廢中青 2019-8-18 20:27:43 我到想去那曲，但d團唔去果頭

:^(

我要三隻蝦 2019-8-19 00:49:58 兩年前都去左西藏
係珠峰大本營見到滿天星真係好震撼
不過我諗而家已經再無勇氣去多次
衛生環境真係好難接受

做乜鳩 2019-8-19 01:01:21 啲相好靚 (有follow到絲打ig)

:^(

披猩戴穴 2019-8-19 19:17:56 好好睇 相都好靚，旅途中認識到唔同人係好開心既事

:^(

:^(

小清新沒有穿白襪 2019-8-19 21:45:23 Day 6
我依然係訓得唔好，可能真係唔係好慣
同埋今日約咗果個廈門女仔一齊出去，所以可以訓晏啲，因為佢都想抖夠先出去，所以我地今日十點幾左右出門口。佢搭火車嘅時候識咗個深圳男仔都係住呢間hostel ，所以都約埋今日一齊出去。

我地第一站係去食早餐！去邊食呢？就係去一間好出名飲甜茶嘅茶館-光明港琼甜茶館係所有遊客都必去嘅茶館，佢嘅位置係一入到八廓街左手邊



其實我琴日經過都想去嫁喇，但我一入到去，入面好多人黑炆炆咁樣完全唔夠膽自己走一入。入面其實好多人藏，好似佢地都唔洗返工咁，長期都有用坐係度，飲茶吹水。

一碗麵係$6，咁就去收銀果度比錢佢就會比個牌仔你去廚房換個面嘅，甜茶一杯$1 蚊，去廚房拎個杯，搵個位坐低，將一蚊放係枱面就會有人斟茶嫁喇

:^(

:^(

甜茶就好似珍珠幻茶無珍珠咁，其實幾好飲，但個麵我唔係太鐘意食，太硬，好奇怪

:^(

:^(

食完我地就去大昭寺，其實就係附近，一樣都係要過安檢，買咗飛之黎就入去喇，門票係$80

可以見到好多藏人係度做大禮拜(即俗語說五體投地的禮佛方式）
呢個廣州女我仔就係我今日嘅Model 喇

:^(

:^(

入到去依然係唔可以影相嘅，我覺得大昭寺係比布達拉宮更加多人，寺內主要係供奉的是唐朝文成公主帶去的十二歲等身像，即覺沃仁波切，係藏傳佛教最殊勝嘅一尊佛像。釋迦牟尼在世時，弟子們為使他的真容傳之後世，特請工匠替他造咗4尊8歲等身像和4尊12歲等身像又稱覺沃佛。松贊干布迎娶文成公主時，唐太宗將呢尊12歲等身像作為嫁妝，由都城長安送抵拉薩，供奉在大昭寺。 更多故事我就唔係呢度多講喇。

原本我地三個諗住跟住啲團偷聽，但咩都聽唔到，所以最後我地跟住啲藏人拜咗一個圈，內面大概嘅環境就係分咗兩層，每一層都有類似好多間房，裡面通常係擺放咗7-8 個佛像，行入去順時針方向行一圈，我地就行哂咁多間，有好多好多藏人會排隊一個跟一個供奉。

好記得有有啲婆婆，行動唔方便，大昭寺裡面有啲僧人，扶住佢上樓梯供奉，我覺得藏人真係有種對佛教嘅執著同堅持，我好配服佢地，有啲位我覺得好值得我地去學習。

:^(

:^(

呢度係大昭寺嘅二樓，唯一可以影概嘅地方，呢一日天氣依然好好

:^(

:^(

我地三個坐係度休息嘅時候，識咗個廣州女仔佢自己一個人，我真係好想講係西藏我識咗勁多廣州人。 咁我地就邀請佢同我地一齊玩
呢個廣州男仔，成日都要我地一齊擺啲奇怪pose, 我又唔好意思拒絕，唯有繼續配合

