《溝女的聖地──補習社》(2)
上一頁
第 21 頁
下一頁
dangoabun
2017-3-17 19:05:11
加油
:^(
Ads
趕故書生
2017-3-17 23:16:02
加速篇10
見住Kitty一個接一個咁簽好曬,呀楊一臉春風得意嘅樣,就好想打鳩佢。
因為Kitty幫呀楊簽嘅時候,掂到呀楊條腰,因為要借力。就係因為咁,都已經夠呀楊係度得意洋洋啦。
終於到我啦!!!
「呀水,我一陣先幫你簽啦。」Kitty甜甜一笑。
關晴聽到之後,佢都好識做。
「喂!!!」關晴拖起呀楊隻手,「我哋去搵其他人簽名啦,仲有啲人未簽呀。」
「但係......」未等呀楊say no,已經俾關晴拉走咗。
我向關晴投以一個感激嘅眼神。
我知佢幫我爭取一個獨處嘅時光,睇嚟佢無唔記得之前話幫我嘅承諾。
待佢哋走咗之後,剩底我同Kitty係度。
「琴日你話帶我去一個地方,今日換我同你去一個地方啦喎!!!」
「邊度咁神秘呀?」Kitty笑住咁問。
我無出聲,更加要懶係勁咁。
其實個地方無咩咁特別,只係校園一角罷了。
但呢個地方,係我想同自己心愛嘅女仔嚟嘅地方,已經恨咗好耐架啦......
今日終於可以實現。
趕故書生
2017-3-17 23:16:31
依家開始加速
:^(
君悅灣
2017-3-17 23:38:55
依家開始加速
:^(
:^(
安格斯
2017-3-18 00:02:23
依家開始加速
:^(
:^(
:^(
:^(
:^(
:^(
:^(
:^(
:^(
奶奶不行了
2017-3-18 00:06:32
依家開始加速
:^(
上呀
:^(
:^(
好眼瞓
瞓起等睇櫻主文
:^(
:^(
廿蚊唔駛找
2017-3-18 00:11:08
向前再飛 來奮起 和目標相距幾公里 容我飛 和世紀 互爭分秒爭先了不起
:^(
:^(
:^(
趕故書生
2017-3-18 00:45:58
加速篇11
我同Kitty坐係操場隔離嘅木凳上面。
木凳有兩層梯級,供學生坐係度睇比賽。
點解要揀喱度呢?因為好多小情侶,都會嚟呢度拍拖,拖手仔呀,Kiss都有。
我哋毒撚每次經過,都會帶墨鏡,如果唔係被閃嘅只有自己。
呢個地方,我都係可免則免,當然唔會想嚟,都無女,嚟喱度只會俾人恥笑。
但今時今日嘅我,已經唔同啦!!!
我終於可以吐氣楊眉,總算可以威返次。雖然已經係中學嘅尾聲,但總好過帶住遺憾離開校園呀。
我同Kitty住係上面,觀望著整個校園。
我哋都沉默咗一陣,享受下中學嘅最後時刻。
「關晴佢哋好甜蜜呀。」良久之後,Kitty吐出喱一句說話。
好多年之後,我先明白,呢句嘢嘅真正意思。
青春所種下嘅種子,要好多年之後先慢慢萌牙。
「係呀,我都想佢哋可以一直幸福落去。」我發自內心地說。
「呀水,你會等我架呵?」Kitty無望住我,我睇唔到佢嘅眼神。
趕故書生
2017-3-18 01:08:04
加速篇12
呢一條問題係長洲已經出現過一次,但心態上已經唔同咗。
上一次嘅我,可能我真係死心塌地咁認為,我會等Kitty接受我,真真正正咁係埋一齊。
但人會變,月會圓。我唔想等,我覺得我哋好多事情,都可以跨過去,我自信地認為。
我正想提起勇氣,再一次表白嘅時候,我猛然地醒起嗰一次失敗。
我退卻了。
原來我都係一樣,害怕再失敗,害怕再一次感受嗰一種失落感。
如果再失敗多一次,我諗我真係會放棄Kitty,因為後果係我無法承受。
光係諗後果,都已經夠我覺得痛......
