伊勢新九郎盛時 2017-3-18 18:27:43 不過諗諗下家康都六十歲打後先生左御三家個三件
六十歲生仔又好似冇咩問題
問題係六十歲先有第一個仔就好有問下

伊勢新九郎盛時 2017-3-18 18:28:58

不過諗諗下家康都六十歲打後先生左御三家個三件
六十歲生仔又好似冇咩問題
問題係六十歲先有第一個仔就好有問題下

石田佐吉三成 2017-3-18 18:48:33

不過諗諗下家康都六十歲打後先生左御三家個三件
六十歲生仔又好似冇咩問題
問題係六十歲先有第一個仔就好有問題下

咁又係，新聞都見過唔少70歲仲生到個仔
伊勢盛時早年幾乎冇記載，似乎都無從考究了，除非發掘到新消息

牛雜 2017-3-18 18:51:33 正

:^(

啱啱睇緊真田丸

Yoda大師 2017-3-18 19:08:43 留名

:^(

:^(

吾聞西 2017-3-19 00:28:44

我想問日本戰國史有無咩書推介

:^(

介唔仲意大陸式行文同殘體
唔介意既話我覺得有套書係夠深入淺出幾好做入門
不過書名要今晚揾下先

有得唔殘體當然最好

:^(

不過你講低邊幾本都無妨

:^(

伊勢新九郎盛時 2017-3-19 04:45:47

我想問日本戰國史有無咩書推介

:^(

介唔仲意大陸式行文同殘體
唔介意既話我覺得有套書係夠深入淺出幾好做入門
不過書名要今晚揾下先

有得唔殘體當然最好

:^(

不過你講低邊幾本都無妨

:^(

最好看的日本戰國史

類似明朝那些事兒咁既類型
如果想睇信長個堆應該係後三四本
不過呢套好在係成個武士歷史都有講
連鐮倉幕府同之前武士既源流都有講下講到江戶時代開始
咁成個戰國時代歷史既脈絡係會清楚好多

本公公 2017-3-19 04:52:38 點睇男子漢仙石權兵衛秀久

:^(

石田佐吉三成 2017-3-19 07:59:08

點睇男子漢仙石權兵衛秀久

:^(

戶次川之戰害死人個仔

:^(

石田佐吉三成 2017-3-19 08:06:55

早雲公竟然用火牛陣攻城

:^(

，我仲以為得中國獨有，估唔到係日本戰國出現。

不過有另一套講法，近年有人發掘到小田原一帶有海嘯侵犯相模灣既痕跡，時間約莫係明應地震時期（1495-1498左右），所以認為伊勢盛時趁明應大海嘯偷襲小田原城

本公公 2017-3-19 09:10:34

點睇男子漢仙石權兵衛秀久

:^(

戶次川之戰害死人個仔

:^(

但之後成功保住秀忠
有從龍之功

:^(

好啦我都知佢都係廢

:^(

不過戰國系列真係好好睇

實驗品十六號 2017-3-19 09:14:56 成個日本戰國時代,淨係鍾意武田信玄

:^(

原因係玩過一隻叫"武田信玄"o既game

:^(

如果川中島之戰唔打咁耐,或者信玄可以長命少少

:^(

男生圍她奶 2017-3-19 09:20:26 留名

石田佐吉三成 2017-3-19 09:39:47

成個日本戰國時代,淨係鍾意武田信玄

:^(

原因係玩過一隻叫"武田信玄"o既game

:^(

如果川中島之戰唔打咁耐,或者信玄可以長命少少

:^(

武田信玄縱慾過度，成日養病都諗住開房，久而久之舊病未除，新病又起，睇完史料我第一感覺係咁

:^(

堺雅人 2017-3-19 13:31:45 好多年一開始睇汪公紀本日本史話，好易入口，講故事講得幾好，又有晒咁多時期既歷史

石田佐吉三成 2017-3-19 14:05:47

好多年一開始睇汪公紀本日本史話，好易入口，講故事講得幾好，又有晒咁多時期既歷史

我當年因為茂呂美耶本《曖昧的日本人》開始認識日本，再因為戰國無雙開始睇通史，大學都上過堂，但當時著重講源平

:^(

連登仔 2017-3-19 14:06:34 lm

毛利元就 2017-3-19 14:08:06 留名

:^(

高倉萌香 2017-3-20 13:45:37 此回覆已被刪除

石田佐吉三成 2017-3-20 22:49:02 三河國本來係一色家既領國，但1440年守護一色義貫被細川家暗殺，把持管領大權既細川家安排家屬接管，後來三河發生一揆騷亂，京都伊勢家家臣 - 松平家被派到現場平亂，事後獲賜封三河國岩津城。

