我地無辦法分擔你承受嘅痛楚、心理上嘅傷害、日後要面對嘅轉變。我地對你唔住，你替香港承受咗呢個傷害，我地無法彌補、無法挽回。無論我地捐幾多錢、為你難過、為你打氣，發生咗嘅事都無法改變。但我地與你同在，你出事當晚，香港人徹夜難眠，而我亦流淚一整夜。翌日嘅機場集會，當「黑警還眼」呢個口號響起冇耐，我身邊一位婆婆聲淚俱下，身邊嘅男女老幼亦難過落淚，你嘅傷口，亦係全香港人嘅傷口。我地所承受嘅難過不足你千分之一，但好多好多香港人同你一齊分擔緊呢份難過，好多好多嘅千分之一加埋一齊，希望能夠為你帶黎支撐。We are being with you.