（親情/社會）我個仔被老屈藏有炸藥
上一頁
第 2 頁
下一頁
葉開葉開
2019-7-31 21:34:13
二
我而家響一間叫B's Bar既酒吧。
「你已經接駁到xxxxxxxx既留言信箱，請響咇一聲之後留低口訊…」又係呢把死人電話錄音聲…
「禮，爸爸呀，快啲覆個電話喇。」無奈之下唯有留多次言。
唉。
我再㩒入去WhatsApp畫面，阿禮都係冇覆過我訊息，而且好多都係灰剔。
阿仔已經兩日冇返過屋企，電話同訊息都唔覆…唉，駛唔駛咁嬲呀？
兩父子邊有隔夜仇架？
況且…我講既…應該都係…事實啫…？
係咪讀到大學既後生仔都係咁既呢？
不過阿禮已經失左踪成兩日，真係有啲擔心…
我拎起吧枱上面杯酒一飲而盡。
呢個寶貝仔，由細到大都要有咁擔心既…
記得佢細細小學個陣為左保護同學，同個惡霸學生打架，仲要打到入醫院又記過。
果陣雖然好嬲又好擔心，但係…又有啲開心，覺得個仔好有正義感，啱晒第時同我一樣做律師。
點解佢而家分唔清楚是非黑白架？
「劉律師，唔好意思，等左好耐嗱？」有人拍一拍我膊頭。
「鄭議員！」我企起身轉頭同鄭議員握手：「到左一陣啫。」
其實…已經到左成個幾鐘…
不過，獻世派既議員係唔得罪得，更何況我仲有大把生意要靠佢既人脈？
「唉，你知喇，我地呢排好忙。」中間分界、年約四十幾歲既鄭議員托一托佢副金絲眼鏡：「我地要成日要開會，諗下而家呢個時勢點樣幫政府解圍。」
「唉，班後生仔響度搞亂檔。」我搖一搖頭：「你地個網上聯署，我都有簽。」
「多謝你喇，不過你冇真係填晒你啲個人資料落去吖嘛？」鄭議員個樣有小小幸災樂禍咁。
「唔係一定要填架咩？」我問。
如果唔係你地點確認啲簽名係真？
「呃…係喇，一定要填。」鄭議員個樣有小小嘲笑既意味。
儘管佢好努力咁隱藏。
「唔…」我有啲不是味兒。
「唔好講呢啲喇，入正題。」鄭議員慣性咁托一托眼鏡：「你帶左黎未？」
我將三張律師會幹事選舉既授權票取出，交比鄭議員：「響度。連埋我兩個徒弟既授權票。」
「哈哈，唔該晒。」鄭議員露出滿意既笑容，再將授權票收下：「今次我地上面派出既律師一定會贏出今次既選舉。」
「嗯。」是旦喇，邊個做都唔關我事，佢地響時事議題為政府定民眾發聲都唔關我事，最緊要唔好阻住我搵錢。
最近啲樓宇買賣好旺，尤其是豪宅，真係賺到笑。
不過有咁多生意，都係全靠…
「放心，我有幾個大陸朋友，想響香港買樓，我已經比左你既卡片佢地。」鄭議員笑住咁講：「佢地仲話會搵你幫手開公司。」然後暗暗一笑：「價錢任你開。」
「多謝！」我都滿足地笑了。
「咁你都記得下星期都要黎我議員辦公室搞法律諮詢仲有平安紙講座。」鄭議員不懷好意咁笑：「有好多公公婆婆等住架。」
「梗係冇問題！」用呢啲免費服務黎換取選票…不過我咪當做義工幫下人囉。
邊個選到議員，關我乜野事？
之後我同鄭議員冇再談公事，慢慢咁傾下計，風花雪月一番，話題離唔開最近既示威活動。
「講起黎，尋日有單大新聞！」鄭議員講到口沫橫飛：「警察響葵涌既工業大廈入面搵到個學生示威組織，佢地個單位入整緊汽油彈、TATP同其他爆炸品，話要炸死啲警察咁話！」
「我都睇到，警方都好高調咁拉人！」我諗起無意中見到無○新聞播出既片段，搖一搖頭：「啱架喇，要拉啲人出黎重判，殺雞儆猴先得！而家啲後生仔真係唔得。」
「你個仔好似讀緊港大架喎，」鄭議員又黎陰陰咀咁笑：「佢冇去參加遊行示威吖嘛？」
