住家毒撚 2019-8-24 18:27:40 可唔可以星期六日都出文呀

:^(

個故好好睇 好想日日追
Btw幾時有甜

:^(

火一般的卡西 2019-8-25 10:20:44 謝謝支持

:^(

第二季嘅故事結構比第一季複雜，伏線鋪排要細心諗清楚至可以落筆，製作實在需時，請見諒

:^(

甜會按劇情需要而出現，亦係推進劇情發展嘅重要元素，總之唔會無咗嘅

:^(

心心虛 2019-8-25 19:01:03 會唔會有少少互動，選擇劇情

:^(

火一般的卡西 2019-8-25 20:48:13 除咗主線會跟住大綱走之外，支線係可以考慮嘅，咁你心目中想個劇情點發展呢？

:^(

水瀬いのり 2019-8-25 21:17:08 互動撚死開啦

心心虛 2019-8-26 00:26:00 我只係想選甜定走甜炸

:^(

心心虛 2019-8-26 00:28:08 無未算，本身都無。
又無強求既

魚蛋粉加蛋 2019-8-26 07:47:08 樓主由第一秀開始問我地最想卡西屌邊條女，跟住講完一直無視我地

:^(

:^(

:^(

是但拉，好睇就得! 樓主記得今日準時出post

:^(

:^(

:^(

火一般的卡西 2019-8-26 11:40:30 第六十二話：美豔的未亡人



「你係想分埋一份之啩？」男男不屑地道。

「我諗都無諗過可以分啲咩喎，最緊要就係我哋兄妹重逢，哈哈。」我當堂以笑遮醜，道：「總之呢單嘢做大佬嘅一定全力撐你，有咩用得著嘅即管出聲！」

「你係至好講呀，我間偵探社啱啱起步，家陣仲籌緊上期租 Office，更加唔好講話出錢請人，有你做我助手就最好啦！」男男開顏笑道。

「話得撐你，做你助手就濕濕碎啦！」我笑道。

「做我助手要聽晒我話架喎？」男男再問。

我拍一拍心口，豪氣的道：「無問題！」

男男便扣上安全帶，然後說：「咁我哋出發啦！」

「吓？出發去邊呀？」我愕然地問。

「我今朝約咗龍夫人傾單案，你係我助手，梗係要跟埋嚟啦！」男男雀躍地道。

心想今天是要上班的，不過我現在已升了做 VP，貴為老闆當然沒有人理你在不在公司，雖然這樣，但仍想打個電話給 Alex 交帶一聲，只可惜手機的電早已油盡燈枯。

根據男男的指示，車子朝著九肚山的方向走著。

走到半路，天色越來越變得昏暗，跟著還打起雷下狂風暴雨，我們冒著如此惡劣的天氣，在蜿蜓曲折的山路兜來兜去，好不容易才找到一條隱秘的小徑，小徑的盡頭就看見了一道大閘。

龍家似乎都知道我們的來臨，大閘早就打開了恭迎我們。

車子穿過閘門後，雖然以不高的車速繼續前進著，但竟還走了一陣子才見到一座古老的建築，可想而知龍家大宅的佔地是何等驚人！

車子在門前停低後，我和男男下了車便冒著雨奔向玄關處，還未按門鐘，一邊巨型的木門已打開，就見一個面無表情又披頭散髮的女管家伸了個頭出來，語氣木訥地道：「田偵探？入嚟。」

踏進屋後，我們跟著這個說話沒有尾音、身影像幽靈一樣的女管家，沿昏沉的走廊一直走著，發覺這大宅除了陰森之外，四周還瀰漫著一股非常獨特的中藥氣味，我一邊走，一邊低聲在男男的耳邊，道：「乜．．．．乜呢度成間鬼屋咁嘅？」

