。



第一次上田合戰 (詳情可參閱主線第一個POST)

不過上杉景勝亦非毫無建樹，11月上杉終於將越後重要港口 – 新潟、沼垂、蒲原等地復奪，截斷新發田重家既海上經濟，對方失去經濟後頃刻失墜，距離平定之路不遠矣。

到左1586年，上杉景勝認清現實，判斷羽柴秀吉有統一天下既氣勢，於6月親自上京勤見對方，路上得到石田三成、前田利家等人設宴款待，秀吉見貴客來訪亦喜出望外，上杉景勝安排養子 – 上杉義真為人質，並放棄部份上野、越中、信濃國領地，正式向羽柴秀吉稱臣。相對地，上杉亦得到秀吉支持，得到進取佐渡島、庄內地區既權利，以及全力討伐新發田重家，準備為越後長期既爭亂劃上句號。



北條勢力圖 (左上角沼田城仍為真田所有)

次回
新發田重家之亂落幕
拒訪秀吉 – 北條家致命危機

石田佐吉三成 2017-6-13 02:24:34 上黎推先，呢部分怕唔怕悶親各位

:^(

石田佐吉三成 2017-6-13 15:24:46

:^(

:^(

伊夫．聖羅蘭 2017-6-13 16:54:50 唔係關於家喻戶曉既大名歷史，真係有啲悶

:^(

:^(

:^(

石田佐吉三成 2017-6-13 17:03:05

唔係關於家喻戶曉既大名歷史，真係有啲悶

:^(

:^(

:^(

差約兩篇就到小田原城喇

:^(

預左架啦 2017-6-13 17:55:22 真田家撚狗

:^(