我個心突然抽搐左一下，諗起前日阿仔出走時既情景，回答：「梗係冇喇！我教出黎架喎，點會去做埋啲咁無謂既野？佢都唔理政治既。」
鄭議員點點頭：「咁就好。佢地真係天真到以為行出黎就可以改變到呢個社會，真係可笑。」
「嗯…嗯…」我仲係諗緊前晚既情景…
「好喇，都夜喇，我要走先。」鄭議員將一疊銀紙拍落吧枱面：「今晚我既。」再拍拍我膊頭：「下次有好野再益你。」
我望住鄭議員離去既身影，嘆左口氣，再望下自己部電話，收到好多WhatsApp訊息，但係偏偏冇一條係阿禮send出黎既。
我忍唔住再打多一次電話。
「你已經接駁到xxxxxxxx既留言信箱，請響咇一聲之後留低口訊…」又又係呢把死人電話錄音聲…
「禮，爸爸呀，快啲覆個電話喇。」無奈之下唯有再留多次言。
已經重覆左幾多次？
阿禮咁大個仔，應該識照顧自己既，唔駛咁擔心…
但係，佢出世以黎，係第一次同我失去聯絡咁耐…
*
返到屋企，咁大間屋得返自己一個，感覺好寂寞好空虛…
自從阿仔入左大學之後，我連菲傭都冇再請，得我地兩仔爺住。
「你已經接駁到xxxxxxxx既留言信箱，請響咇一聲之後留低口訊…」
「禮，爸爸呀，快啲覆個電話喇。」
仔呀仔，你去左邊呀…
諗諗下，其實我地兩仔爺都好耐冇好好咁傾過計…
我掛住賺錢，阿禮掛住讀書…
一日傾到幾多句說話？
前晚難得阿禮返黎屋企食飯，我又掛住睇電視新聞一路食一路鬧…
如果我果晚有好好咁同佢傾下計，分享下我地兩仔爺既日常生活瑣事，佢會唔會就咁走左去？
我合埋雙眼，彷彿見到阿仔細細個既時候，同埋佢媽媽一齊落街，行商場，去美國冒○樂園，玩得好開心好溫馨既畫面…
阿禮佢呢… 細個果陣好鍾意去架。
其實我真係好錫呢粒仔…想比晒最好既野佢…
老婆呀…如果妳仲響度既話…妳會點做呢？
百無聊賴，我取出電話，打開大台既新聞app睇。
呢兩日其實我心不在焉，就算發生左啲乜野學生組織藏有炸藥要炸警察咁大單野我都冇認真睇過單新聞。
我㩒入去，發覺而家大台啲新聞報導其實…都幾冇道德。
連嫌疑犯既全名同資料都寫晒出黎。
以前邊會咁架？
「哈，真係衰，連人地全名同讀邊間大學都寫埋出黎。」我一路掃個電話屏幕，一邊自言自語：「啱架喇，起晒佢地底，等第時佢冇人請佢地。嘿嘿，搞搞震吖嗱…」
突然，我既手指停低左劃動。
…
…
隻手不由自主咁發震…
…
唔係真既…
唔會係真既！
「劉學禮，21歲，港大法律系。」
砰啪！
電話由我手中跌落地上面。
（待續）
Ads
呢鋪大檸樂
2019-8-1 13:42:58
:^(
支持 希望會繼續寫落去
葉開葉開
2019-8-1 19:20:38
多謝支持
放心，樓主保證唔會爛尾
葉開葉開
2019-8-1 22:09:57
三
「你已經接駁到xxxxxxxx既留言信箱，請響咇一聲之後留低口訊…」
「禮，唔好嚇爸爸呀，快啲聽電話喇！」已經留低左無數次電話留言。
我響條街上面橫衝直撞。
「仔呀！爸爸老喇，唔嚇得架，快啲聽電話喇！」
漫無目的咁跑。
「禮呀，果日打你係爸爸唔啱，你覆個電話喇，爸爸同你講對唔住！」
阿禮佢嬲多陣就會覆電話架喇…
「禮呀…唔好嚇我啦…」
唔會係真既，只係同名同姓既啫！
阿禮咁乖仔，唔會搞炸藥既！
佢讀文科架，識鬼TATP咩！
再打，一定要打到阿仔聽電話為止！