「應仁之亂」期間，前守護一色家想趁亂復權，被家督松平信光擊敗，信光與東三河豪族 - 戶田家聯姻，攻陷重鎮安祥城，以岡崎城、安祥城為基礎盤踞西三河地區，並將所有兒子分封到西三河各地，以控制當地勢力，呢個係三河松平家既起源。

1501年，今川氏親擊破遠江守護 - 斯波義達，掌控遠江國全境，隨後繼續擴張，勢力遍及東三河地區。西三河松平氏死不退讓，今川家於是繼續挺進，伊勢盛時以客將身份參戰。眼見大軍壓境，但松平家卻分散各地，無法團結作戰，呢個時候安祥松平家家督、時年29歲既松平長親自動請纓，與今川軍打野戰！譜代家族包括酒井、本多、大久保等主動出擊，松平軍以破釜沉舟既氣勢，先擊破東三河部隊，再趁勢擊破伊勢盛時，今川軍經今橋城一帶撤退，安祥松平家亦在家中聲名大噪。


今川、松平既抗爭持續三年，最終今川家無功而還，於是伊勢、今川兩家將矛頭轉向關東，1504年山內家、古河足利家聯手，圍攻扇谷家河越城，今川氏親、伊勢盛時再度攜手出擊。由於河越城難破，所以山內顯定在9月轉戰武藏國南部，計劃先取江戶城，前後夾擊扇谷軍。



松平信光



今川軍三河進攻, 一說年份係1506年左右

9月21日，伊勢盛時、今川氏親抵達武藏國，與扇谷家督 - 扇谷朝良匯合，於9月27日橫渡多摩川，到立河原與山內、古河足利聯軍對峙，兩軍與中午爆發衝突，山內顯定面對今川、伊勢家既強力部隊，當日黃昏慘敗，共二千士兵死傷，山內顯定撤退到鉢形城死守。本來扇谷、今川、伊勢家想趁機追擊，但呢個時候，與山內家關係密切既越後上杉家派兵救援，帶頭既係權臣 - 長尾能景，今川、伊勢認為久戰無益，於是從鎌倉撤退。

趁住兩個強敵撤退，長尾能景、山內顯定立即把握機會，趁著初冬來臨時偷襲河越城，並佔領武藏國沿海城市，扇谷朝良自知無力回天，於是在1505年3月向山內家投降，被山內顯定軟禁，改立其外甥上杉朝興為扇谷家督，自此扇谷家被山內家徹底收服，「長享之亂」就此結束。對伊勢盛時黎講，關東既勢力全部都係敵人了。1506年，伊勢盛時對小田原城一帶既土地「檢地」，測量當地既經濟收入、動員能力，將分散既收入來源集中到大名身上，成為首個對領國檢地既戰國勢力



長享之亂後, 關東勢力圖

呢個時候，我地轉去睇越後國局勢，關於越後上杉家，其實佢地係山內家既分支，到左上杉房能時代，已經由越後守護代理 - 長尾能景把持大權。1506年，北陸越中、加賀兩國爆發由本願寺光頭黨組織既一揆，當時能登半島既畠山家內戰，守護代神保、遊佐、椎名氏聯手抵抗，但係光頭黨都係痴線既，畠山家完全唔係對手，只好請越後上杉家幫手。

8月，加賀國一揆被越前戰神 - 朝倉宗滴在九頭龍川擊潰 (詳情參閱戰國點將錄 - 朝倉宗滴)，畠山家亦停止內鬨抗敵。9月長尾能景抵達越中國，與神保慶宗會合，18日於般若野大戰光頭黨，然而神保慶宗與一揆私通，臨陣逃脫，上杉房能既後軍拒絕救援，孤軍作戰既長尾能景戰死沙場，上杉房能重奪大權，不過既然我另開篇幅說明，你認為真係就此結束？

