政治影響音樂;音樂影響政治(?)

https://www.youtube.com/watch?v=fE0RbPsC9uE

雪花頭皮:有冇好慘既著作介紹下？

:^(

:^(

:^(

nnya:咩叫好慘既著作？

布拉姆斯:我估係指聽落去悲傷嘅曲目？你問我嘅一定會包括Brahms Symphony 4, Schubert Symphony 8, Rachmaninov Symphony 1 同 Chopin Piano Sonata 2 Tchaikovsky Symphony 6

SHREK:師兄 知你鍾意brahms 我都係
但no4 與其係悲傷 不如話 憤怒 狂燥 反抗 不憤
唔係悲傷個回事....其實上年8級鋼琴試首 intermezzo no7 op 76 就真係悲傷啦 個種不能說出來的愛情 日有所恩 夜有所夢 但永遠唔可以一齊 個種就真係慘

布拉姆斯:音樂聽感人人唔同，我覺得冇謂爭拗誰是誰非，我亦會尊重師兄嘅睇法。我個人認為Brahms symphony no. 4 係揉合咗布拉姆斯複雜嘅情緒，係對自己生命嘅反思。所謂嘅「悲傷」可以有好多個層次，從單純係愛情路上嘅不得意到反思人類嘅死亡同黑暗，而且好多時不安、悲傷、憤怒嘅情緒唔係咁易單獨抽離嘅。

SHREK:當然 你指首歌係會有悲傷嘅成份係裏邊 但主題同傳達俾觀眾嘅情感 以至去到作曲家寫嘅原意 都唔係悲傷 而係另外一種既情感同態度 我明白師兄個種以作曲家生平入題去理解首歌 咁樣做的確可能會視no4為佢一生既其中一種總結 但no4唔同嘅係 如其話係悲傷一種消極被動同妥協 更正確既係一種完全相反既負面情感
要細分不同情感係欣賞浪漫時期歌曲最基本既要求
尤其依一首的情感相當明顯及特出
雖然我認為依個po無咩人會睇 但如果強行將依首歸去悲傷 未接觸過古典音樂的人會好困惑而放棄更深入了解 唔好唔記得浪漫時期核心價值係音樂對個人情感嘅解放
可能我語氣重左少少 但對於推薦po還是更加認真對待為好
我真係好鍾意brahms

:^(

:^(

布拉姆斯:師兄唔好誤會，我唔係想強行歸類依首去悲傷。我想講嘅係依首想表達嘅所謂「悲傷」，甚至嚴重啲「悲劇性」，唔係好似部份曲目好直接咁展現出黎，所以樓主先會將依首歸類為「大辣」。我自己都唔係好鼓勵未接觸過古典音樂嘅人將依首作為入門曲目。睇番The Guardian 嘅Symphony Guide: Brahms’s Fourth, 作者都有提到“... [Brahms’s] first and third symphonies resound with ‘hope’, directly and positively... With its negative ending, the Fourth Symphony denies this hope; it is the composed revocation of it.” 同 “... this ferocity and concentration of expression is achieved not through a heightened emotional rhetoric, but through a relentless focus on supposedly “abstract” musical details.”可唔可以問一問師兄你提到「但主題同傳達俾觀眾嘅情感 以至去到作曲家寫嘅原意 都唔係悲傷 」嘅出處？我自己都係便聽便搵文獻參考。無意挑起罵戰，多啲人討論同熱愛古典音樂絕對百利而無一害。

:^(

SHREK:悲劇性 同悲傷係完全唔同嘅概念
悲劇既最終目的並唔係抒發悲傷既情感 而係悲壯 憤慨 同不忿 主角的死很或遭遇很多時並不是單純引出基於同情 和 憐憫。更多的可惜及不甘於被命運所束縛的壯烈情感。
係用文獻之前 請再留心聽多一次 單純直感 無論旋律 節奏 定係唔同樂團指揮嘅演出都無強調過"悲傷" 這個主題。而且全首 第一 第四樂章甚至用allergo 。試問一個遵循古典主義的brahms又怎會用快板來去表達悲傷呢
再者 你引述"denied hope "是悲傷嗎? 活在beethoven影子底下既brahms在這時是會感到悲傷嗎 難道不是憤怒嗎
Bernstein 有講解過依首 而且幾詳盡下
https://youtu.be/RM2ndQGbUBQ
試問一首悲傷樂曲會這樣以怒火 同對上天既憤怒作完結嗎
依度離下題 其實日本人對古典研究非常深入 所以日文source比英文易搵好多 而且深入好多 浄係wiki日文版已經比英文版詳盡好多 而且對典故探究更加另一佩服
https://www.nhkso.or.jp/library/sampleclip/music_box.php?id=76&iframe=true&width=840


http://www.shinkyo.com/concert/p211-3.html

仲有好多好多 但通常都係以 "苦惱" "憂愁" "激烈的" 去形容
其實師兄可以問下其他人會唔會都係一樣嘅諗法
其他曲目可能有不同嘅見解 但唯獨這一首要用悲傷概括就有點說不過去

布拉姆斯:師兄，多謝你詳細嘅回覆。當時我回應想要古典樂曲推薦果位師兄純粹從聽感出發，別無其他。睇完你嘅留言，我會話悲傷係Brahms no4 其中一個元素，當中亦蘊含咗其他嘅情感，包括你所講憤怒、不安、激情等等。我無意以悲傷概括，純粹係聽完其中一個感覺。

回應番你嘅留言，相當部分人指出依首交響曲係 “melancholy” 嘅，即係「令人悲傷的」。而Brahms 用allegro 嘅原因我相信係遵從番傳統奏鳴曲四樂章各自嘅速度？好多用上Allegro 速度嘅歌都有悲傷嘅元素，正如Chopin piano sonata 2 以送葬進行曲為中心去探討死亡，第四樂章甚至用上Presto 去描繪風係墳墓吹起悲涼而孤獨嘅畫面。我諗冇一首快或者慢歌可以淨係表達悲傷而唔表達其他情緒，因為佢地係一環扣一環。

Brahms 寫symphony no.1果時的確好有貝多芬嘅影子，而九年後完成嘅symphony no.4 屬中晚期作品，我相信已經成熟到可以走出貝多芬嘅影子，從第四樂章用巴洛克時期舞曲元素已經可以見到。所以我唔清楚到底1885年嘅佢係咪依然對「活係貝多芬嘅影子下」感到憤怒。

點都好，多謝師兄嘅資訊，我獲益良多。

附我既私人piano歌list