最後一位亦係最重要嘅一位，佢叫古德諾（Goodnow Frank Johnson，1859-1939），佢係一位國際知名嘅法律專家，1906-07年擔任哥倫比亞大學政治學院代理院長，袁世凱身邊嘅重要人物，例如唐昭儀同顧維鈞都係佢嘅門生，可能就係呢條「黑」線，1913年，古德諾佢離開美國，來到呢個野蠻落後嘅國家加入袁世凱幕府，以佢嘅學歷、聲望同資歷，加埋張綠卡，當然成為袁世凱身過最具權威性嘅法律代表人物。
🅱希特拉納粹黨係一個社會主義極右政黨，當時世界，#社會主義 #共產主義 係最先進嘅政治潮流，但係共產主義陣營中，分為兩個派別，第一個是 #國際派，認為要將共產主義革命輸出全世界，實現世界大同，最後世界上並沒有國家之分，成為一個共同主題。#JohnLennon 首《#Imagine》，The world as the one，就係宣揚呢種概念。而國際派就以聯俄在背後主宰嘅「#第三國際」（The Third Internation）組織為首，「#中國共產黨」就係一直由「第三國際」所資助而發展成型。
從此以後亦一帆風順，1903年被保薦入京參加新開嘅「經濟特科」進士考試，取得第二名，第一名係梁士詒。以為飛黃騰達有官做之際，點知言論過火，被扣上革命黨帽子，得罪朝廷被通緝，所以只有又返番湖南。第二年又飛去日本再留學，認識埋梁啟超，成為朋友。1904年入讀日本法政大學速成科（not a degree），集中研究各國憲政制度，同大漢奸汪精衛係同學，響東京楊度亦都認識孫文。睇到呢度，你會發現，其實當時知識分子功能組別個世界都幾細，人來人往，湖南東京兩邊飛，大家都相識，有啲人會成為朋友，有啲人會成為敵人。當時中國有四億人，只有依班身處頂尖頂裡嘅知識分子，有權左右大局。
【常威近代史】（二百六十九回）
袁世凱平反系列
香港人加油！
事實上民國初年，袁世凱幕僚陣容人才濟濟、星光熠熠，袁世凱嘅個人魅力，令佢能夠招攬一大班文武中外、有能力嘅人輔助佢。相反佢嘅主要對手革命黨人、亦即係後來嘅國民黨，如果單論班底，其實冇得比。一邊係中西人才匯萃一堂；而另一邊，講得難聽啲，就係主要以「陀地」「流氓」為班底。不過可能最大分野就喺呢度，陀地勝在夠貼地，貼地就能夠得到民衆愚男愚女支持。另外仲有一點，千古不變定律，劣幣總是驅除良幣，今日都係 。
其實袁世凱幕府之內，好多人都有留學外國嘅高學歷。大家應該記得，袁世凱就重用過我哋嘅HK之光法學博士伍延芳（1842-1922）搞法律事務，袁世凱就任臨時大總統期間，英文秘書係畢業於美國哥倫比亞大學顧維均（1888-1985），仲有去過英國讀海軍大學、搞過北洋水師學堂嘅嚴復（1854-1921）、美國耶魯大學畢業外交部大臣梁敦彥（1857-1924）、畢業於美國新澤西州史蒂文工學院做過外交總長嘅梁如浩（1863-1941）、做過總統府秘書、畢業於英國倫敦林肯法律學院王世澂（1876-？）、英國倫敦大學畢業做過法制局參事饒孟任（1882-1941）、留學日本美國同德國（至於邊間大學就唔知喇）嘅施愚（1875-1930）。
依一批留學英美嘅人，無疑係當時社會中精英嘅精英。除咗留學英美，袁世凱幕府之中，仲有大量人員留學日本帝國大學同早稻田大學，例如楊度（1874-1931）、程樹德（1876-1944）、曹汝霖（1877-1966）、章宗祥（1879-1962）、黎淵（1879-1935）……仲有更多更多，多倒數都數唔曬。除咗留學日本嘅文官輔政，北洋系統裡面嘅武將差唔多全部都喺日本接受過軍事培訓。
除咗上述人仕，袁世凱亦好似三國曹操咁，貫徹「唯才是用」政策，大量聘用外國人。由20世紀初開始，袁世凱升任直隸總督之後，佢嘅北洋新軍就大量聘請日本教官任教，人數之多，令人側目。除咗日本教官，仲有德國教官、英美教官，只要幫得手，袁世凱唔理你係乜嘢國籍嘅人，其實單憑依一點，你就知佢心胸同視野都廣闊，唔係一個普通野心家咁簡單。