「你好驚咩？」男男反問。

「我有話我驚咩？我講個 fact 出嚟大家 share 下啫。」我吞一吞口水答道。

「咁就最好啦。」男男笑了一笑。

女管家帶了我們來到一個偏廳，我們坐下來的梳化正正對著一個巨型神枱，神枱中間放有龍雲海的大頭相，雖然室內半點風也沒有，但不知為何神枱兩旁一雙白蠟燭的燭光卻不斷晃動著，令本來已經相當詭異的氣氛更叫人不寒而慄。

在這個有點似靈堂的偏廳等候的感覺實在很不自在，下意識拿起女管家給我們倒的茶來喝，誰料那股充斥四周的中藥氣味，竟令一杯普通的茶喝起來味道也變得奇怪起來，我喝了僅僅一啖，便被刺激得連咳了兩聲，最後還是急急把茶杯放下，內心又是一陣咒罵。

過了可能只是十多分鐘，但感覺像已經等了好幾小時，突然，那濃烈的中藥氣味好像慢慢在消散，取而代之是一陣非常獨特的清幽香氣，似蘭非蘭、似麝非麝，在此時此地，這沁入心神的香氣就有如沙漠上的甘泉一樣，頃刻之間令人舒泰坦然，我不禁閉上雙眼，深呼吸了一下，好像已把外面的狂風暴雨和大宅內的恐怖幽黯都忘了。

當我再睜開眼的時候，便看見一個穿黑色洋裝連身裙的少婦緩緩走過來，這少婦儀態丰姿綽約，戴著黑色網紗帽子，黑紗掩蓋的一雙眼眸如寶石般晶亮，在昏暗中發出懾人的光采，瓜子臉上塗上淡妝，面頰在燭光映照下顯得皓白透亮，跟豐盈殷紅的朱唇有著強烈的對比。

「你好，田偵探。」黑衣少婦跟男男握一握手，再對我客氣的問道：「呢位係？」

「佢係我嘅助手。」男男給我倆介紹著：「呢位係龍夫人。」

原來眼前的少婦，就是龍雲海的太太龍夫人。

之前看照片中的龍雲海，年紀沒有七十也超過六十，眼前的龍夫人雖然已故意打扮成熟，但年紀看起來只是頂多三十，是一對典型的老夫少妻。

如果龍雲海真的是我老竇，這位容貌美豔動人的少婦，就是我「後母」了。

「你好，龍夫人。」說罷，我也握了龍夫人的手一下，雖然隔著黑紗手套，但也感覺到她的手柔若無骨，細滑如脂。

握過手後，龍夫人便背著神枱，準備在我們對面的梳化坐下來，正當她彎低腰上半身往前傾的時候，她那不算太低的領口突然向下微微一跌，剎那之間，竟可窺看到裡面兩顆雪白渾圓的大肉團，正被黑色蕾絲奶罩緊緊繃縛著，罩杯根本容納不住一雙極其豐滿的乳房，嬌嫰的乳肉都擠了不少出來，暴露三分之一的北半球在沉甸甸的顫巍著，中間形成了一條看不見底的乳溝。

我被這一瞬間的春光嚇呆了！

只是稍稍露出了三分之一已是如此「壯觀」，我真不敢想像她一雙奶子的全貌究竟會巨大到怎樣驚人的程度？

龍夫人坐低後，一對分量令人無法想像的豪乳亦收回在衣領中，雖然龍雲海的大頭相就在她身後盯著我，但我近乎冒犯的視線卻再也離不開她那美妙絕倫的胴體。

這也不能怪我，因為龍夫人的一襲黑色連身裙看似密密實實，但細看原來都是若隱若現的黑紗衣料，超貼身的剪裁將碩大的胸脯、纖幼的腰肢和修長的玉腿都表露無遺，薄薄的黑紗與身體之間可能甚麼都沒有穿，透出一身玲瓏浮凸的曲線和羊脂白玉般的膚色，比赤裸更多了一份神秘的性感美，肯定可以令所有的男人瘋狂！