「會呀!!!」我好肯定地答。依家我可以做嘅,只有等佢。
「你唔會忘記我哋嘅約定,係咪呀?」Kitty轉身望過嚟。
我發現佢臉上面多咗兩條淚痕。
今次,係Kitty第四次係我面前喊。我唔係傻嘅,從佢嘅眼神我可以睇得出,Kitty真係對我有感覺。
我伸出雙手,輕輕拭走Kitty臉上嘅淚水。
「我當然記得啦。」
Sayu
2017-3-18 01:15:48
加速
:^(
:^(
:^(
趕故書生
2017-3-18 02:02:06
加速篇13
Kitty佢欲言又止,有啲事明明係想講,卻硬生生咁將佢拉返落肚。
我好奇佢想講咩,我想問嘅時候,Kitty從佢褲袋入面掏出一支黑色marker筆。
「嚟啦,我幫你簽名。」Kitty把聲都變埋。
我挺起胸膛,指一指個心口位,然後同Kitty講:「要簽,就要簽重要嘅位﹗」
我都唔知邊度嚟嘅勇氣,仲要講到好認真咁。
「嘖,都唔知係咪同其他女仔咁講嘢。」佢個表情係十分之嫌棄,但身體很誠實。
「咁你敢唔敢簽呀?」我胸鳩佢。
「咩唔敢呀!?簽咪簽!!!怕你有牙呀?」
Kitty下一秒已經將佢隻手放係我心口度。
睇清楚呀,唔係將支筆,而係隻「手」。
「哇﹗你心跳得好快喎﹗」Kitty笑笑口咁講,係左邊臉上面多咗個淺淺嘅酒窩,更添迷人。
今次輪到我紅都面曬啦,窘係一邊。
「咩姐!!!我本來就心跳得快架啦。」我講出嚟都無說服力。
其實本身心跳都無咁快,係Kitty一摸落去嗰下開始,心跳先跳得咁快。
Ads
胸懷大痣
2017-3-18 02:05:32
每晚臨瞓前都會上嚟追一追
:^(
趕故書生
2017-3-18 02:14:19
每晚臨瞓前都會上嚟追一追
:^(
多謝你哋一路以嚟支持我
:^(
嗚哇
:^(
其實我知人潮已經散去
:^(
但我點都會繼續寫
:^(
希望可以俾到嘢大家
:^(
自問功力唔夠,慢慢改善緊,但我會貫徹自己嘅理想寫落去!
死氣
2017-3-18 02:19:30
:^(
趕故書生
2017-3-18 02:26:24
加速篇14
「真係?」Kitty又嚟呢個百厭樣,真係百看不厭,「咁我簽啦喎﹗」
簽你就快啦,我心忖。
「嗯......」我屏息靜氣咁等待。
Kitty用佢纖幼嘅小手扶住我條腰,然後慢慢一筆一筆咁簽。
我係覺得幾痕幾唔舒服嘅,畢竟我依家心跳都幾快下,呼吸都有啲唔暢順。
幾經辛苦...都唔係嘅,好快就已經寫完,但俾我嘅錯覺係好似好耐咁。
「記得要好好保管佢呀!!!」Kitty叮嚀我。
「梗係會啦,中學嘅...係青春嘅象徵先啱。」我笑起上嚟。
我好耐無試過笑得咁開心,因為我覺得我笑起上嚟好樣衰,所以唔係幾敢笑。
我之前都係偷偷地笑,但喱刻好青春,暫時讓我忘記離別嘅哀愁。
我都係第一次係Kitty面前笑成咁。
望望自己心口,
程雪
呢個名刻咗係我心口,提醒緊我,我心入面,有佢。
別看我只是一隻羊
2017-3-18 02:29:47
出齊10篇
:^(
:^(
趕故書生
2017-3-18 02:31:13
出齊10篇
:^(
:^(
我會
:^(
努力打緊
:^(
別看我只是一隻羊
2017-3-18 02:54:33
加油
:^(
黃洋@傑志
2017-3-18 03:14:25
此回覆已被刪除
F.Torres_9
2017-3-18 03:47:10
我中文差 姐係簽左落碌尻到?
