趕老婆出廳 2019-8-23 20:07:48
就係佢圍住我又彈又跳
趕極都唔走
我驚既原因係佢跟到我實一實
佢又有隻角
最後佢係跟埋我返酒店

:^(

好彩無跟入房

趕老婆出廳 2019-8-23 20:08:21 我分享下先
果陣保險同埋邊防證都係我司機幫我搞

小清新沒有穿白襪 2019-8-23 21:15:26 跟你去酒店？ 笑死我

:^(

:^(

小清新沒有穿白襪 2019-8-23 21:18:40 我岩岩果次呢 聽聞好似已經係一定要旅行社先做到邊防證，我都係join旅行社 做邊防證

趕老婆出廳 2019-8-23 21:18:55 最慘我拖住女朋友
佢又有返咁上下大隻有角

:^(

趕老婆出廳 2019-8-23 21:20:02 咁可能係藏人司機幫我地去旅行社搞
真藏人真係好純良
果d 共產黨供養拎黎做show 既除外

小清新沒有穿白襪 2019-8-24 10:19:52 Day 8

第二朝就咁到咗,甚麼星空,日落日出我咩都睇唔到, 話哂都叫係西藏第一個景點,真心有啲擔心之後嘅天氣都係咁樣,我會好唔開

起咗身之後就做一啲簡單梳洗,真係簡單到係簡陋,佢每個營入面都係有個類似垃圾筒嘅筒，咁其實只可以係果熱水煲到倒啲熱水落紙巾到抹下面,同簡單刷牙,大家係香港真係要好好珍惜食水,有水洗面真係唔係必然, 同埋琴晚理所當然係無得沖涼啦。其實啲藏人都慣咗唔沖涼, 我地去到都要入鄉隨俗。

:^(

其中一個湖南嘅女仔俾咗條風乾手撕牛肉俾我,我完全唔識食又咬唔到, 果個識廣東話女仔教我食,然後我分咗一半俾佢。原來係要撕開食,我成條擺咗落口,其賽都唔係太好食。所以食咗少少我收埋咗落個袋到, 因為唔好意思扔咗佢。

:^(

風乾手撕牛肉嘅樣


食完果早餐, 我地就回程喇.你睇下.我都唔知自己呢兩日到底睇咗啲咩???
大概11點左右又去到琴日食lunch嘅地方, 司機問我地要唔要去食,我地個個先岩岩食完無耐又食, 然後大家都贊成直接離開,因為天氣唔好,所以之後回程應該去納木措另一端都無去.係原路折返。

:^(

:^(

繼續係咩都影唔到系列




司機依然係想焗死我地,佢自己就開窗,我地坐後面嘅食哂啲塵,我仲要坐咗個衰位,唔知係咪坐近果摩打位, 成程車果位都發熱,熱到好似焗爐咁,訓又訓唔到,熱到醒,覺得自己要往生。

:^(

:^(

果個湖南女仔周不時又俾咗啲風乾手撕牛肉我,救命其實我真係唔識食, 又唔好意思拒絕佢,所以我又俾哂果個女仔。haha,後尾果女仔都怕咗我,終於有一次我地話唔食喇, 我係度諗湖南女仔係咪都唔想食所以先係咁俾我

:^(

:^(

終於係5點幾左右就返到拉薩喇。本身大家又話返到去抖下今晚再出黎一齊食飯，大家都無咗件事，各自返左去就算喇。返到去又見到青旅拼車/報團果個老闆，佢問我玩得開心嗎，我話：「架車好熱，司機又唔開冷氣」，佢就話：「呢個團都唔係我地自己搞，我地啲車機唔會咁嫁

:^(

」，又黎又想洗我腦想我報佢果啲，真心有種成日踩低人，然後黎讚自己嘅感覺，我心諗唔去都去咗，你仲同我講呢啲有咩用？？？

返咗房之後，我就將呢幾日嘅衫一次過拎去洗。其實我呢間hostel 係有得洗衫，要自己拎洗衣粉去嘅 ，果個手舞足蹈嘅姨姨買咗一大包洗衣液，佢係擺咗係房，大家share用。

我唔明點解第一日我要自己用手洗

:^(

真係依家進化到乜野都用wechat ，連開洗衣機俾錢都有apps download , 我就用搵人幫我俾錢，我再俾返現金佢。同埋佢地依家好懶，啲小鋪頭成日都唔想收現金

