理大Survey男神 2017-3-15 23:12:04 此回覆已被刪除

石田三成 2017-3-15 23:40:47 留名

:^(

新界牛仔 2017-3-16 07:35:41 留名跟進

高貝利 2017-3-16 07:48:50 新帖留名

遊日無料案內所 2017-3-16 10:04:11

順便同大家講聲時，今次關東英傑傳可能更新得冇之前咁快
通常星期六、日唔會有更新，因為最近生活事務多左
但我得閒時，會準備定之後既稿件，而家大綱都諗好曬了

:^(

多謝各位戰國愛好者支持

:^(

:^(

辛苦晒啦 治部少輔大人
日理萬機都仲可以出到文

:^(

:^(

太閣殿下就交俾你啦

真田杏子 2017-3-16 13:04:04 留名一身蟻

預左架啦 2017-3-16 18:13:35 戰國 漫畫撚留名

石田佐吉三成 2017-3-16 21:55:57 1478年1月，雖然古河足利家曾趁火打劫，但足利氏長今次內亂，正係終結與幕府長年作戰既機會，於是派人接觸山內上杉家，但係被太田道灌擊敗既豐島氏百般阻撓，再次舉兵，人類總要犯上同樣既錯誤，太田道灌於4月再次攻破豐島氏本據 - 小機城，昔日既鐮倉名門從此在歷史舞台上消失。

到左7月，上杉家收復被長尾景春攻陷既據點，更將本據鉢形城攻陷，長尾景春逃到日野城一帶，古河足利家再度與上杉家和談，不過古河足利旗下既千葉孝胤聯合長尾景春反對，所以太田道灌12月再次出擊，與千葉自胤進攻臼井城，並於境根原大勝千葉孝胤。1479年1月，千葉孝胤眼見彈盡糧絕，冒死向上杉軍突擊，太田道灌外甥 - 太田資忠戰死、千葉自胤受傷撤退，而千葉孝胤就趁勢逃亡到房總半島，自此下落不明。

同一時間，身在駿河既伊勢盛時受將軍足利義尚邀請，返去京都擔任「申次眾」，與之前引見人既工作相似，但多左處理將軍府雜務既工作，算係升官發財，而呢段時間我地只能同主角暫別，繼續留意關東局勢。

1480年，長尾景春兵敗到武藏國日野城，太田道灌決定斬草除根，6月攻破城池後，長尾景春響足利成氏既幫忙下，逃離到古河地區隱居，長尾景春之亂終於結束，由於山內上杉家處理失當，反而由扇谷上杉家解決難題，所以令呢個分家聲望大增，甚至開始壓過山內本家，為將來更嚴重既問題埋下禍根。



長尾景春之亂、太田道灌戰績

既然內憂解除，古河足利家既和議又可以繼續，足利成氏憑住「協助平亂」呢個人情，終於在1483年達成和議，被幕府正式赦免，結束古河足利家與幕府二十幾年既對立，而堀越公方就只剩低伊豆半島管治。

太田道灌響呢次平亂中立功最大，響扇谷上杉家中聲名大噪，甚至活躍於家中軍政，但係歷史經常告訴我地：「功高蓋主冇好下場。」扇谷上杉家當主 - 上杉定正過份忌憚太田道灌既名氣，而對方亦不滿被主公冷落，雙方響關係不和之下持續三年，直到1486年太田道灌慘被暗殺身亡，一代名將就咁樣被鳥盡弓藏，落寞而終。

1487年（長享元年），駿河既今川龍王丸終於夠15歲元服了，但係當初答應氏親成人就退位既代理 - 小鹿範滿卻死不退位，甚至動員人馬百般阻撓，龍王丸只好與母親上京，向伊勢盛時尋求協助。

「既然小鹿範滿不守承諾，就休怪我無情了。」於是伊勢盛時重臨駿河，在11月集合兵力突襲駿府城，將小鹿範滿誅殺，龍王丸終於正式就任，改名今川氏親，為左答謝伊勢盛時幫忙，今川氏親就問佢想要什麼地方。

「就要鄰接伊豆既興國寺城啦。」伊勢盛時其實早有盤算，因為一可作為今川家在東邊既屏障，二可監視關東局勢，等待時機出擊。當伊勢盛時抵達興國寺城時，首先係整頓當地內政，主力治水開墾、親身處理大小案件，得閒出黎造勢，呢一年伊勢盛時亦老來得子，呢位幸運星就係將來既北條氏綱了。



