Ads
布正麗聞言臉色一沉,但很快她便一臉得意地用手指卷著秀髮,道:「本小姐把口香定臭?技巧好唔好?你條鹹濕仔,永遠都唔會知道。」
我嘴角上揚,道:「都係嘅,但係嗰一晚我永遠記得,小弟居然幸運可以一睹布甸姐嘅…春光。」
布正麗霞燒玉頰,罵道:「唔准諗,唔准記得。」
我嘩然道:「嘩!布甸姐,乜妳仲惡過共產黨啊!連諗下都唔畀。」
布正麗一腳向我踢來,我側身一讓,避開了她踢來的一腳,我道:「嗱!布甸姐,妳上次踢我,就令妳後悔一世,妳今次踢我,都係益我嘖!」
我作狀瞧向她那敏感的私密處,她怒道:「仆街,唔准望,打死你個咸濕仔。」
話畢她便追著我打,被人打,當然是走。
就這樣我在前邊跑,她在後方追。
她邊追,邊喊道:「你條死咸蟲,唔好走啊!今日唔打柒你,我就唔叫布甸。」
她都開宗明義說要打我,我又不是M男,沒有被揍的嗜好,當然是趕快地跑。
Ads
Ads