檸茶走檸 2019-8-25 19:32:02 有啲嘢係要趁後生做

:^(

檸茶走檸 2019-8-25 21:30:42 快啲用twitter做文宣啦

:^(

唔好指意曬人地做好冇呀

:^(

快速入門，教你如何用Twitter
- 分享自 LIHKG 討論區
https://lih.kg/1489008

檸茶走檸 2019-8-25 23:09:29 Day16 台東-玉里
騎行里數︰88 km
今日7點半就起身，因為去玉里都有啲距離，執好曬嘢8點出發，見到隔離街有間早餐鋪，順路入去食個早餐。
25蚊台幣，台東物價都幾低。

食飽就上路，萬里無雲。

轉入台9線，今日90%時間都會踩台9線，望落係平路實質係暗斜嚟

:^(

。

踩咗陣見到有個牌寫住轉右往卑南遺址公園，就好奇入去睇下。本身以為係戰後遺址，點知原來係原住民遺址。

8點9去到仲未開門，有個清潔嬸嬸見到我就問我係咪環島之類嘅問題，一聽到係香港人一條友嚟都係呢個反應-->

:^(

，呢十幾日基本上日日都係咁，所以都慣咗

:^(

。跟住佢就好熱心咁介紹公園有咩地方好睇，講咗陣佢就繼續做嘢我就跟佢介紹個路線參觀。
嬸嬸話佢喺度生仔

:^(

入口

入咗森林咁款

原住民嘅屋

好似係學打獵嘅地方

出翻台9線，踩極都係10 km/hr左右，以為自己爆胎，落車check一check又冇問題，於是上網check下坡度。
怪唔之得

:^(

好似平路嘅長命斜

一路都見到好多車友，有一大班人，又有單拖嘅，入一間7仔休息嘅時候見到一個單拖嘅車友，就行去r水吹，呢位車友叫阿堂，大陸嚟嘅，吹咗陣水就約定喺下一間7仔一齊食lunch。
終於到頂啦

跟住就一路衝落鹿野

乾曬嘅河

可惜時間唔啱，睇唔到熱汽球。

呢段台9線又名花東縱谷公路，名符其實就係喺縱谷入面嘅公路，可惜兩邊田地已經收割曬，唔係仲靚。

今日都成36度，所以有樹陰就停一停飲水，
喺呢度休息嘅時候見到一隊車隊經過，有部私家車吊住佢地尾，一來幫佢地運行李，二來確保佢地安全，咁樣算唔算豪華環島

:^(

。

有冇發覺我影親相嘅地方都有樹陰

:^(

前面條橋個斜係咩事

:^(

過咗橋之後就到7仔，阿堂一早已經到咗。雖然佢都係踩mb，但係佢快我好多

:^(

。求其食個雞扒飯就繼續上路，喺我極力推介之下佢決定同我一齊去伯朗大道，佢唔識去所以我帶路，但係佢跟到貼一貼你都咪話唔大壓力

:^(

。
台9線同南橫公路交界處，過咗呢條橋就到伯朗大道。

收割曬了

:^(

招牌相

佢好中意影田

:^(

因為佢要去瑞穗，仲有好大段路，所以交換完line佢就行先。
金城武樹

影完一輪就繼續上路，去到下一間7仔撞到今朝撞到嘅豪華環島團，於是又去r水吹，除咗帶隊嘅幾個大人外，最大嘅都係讀緊初中

:^(

，諗翻起自己十幾歲嗰陣都唔知做緊乜，雖則佢地啲行李有車幫手載，但係真心已經好勁

:^(

，真心好佩服佢地。

7仔外望

3點嘅時候仲有24公里

:^(

對面就係玉長公路，原本有諗過經呢條路出台11線，咁就又睇到山又睇到水

:^(

，但係最後都係放棄，嚟環多次島好過。

農產品展示中心


好似ufo落嚟咁

:^(

影緊相嘅時候求先班細路都追到嚟，大家一齊休息，佢地係咁隊嘢食同舒跑俾我

:^(

，又問元朗721發生咩事，有機會當然盡情宣傳，好好彩嘅係班細路都識講一國兩制信唔過，台灣都仲有希望

:^(

。既然咁啱key梗係要合照留念

:^(

，之後繼續上路，我踩到上30 km/hr都追唔到佢地

:^(

，明明大家都係mb。踩多陣喺燈位追到，佢地目的地都係玉里，問我一唔一齊踩玉長自行車道去，如果唔係佢地我都唔知有條咁嘅路，呢條都係少數算靚嘅單車徑。
單車徑外望

又俾佢地放星星

好難得可以超速

:^(

就到玉里嗰陣開始落雨

:^(

於是搵個涼亭避雨，換拖鞋著雨褸，仲有1公里就到先搞啲咁嘅嘢

:^(

，最後成身濕曬咁到民宿。翻到民宿問下阿堂一唔一齊住，因為啲雨都幾大下，要踩去瑞穗都有啲麻煩，不過佢已經過咗玉里，唯有頂硬上。今晚盛惠150蚊，民宿佈置到好古色古香，成間屋得我一個都咪話唔驚