我如此無禮的舉止一一看在男男的眼裡，她突然大力的捏了我大腿一下，我才從「陶醉 Mode」返回現實。

「田偵探，妾身好希望你可以幫到手。」龍夫人一開始便入正題的道。

繼阿紫的「本座」，現在又有龍夫人的「妾身」，跟「龍雀門」的人打交道有如置身在武俠世界當中。

「龍夫人，我接受得你嘅委託，就一定會盡全力去查，不過我有一點唔係好明，我知道龍先生明顯係被人謀殺，警方嗰邊亦好緊張想盡快破案，如果你係無辜嘅話，警方自然會還你一個清白，你又何需要多此一舉搵我幫手呢？」男男問道。

「妾身當然唔係唔信任警方嘅能力，不過你知雲海嘅身分特殊，表面上係一個經營麻雀館生意嘅集團主席，實際上佢係『龍雀門』嘅『雀魁』，一個古老門派嘅掌門人，好多嘢都唔方便畀警方知道，更加唔好講話要呢班外人插手去調查，之但係妾身一個女人仔又可以做到啲乜？所以只好搵田偵探你幫手。」龍夫人徐徐地道。

（待續）

小病大痛 2019-8-26 12:03:28 第一☝️

火一般的卡西 2019-8-26 12:08:18

:^(

:^(

蝦毛太郎 2019-8-26 13:53:42 推推

牙普 2019-8-26 14:21:42 田偵探咪又係佢口中既女人仔

:^(

魚蛋粉加蛋 2019-8-26 14:38:22 卡西唔係夜晚7點去數碼港酒店 跟著落去見到男男? 開始相認?

點解無端端又要返工? 傾左一晚??

火一般的卡西 2019-8-26 15:15:56 卡西去麻雀館營救 Rionna 阿媽搞咗成晚，離開麻雀館時已經係第二日嘅天光，送咗兩母女返歸，跟住去數碼港酒店係晨早嘅7點鐘

:^(

抗戰義士 2019-8-26 17:31:27

:^(

抗戰義士 2019-8-26 19:32:07 好地地變每日一篇

:^(

火一般的卡西 2019-8-27 08:07:27 過多陣又出文啦

:^(

初級會員 2019-8-27 09:29:32 快！

大力金剛棍 2019-8-27 09:56:29 除定褲等你

火一般的卡西 2019-8-27 11:58:06 第六十三話：腳趾的秘密



男男點一點頭，再道：「好，以下落嚟我會問一連串嘅問題，有啲問題可能會比較尖銳，甚至會令龍夫人你覺得冒犯，請你見諒，但係你都必需要老實回答我。」

龍夫人鄭重地「嗯」了聲。

「根據警方嘅資料，龍先生嘅屍體係喺郊外發現，死狀極其恐怖，全身被人用刀割所造成嘅傷口超過九十多處，死因係流血不止而死，最殘忍嘅係龍先生嘅手筋腳筋全被挑斷，咽喉亦被割破，相信行兇者係防止龍先生反抗同埋尖叫而咁做，加上死者身上嘅財物完好無缺，所以大致上可以排除劫殺嘅可能性，家法式處決、或者仇殺嘅機會暫時係最大。」男男不慌不忙將資料說一遍，然後目光一轉望著龍夫人，問道：「我想問，龍夫人你由龍先生失蹤到發現佢屍體嘅呢段時間，你做咗啲咩？」

聽著男男形容龍雲海的死狀，聽得我雞皮疙瘩全起來了，我真的很佩服男男還可以說得如此從容，究竟誰跟龍雲海那麼大仇口，要用到「凌遲」來殺死他呢？

「嗰幾日妾身同管家去咗曼谷拜四面佛，諗住同雲海佢祈福，只係走咗三日之嘛，就收到警方嘅來電，話雲海佢失咗蹤，妾身咪即卡飛返嚟囉，返到嚟警方就話搵唔到個人．．．．就搵到條屍喇．．．．」龍夫人說到這裡開始哽咽，話再接不上去了。