:^(
趕故書生
2017-3-18 04:17:33
加速篇15
「笑得咁開心咪幾靚仔。」Kitty臉上嘅淚痕早而退去,但佢講喱句說話唔似係作假。
「吓?」我不可置信地道,「我又唔係靚仔,笑起上嚟又點會靚仔?」
「咁你覺得我笑起上嚟靚啲呀,定係閪口閪面靚啲?」佢喱條問題直插落嚟,你擋唔住,反抗唔到。
「咁梗係笑起上嚟靚啲啦。」我無得違背良心,因為我成日都因為Kitty笑到好靚,而望到出神。
「所以咪就係囉,笑係有種魅力係度,每個人魅力嘅程度都唔一樣。」Kitty講到好似專家咁,都唔知佢呢啲嘢係邊度學返嚟。
「你嘅魅力係俾我發現架,所以係得我先知,哈哈。」
我嘅魅力?我從來都無諗過,自己會有魅力嘅時候。
最後嘅時光,係開心咁渡過,其實都唔錯。
一隻腳踏出咗學校,又真係如Kitty所講,有種長大咗嘅感覺。
「又真係喎。」我維持住喱個姿勢,同Kitty講。
「嗯?」
「真係有種好似大個仔咁嘅感覺。」
頭一次真正感到長大,好不可思議。
真正嘅成長,背後包含著好多挫折。
Ads
趕故書生
2017-3-18 05:07:27
加速篇16
「係呀呢?」Kitty嘅反應就好似搵到同道中人,英雄所見略同咁,「都話架啦!!!」
「我依家明你琴日嘅感受啦,哈哈。」但比琴日少咁一份沉重。
「總有一日我哋都會長大。」Kitty凝望住已經漸黃嘅天空,天空上面仍然帶點蔚藍。
「係呀。」我有樣學樣,望下個天。
青春,帶住我哋飛往天上,感受自由,世界。
現實啲講,就係離地。
總有一日,我哋會由高空趺返落嚟,貼返地。
last day之後,我哋開始study live。我同Kitty亦間唔中出嚟自修室溫書,因為Kitty佢屋企因素,唔可以成日出嚟。
我哋一個禮拜,會出嚟兩三次到啦。
兩三次對我嚟講,已經好足夠。我當正係我哋兩個拍拖嘅時間,雖然只係溫書同食飯,但係都好開心。
我有聽話架,我都有俾心機溫書,但我溫得好辛苦,因為我要追返之前失去嘅嘢。
趕故書生
2017-3-18 05:26:46
加速篇17
我有Kitty嘅幫助,成績已經有好到架啦,都比之前好咗。考mock成績都有進步,但距離入u,都係差一截。
以Kitty依家呢個成績,入u根本唔成問題,係睇下入邊間姐。
我有問佢想讀咩架,佢話想讀design,姐係想入紅磚啦。
「咁你呢?將來想做咩呀?」Kitty陪我係自修室出面飲咖啡。
我為咗考呢個DSE,晚晚瞓唔夠5個鐘,每日都要飲咖啡提神。
我又唔似得啲有錢人,去starbucks飲咖啡,我淨係飲7仔買到嘅雀巢咖啡,仲要飲香滑。
有時同Kitty鬥操pass paper,佢話嬴咗嗰個請輸嘅飲嘢。
我知道Kitty心意,但邊有贏嘅請輸架?傻嘅都知啦下話?
但又唔係成日鬥嘅,但我都唔想Kitty請,但佢又唔俾喎,屋持要玩。咁我都無佢符啦,唯有順佢意啦。
所以間唔中Kitty都會請下我飲高級咖啡,你話啦,有咩可能唔愛佢呀?
言歸正傳,Kitty問我想讀咩。
「我想讀中文系呀。」我坦言。
「下?但係你修緊Bio喎,再加Econ喎。」Kitty有點愕然。
「修咩唔代表讀咩架,讀咩唔代表將來要做咩架,係咪?」頭一次覺得好醒,咁都駁到,同埋自己開始有啲黃子華feel啦。
趕故書生
2017-3-18 05:39:40
加速篇18
「係叻喎,識串人啦喎。」Kitty嘅表情有啲邪惡,不懷好意。
我即刻扮死狗,「點會呀?我都唔識串人。」
「算你啦!!!」Kitty好快就會原諒人,好多次都係咁。佢好快就會無事。
「係呢,咁你點解想讀中文系嘅?」
「無呀...將來想寫故,寫我哋嘅故事。」我認真咁講。
「你估你自己那些年咩?」Kitty笑我。
「我又無諗住要出名,成名。」追名逐利從來都唔係我風格,「我只係想紀錄我哋兩個嘅事姐。
「咁你記得幫我寫到靚啲喎,性格又好咁樣,哈哈。」Kitty原來都識得FF。
「幾好呀,起碼你有目標。」打鬧過後,我哋亦沉澱好心情,「你之後寫嘅時候記得俾我睇喎!!!」
年輕,就係要用嚟討論未來。
「加油呀!!!我相信你得嘅,慢慢寫呀。」Kitty嘅鼓勵真係唔同好多。
「但係你寫故,唔一定要讀中文系姐?」
「咁中文系專業啲呀嘛。」Kitty都放棄追問落去。
「你要入呀,成績一定要好先得,所以努力讀書呀!!!」Kitty不厭其煩咁又再叮囑我溫書。
別看我只是一隻羊
2017-3-18 05:39:56
唔通嘈交
:^(
:^(
上一頁
第 21 頁
下一頁