:^(

，相聽日補翻。
沖完涼又要去搵食，嚟玉里梗係要食玉里麵啦

:^(

。
幾好咬口

食完又係周圍亂行嘅時候

:^(

，不過玉里好細冇乜嘢行。

整翻杯蜂蜜檸檬下火，不過都幾難飲。

跟住去超市買蕉同宵夜翻去食。
咁樣睇電視你試過未

:^(

今晚都係早訓，因為聽日要踩90公里去花蓮。

檸茶走檸 2019-8-25 23:10:03 打完文就繼續上twitter，大家都快啲開account

:^(

檸茶走檸 2019-8-26 16:20:03 鬼係唔需要捉嘅
有粉紅Label嘅兄弟係勇武中嘅勇武，唔好比人帶風向
https://lih.kg/1507271
- 分享自 LIHKG 討論區

檸茶走檸 2019-8-26 17:18:43 (外國文宣) 大家係咪miss 左一粒核彈？
- 分享自 LIHKG 討論區
https://lih.kg/1507386

檸茶走檸 2019-8-26 21:32:33 Day17 玉里-花蓮
騎行里數︰90 km
今朝大約8點半左右就出發，出發前影一影間民宿，因為睇得出老闆好用心佈置。
好古宅feel嘅房

波子機，不過唔知點樣開嚟玩

:^(

。

老闆仲有兩部單車可以借俾住客踩

老闆娘整嘅飾物，想買嘅話要聯絡佢。

嘢飲嘢食自助，隔離有個兜俾你放錢入去，留意翻老闆一家唔喺住呢度，台灣人對人就係有種信任。

影完之後就出發，踩咗一，兩分鐘又翻出台9線，但係有段路維修緊，要兜路行。
白白行多咗3公里。

第一反應諗起有粒墨嘅家燕，是咪正常

:^(

準備上斜

晨早流流就要上斜

:^(

，阿堂琴晚落住雨踩呢段路唔知咩感覺，btw啲雲幾靚。

舞鶴，山頂好多荼鋪，唔知係咪出名做茶嘅地方。

踩多陣又見到北回歸線啦，越嚟越唔想完

:^(

。


跟住一路衝落山到瑞穗，見到有個牌寫住咩瑞穗牧場關閉，所以就冇入去繼續直行。Check咗google map唔洗入市區都會有7仔，所以繼續喺外圍踩，大約踩多5公里就到咗7仔，因為啱啱爬完坡，所以都抖耐啲飲下嘢回氣。我有個習慣就係盡量唔入室內抖，因為怕吹冷氣吹到感冒，坐喺欄杆飲緊嘢嘅時候，有個徒步環島嘅離遠同我打招呼，咁照舊俾個手指公佢。坐多陣就出發，踩兩步已經追翻佢，咁就同佢平排同佢吹下水，佢係台灣人，好似打算行個幾月，咁我見琴日買咗4個蘋果食唔曬，就送咗個俾佢，因為徒步環島補給會更麻煩。之後就繼續去，沿路都鋪緊瀝青，之後去環島嘅巴絲唔洗踩爛路啦

:^(

。


之後繼續踩多一段路，見到路邊有啲單車，踩過嘅時候心諗乜咁熟口面，醒起係阿堂嘅，即刻嚟過急剎，剎到部車都飄埋，原來單車都可以飄移

:^(

。佢喺檔路邊賣飲品嘅休息緊，咁我都入去買枝嘢飲，又同老闆娘吹下水，基本上你去環島嘅大把人會聊你傾計

:^(

。
Hea完後繼續上路，約喺下間7仔等。

條單車徑係廢嘅，寧願踩馬路仲舒服。

去唔到瑞穗牧場就買盒瑞穗朱奶頂住檔，不過同即場飲浸味應該差好遠

:^(

。

食完就去同阿堂去隔離嘅花蓮糖廠睇下，我心目中嘅花蓮糖廠係整糖嘅，點知係住宿地方嚟

:^(

，仲要幾貴下。


睇完就繼續上路，我叫阿堂行先，費事陣間喺後面推我推到我炒車

:^(

。
花東縱谷嘅午後雷雨

:^(

踩多陣越落越大，搵棵樹避陣。

右手邊，望落幾好天

前面，其實落緊雨

等佢停雨之後繼續去，點知踩多陣又落。

停雨後踩到7仔，阿堂問我一唔一齊住，佢book咗新城嘅住宿，準備聽日踩蘇花，我拒絕咗，因為打算喺花蓮停，之後祝佢一路順風，佢就繼續去，我就轉入鳳林，因為見到有個校長夢工廠，好似幾得意咁。

