♈第四國際(英語:Fourth International,縮寫為FI),原名世界社會主義革命黨(World Party of Socialist Revolution),是由流亡海外的蘇聯領導人之一托洛斯基及其支持者創建嘅國際性聯合組織。該組織創建於1938年9月,與史太林所控制嘅「第三國際」相抗衡。1940年托洛茨基響墨西哥遇刺身亡後,第四國際不斷分裂,其中規模和影響最大的是1953年的分裂。但到目前為止,第四國際仍然是人數最多、規模最大嘅「托派組織」,仍然保持運作。
♏琴日響Netflix睇咗一套電影,係大衛艾登堡祿(Sir David Frederick Attenborough,1926—)旁白及主演嘅《活在天與地》(David Attenborough: A Life On Our Planet),大衛艾登堡祿今年已經94歲,由上世紀50年代開始,佢同英國廣播公司(BBC)自然歷史組(BBC Natural History Unit)合作,撰寫並呈現了9部自然歷史紀錄片,構成了對地球上動植物生命的全面調查,作品橫跨70年,相信世界上冇乜邊個唔識佢,今次響《活在天與地》,大衛艾登堡祿再三提出地球上人類目前所面對的危機所在。
♉片中,有以下一段說話,「在我們的歷史中, 大自然的穩定不再是理所當然。在我們的星球上,關鍵性的聯繫被打亂, 我們和其他生物賴以生存的環境的穩定性被破壞。在未來20年我們的做法會決定地球上所有物種未來的生存。此系列將探索地球上最重要的棲息地, 歡慶那些仍然存在的自然奇蹟。解釋我們必須保護的東西,確保人與自然得以繁榮。」最後,我推薦大家睇大衛艾登堡祿旁白及主演嘅《活在天與地,A Life On Our Planet》 。
【常威近代史】(四百四十回)
北京政變
1924年10月19號,馮玉祥部隊漏夜班師回京,「第二次直奉戰爭」大局已定,財雄勢大嘅張作霖奉軍取得全面勝利,民國關公吳佩系被打得焦頭爛額著草逃回河南,亦從此一蹶不振。10月20號,馮玉祥嘅內應部隊率先包圍北京城,截斷鐵路同所有城外對外交通,佔領重要軍事據點。10月23號淩晨兩點,響北京城內孫岳部隊配合下,城門大開,馮玉祥率領大軍入城,一槍都未開過,迅速佔領整個北京。
件事實在太easy太smooth,馮玉祥部隊迅速佈守各個城門交通要道,包圍總統府,囚禁大總統曹錕,完全冇受到任何阻撓,一場北京政變,就係咁平靜嘅情況下順利完成,北京城市民執返身彩。而直系大佬曹錕亦宣佈收皮。
睇返轉頭,曹錕都幾On 9,馮玉祥有異心,佢似乎事先完全唔知道,仲比佢手握三份一重兵迎戰奉軍,整個北京城其實亦被馮玉祥一早控制咗,曹錕亦唔醒水好似孫文咁提早喬裝著草,大腸有屎都唔知,真失敗;終其一生,拍住件「好打得」嘅下屬吳佩孚打天下,到頭來吳佩孚仲威過佢,失敗中嘅失敗。
我最喜愛歷史學家劉仲敬評價曹錕呢個大軍閥「憨直」,好啱,其實曹錕係一個好人,甚至係咁多個當權者野心家之中最好嘅一個,歷史上留下嘅汙名「曹錕賄選」,話佢用錢收買國會議員選票做中華民國第三任大總統,我講過其實亦符合「法統精神」,佢一生人,亦未做過乜嘢大奸大惡之事,反而敬賢禮士,對下屬同身邊嘅人都好好,全無機心,如果你話曹錕有缺點,就係「肥」同「衰戇鳩」兩瓣。
講多次,如果將曹錕同之後嘅嗜血當權者比較,曹錕絕對係小兒科,尾燈都冇辦法睇見。劉仲敬講得好好,「不幸的是他(曹錕)遭到的抹黑,主要不是因為他壞,而是因為他不夠壞」,一語成籤。
On9曹錕被馮玉祥軟禁(冇被即場殺死,大家基本上以軍禮相待),馮玉祥政變成功,立刻發佈安民告示,平定北京民心。張作霖奉軍部隊一早配合馮玉祥政變,亦冇再向北京推進,避免咗一場大規模生靈塗炭,亦係好事。10月24號,馮玉祥喺北宛召開會議,正式組織國民革命軍,自任總司令,並與胡景翼、孫岳等將領聯名發出和平通電,號召全國,主張各方停火,「與民休息」(打贏鳥當然要休息噢),馮玉祥並提出革除腐敗政治,建設新政府等建國大綱,舊嘅唔去,新嘅唔嚟,直系軍閥主宰中華民國北京中央政府時代正式結束。