:^(

洗完衫就去KFC食野喇，真係勁肚餓，佢地啲雞勁細隻，但都已經好好食嫁喇

:^(

返到hostel 又黎左啲新朋友，有啲頭幾日見過，去咗三日團，返黎又見返佢地，因為呢好多人都會專登要住返呢間房嘅，手舞足蹈姨姨又係，每次都住201號房，每次返到黎都見到熟悉嘅面孔就好開心，大家有傾有講。

有新朋友黎，有啲有高反，手舞足蹈姨姨就會展現出佢嘅媽媽本領，就係拎勁多藥出黎，睇下邊樣岩你食，又會煲定水叫我地要飲多啲暖水，好多新黎嘅人都俾佢嘅歡樂感染到，聽日佢要走喇，最後佢決定唔去尼泊爾喇直接返屋企，佢話因為大多冬天衫帶黎，去尼泊爾咁一熱，無理由拎住咁多衫去。 然後佢執咗勁多野出黎，話唔想帶返去，問我地需唔需要，最記得佢拎咗個鎖出黎扮賣，話$10 個$10個有無人要，我就話咗鎖咁細個，你留返俾自己啦，都唔係用到你好多位，佢笑笑下又話，你又岩啵，然後又收埋佢。 最後我得到咗一對新襪，

同埋幾枝葡萄糖，佢地內地人真係好興去西藏買呢個，就咁打開飲就得，如果頭痛果啲就會飲黎補充一下糖份，後尾轉山我都飲咗枝。


最後送上手舞足蹈姨姨照一張
佢問我點解要同佢合照，我話：「因為覺得你好搞笑，同好勁為咗要去到珠峰針都打咗兩次，同埋同你傾計好開心，想留個紀念，我要記住你呀。」

文西Manwest 2019-8-25 21:20:41 留名等睇轉山

新興仔 2019-8-26 01:03:31 文西兄呢排有咩搞作？搵到工未
無去玩咩？來睇遊記

榴連愛好者 2019-8-26 01:45:40 聽講唔開冷氣係因為開咗架車會死火
架車嘅性能唔夠好

林保宜 2019-8-26 08:21:16 聽閒即日起由拉薩開始入藏要請埋導遊先玩得

小清新沒有穿白襪 2019-8-26 12:56:50 嘩 好開心 多謝文西師兄都有睇我個遊記。

:^(

:^(

我都有睇你果啲vlog， 最記得句審美疲勞

:^(

小清新沒有穿白襪 2019-8-26 12:57:57 咁應該係架車真係好舊性能唔好

斷垣望歸燕 2019-8-27 03:51:53 連登轉山第一人

:^(

廢中青 2019-8-27 14:22:23 大把人去過la

6月尾去左

小清新沒有穿白襪 2019-8-29 01:45:48 Day 9

今日我上網報咗個10日阿里南線嘅團，旅行社老闆一早黎車我去整邊防證，聽聞我果陣去已經係香港人一定要經旅行社先申請到，佢會接埋其他人一齊去整，通常四個人整一個邊防證，咁我今日我會見到黎緊10日嘅小伙伴。 但第一個係我上車，之後老闆仲去咗第二度接其他人，其中一個係香港人，佢叫阿Sam, 另外有兩個叔叔係南京人，老闆話我地會分兩架車，兩架車一齊去呢10日嘅旅程，total 7個，有兩個係上海姨姨同一個新疆男仔，但呢三位自己整咗邊防證，所以呢今日只有我地四個整，其他三位就會聽日見到佢喇

:^(

:^(

。

我地去咗一個地邊整邊防證，我地本人唔洗入去，車機叫我地係出面影下相先，呢個地方好似南山圍

:^(

我又搵唔到張相，總知就好似。
因為今朝趕住出門口，諗住都係上一上車整完就返hostel ，所以就踢咗拖出去，因為我對鞋好難著，跟住老闆話我西利，呢啲都無人咁樣出街，我話慣咗係香港踢拖落街，之後兩位叔叔就話我咁樣好易凍親，好啦，對唔住，我以後唔敢喇

:^(

，佢地話要幫我張踢拖相

:^(

我後尾問下佢地會唔會去轉山，因為呢個行程係可以唔行可以行，跟據返自己嘅能力，可以行頭2-3 公里或者行半程轉山姐係36公里，然後折返，又或者係行全程，我其實一心就諗住行哂全程，不過我好驚得自己一個行，所以就問下佢地，阿sam就話想行全程，而兩個南京叔叔就話，可能行一半再睇程況。
我：