「你已經接駁到xxxxxxxx既留言信箱，請響咇一聲之後留低口訊…」
「仔呀！快啲聽電話喇！唔好再嚇爸爸喇！」我忍唔住歇斯底理咁響條街度大嗌。
夜深，但係街邊既途人好似見到精神病人咁望住我…
「你已經接駁到xxxxxxxx既留言信箱，請響咇一聲之後留低口訊…」
「你已經接駁到xxxxxxxx既留言信箱，請響咇一聲之後留低口訊…」
「你已經接駁到xxxxxxxx既留言信箱，請響咇一聲之後留低口訊…」
無論打左幾多次，都係得個電話錄音。
冇理由既…一定唔係阿禮黎既…
佢讀法律系架嘛，如果出事佢一定知道要第一時間搵律師，咁我作為佢爸爸，佢一定會即刻搵我既！
但係…如果…如果佢驚我仲嬲緊，又或者驚我知佢做錯事，所以唔夠膽搵我呢？
…
…
…
冷靜，劉卓仁，你要冷靜。
呢個時候急只會自亂陣腳。
深呼吸…
我再深吸左一口氣。
再一次打開無○新聞App。
呢個台咁冇道德，可能會將班學生扣留既警署都講埋出黎…
冷靜啲，一定可以搵到啲蛛絲馬跡既。
有喇。
葵涌警署。
哎呀，我真係蠢，葵涌工廈就梗係拉返去葵涌警署架喇。
我整理一下自己，收拾一下心情，就走左去截的士去差館。
*
所料應該不錯。
未落的士之前離遠已經見到一大堆記者圍住差館門口。
睇黎…我啱啱真係太過亂，應該一早睇下新聞。
「唔駛找！」我連的士咪標都冇睇，好急咁拎左張五百蚊紙比司機，之後急急腳咁落車。
「嘩！今日發達囉…」身後既的士司響度喃喃自語。
錢財身外物，仔呀…最緊要你唔好有事！
我即刻跳落車，三步拼兩步咁急步行向差館。
我越過一班睇落好疲累既記者，衝入警署門口。
「我係劉學禮既代表律師。」我強自壓住自己內心既激動，一臉冷靜咁向當值既警察講：「我要見佢。」然後將我張律師證比警察檢查。
個警察望一望個list查閱左一下，之後再低頭扮做野，唔理我。
雖然我係一個主要做商業同買賣樓宇既律師，但係我都知道香港既法例係保障每一個嫌疑犯有見律師既權利。
「唔該阿sir，我係劉學禮既代表律師。」我強忍怒氣，重覆多一次：「麻煩比我見下佢。」
呢度始終係警局，唯有禮貌小小要求人。
警察都係打份工啫，唔通會唔依法比我同呢個劉學禮見面咩。
見到面我咪知佢係咪我個仔囉。
「佢冇叫律師喎。」當值既呢位警察終於抬起頭，一臉不耐煩咁講：「走啦，唔好白撞。」
「唔係呢…」
「話冇就冇喇！仲唔快啲走！」個警察語氣開始差：「咪白撞呀你條律棍！」
「白撞？」我忍唔住要爆，將呢兩日積埋既怨氣一次過爆晒出黎：「呢度係香港！每個被拘留人士都有權要求見佢地既律師！你憑乜野唔比我見佢！吓！你咁做係違反香港法律！出面咁多記者，我就出去唱通街話你地唔比班學生見律師！」
個當值警察應該冇諗過我會發火，而且聽到我話要話比傳媒知，佢呆左一呆，回答我：「你等我一陣…我揸唔到主意，要問下我上司先。」
被拘留人士見律師係人權，咁都揸唔到主意？
但講真，始終我唔係做開刑事案件，唔太熟陪客落口供既程序，所以冇再出聲。
隔左一陣，當值警察同另一個警察返返黎。
「劉律師下嘛？你跟住佢喇。」當值警察指住佢同事，對住我講：「唔好玩咁大呀，對你將來都冇好處架。」
「有心喇，我既將來都唔關你事。」我啖火都仲未下。
「跟住我黎喇。」另一個警察不情願咁帶我行：「都唔知點解阿頭會放你入去既…」
阿頭放我入去？
咁怪既…？被捕人士見律師係天公地道。