興國寺城，就位於伊豆半島旁邊

此時，關東冒起新一輪風雨，話說太田道灌死後，扇谷上杉家聲勢急挫，甚至過繼到三浦家既兄長 - 三浦高救都謀奪家督位置，眼見意氣風發既扇谷家分裂，山內家當然想重整旗鼓，由上杉顯定、上杉實昌襲擊扇谷家在下野國既領地，大喊：「關東只有一個上杉家！」

自此，關東上杉家決裂，由於兩邊都姓上杉，我將會以「山內家」、「扇谷家」分類，所有姓上杉既都會用其家系姓氏，如「山內顯定」、「扇谷定正」，呢場內戰發生在長享年間，所以又稱為「長享之亂」。

1488年6月，山內顯定因為兄長 - 定昌之死，指責扇谷家謀殺親人，憤而進攻扇谷家重鎮 - 河越城，古河足利家選擇支持扇谷家，昔日叛亂既長尾景春重出江湖，由於強大既第三勢力支持，扇谷家開始佔優，甚至響鷹野原三場大戰中擊敗山內家。然而，由於扇谷定正昔日誅殺太田道灌，惹得民怨沸騰，所以開始背叛扇谷家，山內家亦因為越後上杉家幫忙，穩守在上野既領地，此消彼長下維持平衡。

關東管領內戰，幾乎整個關東勢力都選擇立場，包括堀越、古河兩位足利家，前者支持山內家，後者支持扇谷家，原來既家族內戰亦演變成關東大混戰，主要勢力如下：

山內派：山內顯定、越後上杉家、堀越公方、三浦高救、太田家遺民
扇谷派：扇谷定正、古河足利家

1491年關東終於出現新變化，堀越公方 - 足利政知病逝，政知既長子茶茶丸因為品行不良，被政知軟禁多時，然後授意次子 - 潤童子繼位，但茶茶丸在7月逃獄並潛入堀越御所，將潤童子及其母親殺死，竊取公方之位，並開始殘殺敵對派閥，本來遠離戰火、相安無事既伊豆半島陷入混亂之中。

關東大亂、堀越公方失墜，一直觀察既伊勢盛時知道機會將至，開始謀劃奪取伊豆半島既計劃，而家萬事俱備，只欠東風。耐心等待兩年，終於爭取到機會了...


次回

明應政變 - 戰國時代真正序幕
伊豆入侵 - 「國盜」伊勢盛時
老謀深算 - 謀奪小田原城

Panzer_IV 2017-3-17 09:36:17 留名追新post

:^(

石田佐吉三成 2017-3-17 17:59:55 似乎大家對初期都不太熟悉，我當初都好易搞亂

:^(

Hog_Rider 2017-3-17 19:09:43

似乎大家對初期都不太熟悉，我當初都好易搞亂

:^(

本來個姓老是常出現都算
衰在連個名都差唔多

:^(

要好比心機睇先唔會搞亂

石田佐吉三成 2017-3-17 21:23:46 響伊勢盛時出擊前，我地先講下周邊及京都局勢，1492年甲斐武田氏家督 - 武田信昌隱居，由武田信繩繼位，但係受父親寵信既油川信惠不服，響甲斐西北部地區開始起事，呢個時期甲斐土豪割據，武田未算完全控制領國，兄弟鬩牆更令問題加劇，各自搵靠山幫忙，信繩派接近山內上杉家，而信惠派接近今川家。

話說應仁之亂已經結束多年，最終由足利義尚成功就任，細川家依然掌握近畿大權，然而義尚對六角家作戰失利，沉溺酒色下在1489年英年早逝。呢一個將軍血脈突然斷絕，幕府當然心慌，此時足利義視之子 - 足利義材剛好上京，被幕後掌權人 - 日野富子推舉為將軍，然而義材老豆，在應仁之亂時被西軍推舉做將軍，響呢個背景下，細川家當然與其對立。

1493年(明應二年)4月，足利義材打算討伐河內畠山家，細川家督 - 細川政元反對出兵，並且籠絡日野富子、赤松政則等出手，襲擊將軍府，將足利義材軟禁，並殺死其弟，改立堀越公方家族既足利義澄就任。呢次「明應政變」係室町後期首次出現將軍家被下克上既事件，細川家既拔扈令地方有感中央衰落，掀起「下克上」既潮流，各自割據起事、爭奪領地，所以近代歷史學家認為比起應仁之亂，呢個明應政變先係戰國時代既序幕。