:^(

:^(

呢度都一樣有轉經筒



既然大家都咁鐘意影打卡相，我就幫大家都影跳起嘅旅行相啦

:^(

我就黎張低調的跳

:^(

大昭寺裡面好多貓貓，呢隻貓好多毛

:^(

:^(

我愛尼泊爾 2019-8-19 22:47:20 經典打卡pose

小清新沒有穿白襪 2019-8-20 00:26:06 我地之後就去食Lunch,其實我本身就無話專登去搵啲出名餐廳一定要去食嘅，不過佢地就可能一早搵定，做哂功課，所以呢個無咩意見嘅我就跟住佢地去喇，去咗一間叫雪域餐廳，係要上二樓，裝修係幾有風味，但係啲野真心我只能評分為40分

最難食係呢個偽小籠包，頂佢入面係甜嫁！！


我係呢度試一啖酥油茶，真係勁唔鐘意飲呀，我同我嘅一日model 都覺得好咸完全接受唔到，但佢地兩個覺得幾好飲

:^(

:^(

:^(

:^(

食完飯之後佢地話去睇辯經，其實黎西藏之前已經有人同我講叫我唔洗去睇，本身呢我都無計劃要去睇，不過算啦，難得黎到就去睇下咩料。 我地用咗一蚊搭巴士去，大概半個鐘車程左右，我都唔係太記得邊度落車。
搭車嘅時候，有個藏人叔叔見到我地好迷茫唔知邊度落車咁，佢就主動教我地點去，然後同佢傾下計。 因為真係兩個月前發生，真係唔係好記得我地嘅對話，不過佢好友善。

色拉寺


但係後尾識果個廣州女仔就唔去了，因為佢本身有啲唔舒服，所以佢就返番去我地住果個hostel ，因為佢本身住酒店嘅，但係唔知咩原因就要check out 所以佢要搬去第二度，我地就介紹咗佢去我地果間，今晚再會合佢。

我地就出發了

果辯經場out左fo


喇嘛辯經場面，佢地就係辯經緊喇，咁其實咩係辯經呢 ？咁就係一個問一個答，企係度嘅人會問坐係度嘅人問題，咁坐係度果個人就唔可以反問返嘅。 佢地就係通過辯經去交流所學心得同領悟出嘅佛法。
如果想知道更多可以係呢個網到睇睇，佢講得幾易明同埋幾清楚
https://kknews.cc/fo/xzol2q.html


咁佢地主要都係講藏語，所以其實唔係太明，不過你地都可以去請個導遊為你介紹嘅，睇咗一陣之後我地就跟住條路上咗山，明明琴日去完布達拉宮先話要抖抖，點知今日又不智咁行咗上山。

唔好睇呢條路係好平靜，係我背面係有好多狗，食緊啲生肉，我唔小心望咗一眼，見到勁多血。

:^(

:^(

係西藏除咗會見到好多轉經筒同經幡之外瑪尼堆都係會成日見到，我唔係好知瑪尼堆係香港係點叫？有無人知道

:^(

「瑪尼堆一般都刻有經文，有圖像，有文字，內容多是藏傳佛教的經文、佛尊、動物保護神、六字真言及各種吉祥圖案等。」



仲見到有牛，黎到又陰天，明明頭先係勁好天

:^(

:^(

:^(

本來我地係想去個寺，但點知原來我地已經錯過咗入寺果條路，唯有繼續行，又行到喘哂氣，不過已經比起琴日好好多，我諗又適應咗多少少？


見到兩個年輕嘅藏女，然後同佢地傾咗陣計，佢地係因為當時就黎高考，所以上黎拜，想要有個好成績。我地同佢講，如果有機會出去讀嘅話就盡量試下出去，即係唔一定要係西藏讀，呢個世界好大，有機會要出去睇下，會有多啲得著，希望佢地明白我地嘅意思啦 ！ 最後果深圳男仔係都要同人地合照，佢地原先唔係太願意，後尾說服咗佢地兩個