我當乜都聽唔到咁跟住佢行。
始終響警署呢度作無謂既口舌之爭對我冇著數。
佢將我帶到去一個類似會面室咁既地方。
「你坐下先喇，你既當事人好快到。」警察講完就行左出去。
一坐低，剛才既怒氣就比擔心完全蓋過晒。
呢個劉學禮…係咪真係我個寶貝仔…？
…
…
…
其實，我都唔好再自己呃自己…
港大法律系有幾大？咁啱會有咁多同名同姓既人？
係就好…
…
…
我一路等一路睇住啲時間…
一個鐘…
兩個鐘…
三個鐘…
劉學禮仲未到既？
啪啪啪…
係腳步聲…？
（待續）
山區兒童窩巴
2019-8-1 22:41:13
葉開威終於有新故
lmlm
:^(
葉開葉開
2019-8-2 08:02:03
山區巴
:^(
多謝支持
:^(
你吾識避架？
2019-8-2 09:03:59
推
:^(
西野家內
2019-8-2 09:59:59
推
呢鋪大檸樂
2019-8-2 12:21:12
:^(
呢鋪大檸樂
2019-8-3 13:55:53
:^(
推
秦こころ
2019-8-3 14:19:53
:^(
Ads
山區兒童窩巴
2019-8-4 11:45:16
推爆你
葉開葉開
2019-8-4 14:44:48
多謝樓上大家既支持，一去到週末，義士們既情況真係令人擔心，而狗隻們既濫權極度令人憤怒，而且仲變本加厲…
而家為大家更新第四集…
葉開葉開
2019-8-4 14:44:58
四
「一陣咪撚亂講野呀，知唔知呀！」門外一把好惡既聲音大叫。
「…」另一把聲好似講左啲野，但講乜因為太細聲，所以我完全聽唔到。
但…把聲係咪有小小似阿禮把聲？
「聽唔撚到呀！大聲啲啦！」
我響會面室入面架，唔驚我聽唔到？
「知道！知道！」一把好驚惶失措既聲音急忙咁回答…
把聲…
呢把聲…
係我既寶貝仔架！
阿禮！
「嘿，不過其實你講乜都冇用…呢個係獻世派果邊既律師…可能都係為左啲選票做下樣架啫…你好自為之！入去喇！仆街仔！」
佢地係check過我張律師證…莫非佢地以為我係獻世派既律師所以先比我入黎見阿禮？
「係！係！」阿禮把聲…好驚慌咁既？
究竟發生左乜野事！
啪！
門打開了。
「喂…律師，我唔知你入黎做乜野，不過既然上頭話你係自己人，咁麻煩你唔好要我地難做嘞。」有個警察對住我講，佢仲帶住個人響後面。
阿禮！
真係阿禮！
目光呆滯既阿禮！
同果日充滿堅定信念完全唔同既阿禮！
察覺到氣氛有問題既我，強行壓制住心入面既激動，同警察講：「唔該晒阿sir。」
「唔。」警察將阿禮推入黎就返左出去。
阿禮低住頭咁慢慢行過黎坐低…
每一步都行得好慢好慢…
「仔…仔！」我激動咁捉住阿禮雙臂，但儘量細細聲咁呼喚佢。
「係！係我地做既！係我地做既！」點知我一搖阿禮之後，佢成個人突然僵化晒，反應出乎意料咁激烈！
唔妥！
兩日之前佢仲好地地架！
「阿仔！我係爸爸呀！」我捉實阿禮既膊頭，嘗試令佢冷靜落黎：「爸爸呀！」
「爸…爸？」阿禮抬高頭：「爸爸！」
我望住阿禮，忍唔住攬實佢。
「啊…啊！」阿禮比我攬住之後反而好痛苦咁叫。
我即刻輕輕咁推開佢，一個不祥既念頭湧上我心頭。
我揭開佢件上身衫。
…
！
！！
「乜野事！點解會咁架？佢地對你做左啲乜野？」我忍唔住大叫！
阿禮既上身全部都係一條條既傷痕，根本就係用藤條或者鐵枝之類既武器所造成！