明應政變關係圖

返到黎關東，一時休戰既扇谷、山內家再度對峙，堀越公方足利茶茶丸派兵北上，支援山內家，大軍出擊、伊豆半島空虛，一直食花生睇戲既伊勢盛時梗係唔放過機會啦！剛好足利義澄派人黎，命令討伐堀越公方，簡直出師有名！

不過，興國寺城僅能動員二百人，於是伊勢盛時向今川氏親借兵，表示將來會歇力幫助今川家，氏親與伊勢家關係好，就借兵三百當賣個順水人情。伊勢盛時準備十艘大船，向士兵訓話：「今日，我地就要奪取伊豆半島，若然成功，我地就可以建立自己既國度！各位弟兄，你地願意將生命交俾我嗎？」

「盛時公仁義治境，又點會拒絕呢？！我地願為盛時公建立國度！」
「係呀！上面班名門一直內哄，漠視關東百姓，我地早就忍耐唔住了！」

「多謝你地，我宣佈伊豆奪取作戰，正式開始！」伊勢盛時率領船隊，從伊豆半島西部登岸，突襲堀越御所，將足利茶茶丸趕到伊豆東北部，伊勢盛時以迅雷不及掩耳既速度，僅用一個月左右就攻陷大半領地，並以北部韮山城作為據點。



伊豆入侵路線

但係，作為外來人，又突然竊奪國境，伊勢盛時當然要收買人心，就宣佈推行「四公六民制」，只收當地人40%既糧食稅收，已經係呢個時代最低既稅率，另外禁止士兵搶掠、重修設施等等，先解決堀越公方近年既惡政。通說伊勢盛時在此奪取伊豆全境，但實際上仍有效忠堀越公方既土豪持續抗戰，以南部既關戶氏最為棘手，關戶氏死守堅城 - 深根城，令伊勢盛時需要時間繼續平定。同時，初到關東既伊勢家為擴張勢力，開始介入上杉家內亂，選擇支持扇谷家，多次向對方申請到相模國進軍，但係扇谷家重臣、小田原城主大森氏賴一直防範，堅拒伊勢家出入小田原城。



伊豆入侵後 關東勢力分佈

石田佐吉三成 2017-3-17 21:23:59 1494年，今川氏親進攻遠江，與遠江守護 - 斯波義寬交手，身為客將既伊勢盛時都有幫忙，最終今川家奪取遠江國中部。8月至9月，扇谷重臣大森氏賴、三浦時高相繼逝世，呢班重臣一死，家督扇谷定正只能寄望伊勢盛時幫忙，10月邀請伊勢家攻打山內家重鎮 - 鉢形城，點知扇谷定正橫渡荒川時，竟然連人帶甲落水，當場淹死，三百前歐洲神聖羅馬帝國皇帝 - 紅鬍子巴巴羅薩都係響東征時落水淹死。真係天意弄人，扇谷家頓失三個支柱，就連支持扇谷既古河足利家，亦做騎牆派支持山內家，關東形勢一氣逆轉。


《北條記》記載，伊勢盛時趁大森氏賴病逝，親近其子大森藤賴，閒時送下禮、傾下計、分享京都見聞，一輪蛇齋餅糉後大森藤賴真係信對方係良師益友，完全鬆懈起來。到左1495年9月，伊勢盛時認為時機成熟，就向對方表示到小田原城附近既箱根山狩獵，大森藤賴仲天真過天真嬌，竟然許可對方入境。

「計劃通。」伊勢盛時把握機會，安排士兵喬裝成打獵部隊，潛入到小田原城周邊街道，主力部隊趁夜接近，到左某個晚上，小田原城周邊火光衝天、叫喊聲不斷，大森藤賴響睡夢中驚醒，城下多隻火牛到處衝撞，仿如數萬大軍壓境，伊勢家軍旗在城內飄揚，大森藤賴終於如夢初醒！但一切為時已晚，伊勢軍殺入小田原城，大森藤賴倉皇逃跑，伊勢盛時計賺關東堅城 - 小田原城，從此將勢力伸入相模國。



北條早雲像，可以見到火牛在其身邊

有關伊勢家奪取小田原城既事件，另有史料指出當時大森氏私通山內家，伊勢盛時先進攻對方，不過肯定既係小田原城事件，是發生在1495-1496左右既事件。計賺堅城後，伊勢盛時仍選擇以韭山城為根據地。另一方面，伊勢家聽聞甲斐武田家庇護足利茶茶丸，於是派兵攻擊，但只係與當地土豪 - 小山田家作零星衝突，隨後伊勢盛時積極平定伊豆半島。

