未來見 2019-8-20 19:21:41 咁快完左牌局

:^(

小病大痛 2019-8-20 19:22:05 恭喜樓主甩P
點計都要出多一話賀下佢掛

夠鐘熄登了 2019-8-20 19:25:24 甜呢屌

:^(

抗戰義士 2019-8-20 19:28:13 支持

火一般的卡西 2019-8-20 19:28:45 你係咪特登提佢哋架

:^(

:^(

Isaiah_Thomas 2019-8-20 19:36:32 我地俾樓豬無視

:^(

負皮先

蝦毛太郎 2019-8-20 19:38:24

:^(

係喎，甜呢

:^(

:^(

算啦，有文好睇就得

魚蛋粉加蛋 2019-8-20 20:01:44 咁你快d比卡西食舖 「寧波紫霞」啦

:^(

:^(

:^(

小茵@純 2019-8-20 21:40:07 巴打幾年前有冇喺過舊登寫重甜故?

火一般的卡西 2019-8-20 22:08:21 咁你鍾意之前邊張？

:^(

火一般的卡西 2019-8-20 22:10:16 點解你要咁狠心？嗚嗚.....

:^(

火一般的卡西 2019-8-20 22:12:13 無呀，第一次出文架咋，請多多指教

:^(

胳肋底生野 2019-8-20 22:27:35
呢兩張無得輸
第一張就因為張圖而勾左成個場面出黎
第二張就幾好J 幾吸引

:^(

火一般的卡西 2019-8-21 08:35:00 呢兩張都係我自己其中最like

:^(

抗戰義士 2019-8-21 10:10:23

:^(

閃電撻生魚 2019-8-21 10:11:10 甜呢?

火一般的卡西 2019-8-21 11:36:05 第五十九話：名醫的情人



之前很熱閙的麻雀館，轉眼間只剩下我們三人跟福伯，我舒了一口氣，再跟伯母道：「伯母，今次無事係好彩架咋，你真係要戒賭呀！」

伯母大力地點頭一下，堅定地道：「好！我應承你！我以後都真係唔會再賭架啦！」

我知道福伯應該還有話要跟我說，所以我便把車匙拋給 Rionna，然後對她道：「我想幫福伯執埋啲嘢先，不如你同伯母上車等我。」

駛開了她們母女二人後，我向福伯鞠了一個躬，再衷心的說道：「好多謝你幫我，你嘅大恩大德，小弟沒齒難忘。」

福伯臉上沒甚麼表情，淡然依舊地道：「你唔駛多謝我，我幫你只係一場交易，如果你幫唔到我手，我會喺你身上攞返十倍、甚至係一百倍我今日畀你嘅嘢。」

經過剛才的牌局，我不會懷疑福伯有這個能力，所以現在我唯一可以做的，就是要盡全力去跟著福伯的說話做。

我問道：「咁你要我做咩？」

福伯正色地道：「我要你埋『東建集團』代主席嘅身邊。」

我驚訝的「吓」了一聲，因為我怎也想不到福伯要我幹的事，竟然是要我接近「白髮太后」三姨太。

「所有人都知朱家大少奶王禹伊係朱太身邊嘅大紅人，既然你係佢個妹嘅男朋友，應該一定會搵到機會入到朱家埋到佢身，當你做到呢一步嘅時候，我就會同你講下一步我要你點做。」福伯繼續道。

看來因為剛才 Rionna 在情急之下，說出了王禹伊是自己的姐姐的事，令福伯覺得有利用我的價值，才可以造就這宗交易，命運這回事，一線之差便有著天堂與地獄之分別，如果當時不是 Rionna 衝口而出的那句無心話，福伯肯定不會出手，而我現在已欠太子安 $300 萬了。

但問題是，外人雖以為我是 Rionna 的現任男朋友，她還對傳媒說會視我為結婚對象，不過這些只是申老闆指使下故意弄出來的煙幕，加上她們兩姊妹早已脫離了關係，Rionna 會因為我這個「A 貨」而跟姐姐去修補彼此關係嗎？

我越想就越覺得不對勁，便皺著眉，搖頭道：「唉，我都無謂瞞你，我同 Rionna 係扮情侶架咋，加上佢家姐一早都同佢脫離咗關係，我真係唔覺得我會有機會入到朱家嘅門口囉，仲話要埋朱太身邊喎．．．．」