有啲仲紅紅腫腫，上面有啲粉沫響上面！
以前我聽過專做刑事既行家講，警察係會對住某啲類型既嫌疑犯逼供，但我都只係一笑置之。
唔係話唔信，而係自己未親眼見過…
又或者佢地逼供既，都係啲重犯…
估唔到…佢地可以咁殘忍對住個學生落手！
仲要係咁誇張！
仲要係發生響自己個仔身上！
「禮！禮！唔駛驚呀！話比爸爸知發生乜野事！」一時之間，我唔記得要冷靜，忍唔住大叫。
「爸爸！爸爸！」阿禮一時之間乜野都講唔出口，淨係識係咁喊。
痴線，我既寶貝仔只係個文弱書生！
啪！
應該係因為聽到我地既對話，出面個警察啪一聲打開門！
大鑊，見到個仔受傷太激動，唔小心太大聲比出面既警察聽到！
有三個警察入左黎，似乎係一早響門口預備stand by！
佢地好快手快腳咁捉返走阿禮！
「爸爸！」一路走佢一路叫。
我呆左。
只能夠目送阿禮比佢地帶走…
之後其中之前帶我入黎果個警察上上下下咁打量住我。
「我一早都話唔應該放任何人入黎。」個警察淡淡地道：「你係個細路既老豆？我聽到晒。」
「我當事人要驗傷。」我冷靜咁講。
咁多年做人既經驗話比我知，越係危急既情況就越要冷靜。
亦好彩我搭的士黎之前已經發左一次癲，所以我呢一刻先可以冷靜落黎。
即使件事係發生響我個仔身上。
「佢冇傷唔駛驗。」警察同我針鋒相對。
「你唔係醫生。」我回答：「我當事人有冇受傷唔係由你決定。」
「我地呢度有醫務人員。」佢補充多句：「我地話冇傷就冇傷。」
「去醫院驗傷係我當事人既權利。」我好堅持。
「劉律師，我諗你要搞清楚一樣野。」呢位警察笑左起黎，心得令人心寒：「呢度係我主場，我話你響度做乜都得。我而家係因為上頭既柯打而比緊面你，你唔好敬酒唔飲飲罰酒。」
「好。」我心中已有打算：「我而家走。」
「大家好黎好去咪幾好？」警察續道：「你返去繼續搵錢喇，大家都係同一陣線，唔想班暴徒搞亂香港，係咪？」
暴徒？
我堅信住一樣野，啲所謂炸藥，一定唔係我個寶貝仔整！
甚至乎有冇炸藥都係一個問題！
我堅定呢個信念。
「好，唔該晒。」我緩緩地離開。
返到出警署門口。
一開門，我即刻向住所有記者大叫：「各位記者朋友，我係其中一位藏有爆炸品案既疑犯既代表律師，我有第一手消息要同大家講！」
為左阿禮，為左我唯一既寶貝仔，我豁出去！
（待續）
西野家內
2019-8-6 17:22:59
幾時更新
:^(
天久(L259)
2019-8-6 17:26:45
留名
最獨苦人參
2019-8-6 19:33:38
幾時更新
:^(
葉開葉開
2019-8-6 20:25:30
多謝大家支持，尋晚甩左期講聲唔好意思先
:^(
因為尋晚掛住追新聞
:^(
今晚會更新架喇
:^(
活著的最寂寞
2019-8-6 20:31:50
支持
葉開葉開
2019-8-6 21:48:27
多謝支持！我而家準備更新
葉開葉開
2019-8-6 21:48:41
五
又一次坐響B's bar既吧枱前，又一次等緊一個人。
「你今次玩乜野？」鄭議員把聲響我身後響起，語氣中盡是不滿。
「行使公民權利。」我輕描淡寫咁回答。
果日我響警署門口向記者朋友們大談我響拘留室入面所見所聞，包括班學生遍體鱗傷同埋唔比見律師，之後全香港既報紙賣晒出黎，響輿論壓力下，單case響裁判法院過堂轉上高院既時候所有學生都終於可以有律師代表，而且全部人有得去驗傷。