1498年，伊勢盛時率領二千人攻打深根城，土豪關戶吉信以500人死守，伊勢軍火燒周邊村落，然後用地道戰攻入城內，關戶吉信一門全部戰死，城內既男人都被清剿，甚至將僧侶、女人、小孩斬首示眾，呢場屠殺令伊豆半島反抗式微，伊勢盛時終於統一伊豆半島。同年，足利茶茶丸在甲斐被伊勢盛時捕捉，切腹自殺，僅存兩代既堀越公方滅亡。

隨後，關東長享之亂終於分出勝負，我地留待下回再解。



伊豆國人勢力圖 黑底為盟友、白底為敵對勢力

次回

東三河遠征 - 松平家奮迅
立河原之戰 - 長享之亂結束
越後國政變 - 奸雄長尾為景
武田家統一 - 猛虎武田信直

石田佐吉三成 2017-3-17 21:25:04 星期六、日休息

:^(

:^(

:^(

石田佐吉三成 2017-3-17 21:29:47

似乎大家對初期都不太熟悉，我當初都好易搞亂

:^(

本來個姓老是常出現都算
衰在連個名都差唔多

:^(

要好比心機睇先唔會搞亂

其實我當初睇都係咁
亦證明左室町都係因為家族不斷爭權內訌，先導致戰國亂象
其實同我地睇有錢人爭家產一樣，佢地爭得精彩，我地花生食得精彩
一唔小心，鬥得厲害，動搖根基，花生友、第三勢力就收得開心

廿八左大媽 2017-3-17 21:39:09 此回覆已被刪除

聞西西 2017-3-17 22:09:54 我想問日本戰國史有無咩書推介

:^(

石田佐吉三成 2017-3-17 22:45:05

我想問日本戰國史有無咩書推介

:^(

新手可以先睇簡略、通史，認識左大環境先
然後對某些人物、地區有興趣，就拎返本人物傳記睇

我唔係好識推介咩書，但手上既書如下：
1. 《戰國武器甲胄事典》，由昭和年代歷史學家 - 中西豪、大山格所著，簡介當時既武器、盔甲、戰法等等。

2. 小說 - 新田次郎《武田信玄》、《織田信長 - 菊與刀》、火坂雅志《天地人》、山岡莊八《德川家康》

3. 網站推介

(日、古文)有朝倉始末記、信長公記節錄、德川實紀等資料
http://yoshiok26.p1.bindsite.jp/bunken/index.html

(中文) 日本史研究札記 - 安藝毛利家前期、戰國文化、民間歷史
http://nihonshi.blogspot.com/

(中)風林火山文部省 - 有各種戰役資訊, 但有些史料可能引用不對
http://wtfm.exblog.jp/i120/

4. 歷史文獻, 可以上網搵, 如果識睇日文, 想深入研究, 我會建議睇
(A) 太田牛一《信長公記》, 被稱為最具公信力既史料之一
(B)《佛洛伊斯日本史》, 由傳教士所寫, 詳細描寫信長、秀吉時代既歷史, 但可能有些細節會有出入
(C) 《朝倉始末記》, 將越前朝倉家經歷詳寫, 由越前戰神 - 朝倉宗滴, 到朝倉滅亡後既越前一揆都有詳寫
(D) 《德川實紀》, 已經係記載德川事跡中, 較為客觀既一本
(E)《兼見卿記》、《多聞院日記》: 介紹織豐時代近畿事跡

歡迎各位巴打有更多推介

:^(

吾是痴線佬 2017-3-17 23:15:38

1494年，今川氏親進攻遠江，與遠江守護 - 斯波義寬交手，身為客將既伊勢盛時都有幫忙，最終今川家奪取遠江國中部。8月至9月，扇谷重臣大森氏賴、三浦時高相繼逝世，呢班重臣一死，家督扇谷定正只能寄望伊勢盛時幫忙，10月邀請伊勢家攻打山內家重鎮 - 鉢形城，點知扇谷定正橫渡荒川時，竟然連人帶甲落水，當場淹死，三百前歐洲神聖羅馬帝國皇帝 - 紅鬍子巴巴羅薩都係響東征時落水淹死。真係天意弄人，扇谷家頓失三個支柱，就連支持扇谷既古河足利家，亦做騎牆派支持山內家，關東形勢一氣逆轉。


