「大佬孝」邵仲衡昨晚收工，路經中環，並往探訪老友吳啟明做顧問的新餐廳，看到餐廳的落地玻璃門店上彩色memo紙，變成搶眼的「連儂門」，邵仲衡都被吸引停下腳步，逐一細看memo紙上的打氣留言，邵仲衡還拿了memo紙寫下「HKER 一個不能少」，還親手貼在「連儂門」上。邵仲衡其後隨吳啟明進入店內參觀，店中當眼位置更有大版寫上「Free Water Refill和iPhone叉電，We are Hong Kong，香港加油。」邵仲衡撐8.5罷工，他今日回覆《蘋果》時說：「夏日炎炎正好去海灘，游吓水，舒展吓。」
吳啟明的餐廳主要分午市及晚市，表示因市民可如常返工，午市的營業額暫時未見下跌，晚市卻是另一世界，他說：「我間餐廳最賺錢係Fine Dining（廚師預約），即係由我發辦食各地高品質菜式，收費由650元到2,000元不等，但近呢兩個月個時勢問題，個個都冇心情出嚟食飯！Fine Dining係講求美好心情去品嘗美食，大家摸住酒杯底，係廚師同食客互動嘅一種飲食品味。依家個市氣氛唔好，生意好受影響，最差試過一枱客都冇！」
租場搞午市
午市未受影響，說明只要有人返工便要出外食午餐，啟明決定抓緊這一線生機，希望逆境求生！他想出「共享餐廳」計劃，跟一些未有提供午市的酒吧或火鍋店合作，租用這個空檔時段賣午餐，既可減低租金成本，又有多個地點做生意，希望可以轉虧為盈，「我已經同蘭桂坊一間酒吧、銅鑼灣一間餐廳傾好合作，租用佢哋午市時間。佢哋原本喺呢個時間係冇做生意，但我覺得地點係適合我賣午餐，咪租用唔使浪費！其實我依家間餐廳，做完午市都係冇乜客，唔想浪費下決定用嚟做製作工場，推出五、六款食品包裝上架，又有貓、狗糧食品製作，總之希望善用員工，唔好浪費租金同人手！」
https://hk.on.cc/hk/bkn/cnt/entertainment/20190826/bkn-20190826000129730-0826_00862_001.html?fbclid=IwAR3K-amtqvhYR4luvb22CQqptPgATqwGRTtrRxO8vF3U0xESev5pKowE4ew