過堂既時候我當然代表返我個仔。
鄭議員一臉不耐煩咁同我講：「你知唔知你搞到幾大件事？」
我搖搖頭：「香港係法治之都，我當事人行使自己既權利有乜問題？」
「你唔好得寸進尺，當初唔係驚你搞大件事又見你係自己人先放你入去探班暴徒。」鄭議員道：「你應該好清楚，如果再玩落去，你間firm同你個仔都玩完。」
「你恐嚇我？」我依然用不慍不火既語氣。
鄭議員冇答，但佢頓了一頓，又道：「我應該一早再check清楚…劉學禮原來係你個仔。」
「禮…」我揸緊拳頭，深呼吸一口氣，突然心中湧起一個念頭，再道：「即係…你一早知班學生受到咁既對待？」我好驚訝：「咁對班學生，你有份做決定？」
我一直都以為…你同你既黨友都係真心建設香港…
鄭議員而家既講法…係佢實際上局內人，甚至有份策劃？
「唔好講呢啲，我約你出黎係想同你傾下。」鄭議員又陰濕咁笑左一下：「我比兩條路你行，一條係生路，一條係不生路。」
「你究竟想點？」
「收手唔好再搞咁多野。叫你個仔認罪，指證埋其他唔認罪既人。」鄭議員道：「咁你個仔會判得輕好多，而你間律師樓既生意，我保證會蒸蒸日上。」
吓？
咁即係擺明妨礙司法公正啫？
「至於條不生路…」鄭議員拍下我膊頭：「你係聰明人，應該知我講乜野…」
然後響吧枱擺低啲錢：「今晚我既。」
之後揚長而去。
「…」我揸實個拳頭，喃喃自語：「睇黎搞亂香港既…係你地先啱…」
有啲野，你唔係真係親眼見到，唔係親身經歷過，你係唔會改變。
…
或者…
其實好耐之前，我都應該要知道…
而家只係訓醒…
當一個社會冇晒公義既時候，你賺幾多錢都冇用。
我埋堆、賺錢，想將最好既比晒我個仔，但而家佢已經唔響我身邊。
唔係當權者所訂出黎既標準就係公義，有時候你需要自己去探索、自己去經歴，你先可以清楚明白乜野係公義。
陣陣悔意湧上我心頭…
*
我坐左響自己辦公室入面思考。
呢宗案件好奇怪。
我唔係打開刑事案件，但係我都知道通常唔會咁快排到期正審，有時可能等成年幾兩年都未正式開審，又可能係警察要時間調查唔會咁快上庭。
但係阿禮呢單case…好奇怪，由拉人到轉去高院正審，排期既時間不足一個月，好似想儘快審完佢咁。
控方夠晒料喇咩？
香港既法律下，辯方同樣有權取得控方要用既證據或者文件，但我到呢一刻都收到全部既文件，而正式審訊已經逼在眼眉。
更重要既係，響裁判法院過堂，我身為事務律師可以上庭，但根據香港既法律制度，正審響高等法院開審既時候就要由大律師去代表。
但…問題來了。
我認識同相熟既大律師，全部都係獻世派既…佢地冇可能會幫阿禮打呢場官司。
而且我之前做得咁出位，佢地應該會急速割蓆…
最大既問題係…就算佢地肯幫阿禮打呢場官司，我信得過佢地咩？
咁樣…唯有去搵其他大律師。
最好就係去搵有幫示威者打過官司經驗既大律師，而佢地好多都係親反對派果面既。
咁既話，另一個問題來了。
我之前埋堆幫鄭議員同佢既黨友們助選既時候，得罪左好多呢啲大律師。
就算唔係直接得罪，都間接得罪左好多人。
估唔到，當我個仔有難既時候，我竟然要去搵當年既對手求助。而我自己所信奉既團體，諗都唔駛諗，佢地係唔會幫我既…
不過，諗咁多做乜？
硬住頭皮都要去求人架喇…
真係比人拒絕晒既，先至再諗方法。
到時可能連冇乜經驗既大律師都要搵。
我收拾起心情，拎起所有現階段所有既相關文件，離開辦公室，向各位大狀既事務處出發。