:^(

南京叔叔：

:^(

:^(

：一起去完全程吧

:^(

：我們都50幾歲喇，不知道行不行

:^(

：你們行的，我們會一直去互相鼓勵嘛

:^(

： 好吧，那就一起去吧

因為佢地今日係第二日到拉薩，仲要搭飛機，所以其中一個有啲感冒。佢地係咁話我身體好好，係咁跳跳札。

後面邊防證終於搞惦，老闆幫我地7個人同埋兩個車機開咗個group，方便之後聯絡，咁我同阿sam都交換咗whatsapp，可能大家都係香港人，就會有種親切感同信任。我地約咗晏啲一齊買啲裝備咁。
諗住返去同手舞足蹈姨姨say byebye, 點知佢已經走咗喇，希望佢一路順風。我就去咗KFC食早餐


我同阿sam約咗去呢個八廓街，佢話未試過果間飲甜茶，於是我就帶咗佢去喇。

飲咗一杯之後就去周圍行下，睇下有無咩野要買。
我今日先正式行下八廓街裡面嘅鋪頭，其實好多都係買一式一樣嘅野


見到好多人圍住轉經筒轉，我地都走咗入去轉口咗三圈


因為我想買啲postcard , 係旅途中想一路，因為頭呢幾日真係無咩直得我分享嘅事同未睇到啲咩景，好似無咩mood寫，呢間聽聞好多人去，我見呢度有好多postcard買，所以走咗入去睇下，但我睇唔岩，所以只係打咗個白鴿轉， 見到佢有得買飲野，但好貴，同香港差唔多

:^(

ps.另外如果大家想買postcard可以去飲甜茶果度門口買或者佢對面都有間裝修幾靚，又係有得買飲野嘅鋪頭到買，佢一入門口左手邊放到成牆都係postcard 嘅，同相幾靚嘅

之後我都唔係好睇得岩，阿sam話郵局都有得買，於是佢就帶我去郵局，郵局都有好多款，間郵局就係係布達拉宮未過安檢前，真係有好多，不過靚唔靚就見人見智，我都買咗幾張，寄返香港郵局姐姐就話係4.5。

買完之後呢就陪佢買咗件抓毛外套，佢話其實基本上都帶齊野，係驚唔夠暖，所以買件帶定底，而我就買咗少少乾糧同暖水壺，呢個係極之重要！

之後我就介紹佢黎我間hostel 食果個好好味嘅面，佢都話好好食，而我就叫咗個湯丸，因為呢一晚又唔係好肚餓。我地坐係hostel 樓下，唉，果個報團老闆又黎煩9我，又話知道我報咗邊間，到時一定無人行呀，我話呢個男仔係我團友，佢話到時就只有你們兩個人，果個雪山路好易迷路，唔會有人帶住你行，總知就係有咁誇張得咁誇張，我真係發誓唔會再坐樓下

:^(

:^(

我話聽日都出發喇 ，都無計。佢就只好話，那就祝你平安回來，總知就佢就講到好忍悔咁，我每次同佢講野都好炆。

同阿sam 道別之後，我就返咗房喇

今晚間房都係好熱鬧，有個女仔岩岩去完15日嘅阿里北線，佢話佢果個車啲人都好奇怪，有啲又唔想比司機師傳房錢，因為呢邊係要幾個人平分司機嘅食飯錢同房錢。佢話呢個行程真係啲人都莫名其微，不過佢係一個極樂觀嘅女仔黎，係勁歡樂，佢打算之後就去尼泊爾。

其中一個係四川女仔，佢琴日仲有啲高反唔舒服，見佢今日好好多，佢係辭職黎玩，所以係無計劃亦都無時限，而佢打算去阿里北線。

我都好想去阿里北線，果度有兩日係去無人區

:^(

:^(

聽聞風景好正，好喇我都係時候要執野，聽朝一朝就要出發喇，好緊要

:^(

西藏之旅終於要入正題，多謝大家支持，我盡量之後可以出快啲。

:^(

小清新沒有穿白襪 2019-8-29 01:48:36 你去果陣都好好天，我上到去完全唔想影相，覺得自己無咗半條人命

廢中青 2019-8-29 11:52:40 我分2日行
上到頂，落山都行左好似2個鐘

趕老婆出廳 2019-8-30 07:59:41 果陣我自己包車d 七人商務現代H1 長開冷氣無野bor

趕老婆出廳 2019-8-30 08:07:04 斤斤計較到連司機房錢飯錢都唔想比咁小家？
衰d 講句係無人區條命仔押係佢手上
佢要乜都要比架啦
當年好好彩 係呢到同埋背包客棧組到團出發包車
大家都唔太計較又玩得

一滴，兩滴 2019-8-31 03:46:42 終於等到樓主出新遊記啦
Support!

