聯省自治嘅風氣,到此抵達顛峰,事實上,20年代嘅中國,好有機會邁向類似美國嘅聯邦制行落去,但好可惜,中華民國仍然欠缺一個國家意識形態統合各方軍閥行聯邦制,美國有部1787年9月17日費城頒布嘅【美利堅合眾國憲法】(Constitution of the United States),為至高無上基本原則,以後大家跟隨憲法條文做事同仲裁糾紛,基本上唔能夠離開憲法框架(雖然之後都打過一場南北戰爭),但無論如何【美利堅合眾國憲法】都係受各方尊重,同埋冇人敢推翻。行聯邦制,每個聯邦國都必須尊重憲法同埋依從憲法,美國嘅「國家意識形態」就係因此而建立。
世界上有「左膠」,左膠係乜?思想傾左嘅,某程度上相信社會主義同共產主義,亦相信「大愛」無敵,足以感動任何人轉軚,亦相信無政府主義,認為人人放任自由,各展所長,各取所需,離開異化,世界就可以自動波、綁埋雙眼時速150公里入彎超車,打倒資本主義剝削制度,到達大同狀態。Ok?fine!That it is!if you believe it……
1922年8月,發生咗一件宗教界大事,羅馬教廷駐華專使剛恒毅(Celso Benigno Luigi Costantini,1876-1958)到達中國,當時中國嘅天主教徒,唔少因為五四愛國主義運動,投入反帝國主義立場。身為帝國主義意識形態中心嘅梵蒂岡,為咗避免依種局面惡化落去,於是派出專員抵達中國,著手實行天主教中國化計劃。
11月,共產國際第四次代表大會向莫斯科舉行,中共陳獨秀、劉仁靜、王俊出席大會。劉仁靜就中國形勢同國共合作問題向大會作出報告,報告指出「要在中國消滅帝國主義,就必須建立反底的統一戰線」,中共已經決定同國民黨建立統一戰線,其形式係共產黨員以個人名義加入國民黨。當時共產國際負責人拉狄克( Karl Berngardovich Radek,1885-1939)響大會上批評中共不懂得同工人群眾相結合,要求中共走出「孔夫子式的共產主義研究室,到群眾中去」。
✅本土唯一香港土話近代史文本
❤【常威近代史】第一部《大清亡國關慈禧蛋牛治》,全面開放,免費下載, #freedownload!
Free下載連結🔽
https://play.google.com/store/books/details?id=C3hjDwAAQBAJ