任用人才其實好重要，中國人嘅社會就好多呢啲問題。忌才妒才，到處都發生，請咗你老母返嚟，如果你老母叻過我勁過我任勞任怨過我人工又平過我，最後坐咗我個位，咁我咪含X？
問題就喺呢度，當個個都係咁諗，為咗保住自己個飯兜同權勢，於是請人做事就請庸才幫手，一來唔會坐咗自己個位，二來睇狗放狗易於控制，你話幾開心呢？呢啲事除咗發生係商業世界，亦都發生響政治世界，今時今日香港搞成咁X樣，某程度上亦都係呢個問題，庸才當道，人才退隱，只要你夠忠心，能力只屬次要，結果搞吓搞吓，今屆林奠政府唔X講喇，連上屆薯片叔叔都比人吹到話係一個有國際視野嘅政經人才，佢老味咁先俾佢吹漲。繼續咁樣搞落去，香港真係唔死就有鬼。
不過搞死香港，復興大上海，可能先係國家級大戰略。
去返袁世凱幕府，民國建立後，袁世凱上任做大總統，期間亦都招聘咗唔少外國人做顧問，其中影響較大嘅，有以下幾位：
第一個係莫理循（George Ernest Morrison，1862-1920），佢響中國生活咗20年，係一個奉行殖民地主義嘅地道英國紳屎，佢做過《泰晤士報》駐北京記者，精通政治事務同國際關係，佢係袁世凱嘅政治顧問，為主人出謀獻策，深得袁世凱信任。
第二位係日本人有賀長雄（1860-1921），佢畢業於東京帝國大學，先後留學德國、奧地利、取得法學博士學位，回日本後，先後任教於東京帝國大學同早稻田大學，佢亦做過日本陸軍部嘅法律顧問，亦都係國際知名嘅國際法及憲法專家，被中國人稱呼佢做「東方法學之泰斗」，之後佢加入袁世凱幕僚做法律顧問。後世中國人，有唔少寫臭佢，話有賀長雄係日本帝國放喺袁世凱身邊嘅一條針，係間諜。對於近代中國人嗰套垃圾史觀，凡係日本人都係鬼子，我真係不敢認同。講賣國，邊有得同孫文比？
最後一位亦係最重要嘅一位，佢叫古德諾（Goodnow Frank Johnson，1859-1939），佢係一位國際知名嘅法律專家，1906-07年擔任哥倫比亞大學政治學院代理院長，袁世凱身邊嘅重要人物，例如唐昭儀同顧維鈞都係佢嘅門生，可能就係呢條「黑」線，1913年，古德諾佢離開美國，來到呢個野蠻落後嘅國家加入袁世凱幕府，以佢嘅學歷、聲望同資歷，加埋張綠卡，當然成為袁世凱身過最具權威性嘅法律代表人物。
點解古德諾教授咁重要？因為袁世凱1915年12月稱帝，要搞洪憲帝制事件，基本意識形態同埋法律依據，就係嚟自呢位美國大學者。當然件事唔係咁簡單，不過你可以想像一吓，連堂堂一個美國大法律學者都贊成袁世凱稱帝，其他人唔該收皮喇，你哋班Chinese識條鐵咩？
中國人普遍都有一份學術迷思，認為讀得書多就係勁，有個美國大學PHD做博士，就可以製造機械人保護地球。其實係多嚿魚，好似袁世凱幕僚班底嘅例子就話畀我哋知，一大班擁有高學歷嘅人行埋一齊，並唔係可以解決一切問題，袁世凱到頭來稱帝失敗遺臭萬年，難道唔係最佳助証？星光熠熠耀保良，有時候只屬排場性質，純粹俾面派對。
而且進入互聯網資訊核爆時代，一切權威不再存在，神壇一個一個被打破，未來會係點？實在冇人知道。連續三集講袁世凱幕僚，到此為止，下集回歸歷史軌道，一齊邁向洪憲帝制！
#常威 #斷送共和關袁世凱蛋牛治 #袁世凱 #民國歷史
【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ
【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ
【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ
【常威近代史】第一部《大清亡國關慈禧蛋牛治》實體購買
https://www.382now.com/product?id=87
【常威近代史】第二部《中國一百年前的第一次改革開放》實體購買
https://www.382now.com/product?id=151