我愛尼泊爾 2019-8-31 04:54:14

Filibuster_HK 2019-8-31 09:13:55

:^(

:^(

:^(

新興仔 2019-9-1 15:22:04 樓豬？

小清新沒有穿白襪 2019-9-1 19:02:35 Day 10
今日終於出發喇 ！不過有個壞消息就係其中一個南京叔叔因為琴日發燒，所以琴晚就係我地個群到宣佈要搭飛機返去喇

:^(

，而另一個叔叔都會照出發。

我同阿sam上咗車之後，就去咗第二度接兩個上海姨姨，見到兩個姨姨拖住兩個喼，我隔住窗同佢地揮手

:^(

，佢地放咗行李就上車喇，我地就各自介紹一下自己，類似係係邊度黎，點黎西藏咁啦，咁佢地原來係搭火車黎，前一日先到。

得知原來佢地兩個以前係上海係做廚師，一個就叫王姐，一個叫許姐，因為佢地兩個見我同阿sam 都係香港人以為我地本身就識

:^(

，許姐係一個好熱情嘅人，佢成日都會拎啲hand cream 俾我地搽，又拎啲野食。佢地兩個係好好嘅朋友。

然後我又問佢地會唔會去轉山，佢地都係話想去，不過都係話睇身體狀況。而王姐本身就係已經黎過西藏，今次係一心帶許姐黎，而佢之前都去過四川嘅稻城亞丁行過山，所以佢都有問個司機，佢行唔行到，而司機都話真係要睇當時自己嘅身體狀況。 不過如果唔得就行少啲，然黎返轉頭都可以，不過佢地睇黎都想一齊行。太好喇，總算有5個人一定會行。

而我地今次嘅導遊兼司機係一個藏人，佢係會成日播廣東話歌

:^(

:^(

，而且唱歌幾好天 ！

終於出發喇

:^(

:^(

天氣勁好 ！

我地向住羊湖出發 ！


第一站就去咗崗巴拉山口


見到勁多藏獒同埋啲綿羊

:^(

，但係呢唔可以偷偷影相，見到好多人係側邊影相，果啲人即刻走過黎要你俾佢睇影咗啲咩，我就叫阿sam企係我前而扮影佢，其實係想影佢地。

同埋係咁見到佢地啲主人打佢地就覺得好慘

:^(

所以我無同佢地影到相。 同藏獒影就係 $10 ，同綿羊仔影就係 $5 ，果啲人我係咁逼我同啲羊影，我好無奈，好彩阿sam拉走咗我。

影咗陣相就去另一個地方，係一個可以影到哂羊湖嘅高位

呢個位真係勁靚，而我都覺得羊湖係三大聖湖最靚一個湖
係不同嘅位置觀賞佢去

跟住我地就去咗水平線位置近距離接觸，





真係好藍好靚，係香港好耐無見過咁藍嘅天，真係同天空好近
中間跳得最高果個就係王姐，而右邊果個就係許姐。



跟住sam話想同藏獒影相，咁就幫佢影啦，頂，老闆見兩隻藏獒成日唔望鏡頭就打佢，佢地就係咁叫佢唔好打啦，佢先收手，跟住sam俾$20俾佢，佢話無得找，然後佢地焗住叫我過去影

:^(

:^(

，我覺得佢地好慘



之後就去咗一個小鎮食lunch, 咁呢基本上我地6個人係要請兩架車嘅司機食嘅同埋住嘅，其實都好合理。平均除返去都唔係話真係好貴。
呢間餐廳係川菜，之後都係keep住食川菜。


見到雪山就興奮

:^(

呢個呢真係又係一個西藏特色，話說我地嘅藏人師傅說話喇，呢邊成日都無啦啦整路，你就焗住要係度等到佢俾你過，有時可能好快，有時可能要成個鐘，我地呢段時間都成日無啦啦要係度等。 許姐叫我幫我影到佢好似有一隊車隊

:^(

:^(