加速篇31 DSE好快就過，中間都無咩時間俾我諗起Kitty，無時間俾到係度叫春，因為自己嘅將來更加重要。 呢段期間，我有時間休息嘅話，會上網睇下啲故事，或者係港女語錄。 對於仲係愛情新手嘅我，覺得入面有啲嘢講得幾啱。 之前Kitty係我全世界，但依家...我會識得為自己諗，我會開始為自己打算。 DSE之後，我做咗好多日廢青，終日係屋企打機。 時間就好似靈藥咁，將我之前嘅心結解開咗。 係屋企度，我已經無好似之前咁辛苦，慢慢睇得開咗。 直到關晴叫我出去，我個心又再復活過嚟。 「喂！好耐無見呀！」考緊DSE嘅時候都無點樣同呀楊佢見面，關晴自然亦少咗。 但關晴卻好似一幅悶悶不樂咁。 唔通佢同呀楊鬧交？ 我見關晴臉色唔對路，我都收起咗平時嬉皮笑臉嘅模樣。 「咩事呀？搵我出嚟？」我打探一下，唔敢細問。 我哋約出嚟食個lunch，諗唔到食咩就求其話食m記... 「我有啲嘢想同你講...」關晴嘅語氣好沈重。 「關於呀楊嘅？」我好小心咁講。 「唔係...係關於Kitty。」佢板起臉孔，好認真。 「咩.......咩事？」我有一種不祥嘅預感。 「Kitty佢要離開香港。」
Ads
搞到甘點樣唔sad end
其實鐘意睇呢類校園愛情故都係為左填補中學既空虛 求下你比個英好既幻想我啦:^( :^( :^( 其實我只係想留個名
有冇核數巴打幫書生做下audit, 睇下佢而家欠債幾多:^( 冇咁大個頭真係唔好開咁大銀碼支票:^( :^( :^(
唔好意思:^( 忙緊實習嘅嘢:^( 就嚟會到二部曲:^( 我會再開新post講佢哋之後嘅發展:^( Btw 今日浪費咗我三個鐘聽垃圾就職講座:^( 頭都大埋
垃圾臭西語錄