比起電話度問，我直接上去顯得更有誠意，佢地拒絕既機會就相對地細左。
「我出一出去。」我對住我秘書Emily講：「你同然仔佢地睇住個檔口。」
然仔係我其中一個徒弟，亦都係我得力助手。
「冇問題。」Emily笑了笑。
出發。
做得反對派既大律師，應該會有一顆公義既心，唔會因為我之前既政治立場而拒絕我既，right？
（待續）
Ads
葉開葉開
2019-8-6 21:55:23
更新下人物示意圖
人物示意圖
（頭盔：純9up，真人同個故仔角色冇關）
劉律師 - 劉卓仁
:^(
阿禮 - 劉學禮
:^(
鄭議員 - 鄭志城
:^(
本故事純屬虛構，如有雷同，實屬不幸
水嶋杏美係我老婆
2019-8-6 22:04:37
犀利
硬膠鳩
2019-8-6 22:20:28
此回覆已被刪除
呢鋪大檸樂
2019-8-7 07:11:34
:^(
上一頁
第 2 頁
下一頁
我而家響一間叫B's Bar既酒吧。
「你已經接駁到xxxxxxxx既留言信箱，請響咇一聲之後留低口訊…」又係呢把死人電話錄音聲…
「禮，爸爸呀，快啲覆個電話喇。」無奈之下唯有留多次言。
唉。
我再㩒入去WhatsApp畫面，阿禮都係冇覆過我訊息，而且好多都係灰剔。
阿仔已經兩日冇返過屋企，電話同訊息都唔覆…唉，駛唔駛咁嬲呀？
兩父子邊有隔夜仇架？
況且…我講既…應該都係…事實啫…？
係咪讀到大學既後生仔都係咁既呢？
不過阿禮已經失左踪成兩日，真係有啲擔心…
我拎起吧枱上面杯酒一飲而盡。
呢個寶貝仔，由細到大都要有咁擔心既…
記得佢細細小學個陣為左保護同學，同個惡霸學生打架，仲要打到入醫院又記過。
果陣雖然好嬲又好擔心，但係…又有啲開心，覺得個仔好有正義感，啱晒第時同我一樣做律師。
點解佢而家分唔清楚是非黑白架？
「劉律師，唔好意思，等左好耐嗱？」有人拍一拍我膊頭。
「鄭議員！」我企起身轉頭同鄭議員握手：「到左一陣啫。」
其實…已經到左成個幾鐘…
不過，獻世派既議員係唔得罪得，更何況我仲有大把生意要靠佢既人脈？
「唉，你知喇，我地呢排好忙。」中間分界、年約四十幾歲既鄭議員托一托佢副金絲眼鏡：「我地要成日要開會，諗下而家呢個時勢點樣幫政府解圍。」
「唉，班後生仔響度搞亂檔。」我搖一搖頭：「你地個網上聯署，我都有簽。」
「多謝你喇，不過你冇真係填晒你啲個人資料落去吖嘛？」鄭議員個樣有小小幸災樂禍咁。
「唔係一定要填架咩？」我問。
如果唔係你地點確認啲簽名係真？
「呃…係喇，一定要填。」鄭議員個樣有小小嘲笑既意味。
儘管佢好努力咁隱藏。
「唔…」我有啲不是味兒。
「唔好講呢啲喇，入正題。」鄭議員慣性咁托一托眼鏡：「你帶左黎未？」
我將三張律師會幹事選舉既授權票取出，交比鄭議員：「響度。連埋我兩個徒弟既授權票。」
「哈哈，唔該晒。」鄭議員露出滿意既笑容，再將授權票收下：「今次我地上面派出既律師一定會贏出今次既選舉。」
「嗯。」是旦喇，邊個做都唔關我事，佢地響時事議題為政府定民眾發聲都唔關我事，最緊要唔好阻住我搵錢。
最近啲樓宇買賣好旺，尤其是豪宅，真係賺到笑。
不過有咁多生意，都係全靠…
「放心，我有幾個大陸朋友，想響香港買樓，我已經比左你既卡片佢地。」鄭議員笑住咁講：「佢地仲話會搵你幫手開公司。」然後暗暗一笑：「價錢任你開。」