:^(

最後都係同佢影咗，然後都同我地兩地兩個女仔一齊留倩影，佢地啲五官都好靚，好西藏

:^(

希望依家嘅你地，有個好滿意嘅成績，入到你地想入到嘅大學


跟住我地都落返山，咁樣行一圈都行咁個幾鐘頭，呢個位其實好靚，係兩邊勁多呢啲紫色花，但因為我地都好攰，所以無咩點影相。


西藏嘅小孩都好q

:^(

:^(

佢地嘅爸爸拎住咗包即炸薯片，我地諗住問佢邊度有得買，佢就請咗我地食，真係好好食。


落返山呢個位，我地就坐係度傾下閒計，講起大家做野，面我嘅一日model 係岩岩今年畢業，希望畢業前出黎玩一轉先，同我當年去歐遊嘅時候一樣，我都要勸佢，如果想去玩要去遠啲，衝出亞洲你會睇到更加多嘅人。我都有同佢分享冰島嘅極光同風景，因為真係一世難忘

:^(

後尾講起點解我請到咁耐嘅假，深圳男仔就話，你小心啲啊，一間公司可以比自己嘅員工請咁耐假，姐係話其實你係呢間公司都唔係太重要，其實聽到真心有啲不爽，我覺得我呢份工本來就唔一樣，我呢段時間去到旅行真係因為淡季，我一返到香港真係一黎就chur到新年嫁，平時返工時間已經唔定時，老闆願意俾我抖下，我真心返到香港我都會落力啲，所以聽到真心有啲唔開心，覺得係你唔明姐

:^(

仲叫我小心啲

後來有個叔叔又走過黎同我吹水，我發現佢地對香港人真係好有興趣，佢會問好多問題，例如係咪你地去好多地方都唔洗簽證啊果啲，佢話佢之前都有去過香港，果度買衫平好多 同靚好多，我諗佢都係有啲錢嘅人黎，同佢傾咗陣，我地都差唔多要走喇，希望你下次再黎香港嘅時候，香港已經變返原來嘅香港

:^(

之後就返咗hostel 喇，因為其實唔知點解無咩胃口，所以諗住返去抖抖先，我都要報個去納木措嘅兩日團，所以就返咗去hostel 諗住睇下佢啲團，點知呢個惡夢就黎喇。

咁返咗房抖下先嘅，我就同果個手舞足蹈嘅姨姨講想報果團，要住一晚想睇星，佢就話佢早幾日去珠峰團有個男仔都想去，就叫我同佢一齊報，佢話果男仔都係樓下睇緊資料，於是佢就拉咗我落去介紹咗比我識。

跟住呢個老闆就係咁同我講話納木措有兩個團，一個去聖象天門，係近呢兩年嘅新景點，係南岸果邊嘅但就貴啲要899，咁另一個就係200 幾嘅，當我係諗緊去邊一個之際，有個香港男仔就係咁話聖象天門果個靚好多，我又有啲心郁郁，跟住果老闆又話其實差唔多，然後又問我之後去邊度，我話我已經係第二間拼咁車去10日阿里+轉山，佢問我幾錢，我拼果個其實算有啲貴，但我覺算喇我都報咗，但佢話佢果個係2000蚊內包哂所有野，10日我心諗，會唔會太平，佢係咁話，得佢果度有得轉山，其他果啲無人帶住，好可能得你自己去轉，聽到真係勁唔開心