鳳林鎮，又名校長鎮，因為佢出產好多校長

:^(

。

見冇乜特別就繼續上路，仲未見到花蓮個牌

:^(

又要上橋，屎忽開花

:^(

見到呢個牌就好sad

:^(

踩呀踩

踩踩下嘅時候聽到有狗吠聲，心諗咬我呀笨，點知真係有兩隻狗喺右手邊衝出嚟

:^(

，貼住我隻腳係咁吠，最近嗰陣真係得10cm距離，情感上係好淆，但係理想話俾我聽要扮唔知繼續踩，好彩追咗一段路佢地走咗，後來鳥哥話冇俾狗追過唔好話自己環過島

:^(

。
大約6點左右到民宿，100幾蚊港幣，設施好齊又乾淨，抵到爛。

沖完涼洗完衫隔離房有個女仔行出嚟，叫sally，傾咗兩句之後約埋去行夜市，但係去東大門夜市成3公里，佢又冇單車，好彩我同房阿希租咗機車，所以佢載sally，我踩車。冇咗行李踩車真係好爽，輕鬆跟住阿希尾，其實係因為佢揸得慢

:^(

。

好似唱緊修練愛情

禿子跟著月亮走，我們跟著禿子走！

:^(

心諗你都痴線

:^(

開餐

行完夜市佢地就提議買啲啤酒薯片翻去食，我負責買啤酒，最後我仲快過佢地翻到

:^(

。

開餐

:^(

3唔識7嘅人坐埋一齊梗係咩都吹一餐，不過一講到政治就跳曬掣，完全冇logic可言

:^(

，啲台獨港獨出曬嚟，不過又唔怪得佢地，喺牆內俾人由細開始洗腦，所以嗱嗱臨扯開話題就算。咁啱sally打算聽日去太魯閣，於是就約埋佢聽朝去，阿希都俾我地成功遊說，所以聽日將會係3人太魯閣一日遊

:^(

。傾到12點左右就散band訓覺準備聽日旅程。

秋田藍閃電 2019-8-26 21:38:32 LM

檸茶走檸 2019-8-26 21:57:51 幫推 尋人

:^(

有個女仔fd去完遊行消失左兩日
https://lih.kg/1508184
- 分享自 LIHKG 討論區

毅大唔系大阿 2019-8-26 23:17:41 打大佬蘇花公路小心D

:^(

檸茶走檸 2019-8-26 23:30:11 我環完㗎啦

:^(

檸茶走檸 2019-8-27 09:58:24 一早已經講咗鬼係唔需要捉

［正視聽］前線開記招呼籲勿捉「鬼」被分化
https://lih.kg/1509480
- 分享自 LIHKG 討論區

姐撚周 2019-8-27 10:04:17 我3年前去，用左14日，平均都係20-30km/h，每日100km，真係極撚限，同埋市同市之間差唔多呢個距離。第一日由台中落嘉義，落車個下變撚左喪屍，攰到餓到見乜食乜

:^(

捍衛聖域 2019-8-27 15:30:19 要根據返海線定山線
唔好亂轉
住其實四圍都有
係東北個邊行隧道同九份
好後悔miss咗個北塔
好想嚟多次完整

:^(

檸茶走檸 2019-8-27 15:56:51 ［突發］機師空姐有嘢講，諗緊去唔去機場全部同我入曬黎
https://lih.kg/1508361
- 分享自 LIHKG 討論區

檸茶走檸 2019-8-27 17:12:40 Day18 太魯閣一日遊
騎行里數︰0 km
琴晚講好8點半出門口去花蓮火車站搭9點嘅車上太魯閣，大家都好準時起身，行到去火車站未有車住，於是去食個早餐先，同時都買定啲飲品。