男男給龍夫人遞上一張紙巾，問道：「需唔需要休息吓？」

龍夫人抹去臉龐上的眼淚，然後搖一搖頭，示意可以繼續。

「好，如果你需要休息可以隨時停我，咁我哋繼續。」男男接著再問：「你知唔知龍先生最近同咩人來往？佢會得罪啲咩人？有邊個會咁大仇口，用啲咁殘忍嘅手法殺死佢？」

龍夫人突然瞪大雙眼，語氣充滿怨懟，叱道：「一定係佢嗰個狼心狗肺、恩將仇報嘅徒弟！」

「佢徒弟？」男男反問。

「雲海貴為『雀魁』，雀技出神入化，想拜佢入門下嘅人不計其數，但係雲海生平只收過兩個徒弟，偏偏就有一個得到咗師父嘅真傳之後，就食碗面、反碗底，夾埋外人吞侵『龍雀門』！」龍夫人恨恨地道。

「咁究竟佢徒弟係邊個？」我忍不住插嘴的問。

「江湖有一名句『北海綠，南京彤』，就係指『雀魁』膝下兩大高徒，北海街嘅阿綠人稱『北海綠』係大師姐，亦都係『龍雀門』嘅現任『當家』，而妾身講嗰個賤人就係南京街嘅阿彤，綽號『南京彤』。」龍夫人答道。

記得昨晚跟「寧波紫霞」交手，我食出「紅一色」時，阿紫有提過這是彤師叔的得意絕技，最後當我食出「天糊綠一色」，阿霞更說出這是她們師傅不傳之奧義，那麼「北海綠」就是「寧波紫霞」的師傅，而她們口中的師叔應該就指「南京彤」了。

想到這裡，我的喉嚨感到有點乾涸，也不理面前的茶味道是如何古怪，都喝了一大口。

「自從阿彤同『福永』一個姑爺仔搭上咗之後，就做咗『福永』喺『龍雀門』入面嘅內應，除咗聯同『福永』掃咗街外好多『龍雀門』嘅股票，令『福永』可以踩到隻腳入嚟之外，阿彤為咗要得到整個『龍雀門』嘅控制權，佢仲想逼雲海退位，要佢將手上嘅股權同掌門人個位都交出嚟。」龍夫人咬牙切齒地道：「阿彤想做新一代嘅『雀魁』呀！」

龍夫人越說越激動，話說完之後胸脯仍急促地起伏不休，一對豐滿得不能再豐滿的豪乳，將連身裙的黑紗布料都繃緊到極限，繡在上圍位置的花蕾圖案已給撐到扭曲變形了。

男男果然已察覺到我的視線又再次冒犯著龍夫人，即時隔空給我一個白眼，然後向著龍夫人，問：「咁你覺得阿彤嘅嫌疑最大？」

「因為雲海點都唔肯將『雀魁』個位交畀佢，所以阿彤就夾埋『福永』，殺咗雲海，仲要折磨佢，一定係咁！」龍夫人堅定地道。

「所以你就係想我搵証據出嚟，証明你嘅推斷？」男男反問。

龍夫人「嘿」的笑了一下，才答道：「田偵探，唔怕同你講，其實妾身已經有一套計劃，搵你係想你幫手，引阿彤呢個賤人上吊。」

我跟男男不約而同都帶著疑惑的「哦」了一聲，因為龍夫人的說話完全是出乎我們預料之外。

龍夫人繼續道：「『龍雀門』表面上係一家企業，但其實都係依然嚴格遵照祖師爺定下嘅傳統去管理，歷代『雀魁』都係『龍雀門』嘅最大單一股東，個人持股 30% 以彰顯掌門人崇高嘅地位，另外三大長老各人持有 15% 共 45% 嘅股權，以發揮監察掌門人嘅作用，所以而家就算『福永』惡意掃晒街外啲散貨，都只係得 25%。