《北條記》記載，伊勢盛時趁大森氏賴病逝，親近其子大森藤賴，閒時送下禮、傾下計、分享京都見聞，一輪蛇齋餅糉後大森藤賴真係信對方係良師益友，完全鬆懈起來。到左1495年9月，伊勢盛時認為時機成熟，就向對方表示到小田原城附近既箱根山狩獵，大森藤賴仲天真過天真嬌，竟然許可對方入境。

「計劃通。」伊勢盛時把握機會，安排士兵喬裝成打獵部隊，潛入到小田原城周邊街道，主力部隊趁夜接近，到左某個晚上，小田原城周邊火光衝天、叫喊聲不斷，大森藤賴響睡夢中驚醒，城下多隻火牛到處衝撞，仿如數萬大軍壓境，伊勢家軍旗在城內飄揚，大森藤賴終於如夢初醒！但一切為時已晚，伊勢軍殺入小田原城，大森藤賴倉皇逃跑，伊勢盛時計賺關東堅城 - 小田原城，從此將勢力伸入相模國。

:^(

北條早雲像，可以見到火牛在其身邊

有關伊勢家奪取小田原城既事件，另有史料指出當時大森氏私通山內家，伊勢盛時先進攻對方，不過肯定既係小田原城事件，是發生在1495-1496左右既事件。計賺堅城後，伊勢盛時仍選擇以韭山城為根據地。另一方面，伊勢家聽聞甲斐武田家庇護足利茶茶丸，於是派兵攻擊，但只係與當地土豪 - 小山田家作零星衝突，隨後伊勢盛時積極平定伊豆半島。

1498年，伊勢盛時率領二千人攻打深根城，土豪關戶吉信以500人死守，伊勢軍火燒周邊村落，然後用地道戰攻入城內，關戶吉信一門全部戰死，城內既男人都被清剿，甚至將僧侶、女人、小孩斬首示眾，呢場屠殺令伊豆半島反抗式微，伊勢盛時終於統一伊豆半島。同年，足利茶茶丸在甲斐被伊勢盛時捕捉，切腹自殺，僅存兩代既堀越公方滅亡。

隨後，關東長享之亂終於分出勝負，我地留待下回再解。

:^(

伊豆國人勢力圖 黑底為盟友、白底為敵對勢力

次回

東三河遠征 - 松平家奮迅
立河原之戰 - 長享之亂結束
越後國政變 - 奸雄長尾為景
武田家統一 - 猛虎武田信直

堅城都係得500人，仲要唔知幾多係民兵/百姓

唔怪得樓主之前提到有人話係村長大戰

:^(

石田佐吉三成 2017-3-18 00:36:58

唔怪得樓主之前提到有人話係村長大戰

:^(

未有兵農分離前，戰國動員力去到二三萬已經叫多。另外雖然城池林立，但真係去到天守級數既真係好少

呢堆都可以叫城

石田佐吉三成 2017-3-18 09:40:14

戰國之前既歷史真係第一次接觸

:^(

寫得好好，多謝巴打

:^(

多謝

:^(

我都係希望大家認識更多

:^(

伊勢新九郎盛時 2017-3-18 10:11:43

我想問日本戰國史有無咩書推介

:^(

介唔仲意大陸式行文同殘體
唔介意既話我覺得有套書係夠深入淺出幾好做入門
不過書名要今晚揾下先

石田佐吉三成 2017-3-18 18:14:08

我想問日本戰國史有無咩書推介

:^(

介唔仲意大陸式行文同殘體
唔介意既話我覺得有套書係夠深入淺出幾好做入門
不過書名要今晚揾下先

Btw，早雲巴打你點睇自己既出世年份？ 我見到有兩派講返，起碼相差二十年左右

伊勢新九郎盛時 2017-3-18 18:25:06

我想問日本戰國史有無咩書推介

:^(

介唔仲意大陸式行文同殘體
唔介意既話我覺得有套書係夠深入淺出幾好做入門
不過書名要今晚揾下先

Btw，早雲巴打你點睇自己既出世年份？ 我見到有兩派講返，起碼相差二十年左右

呢樣又真係冇認真考證過佢地點得出黎
但如果按早D個個1432年
啫係佢五十五定五十六生北條氏綱
六十歲打後仲生得出北條幻庵
咁佢都算精力過人

伊夫．聖羅蘭 2017-3-18 18:25:24 早雲公竟然用火牛陣攻城

:^(

，我仲以為得中國獨有，估唔到係日本戰國出現。