:^(

:^(

:^(

:^(

叫我諗清楚，我都拼咗，又比咗錢你覺得我可以點姐，又退唔到錢，總知佢就係咁講係咁講，真心有啲嬲，講到我拼果個又勁衰乜乜乜，總知就係咁踩人地。

後尾我都表明咗，我依家都無得退，無得揀，最多到時無人轉咪唔去轉囉，又無話一定要轉嘅

:^(

:^(

:^(

跟住我就係佢度報咗個去納木措聖象天門嘅兩日團，後來我知道點解佢唔想我報899呢個團，因為呢個團，唔係自己公司做，係比第二啲旅遊公司做。

報咗團之後我都係好唔鋸呢個老闆，我就返去間房都吐苦水，我果房啲以女仔都話，佢10日團，咩都包咁佢賺咩錢，呢啲太平都唔太可信，同埋唔洗理佢啦，呢啲做生意緊係踩人地，然後推自己出黎 （但佢或者都有好嘅一面，有啲團可能都幾好，可能要睇係係味報佢自己旅行社果啲），因為我果個係貴差唔多一半，但好多野都唔包，但我當時係覺得可能坐架車會舒服啲呢，聽完佢地都咁講，我都覺得內心比較舒服。算喇 唔再諗，出去買啲乾糧同食晚餐。

呢個麵係我係西藏最好味頭三名，佢就係係呢間hostel 嘅小餐廳就有得食，係勁好味，雖然有啲辣，好食到我即刻同我個model 講呢個好好食，比佢試咗一啖，佢都話好好食，然後都叫咗一碗。

:^(

:^(

因為去納木措嘅車程比較長，所以7點幾就要集合，我就帶啲必須品，帶個小背囊就算喇。大背包放係hostel

不過去到最後其實我都無後悔去轉山拼車果間旅行社。

小清新沒有穿白襪 2019-8-20 00:31:06 咁我諗你可能去到拉薩睇下身體狀況再決定，因為有啲地方有唔舒服最好都唔好去，但如果羊湖都建議嘅；納木措真係要睇身體，因為聽說有啲人去珠峰無高反，去納木措反而有

:^(

小清新沒有穿白襪 2019-8-20 00:31:50 我無一口氣上都扯哂哮

:^(

小清新沒有穿白襪 2019-8-20 00:32:46 係呀 佢地真係跑好快

小清新沒有穿白襪 2019-8-20 00:34:08 我都覺得好震撼，果天好似一伸手就會惦到，睇到好想喊

:^(

我反而覺得今次去環境我仲可以接受到

小清新沒有穿白襪 2019-8-20 00:35:00 多謝你呀

:^(

:^(

:^(

小清新沒有穿白襪 2019-8-20 00:36:20 多謝呀

:^(

真係好開心同唔同嘅人咁樣認識，因為係最無利益衝突，最自然

:^(

:^(

磨牙 2019-8-20 00:46:22 此回覆已被刪除

小清新沒有穿白襪 2019-8-20 00:54:37 21日洗左萬五左右

趕老婆出廳 2019-8-20 01:00:01 我果陣係大本營郵局寄既每一張卡都失哂

:^(

:^(

磨牙 2019-8-20 01:14:05 此回覆已被刪除

思想狂想家 2019-8-20 01:17:21 兩年前畢業去過！
第一眼見到 真係靚到無與倫比 成個window桌面咁！

要學識睇化 2019-8-20 01:34:45 此回覆已被刪除

斷垣望歸燕 2019-8-20 01:54:49 黎緊九月去西藏，想問下絲打你去阿里10日幾多錢？

:^(

我上網睇阿里北線13日個d要4000幾5000仲要唔包食宿門票

:^(

係唔係當地客棧報團會平d

:^(

Chiaho 2019-8-20 21:30:52 舊年去咗西藏，完全明白搭火車嗰種心情。
想體驗下但又好辛苦，仲要訓上舖

:^(

:^(

:^(

小清新沒有穿白襪 2019-8-21 10:28:14 好係其他地方寄都有啲收到有啲收唔到，真係好講運氣

小清新沒有穿白襪 2019-8-21 10:29:21 主要係你一定要拼車或者join團先去到啲地方，呢啲費用最貴 同埋啲門票

臣妾做不到 2019-8-21 10:56:43 8月頭都去咗西藏，去咗珠峰納木措羊湖，好想去埋阿里，可惜時間唔夠

:^(

會計小薯 2019-8-21 10:57:22

:^(