福伯不讓我說完便插嘴，叱道：「咁呢個係你嘅問題嚟喇，對我嚟講，只要有一絲機會可以接近到姓朱嘅我都唔會放過，唔好忘記你頭先簽咗份文件，嗰份嘢係一間叫『西夷集團』嘅股權轉讓書，你簽咗之後就已經成為咗呢間殼公司嘅董事，如果到最後你都埋唔到姓朱嘅身邊，呢間公司同你有關造假帳、虛報業績嘅証據就會唔知點解去咗 ICAC 度，到時我諗你呢個董事都會幾麻煩，總之我幫你嘅事我已經做咗，而家就輪到你要幫返我！」

原來我簽的文件是給「孫悟空」的「緊箍咒」！

而一向表情不多的福伯竟越說越激動，看來他跟三姨太有極大的仇口。

更想不到一個表面上在麻雀館「斟茶遞水」的阿伯，隨手就有隻「殼股」的股權轉讓書在手。

究竟這個福伯真正的身分是誰呢？

送了 Rionna 和伯母回家之後，天色已光透。

我很累，但卻未可以休息，因為我還有要事要辦。

就是趕去跟 send 淫片給我的「那人」見面。

我是根據「那人」最後留下的 Emoji，估計我們的約會時間和地方。

「🕖（7:00）🔢（數）🐴（馬）💬（講）🏨（酒店）🔟2️⃣6️⃣（1026 號房）」

申老闆給我的跑車真的是大派用場，但我也沒有令他失望，除了通過了忠誠的測試之外，還意外地救了他馬子 Rionna 跟她媽媽的命。

這次牌局之後，不用汶汶造謠生事，看來我已正式成為太子安的對頭人，「福永」的敵人了。

還有福伯給我的差使。

但這些都不是我目前首先需要擔心的事，因為無一件事比淫片對我的威脅更迫切。

能令我稍為放心的，就是「那人」肯跟我見面，代表還有談判的餘地。

無論如何，我必須要妥善處理。

泊好車後，我帶著沉重的步伐，一步一步向著約會的地方進發，當我站在 1026 號房的門口時，望一望錶，時間是 6:57。

我站在門外，等著一分一秒地過，等了三分鐘到七時正，我才鼓起勇氣，按下門鐘。

我隱隱若若聽見房間內傳來一把女聲，說：「Room Service 嘅早餐到啦．．．．」

另一把男聲答道：「我去開．．．．」

之後，就是越來越近的腳步聲，直至房門打開。

打開門的，竟然是婷熙的叔叔楊禮韜醫生。

我還看見，房間裡面的女聲，是屬於一個身材高䠷的黑髮美女，雖然只望到她一瞬間的側面，但我仍覺得這位美女有點面熟，就是在電視上見過的那個醫委會主席，我下屬 Angie 的妹妹馮梁文穎！

「唔好意思，搵錯咗門。」我連忙賠笑道，說罷便轉身離去，楊禮韜亦迅速地把門關上。

楊禮韜原來跟馮梁文穎是有一手的！

我上次在婷熙醫務所的衣櫃中，都有見識過楊禮韜「食女」的本事，厲害得竟然連醫委會主席也是他的「契家婆」！

那麼，「那人」發訊息給我的目的並不是要約我談判，而是要我撞破楊禮韜跟馮梁文穎幽會的這一幕。

但，「那人」為甚麼要讓我知道他們的姦情呢？

這時，「那人」又發了一張照片給我。

照片上可見保時捷的車廂內放了一頂草帽。

是海賊王的招牌草帽。

我想，我已猜到「那人」是誰了。

（待續）

小病大痛 2019-8-21 12:00:11 講明先我係正皮左你個po ge

不過比人無視又真係好慯心ga

火一般的卡西 2019-8-21 12:09:59 點敢無視

:^(

，正如我之前都有回應過，本作品真係製作需時，尤其主角係以第一身角度嚟寫，每個布局、每個鋪排都要諗清諗楚，寫錯咗一步或寫漏咗啲細節，就無得咁易之後加個無主角在場嘅情節兜返，希望各位體諒

:^(

火一般的卡西 2019-8-21 12:12:09 btw, 多謝你嘅正評, 每個有形嘅支持對我嚟講係好緊要架

:^(

工程自古空餘恨 2019-8-21 12:13:46 草帽人係女主角？

牙普 2019-8-21 12:15:27 路飛亂入

:^(

火一般的卡西 2019-8-21 12:21:23 明確答你難免劇透，所以我都係答住你嗰句，劇情鋪排緊，頂住先

:^(

睇書啦喂 2019-8-21 12:30:17 支持 好好睇

:^(

閃電撻生魚 2019-8-21 12:45:37 竟然係個 TB...
不過講開又講, 高級跑車唔係只載到 1個人咋咩?