「多謝！」我都滿足地笑了。
「咁你都記得下星期都要黎我議員辦公室搞法律諮詢仲有平安紙講座。」鄭議員不懷好意咁笑：「有好多公公婆婆等住架。」
「梗係冇問題！」用呢啲免費服務黎換取選票…不過我咪當做義工幫下人囉。
邊個選到議員，關我乜野事？
之後我同鄭議員冇再談公事，慢慢咁傾下計，風花雪月一番，話題離唔開最近既示威活動。
「講起黎，尋日有單大新聞！」鄭議員講到口沫橫飛：「警察響葵涌既工業大廈入面搵到個學生示威組織，佢地個單位入整緊汽油彈、TATP同其他爆炸品，話要炸死啲警察咁話！」
「我都睇到，警方都好高調咁拉人！」我諗起無意中見到無○新聞播出既片段，搖一搖頭：「啱架喇，要拉啲人出黎重判，殺雞儆猴先得！而家啲後生仔真係唔得。」
「你個仔好似讀緊港大架喎，」鄭議員又黎陰陰咀咁笑：「佢冇去參加遊行示威吖嘛？」
我個心突然抽搐左一下，諗起前日阿仔出走時既情景，回答：「梗係冇喇！我教出黎架喎，點會去做埋啲咁無謂既野？佢都唔理政治既。」
鄭議員點點頭：「咁就好。佢地真係天真到以為行出黎就可以改變到呢個社會，真係可笑。」
「嗯…嗯…」我仲係諗緊前晚既情景…
「好喇，都夜喇，我要走先。」鄭議員將一疊銀紙拍落吧枱面：「今晚我既。」再拍拍我膊頭：「下次有好野再益你。」
我望住鄭議員離去既身影，嘆左口氣，再望下自己部電話，收到好多WhatsApp訊息，但係偏偏冇一條係阿禮send出黎既。
我忍唔住再打多一次電話。
「你已經接駁到xxxxxxxx既留言信箱，請響咇一聲之後留低口訊…」又又係呢把死人電話錄音聲…
「禮，爸爸呀，快啲覆個電話喇。」無奈之下唯有再留多次言。
已經重覆左幾多次？
阿禮咁大個仔，應該識照顧自己既，唔駛咁擔心…
但係，佢出世以黎，係第一次同我失去聯絡咁耐…
*
返到屋企，咁大間屋得返自己一個，感覺好寂寞好空虛…
自從阿仔入左大學之後，我連菲傭都冇再請，得我地兩仔爺住。
「你已經接駁到xxxxxxxx既留言信箱，請響咇一聲之後留低口訊…」
「禮，爸爸呀，快啲覆個電話喇。」
仔呀仔，你去左邊呀…
諗諗下，其實我地兩仔爺都好耐冇好好咁傾過計…
我掛住賺錢，阿禮掛住讀書…
一日傾到幾多句說話？
前晚難得阿禮返黎屋企食飯，我又掛住睇電視新聞一路食一路鬧…
如果我果晚有好好咁同佢傾下計，分享下我地兩仔爺既日常生活瑣事，佢會唔會就咁走左去？
我合埋雙眼，彷彿見到阿仔細細個既時候，同埋佢媽媽一齊落街，行商場，去美國冒○樂園，玩得好開心好溫馨既畫面…
阿禮佢呢… 細個果陣好鍾意去架。
其實我真係好錫呢粒仔…想比晒最好既野佢…
老婆呀…如果妳仲響度既話…妳會點做呢？
百無聊賴，我取出電話，打開大台既新聞app睇。
呢兩日其實我心不在焉，就算發生左啲乜野學生組織藏有炸藥要炸警察咁大單野我都冇認真睇過單新聞。
我㩒入去，發覺而家大台啲新聞報導其實…都幾冇道德。
連嫌疑犯既全名同資料都寫晒出黎。
以前邊會咁架？
「哈，真係衰，連人地全名同讀邊間大學都寫埋出黎。」我一路掃個電話屏幕，一邊自言自語：「啱架喇，起晒佢地底，等第時佢冇人請佢地。嘿嘿，搞搞震吖嗱…」
突然，我既手指停低左劃動。
…
…
隻手不由自主咁發震…
…
唔係真既…
唔會係真既！
「劉學禮，21歲，港大法律系。」
砰啪！
電話由我手中跌落地上面。
（待續）