喺正常情況，『雀魁』繼承人係要由現任『雀魁』推薦，再由三大長老確認，之後就可以承繼股權成為新一任『雀魁』，而今次因為雲海突然離世，無人知道邊一個至係雲海屬意嘅繼任人，咁三大長老就只能夠靠『龍雀門』嘅兩大聖物去辨認。

呢兩大聖物，就係『一百四十四章經』同埋『玄鐵起莊』。

一副麻雀有一百四十四章，『一百四十四章經』一直係『龍雀門』嘅寶典，收錄咗第一代『雀魁』嘅『御章心得』，熟讀『一百四十四章經』就能夠練得技壓群雄嘅牌技，號令雀圈，至於『玄鐵起莊』就係『龍雀門』歷任掌門人嘅信物，有如『丐幫』嘅『打狗棒』同『蛾眉派』嘅『倚天劍』一樣，見『玄鐵起莊』如見『雀魁』！

所以阿彤要成為『雀魁』，佢就先要集齊『一百四十四章經』同埋『玄鐵起莊』，然後佢就有權喺三大長老面前提名自己做『雀魁』繼承人，喺死無對証嘅情況下，根據『龍雀門』嘅門規，三大長老都只可以確認佢繼承人嘅身分，並推舉佢成為下一任『雀魁』，到時阿彤就可以攞到雲海嗰 30% 嘅股權，連同『福永』之前買落嗰啲，佢哋加埋嘅總持股量就會超過一半，到時，『龍雀門』就會落喺外人手上，後果不堪設想！

之不過，自雲海過身之後，呢兩大聖物就一直不知所蹤，無咗呢兩大聖物，阿彤就做唔成『雀魁』繼承人，所以佢而家一定好心急想搵返呢兩樣聖物出嚟。

而妾身就知道呢兩大聖物嘅下落．．．．

雲海就係將藏有呢兩大聖物嘅夾萬位置同埋打開夾萬嘅密碼，都紋晒喺佢腳趾隙度，所以佢生前永遠都著住襪，加上佢肥胖嘅身形，唔細心睇根本就唔會留意得到，而妾身就利用呢個秘密做餌，仲特登將呢個消息傳咗開去，如果阿彤知道咗之後真係去偷返兩大聖物出嚟，妾身就可以人贓並獲咁喺三大長老面前，揭穿阿彤謀朝篡位嘅陰謀！」

外表楚楚動人的龍夫人，原來早已盤算好一套「引蛇出洞」的計劃，真不可小覷她！

男男想了一想，問道：「就算阿彤真係去龍先生個遺體度睇腳趾罅個秘密，然後偷呢兩大聖物出嚟，咁都唔可以証明佢係殺死龍先生嘅兇手架？」

龍夫人臉色一沉，朗聲答道：「田偵探，妾身一開始就同你講，雲海唔係普通人，佢係『龍雀門』嘅人，佢嘅事就係『龍雀門』嘅事，『龍雀門』嘅事自然就要用『龍雀門』嘅方法去解決，警方捉唔捉到真正兇手唔係妾身最關心，而妾身亦都好希望你搞清楚，你嘅責任唔係去幫警方，而係要幫妾身去拆穿阿彤嘅詭計，等『雀魁』個位唔好落入叛徒嘅手上，如果『龍雀門』最後真係畀外人食咗，雲海佢死都死得唔眼閉呀！」

龍夫人貴為「龍雀門」的「第一夫人」，果然有大嫂之風範！

（待續）

迷惘人生路 2019-8-27 12:00:41 推

牙普 2019-8-27 14:13:37 睇2次先理得清d人同特別名稱

:^(

lostinforever 2019-8-27 14:24:28 超多新資訊

:^(

一路順鋒 2019-8-27 15:17:31 個呀叔係北海綠？

:^(