石田佐吉三成 2017-3-20 22:50:14 1507年8月，長尾能景之子 - 長尾為景不滿上杉房能令父親孤立而死，而對方為收復權力，決定趁能景新亡、為景年輕，密謀討滅長尾家。然而長尾為景率先收到消息，表示：「你不仁，我不義，先拔刀既就係話事人！」

長尾為景先發制人，襲擊上杉房能居所，房能計劃投靠山內家，但係一切盡在長尾為景計算之中，所有前往上野既道路都被封鎖，走投無路既房能自殺身亡。事後，長尾為景立房能之子 - 上杉定實做傀儡，延續父親地位，把持越後上杉家大權，並與關東伊勢家結盟，共同牽制山內家。



長尾為景 概念圖 (信長之野望)

而家轉到甲斐國，1507年2月，家督武田信繩病逝，由年僅14歲既武田信直繼承家督，本來武田信繩、油川信惠響1498年明應地震後，停戰並攜手重建家園，點知信昌、信繩一同死亡，油川信惠見信直年幼，欠缺統率力，決定取而代之。於是在1508年與弟弟岩手繩美、土豪小山田信隆、栗原昌種在勝山城舉兵，端著一副長輩既架子表示：「信直，你年紀尚輕，甲斐你管唔店喇，等阿叔幫你接管，順便黎教你做人道理呀！」

「你地呢班『親戚』，我最討厭只會空談既老屎忽！」被人睇死，武田信直亦不甘示弱， 10月從甲斐國東部出擊，夜襲勝山城，「猛虎出柙，大利東方」，初生猛虎 - 武田信直以迅雷不及掩耳既速度，將油川信惠、岩山繩美、栗原昌種全部殺死。兩個月後，小山田信隆攻打信虎，結果在南邊既坊峰被信直夜襲殺死。上任僅兩年，武田信虎就將持續十幾年既宗家內亂平定，統一甲斐武田宗家。此時，甲斐國正呈多個土豪割據既局面，包括穴山、小山田、大井、今井等，雄心壯志既猛虎計劃重拾武田氏既榮耀，向統一甲斐之路邁進。



武田信虎統一甲斐 大約路線及位置

呢個時候，京都傳來號外：
「1507年(永正4年)6月，室町管領細川政元，被養子細川澄之派香西元長、藥師寺長忠暗殺身亡，並襲擊細川澄元！澄元逃亡到近江地區，聯合國人反殺細川澄之！另一個後輩細川高國趁亂出動，與澄元一派爭權，西國勢力 - 大內義興上京，推舉足利義視之子 - 足利義稙做將軍，前將軍足利義澄、管領細川澄元被放逐到近江。然而，細川澄元仍尋求機會反擊，京都又陷入戰亂之中了....」


永正錯亂關係圖

次回

第一章最終回 - 「永正之亂」
長尾家控制越後
山內家內亂
古河公方分裂
伊勢盛時平定相模國

伊夫．聖羅蘭 2017-3-21 01:25:28 巴打，我想問點解可以有咁多一揆，老是常出現咁，D人唔使耕田返工咩？

石田佐吉三成 2017-3-21 02:12:14

巴打，我想問點解可以有咁多一揆，老是常出現咁，D人唔使耕田返工咩？

1. 列國打仗, 失去土地, 班農民想自成一個理想鄉
2. 宗教帶動, 例如本願寺光頭黨
3. 因大名政策高壓, 地方國人、土豪權益受損, 就聯合起來反抗大名

其實我諗一樣野, 如果香港人真係武勇反抗, 建立「香港國」, 呢個「國家」響大陸人眼中, 會否都係一揆呢?

石田佐吉三成 2017-3-21 12:15:28 今次有一張圖係自己加料既，希望冇搞錯位置

:^(

遊日無料案內所 2017-3-21 13:57:27

巴打，我想問點解可以有咁多一揆，老是常出現咁，D人唔使耕田返工咩？

1. 列國打仗, 失去土地, 班農民想自成一個理想鄉
2. 宗教帶動, 例如本願寺光頭黨
3. 因大名政策高壓, 地方國人、土豪權益受損, 就聯合起來反抗大名

其實我諗一樣野, 如果香港人真係武勇反抗, 建立「香港國」, 呢個「國家」響大陸人眼中, 會否都係一揆呢?

可以下剋上

:^(

然後獨立自治

:^(