好多人等車

9點準時開車

大約1個鐘後就到燕子口，我地唔打算去天祥因為驚唔夠時間回程，所以個路線係由燕子口一路落翻花蓮咁行。
唔知點先可以上嗰條橋，肯定好正

:^(

燕子口步道入口，好多人都借咗帽嚟帶，因為係會有落石風險，但係我地懶所以就冇理到

:^(

。


有塊碑介紹下條步道

因為對流，所以都幾涼爽。

望過對面嘅山，好多窿

:^(

係幾壯觀

行到咁上下見到有檔賣嘢食，大家都去買嘢食，因為之後嘅路都未必有補給。我就買咗個竹桶飯，80台幣，入面淨糯米飯，不過幾飽肚。

食完就繼續行，廢話唔多講，去圖。


行到盡頭就行翻轉頭等巴士落長春祠，個到站時間預報係假嘅

:^(

，遲成十分鐘先有車，所以其實香港嗰個已經算好。
大約12點就落到長春祠

長春祠係起嚟記念因為起中橫公路而犧牲嘅工人，印象中係平均每公里就死一點幾個工人

:^(

，有部份路段仲要係徒手開挖，你諗下以前嘅技術要喺呢啲山中間起路係幾咁難。今日我地咁舒服喺度行都係因為前人嘅鮮血，小至一條公路，大至一個民主嘅國家，你明我講咩嘅

:^(

。

點知封咗唔俾入，好似係漏水漏得太勁。

唯有等車去下個站

整緊個網防止落石，咁高嘅地方做嘢你敢唔敢，所以藍領絕對應該有更好嘅待遇。

落翻遊客中心休息一陣，入面有啲冷氣房播片介紹太魯閣，咁我地就順路入去涼下冷氣。hea到2點左右就出發去砂卡礑步道。

因為費事等巴士索性行路去，第一次行隧道



終於有機會玩下吊橋

:^(

行行下又真係俾我地撞到個揸機車嘅原住民


啲石會不斷滴水

:^(

行到咁上下見到有個牌話前有毐蜂毐蛇，嚇到sally話要翻轉頭，咁我地都冇所謂，因為已經3點半，行翻出遊客中心搭車就差唔多。阿希買咗8點火車飛去台東，所以我地打算打個邊爐然後送佢走，而sally就聽朝去墾丁，因為我未有心理準備打蘇花，所以決定留多日先走。5點幾落到花蓮車站，翻民宿沖個涼之後出發，佢地話想食麻辣火鍋，咁就搵間近火車站嘅。

我已經算食得辣，點知佢地話冇味，由細食到大係唔同啲。食到咁上下阿希就要去起程，我同sally食埋淨低嘅都翻民宿。Sally識彈結他，咁啱我又想學好耐，而民宿又有個ukulele，所以就捉住佢教我彈

:^(

。
上完一晚速成班都識掃下chord

:^(

因為sally聽日要早起，所以玩到12點左右就訓覺，聽日再喺花蓮stay一日就打蘇花了

:^(

。

檸茶走檸 2019-8-27 17:20:35 多名示威者被捕後 疑似於紅磡警署被施以酷刑 呢個係人道危機
- 分享自 LIHKG 討論區
https://lih.kg/dKLLcS

秋田藍閃電 2019-8-27 17:48:56 想去台灣 HEA 下沖下浪 潛下水
由宜蘭玩到落台東
租車點睇

檸茶走檸 2019-8-27 18:23:41 打算由宜蘭踩落台東?

秋田藍閃電 2019-8-27 19:41:06 租4碌

:^(

:^(

單車太慢 唔想用太多時間踩單車 主要想CHILL下玩下水

姐撚周 2019-8-27 19:48:58 好多人都會去四極塔，但我弱弱的淨係去左南極

:^(

有啲地方值得遊下，留一日玩再出發

:^(

個人認為一個月慢遊最弗

:^(

下次好想去日本周圍轆

:^(

捍衛聖域 2019-8-27 20:21:19 北海道有條線
有時間都可以環瑞士

檸茶走檸 2019-8-27 20:22:44 4個轆嘅話唔清楚咩價位，但係巴打記住申請咗國際牌先

:^(

。
路線嘅話應該係宜蘭-->花蓮-->台東
由宣蘭去花蓮得兩個選擇，一係蘇花改一係蘇花公路，如果巴打想睇海嘅話一定係行蘇花公路

:^(

。
由花蓮去台東都係有兩條路，台9線就係山線，喺山中間行，台11就係海線，沿住海岸線行，中間有台30線同台23線可以由山線轉海線/海線轉山線。
我知道有間民宿可以玩沖浪，巴打你要唔要

:^(

檸茶走檸 2019-8-27 20:23:13 日本都可以轆?

:^(

秋田藍閃電 2019-8-27 23:19:32 sd 黎睇下 最緊要多台妹

:^(